امى توفيت من 21 سنه كنت وانا واخواتي صغار وبابا اللى ربانا وما رضى يتجوز وعلمنا كل شئ انا واختى واخويا لغاية ما كبرنا اخويا اتجوز واختى اتجوزت من شهرين وتوفيت من 4 ايام وانا مغتربه ماتت اختى اللى مليش غيرها اخدت كل شي حلو معاها وانا بموت من غيرها وبدعى ربنا يعجل لى واروح لها لأنها كانت كل حاجه وشغلى وغربتى عشانها جهزتها من كل حاجه ما خليت نفسها فى حاجه بس ماتت اختى حببتى وسابتنى وحيده تايهه قولولى اعمل ايه ارجع مصر أعيش مع بابا اللى لوحده واسيب شغلى اللى نويت اعمل براتبى كله صدقات جاريه على روح اختى اللى خدت قلبى معاها واطلع بابا عمره ليها وليه ولا ارجع مصر ومش عندى شغل اتصدق بيه واعمل اللى هعيش عشانه بس الصدقات الجاريه لاختى والعمرات اللى ما هقطعها ابدا لغاية ما اروح لها مشكلتى بابا مش عايز يعيش برا مصر ويسيب بيتنا وانا تايهه مش عارفه اعمل ايه انا تهت من غير اختى حببتى اللى كانت بدبرلى امورى وترتبلى حياتى هى كانت الأم فى البيت بعد ماما بالله عليكم قولولى الصح فين انا تايهه أرجو الرد بالله عليكم الدعاء لاختى بالرحمة
اختي الفاضلة اعتصر قلبي الم وحسرة على كل ماحصل لك واسال الله الكريم ان يرحم ويغفرلاختك المتوفية ويسكنهافسيح جناته ويلهمكم الصبروالسلوان وانالله وانااليه راجعون ودي سنةالحياة الموت علينا حق ماحدش يفر من قضاءالله وقدره عليه كل نفس ذائقةالموت وانت مؤمنة بالله عزوجل ولاتعترضي اوتسخطي من قضاءالله وقدره ادعي لاختك بالرحمةوالمغفرة على الدوام وتصدقي عنها واقري لهاكل شهر ختمةمن القران لروحها وروح امك مسالة ان ابوك عايش لوحده في مصر ولايريد ان ياتي للعيش معك فمن الواجب ان ترجعي له وتعيشي معه في مصر وتتركي الدنيا كلهاعشانه هذامن البروالاحسان اللي امرناالله عزوجل به تجاه الوالدين واوصى به الله ورسوله احمدي الله ان اباك عايش فدي نعمةكبرى غيرك محروم منها فعودي الى اباك وارتمي تحت رجليه وارضى بالعيش معه وتاكدي ان الله عزوجل راضياعنك ومرضياوموفقك لكل الخيروالصلاح والسعادة في حياتك كلها ولك في الاخرة اجرعظيم رضاالوالدين من رضاالله عزوجل وتاكدي ان الله سوف يكرمك ويعطيك من واسع فضله وكريم احسانه مالايخطرعلى بالك الله الله في ابوك احق الناس بك بورك فيك من بنت صالحة ووفقك لكل مايحبه الله ويرضاه وسترك في الدنياوالاخرة وحفظ لك اباك ومتعكم بالصحةوالعافية في الحياة
اختي هزتني رسالتك كثيرا فرفقا بكي وبمشاعرك فالموت حقيقه قاسية لايمكن الفرار منها .دعواتك دائما لاختك بالرحمة والمغفرة ولكن لماذا لم تتكلمي انتي عن حياتك هل متزوجه هل لا تفكرين في ذلك … لماذا لا تفكري في حياتك بشيء من الواقع حاولي أن تبداي حياتك الخاصه واختك هي في القلب لأن الحزن في القلب ادعي لها دائما بالرحمة والمغفرة. … وربنا يوفقك