حاسة باكتئاب فظيع وبحب ابقى لوحدي على طول ومبحبش حد يقرب مني علشان محدش بيفهمني بجد وحياتي كلها متهدورة علاقتي مع اهلي في البيت باردة وصحابي في الجامعة كل يوم بنصدم فيهم وهم السبب اني مبروحش الجامعة بجد بقيت بكره نفسي وبتمنى اموت وارتاح نفسي حد يفهمني ويقولي اعمل ايه علشان حياتي ترجع حلوة زي زمان ياريت تساعدوني بجد تعبانة اوي يانااااس
انتى قلتى حياتى ترجع حلوه زى زمان… خلاص شوفى ايه اللى اتغير فيكى ورجعيه تانى او ايه اللى طرأ عليكى وخلاكى كدهزانصحك حاولى تقربى من ربنا شويه
با حبيبتى انتى عاملة فى نفسك كدة لية دى ايام شبابك لازم تعيشيها وانتى مبسوطة ممكن تكون مشكلتك انك مش عرفة تتكبفى مع الناس الى حوالبكى او انك عايزة كل حاجة حوليكى تبقى صح وذى ما انتى عيزة بالضبط بس دة مش بيحصل ولو استعنتى بالله واستحضرتى جلالتة كل ما تكونى مضايقة هترتاحى جربى تتكلمى مع ربنا وفضفضيلة بصوت اتكلمى وردى على نقسك اسالى نفسك مالها اية الى مضايقها صحبيها وطمنبها الاكتئاب بيجى من ان الانسان مهمل نفسة مش بيتعامل معاها مش متصارح معاها جربى لما تغلطى فى حق نفسك ( مثلا لو سمحتى لحد يهينك بكلمة) انك انتى الى تصلحى نفسك بجد لو اتصلحتى مع نفسك هتتصلحى مع الناس كلها
أنا مختصة نفسية و قرأت مشكلتك بالصدفة أثناء بحثي عن أمر ما. ما تعانين منه هو بسبب ما يحدث بداخلك و ليس بسبب الآخرين و أنت الوحيدة القادرة على تغيير نفسك لتغير العالم من حولك بشكل رائع.فالتغيير يبدأ من الداخل.لكن لكي لا يضيع جهدك و ووقتك و راحتك يجب عليك أن تعتمدي على مختص نفسي أقول مختص نفسي و ليس طبيب نفسي. سيساعدك بطريقة مقننة و مدروسة لا يمكن للإنسان الذي لم يدرس علم النفس أن يهتدي إليها لا أهلك و لا أصدقاؤك و سأتجرأ لأقول و لا حتى عالم دين لأن القلق النفسي يصيب حتى المؤمنين و لا يتنافى القلق مع الايمان.
أعرف أنك تحسين أن ما يصيبك هو أفضع شيء في العالم و هذا خطأ لأنني لطالما تعاملت مع المصابين بالقلق و كانوا يظنون أن ما يعانون منه لن يفهمه أحد و لن يحسه أحد لكن ما يعاني منه الإنسان من مشاعر سلبية و مشاكل نفسية هو محصور و مقنن عند الأخصائيين و عندما ترتاحين من قلقك ستضحكين على نفسك فيما بعد لأنك ضخمت معاناتك.أنا أستعمل العلاج المعرفي السلوكي في معالجة القلق و الاكتآب و هي طريقة سريعة و فعالة للقضاء على القلق أو الإحباط. المهم أهم ما أنصحك به هو الوصول لمختص نفسي جيد و فقط و صدقيني ستدعين لي.أنصحك أيضا بعمل دورات تدريبية في الاتصال “البرمجة اللغوية العصبية” و أعدك أن حياتك ستأخذ منحى آخر و أنصحك بالمطالعة مثلا كتب أنتوني روبينز و طوني بوزان و تابعي حلقات طارق الحبيب.
اهم حاجه انك تدورى ع الحب الحقيقى وانك تسيبى نفسك لمشاعرك وتحاولى تشوفى اللى بيريحك
على فكره قبل أى حاجة أنا كان عندى نفس اللى بتعانى منه , بس دا كان بسبب قصة حب فاشلة من بتوع اليومين دول , المهم أهم حاجه أن متعزليش نفسك عن الدنيا حاولى متتجاهليش كل حاجه بسهولة كده وقابلى الحياه بواقعيه , اتقربى من ربنا قبل كل شى وصلى , قربى من أهلك وحاولى أنك تكون موجودة فى الصورة مش أنتى اللى تكونى بتصورى , طبعاً أنتى فهما كلامى حاولى تشاركيهم فرحهم مشاكلهم حاولى تكونى موجودة بالفعل , وبالنسبة لصاحبك اللى فى الجامعة اللى بتتصدمى فيهم أنا مش عارف تقصدى ايه بمعنى ” بتصدمى فيهم ” المهم انا على فكرة مخلص كليه وكان عندى زمايلى وصحابى واخواتى خدى بالك من الكلام زمايلى اللهم معايا بكلمهم ازيك ازيك بس , وصحابى اللهم قريبين منى اللى أختارتهم يكونوا صحابى , اما بقا اخواتى اللهم فعلا أخوات فى وقت الشدة والفرح جنبى , فإنتى المهم من دا كله أنك تكونى واثقة تمام الثقة فى نفسك وانتى هتقدرى توقفى كل واحد فى حجمه وهتقدرى تعرفى من اللى تكون صاحبتك ومين اللى يكون أخوكى ومين اللى تبعدى عنه , وزى مقال “ديكارت” أنا أفكر إذن أنا موجود , وانتى هتعرفى هتعملى أيه المهم تكون على ثقة تماما من نفسك أنك طبيعية 100% وعلى رأى المثل الرجولة… مواقف , والندالة… دروس , المهم علشان أنا اتكلمت كتير وجالى صداع انا واحد من الناس مريت بنفس اللى حصلت والحمد لله قدرت اتخطاه , واللى هيساعدك على كده بسرعة شوفى أكتر واحدة صاحبتك مين واتكلمى معاها وفضفضى عن نفسك , والله يبنتى دا مش كلام أنشا , أعملى بيه وهتشوفى النتيجة… المهم متنسيناش بالحلاوة …بيس
صحابك اللى بتصدمى فيهم دول بتهيالى سبب انك تروحى الجامعة مش تهملى حياتك ومزكرتك انتى بتروحى عشانهم ولا عشانك روحى وغظيهم والضربه اللى متكسركيش لازم تاءويكى وصحبى غيرهم بس متديش حد الصفه اوى ولازم تعيشى حياتك وقوى علاقتك بامك وبوسى ايديها وساعديها فى البيت وشاركى فى الحياه خليكى ايجابيه واتقربى من ربنا هو الحبيب والصديق الوفى
الحل انك تبتدي تصلي مع نفسك وتسمعي دروس دينيه في التلفزيون وتسبحي الله بطمانينه هتلاقي اتغيرتي وحصل عندك استقرار بعديها مخك يبتدي يبقى عنده فرصه يفكر صح لوحده ……..الحل دا ناس جربوه في الواقع واتحسنوا نفسيا فعلا
انتىشكلك عندك مشكله ومش كتباها وهى اللى صدماكى نصحتى ما توثقيش فى حد وقربى من الله وخدى الحياه بشكل مريح واستمتعى بيومك ولا تشيلى اى هم ولا تفكرى كتير بالمستقبل وتوكلى على الله
ان شاء الله ربنا يهديكى ويصلح بالك