تفسير الاحلام

رؤية الشخص الذى احبه فى المنام

انا طلبه فى 2 كليه وبحب واحد زميلى جدااااا بس الحمد لله معملتش اى حاجة تغضب ربنا ولا كلام ولا تليفون ولا مقابلات ولاى اى حاجة من دى الحمد لله بس مش متاكده من حبه سواء بيحبنى ولا بعتبرنى اخته ولا بيكرهنى اصلا كلامنا دراسى مش اكتر واخر مره ناو احنا كنا متخانقين ومفيش كلام نهائىا
المهم الحلم ان ا حلمت انى بتفرج على فيديو فيه الشخص الى بحبه ده ومعاه واحد زميله معانا فى الكليه بردو وانا اعرفه بردو معرفه سطحيه يعنى المهم هو كان فى الفيديو بيوزع حاجات على الفقراء والمحتاجين وزميله ده كان شايل شنطه وبيديله الحاجاه الى بيوزعها فى ايده وهو بيديها للناس فبعد ما الفيديو خلص انا كنت خارجه من باب الغرفه الى معروض فيها الفيديو فهو كان ورايا تقابلنا عند الباب وسعتها مكنتش بكلمه بردو فانا بدات الكلام وقولتله على فكره الفيديو دا تحفه بس حرام عليك تبين الناس الفقراء كدا وتضيع ثواب الى بتعمله انا مش فاكره الرد سعتها بس كملنا كلام عادى وخرجنا من الغرفه لقيت نفسنا فى مكان فى احواض غسيل الوجه واحنا كنا بنغسل ايدينا على الحوض وبنتكلم وهو كان بيكلمنى لقى بنت فى النص يعنى انا على حوض وهى على الحوض الى جنبى وهو على الحوض الى جنبها فهو لما شافها انخض وسكت ومتكلمش وبعدين خرجنا بعيد عن الغرفه الى فيها الاحواض وخرجنا لجنينه كدا زى مدخل لجنينه بيت فيها نازله كدا زى النزله العربيات علشات تسهل نزول العربيات الى بتكون مائله المهم الجو ساعتها كان دافى شويه وكنت حطه ايدى فى جيبى وهو كان لابس تيشرت انا بحبه جدا وبحبه عليه جدا وسعتها كنا بنتكلم ونازلين من المنزل ده وبنت عمتى كانت واقفه فى نهايه المنزل ده وهو كان معايا سعتها وسعتها فاجاة لقيتنى بحط دماغى على كتفه وهو بيطبطب على راسى وعلى كتفى وانا سعتها كنت مستغربه جدا ازى نعمل كدا وخصوصا ان ينت عمتى واقفه وهى اصلا متدينه جدا ووالدها شيخ وكنت منبهره فى الحلم انى ازاى اعمل كدا وبنت عمتى واقفه بس االموقف مره عادى واتكلمنا احنا التلاته ومع العلم ان بنت عمتى كانت واقفه عند المنزل ده بتستقبل الناس بس مبنش فى الحلم ساعتها الناس كانت بتيجى ليه وخلص الحلم على كدا ”
ياريت التفسير السريع للحلم ضرورى

مشاكل وحلول ذات صلة

اضيف بتاريخ: Wednesday, March 13th, 2013 في 10:27

كلمات مشاكل وحلول: , , ,

ردود to “رؤية الشخص الذى احبه فى المنام”

  1. ابوالبتول
    10/09/2016 at 16:53

    اختي تفسيرالحلم بتاعك نشاءالله خيررايتي وشر كفيتي شريط الفيديو اللي رايته في المنام يدل على حياتك الزوجية مع هذالشخص اللي تحبيه ويعنى قرب الزواج لكما وانه يوزع حاجات على الفقراءوالمحتاجين فيدل على صلاح دينه واحواله وانه يتقي الله ويحب عمل الخير والشنطة تدل على الخيروالرزق وسعة العيش وتحقيق الامال ان كانت مملوة اما ان كانت فارغة فتدل على تعثر الامال والخيبة والحسرة والغرفة تعني بيت الزوج والزوجه والاولاد وتدل على الامان والحوض اوالاحواض تدل على الطهارةو الاغتسال والبنت تعنى الدنيا كثرة الهموم والمتاعب وانه انخض يدل على خوفه من الله والسكوت يدل على عدم الاهتمام بها اوالتدخل في شي لايخصه وخرجتم للجنينه يعنى الخضرة والجمال والهواالنقي والنزلة يعنى حصول امرقد يعيق حياتكم لكنه يزول وينتهى وانه لابس تشيرت اوقميص وانت تحبين لابس هذا عليه يدل على الاستحسان والتفاهم والرضا بينكم وان بنت عمك شافتكم يعنى انها عارفة بعلاقتكما وتحب الخيروالسعاده لك وانت حاطه دماغك على كتفه يعنى حصول المودة والالفة بينكما والتقارب والارتياح وهويطبطب على راسك وكتفك يعنى مايحصل بين الزوج وزوجته ويعنى الطمانينة والارتياح والانسجام وان بنت عمك تستقبل الناس يعنى المعازيم والمباركين زواجكم والله اعلم

اترك رداً أو حلاً لهذه المشكلة