عشت مع زوجي 13 عام بالأردن – يوم شبع ويوم جوع حتى المرض كنت اصبر عليه عشان مفيش حق العلاج كافحت معاه وصبرت على العيشة حتى ربنا فتحها عليه ووسع رزقه واشترى عربية وبعدها اتغير الحال وحصلت مشكلة كبيرة بينا وكانت اول مشكلة يتدخل ناس في حلها وحتى وصل الموضوع للسفارة المصرية وهناك سألوني تنزلي مصر مع جوزك عشان تحلوا مشاكلكم انا وافقت وهو قال هي تنزل مع البنات وانا هاصفي اعمالي وانزل وراهم ونزلت مصر انا وبناتي من 13 سنة وهو لا بيسأل ولا حتى ارسل لنا قرش واحد حتى التلفون كان بيقفل السكة في وجه بناته واحده كان عمرها 11 عام والثانية عمرها 6 اعوام وعشت مع بناتي مشوار عذاب كان ربنا بيهون علية الصعاب وبيرزقني برزق ولادي ودلوقتي واحدة معاها ليسانس كلية ألسن والثانية في سنة أولى جامعة كلية اداب والمشكلة دلوقتي اني طول السنين كان تفكيري كله في بناتي ونسيت نفسي حتى الطلاق لم اطلبه عشان مفيش راجل غريب يدخل على بناتي ودلوقتي بناتي اتغيروا معي واصبحت معاملتهم معايا قاسية جداً وبدأت اشعر بالوحدة الحقيقية حتى في وجودهم معي ولما اتكلمت معاهم ليه المعاملة دي معايا هاجموني بالكلام واحدة قالت لي انتي غبية عشان صبرتي السنين دي كلها من غير طلاق والثانية قالت لي انت مش بتفهمي وده اسلوب كلامهم معايا الزعيق والبهدلة واستخدام الفاظ جارحة منهم لي واحيانا كتير بيقولوا لي اخرجي من حياتنا وانتي معرفتيش تقومي بدور الأم معانا ولم بسأل ايه المفروض اني اعمله وما عملتهوش يردوا عليه واحنا نعرف ازاى هو احنا كنا امهات قبل كده مع العلم اني طول عمرى كنت اتعامل معاهم معاملة حسنة وكنت دايماً اوسع عليهم من كل رزق جديد ارزق به وعمرى ما حرمتهم من حاجة ولاعمري حتى اذكرهم ان ابوهم تخلى عننا وكنت دايماً اتكلم عنه باحترام ولا اسمح لواحدة فيهم تشتم او تغلط بكلمة عليه عشان يتعودوا ان الأب والأم ليهم احترامهم حتى في أسوأ الظروف وللأسف دلوقتتي بنتي الصغيرة نزلت اشتعات وبترجع من الشغل تقفل على نفسها باب غرفتها وحتى الكلام معايا مفبش خالص ولا حتى صباح الخير ولما اسألها عن اى حاجة خاصة بيها تقولي مش لازم تعرفي وانتي بتسألي ليه وحتى دخلها الشهري معرفش عنه حاجة برغم اني والله عمرى ما بخلت عليها ابدا وكمان اكتشفت انها بتشرب سجاير وما دخاتش امتحان التيرم الثاني ولما اكلم اختها بتقول ان انا السبب وبتهاجمني بالكلام وكل طلبهم مني دلوقتي اخرجي من حياتنا وروحي عيشي حياتك ! حقيقي انا كتبت مشكلتي باختصار شديد لأن فيه تفاصيل كتيرة وظروف صعبة مرت علية وصعب اني اكتبها كلها انا دلوقتي خايفة جداً من ردود افعال بناتي معي بيتهموني اني بلف وادور بالكلام واني مش بفهم وان انا وصلتهم للحالة دى و بجد انا مش عارفة افهم كلامهم ولما بادخل شخص تاني معايا عشان يحاول يكلمهم ويفهمني هما بيرفضوا ان حد يتكلم معاهم لا قريب ولا غريب وبيتطاولوا عليه بالكلام لما يعرفوا اني اتكلمت مع اي شخص لو حد فيكم شايف الصورة يحاول يفهمني ايه اللى بيحصل معايا عشان انا مش قادرة استوعب تصرفات بناتي معايا ازاى بيطلبوا مني اروح اعيش حياتي وهما بيعاملوني احقر معاملة وبيغلطوا فيه وهما كانوا زمان عمرهم ما كانوا يعرفوا يناموا وهما حاسيين اني زعلانه منهم كانوا طول الليل يصحوني من النوم عشان يعرفوا ان كنت راضية عنهم ولا لأ ! حد فيكم ينصحني بارك الله فيكم وفي أولادكم
اختى الكريمه .
ان ما نعنيه من تقنيه ونقافة تكنولوجيا العصر وطرق الاستخدام الخطاء الناتج عن جهل لهذا الجيل الصعب اولا اختى الفاضله جزاكى الله كل خيرا على ما فعلتى تجه اولادك بس احب اطمنك انه سن مراهقه وبما يمر به الابناء من تغير جسدى وعقلى ويجب التعامل معه بحظر ودقه كثرة الدروس والمواعظ والخوف عليهم من اصحاب السوء بستمرر تسبب لهم بعض الملل والكئابه ويجب التعامل معهم بهدواء وليست بعصبيه لان ما يمر به تكوين جسمانى ونفراض بشخصيتها ولا تقبل ابدا تدخل اى احد فى حياتها او عالمها الخاص بها حتى ولو الاب موجود فيجب حل جميع المشاكل بهدواء تام بالنسبه للام فيجب مصاحبة ابناءها خاصة البنات ويستحسن الا تدخلى مباشر وجه لوجه الافضل ان تطلبى من قريب او جار او صديقه لها متدين او متدينه فى التدخل عن طريق غير مباشر يعنى متعرفهمش انك انتى اللى طلبتى منه ذلك توعيهم من الناحية الدينيه والاخلاقيه وان شاء الله كل مشكله وليها عند رب العباد حل فلذلك احتى الفاضله اطلب منك استعمال الذكاء كى تتمكنى من حل هذه المشاكل وتجاهلك نحو الله والدين والصلااه امامهم والله يعينك عليهم ويسترها عليكم وعلينا .
مبدئيا احب اقول لحضرتك ان بناتك مش طبعين لان قلب البنت غير قلب الشاب والمفروض منهم غير كده
ثانيا وده الاهم ايه اللي وصل بناتك لكده مش تقولي مش عارفه لانك بجد فعلا ام فاشله
باختصار شديد حاولي تتجسي علي اولادك ولادك هتلاقيهم ضايعين وملمومين علي شله صايعه سواء شلت بنات او شباب وربنا يسترها خصوصا انك قولتي ان فيهم بنت بتشرب سجائر دي في حد ذاتها كارثه لان من الصعب جدا معا البنت تعمل كده لازم يكون في تاثير خارجي عليها
ثالثا الحل فيه طريقين اثنين للحلول الاول الترغيب والثاني الترهيب ياريد تتوصلي معايا لحل مشكلتك وشكرا
انا سمعت حكايات كتيرة زي حكيتك و السبب انك كنتي مع بناتك حنونة زيادة( دي وجهة نظري ) و انا من رأيي تختبري بناتك تعملي نفسك مش مهتمة بيهم حتى لو غصب عنك او ازا كنتي متئدريش تزعليهم حاولي انك تعملي كل الحاجات اللي هم بيحبوها و دايما تفكريهم بالأم و أد ئيه الام آالية و إن الجنة تحت اقدام الامهات و كده بس بطريقة غير مباشرة
الى اختي صاحبةالمشكلة بعدالسلام عليكم ورحمةالله وبركاته ولاحول ولاقوةالابالله العلي العظيم كان الله في عونك وصبرك على ماابتلاكي من زوج لايقدرتحمل المسووليةوهاجرك طوال 13سنة من غير مايسال عنك ولاعن بناته ولايعطيكم مصاريف اونفقة وحسابه على الله عذاب اليم وسوف ينتقم الله منه ان كان في الدنيااوفي الاخرةولن يغفل عنه ابدا اما بناتك فماذاهذالجحودوالنكران والعقوق بدلامن يبوسوالارض التي تحت قدميك ويقومن بالبروالاحسان اليك ويقمن على خدمتك وقضاءحاجتك بعدماضحيت من اجلهن وربيتهن وكبرتيهن وعوضتيهن عن فقدان ابوهن رغم انه حي وعلي قيدالحياةولكنه تخلاعنهن اقول لك وفيت وكفيت وماقصرتي معهن ابداووصلت بهن الوقاحةوقلةالادب الى هذالحدمن المعاملة الغليظةوالقاسيةوالجحودوالنكران اشتري راحتك وسعادتك وخليهن بلحقن باابوهن فورا علشان يعرفواقدرك وقيمتك وتاكدان ابوهن احق بتربيتهن منك وملزومات منه شرعا لانه بناته ومش حيقولوا دول بنات الست دي ولكن دول بنات الرجل ده فلان بن فلان وانت اديت رسالتك معهن امام الله وامام كل الناس لاهناوكفاية كثرخيرك دعيهن يذهبن للعيش مع ابيهن ويتحملن مسووليتهن وتبعات جحودهن وتنكرههن ليك ودي سنةالحياة الام تربي وتتعب والاب يحصل على الجاهز وشوفي مش بيستغنواعنك صدقيني حيرجعوالك وكلهن اسى وتاسف وندم على ماحصل منهن معك والحياةتجارب واللي مايعرف قيمةالشي مايحافظش عليه وحيندم طوال عمره واللي مش متربي ومتادب الحياةتربيه وتودبه ربي يعوضك خير ويهدي بناتك ويصلحهن ومايحرمكيش منهن ولايحرمهن منك بس لازم يتادبوا ويعرفوا الحقوق والواجبات اللي عليهم اخوكي ابوبتول