انا فى تانية كلية اتعرف على شاب فى سنة اولى بس والله لم اتعرفت عليه كنت بعتبرها اصحاب واخوات ومكنتش بفكرة فى موضوع الارتباط معاه المهم بقين اصحاب اوى لان انا كنت فى مشكلة وكان بيحاول يحلهالى وبعد فترة اتغير الحال وحسيت انها معجب بيه وانا بصراحة الفترة دى برضة اعجبة بيه المهم هو حبنى من حوالى 3 او 4 شهور وكان خايف يعترف ليه لان كان خايف يخسرنى كصحاب المهم اعترف ليه وارتبطنه ببعض المهم بعد لم ارتبط ت بيه شفت وحده من صحابه كان يعرفها من 3 ايام وعرفت كمان انها معجبه بيه المهم البنت دى كانت بتحاول تقرب ليه اوى وكانت بتحبه فى الفترة الصغيرة دى المهم انا اول مرتبط بيه بصراحة مكنتش مهتميه بيها خاالص ولا بحسسها انى بحبه لان كان اول ارتباط ليه ومكنش ليه اى تجربة قبل كده للاسف البنت دى اعترفت ليه انها بتحبه وهو مش قال ليه وعرفت بعد كده منه لم كنا متعركين وكانت العركة بسبب البنت دى وهو اصلا مش بيشوفنى فى الكلية غير مرة او مرتين فى الاسبوع هى استغلت الوقت ده والوقت اللى كنت بعيد عنه ومش بهتم بيه وحاولت تتقرب ليه المهم بعد كده حاولت اهتم بيه وبيقت بكلم اكتر من الاول بكتير اوووووووى بس للاسف ان قرب فى اخر وقت البنت دى بقيت بتتصل بيه كتير اووووى وهو مكنش بيرد عليها المهم بعد ارتباطنا بشهر ونص طلع رحلة هو وصحابه والبنت دى طلعت الرحلة وللاسف حصل اللى متوقعتهوش انه عمل معاها علاقة بس مش بمعنى علاقة اوى على الرغم انه مش بيحبها وان مستحيل يفكر فيها فى يوم المهم فى نفس اليوم وبعد اللى حصل بعتلى رسالة انه مش حيظلمنى معاها وان مش حينفع نكمل مع بعض وبعت بعد كده رسايل تانى المهم لم قبلت عشان اعرف السبب عرفت السبب ده هو كان حالته وحش اوووووى اتاسفلى كتير اوووووووووووى لدرجة انه عيط وقال انه لسه عاوزنى بس انا رفضت انى ارجعه تانى على الرغم انى وثقة مليون فى المية انه بيجبنى اووووووووووى انا دلوقتى حاسه بذنب وبقول ربنا بيسامح وانا اللى مش حسامح هو دلوقتى صعبان عليه اووووووى لانها تقريبا حالة مضمرة والمشكلة ان امتحاناتها بعد شهر وكمان صعبان عليه عشان هو وحيد مامته وباباه صعبان عليه يشوفه ابنهم الوحيد حالته كده انا بجد مش عارفة اعمل ايه
اسفة اوووووووى انى طولت عليكم بس بجد انا محتاجة لردودكم اوووووووى
مشاكل الحب
حسه بذنب محتاجة ردودكم بجد
اضيف بتاريخ: Sunday, December 5th, 2010 في 13:13
كلمات مشاكل وحلول: ارتباط, اصحاب, الجامعة, بنت, مشاكل الحب
اختى العزيزة ..اعلمى ان ما عند الله لا ينال الا برضاه . وانت على مشارف فتر ة الامتحانات فان كنت تريدين توفيق الله فابحثى عما يرضى الله نعالى ولن تجدى رضا الله الا فىما احل .تخلصى من هذا الذى لم يراع غيبتك ولم يصدق حتى مع الاخرى فهو لم يخنك انت فقط لكنه لعب بمشاعر اخرى حتى وان كانت هى تشاركه فى الخطأ ..اختى العزيزة اتق الله وانتبهى لمذاكرتك واسألى الله العون……….
من ترك قلبي وكان سيده لن يعود له وان سار عبدا
ده بيلعب لو هتكملي استحملي سوري
اللى يخون مرة يخون الف و عن تجربة
انا رأيى انه صارحك لانة خاف انك تعرفى من غيرة وعمل موضوع الندم دة تمثيلية يضحك عليكى بيها -صدقينى اتا اتعرضت للحاجات دى وكنت بصدق لكن ندمت دلوقتى
هى جملة واحدة حتقوليهالة (لو عاوزنى اطلبنى من اهلى )وبعد كده انهى علاقتك بيه وحتعرفى وتتأكدى انه شاب مستهتر -ولو هو بيحبك فعلا كان مستحيل يقرب من غيرك لان اللى بيحب ببساطة مبيشفش غير حبيبة
دى علاقه فشله من البدايه لانه انتى هاتخلصى تعليم بعده هاتقعدى تستنى لما يخلص بعديكى والجيش والخ……….
ده اصلا لو كان كويس هو ياربى فى انسان يعرف ربنا يعمل علاقه مع واحده وبتقلو ربنا مسامح طب ممكن بعد كده يعمل معاكى انتى كده وقولى برضه ربنا مسامح وهو لزم يحس بزنب بس مش معنى كده انو مش هايعمل كده تانى انا هاقوللك حرام عليكى اهللك ولو خايفها على دراسته أذاكان هو مش خايف على نفسه
أختى العزيزة ،
لو كملتي العلاقةدي يبقى هتهيني نفسك وهتدوسي على كرامتك
بالتوفيق
سلاموا عليكوا وازيكوا .. واستاذنكم ارد ..
الموضوع ده كتير بيتكرر . ودايما برجع السبب لقلة الخبره .. واهى تجربه وبنتعلم منها مش عيب .. لكن العيب اننا منتعلمش .. هذا الشاب لايعلم معنى المسئوليه .. وخطأه من وجهة نطرى انه غير مغتفر على الاطلاق .. ولو كنتى بتحبيه حب جنون .. مش باعنى لا ابقى عليه .. ولا مبرر للخيانه .. كان المفروض عليه لو بيحبك بجد على حد قولك .. انه ميتعملشم عاها باى شكل من الاشكال .. لانه مجرد التعامل مع واحده بتحبه فاكيد هيتطرق الحديث الى ماهو ليس بمرغوب منك اطلاقا .. ارجوكى ان تتعاملى مع مثل هذه المواقف بالعقل وفقط .. نظريتى التى توصلت اليها بعد خبره ادعى انها ليست بالقليله بالتعامل مع الناس .. ان دائما لابد ان يكون قبطان سفينتى هو العقل وليس القلب .. وليس معنى كلامى ان القلب ليس له دور .. فمثلا ان حب قلبى فلامانع .. ولكن نسال العقل الاول هل هذا الحب منطقى ؟؟ فان رفض .. فهو الاصح وان وافق فاهلا به حب واهلا به علاقه لابد ان تكون مشروعه .. قابلتى موقف فتعلمى منه … ولاتحاولى ان تخطاى فى نفس الموقف .. فمجرد تفكيرك فيه بهذه الطريقه .. اسف هذا خطأ .. اسف للاطاله .. وان رايي لم يصب فا اسف لكنه رايى لااتنازل عنه .. الا اذا اقنعنى اخر .. وسلاموا عليكوا
اولا اختى العزيزة مش كل العلاقات التى تتم فى الجامعات تكتمل ثانيا الطبيعة البشرية لاى رجل انه بيحب ان يكون هارون الرشيد ومن حولة الجوارى اسف على التعبير لكن مادام مبداء عمل علاقة مع فتاة اخرى موجود وهو على ثقة بحبك لة فلن تكون الاولى والاخيرة ولكن ربما تكونى انت الثانية فاحذرى منة سوف تقابلين من يكون خير حافظ لتلك المشاعر والاحاسيس الجميلة
بصراحه انا شايف انك مش لازم تكملي معاها…..
الا اذا … حسيتي انه بيحيك بجد وممكن تعرفي ده لو انه اتاثر بعدم وجودك وهوه في الامتحانات يبقي تتاكد بجد انه بيحبك
ولو حصل ونجح وكان تقديره كويس يبقي كان بيدور علي مصلحته بس …
ومش لازم بعدها حتي تفكري فيه ….
وعاوز اقوللك الشباب فيه منهم كتير مش بيتقوا الله في المعامله مع البنات وهما عارفين ازاي يخلو البنت تتاثر بالكلام المعسول …..
وطبعا بالسزاجه بتاعت البنات هاتصدقي …
المهم لازم تتاكدي . والطيبون للطيبات
يا أختي العزيزة كل هذه العلاقات الغير موثقة من قِبل ديينا الحنيف ” محرمة ” . قال الله تعالى ” ولا متخذات أخدان ” سورة النساء ومعناها أنه يجب على المرأة ألا تتخذ صديق ، فاتق الله نفسك وأهلك واتركيه واتركي كل من على شاكلته ، إن أراد الزواج فأهلا وسهلاً ويطرق باب المنزل ويطلب يدك من أبيك وبذلك تكوني قد التزمتي بتعاليم دينك ، وإلا سيأخذ منك كل ما يريد الشباب من البنات ثم يتركك ويقول ” معلش مش هنقدر نكمل ” ويكون هذا بعد فوات الأوان ، وأنت لا تدري ماذا ستفقدين معه ( سمعتك أم شرفك “
ده شخص لسة معرفش يعنى ايه مسئولية وبيتسلى يوم مع دى ويوم مع دى
ويضحك عليها قال ويعيط قدامها ده مش راجل اصلاً
ومين عرفك انه مبيعملش كده مع الباقيين برضه من وراكى طبعاً
ويضحك على كل واحدة شوية بكلام معسول وتاسفات وشويت دموع
علشان يوقع فريسته وبعد كده تتطور العلاقة وربنا اعلم ايه اللى يحصل .
مش فاهم يعنى ايه بنات لسة بتدرس وبتاخد مصاريفها من بابا وماما زى ما الاخت بتقول وتتكلم الكلام ده احنا نسينا إن احنا فى مجتمع شرقى ولا ايه يا جماعة ؟!!!
وتصرف مكلمات واتصالات عليه زى ما بتقول فين الاهل وازاى بتدى لابنائها الفلوس دى ومش عارفه بيعملوا بيها ايه …
ويعنى ايه حب وكلام فاضى ؟
اللى اعرفه اذا شخصين حسوا انهم قابلين بعض شكلاً يكون الكلام فى البيت ده اللى اتربينا عليه ولا ايه !!!؟
هتقوليلى ده لسة عيل بيدرس ومينفش يتقدم لأهلى هيترفض طبعاً . يبقى بتردى على نفسك
ربنا يرزقك بإبن الحلال اللى يعرف قيمتك ويصونك ويرعاكى ويراعى ربه فيكى وفى علاقته بيكى
انا عارف طولت عليكى شوية بس اتمنى اكون قلت حاجة مفيدة وتسمعى نصيحة اللى اكبر منك وادعيلك ربنا يهديكى ويسرلك اللى فيه الخير ويرشدك للصح
اااااااhurgdiاعقليها وتوكلى على المولى
سمحيه داربنابيسامح
الحب اجمل شى فى الدنيا وانتى طالما بتحبيه يبقى تسامحيه طالما انتى عارفه انه بيحبك وانه كمان ندمان وجه واعتذرلك وبعدين مش مهم ان انتى اكبر منه الحب مش فيه كبير وصغير وخليكى مع اللى بيحبك مش مع اللى انتى بتحبيه
لا يا فارس هو مش اصغر منى هو اصلا ابر منى بسنة
بس انا كان قصدى انى عرفته وانا فى سنة اولى
بصى الحب شى جميل لكن للى يقدرة وياريت لو انتى حاسة انو بيحبك بجد تحافظى عالية ومتخليهوش يضيع منك واوعى تفتكرى انو لو بكى اقدامك دى ضعف لا دى حب وياريت تحافظى علية وربنا يوفقوا
اختي ….انتبهي الي مذاكرتك وسألي الله ان يرزقك زوج تكون الأولي والأخيره في حياته ولكن عليكي ان تتركي كل هذه العلاقات الغير مفيده
مايصعبش عليكي غالي….اختي الصغيره انتي لسه مراهقه ياريت ماتفرطيش في نفسك انتي اوقت ده هتتحاسبي عليه ياريت لو توفري مشاعرك واحاسيسك دي لزوج المستقبل..لانك لما تعرفي زوج المستقبل هتندمي علي كل لحظه كنتي بتفكري فيها في حد تاني غيره لانه هيكون حب في النور .. كمان ده مش حلال
اقولك على حاجة بس متزعليش منى انتو الاتنين مش يتحبو بعض دا لعب صغار علشان القلب فية مكان لوحدة بس
انا H من المنصوره انتى لازم تكونى واثقه من مشاعرك وحبك لان دى فتره مراهقه ونهايتها بيتبقى مش حلوه صدقينى انا بقولك عن تجربه لازم تتاكدى الاول من مشاعرك الحقيقه ياريت تكونى فهمانى الحقيقه وياريت ده ماينسيكيش مذكرتك ومصلحتك وشكرا صديق مخلص H
زي ماقالك سندباد دمياط المروض ان حبه ليكي يقتل اي غريزة جنسية لاي بنت تانية غيرك وبعدين مش النوع ده اللي تديه ثقتك بصراحة ومدام عمل كده رغم انكوا مرتبطين سهل يعمل كده تاني فنصيحتي ليكي يا حبيبتي ابعدي احسن عشان ماتعبيش بعد كده وماتحسيش بذنب وانت لسه صغيرة وربنا حايعوضك باللي يحترمك ويراعيكي حتي وانتي بعيدة عنه
على ماأعتقد ان أفضل حل للموضوع ده وممكن هو الحل الوحيد انه عشان يثبتلك حبه ييجي يخطبك من أهلك وانتي عشان تثبتيله انك لسه بتحبيه وسامحتيه تقبلي أسفه وتتخطبوا وتبقى رسمي وقدام الناس أحسن وعشان يعرف يذاكر برده الموضوع سهل جداً.
تعبتينا من القراءه وهو فى الاول وفى الاخر ماينفعكيش لانه اصغر منك
والحب يكون ناجح اكتر اذا كان الفرق بين عمره وعمرك5 سنين
مفيش مشكلة لو اديتيلو فرصة وشوفى هيكرر الموضوع ده تانى ولا لا مش معنى كده انه مش غلطان هو غلطان ولازم يحس اوى بمعنى اللى عملوه اللى بيحب بيصون مش بيخون
انتى فى تانيه كليه وهو فى اولى يعنى اصغر منك انتى بس بتمارسى رحله حب قى النهايه هتكون فاشله لانو انتى دلوقتى انتبهتى للحب واهملتى الدراسه انتى بتخوضى تجربه والتجربه دى فيها حب تملك يعنى مش عايزه الشخص ده يكلم اى حد غيرك حاولى تستقيمى بدراستك الاول بعد كده ربنا هيرزقك بالزوج الى يقدر مشاعرك والعاطف الى ربنا اوهبهالك وهتكون فى مكانها الطبيعى الى ربنا هيقسمولك وشكرا
انتى حره فى اختيارك وزى ما التى ربنا بيسامح بس لو كان حصل العكس معاكى كان هيسامح ؟انا من وجهه نظرى شخصيا انو عمل اكبر جريمه فى قانون الحب ” مهما كانت البنت الى ادامه ومهما كانت مغريه مدام بيحب وحده تنيه فبموت اى احساس جنسى مع اى بنت الا لحببنه”هوا ده الحب والاخلاص اما ان كان غير كده فبيكون انسان ضعيف ادام غرزته وكل مره هيعيط وتسمحى يعيط وتسمحى ولو انتى مكانه كان دربك بنار ” على العموم انتى حره فى رايك ومشعرك
المسامح كريم وواضح من كلامكك انه ندمان وعرف انه غلطان فخلاص سامحيه
لو كنتى لسه بتحبيه هاتسمحيه