انا خاطب من فتره بنت حبيتها جدا لاقصي درجه بس نظرا لاختلاف المستوي الثقافي بين العائلتين لاني من المدينه وخطيبتي من قريه امي كثيره الانتقادات لها و بتضغط عليا عشان اسيبها و بتحاول تقنعني بكده – احنا بنحب بعض جدا بس برضو مش عايز امي تحس اني هتجوزها غصب عنها وهتزعل لو رفضت طلبها وتمسكت بيها ومش عارف اكسب امي واحتفظ بخطيبتي ازاي – وهل امي بتعمل كده بدافع الغيره لاني الابن الكبير مع العلم اني كاتب كتابي عليها يعني في حكم زوجتي – ارجو الرد من اصحاب الخبره – ازاي اخلي امي تحب زوجتي وتبطل تصطاد لها الاخطاء الصغيره وتكبرها//مع العلم اني ماعنديش استعداد اخسر زوجتي مهما حصل
مشاكل الشباب
بحب خطيبتي موت بس امي عاوزاني اسيبها
اضيف بتاريخ: Sunday, September 12th, 2010 في 19:12
كلمات مشاكل وحلول: المستوي الثقافي, ام, حب, خطيبة
لا تترك خطيبتك ابدا
واكيد امك بدافع الغيرة القوية
طيب كيف حصل نصيب من الاول يعني امك ما كانت موافقه من الاول و لا بعد ما شافتكم بتحبو بعض صارت تتحجج عشان تترك اذا كان كده فهو غيرة مو اكتر و امك راح تتعود على وجودها معك
والله يوفقك
السلام عليكم ورحمة الله وبركاته اخى فى الله اقول لك ردى لكى يكون لك عون فى ايجاد حل لمشكلتك هذه الفتاة التى احبها قلبك لما تختار المكان الذى نشات فيه واذا كانت من طبقة متوسطة ثقافيا فهذا ليس عيب فيها وانت مااخترت ان تكون من سكان المدن ولكن كان لك الاختيار فى ان تختار هذا الفتاة التى احبها قلبك ونصيحة لوالتدك بلاش تعيب وتنتقض حبيبة وزوجة ابنها بجد وبدون احراج زى ما هى بتنتقض ربنا يبعت اللى يعمل فى بنتها كده وبلاش مامتك تظلمها واتمسك بيها وخليك على موقفك مامتك تزعل شويه وبدافع الامومة هتحن ليك ولزوجتك لكن الحبيب صعب كنوز الدنيا تعوضه من قلب بنت عاشت واتحرمت من حبيبها اسفه للاطالة مع تمنايتى بدوام الحب والزواج السعيد
بصراحة انا شخصيا شايف انك تكمل مع خطيبتك ،
وربنا يسعدكم ويوفقكم
اخى نصيحة لجه الله اسمع كلام امك بحزافيره وذلك عن خبرة حدث لى نفس ما حدث لك واصريت على رائى وكانت النتيجة طلاق لان الم ترى ما لا نراه نحن وكثير من رؤاها لا تستطيع ايصالها لك فقط تصر على الرفض قلب الام دليل ما بعده دليل لم تندم اذا سمعت كلام الام ونفذته وستندم اذا كان العكس ربنا يهدينا الى ما هو خير ولك الود
اخي العزيز اذا اردت ان تكون حياتك سعيدة ٠اتمنى ان تتابع المشور مع من تحب
ازاى تفكره تسبها بعد اما بقت زوجتك حاول ان تحببهم فى بعض وتصلح الامور بينهم
با انت لازم تتمسك بحببتك ولا تتركها وضلك خاطبها واتجوزها وانت عليك تفهم خطيبتك انها لازم تتحمل اي شي لو كانت بتحبك وصدقني بعد ما تتجوز وتكون مراتك كويسه جدا مع امك وتستحمل كل حاجه منها اكيد اكيد امك حتحب مراتك بس انت لازم دايما تصبر حبيبتك وتفهما انه انتو هتصبروا عشان يكمل حبكو
اسمع كلامها وسيبها والله هو دا الصح
aolk aked mmtk mstktrak 3leha we de gera ms akter fe amht kda bas m3a al3sra hthbha we htbtk thwel tksbha aw3 tsbha le ae sbab tlma bthbo b3d
انت بجد ماعندكش استعداد تخسر زوجتك اعتقد لو انت فعلا مش عايز تخسرها ما كنتش استشرت حد طبعا كلنا عارفين ان طاعة الاهل واجب بس دى اصبحت زوجتك وهى لو انسانة صالحة وبطيع ربها صدقنى تبقى دى فعلا حسنة الدنيا ليك واخاف انك تظلمها تفضل طول العمر بدور عليها بعد ما تكون فى عصمة رجل اخر
حاول تهدى من الجو بينها وبينوالدتك وكلم والدتك بكل لين وحببهم فى بعض صدقنى اى علاقة فاشلة بين الزوجة والحمى سببها الزوج اقنع امكوقولها يا امى انتى ست الكل وعمر ما حد ياخد مكانك بس دى قدرى وربنا سبحانة وتعالى اخترها ليا وحنن قلبها بكلمتين وخلى كمان زوجتك تعمل كدا اشتريلها هدية وفهمها انها من زوجتك وقبل دة كلةاستخير الله عز وجل هو القادر على ان يحل مشكلتك ماخاب من استشار ولاندم من استخاروياريت انت تبتدى تعلم زوجتك وتثقفها واالله الموفق