بسم الله الرحمن الرحيم
السلام عليكم جميعا
ياجماعة يا ريت تفيدوني بردكم علي الكلام اللي هحكيه دا واللي مافيش حديعرفه غيري انا واختي وانتم الان
من فتره عرفت شات عن طريق الصدفة كنت عايزه ازود مهارة اللغة الانجليزيه عندي فكان من ضمن الخيارات الشات دا0وكنت اول مره اشوف شات او اتكلم فيه بس كنت بسمع من اخواتي الولاد ان الشاتات دي مش كويسه وكدا
وفعلا حسيت ان الناس اللي بيتكلموا دول تافهين وفاضيين وبيقولوا اي كلام وخلاص 0بس كان في ناس محترمة ومتدينة وهو دا اللي خلاني استمر واجي الشات0المهم
كنا بنعمل مسابقات واسئلة دينية وكنت باجي علي ميعاد الاسئلة هي كانت بتبقي في وقت معين
ومن ضمن الناس المحترمة دي واللي فعلامتدينين ومهمتهم كانت في ارشاد شباب الشات دا للطريق السليم كان فيهم اتنين اصدقاء من ضمنهم
فواحد فيهم صرح للتاني انه بيحب اختي وعايز يكلمها ويعرف منها رايها هل هي مستعده انها تديله فرصه يعرفوا بعض وقاله انه جد تماما
المهم صاحبه دا كلم اختي وهي في الاول رفضت وقالتله استحاله وانها مش ممكن ترتبط من علي النت وان عادات اسرتنا ودينا ما يسمحش بكدا وان الانسان اللي هتحبه دا لازم يكون زوجها وانها لازم تبقي مخلصه له طول عمرها حتي قبل ما يجي0
المهم صاحبة دا فضل كل شوية يقنعها وانة والله جاد جدا وانها تديله فرصة0
انا كنت ببقي معاها وهي بتتكلم علي طول وفعلا انا عارفه الانسان دا من طريقتة فقلتلها مش هيحصل حاجه لو سمعتيه
ويمكن يكون نصيبك بس ادية فرصة0
مع العلم هي في طب ورايحه سنة تالتة يعني فاضلها5 سنين وهو فاضله سنه ويخلص وهما تقريبا ملائمين لبعض جدا
وفعلااتكلموا واتعرفوا علي بعض وكنت ببقي معاها في كل حوار بيتكلموا فيه 0وهو فعلا انسان محترم ومتدين وعارف ربنا0وهم دلوقتي بئالهم حوالي شهر بيتكلموا مع بعض علي الميل بس
وهي حبته فعلا وهو اول انسان تكلمه في حياتها لانهاعمرها في حياتها ما كلمت شاب وهو كمان قالها انه عمره في حياته ما كلم بنت كدا وانها اول واحده في حياته0
بس انا دلوقتي مش عارفة اعمل ايه لاني حاسه ان كون اختي بتكلم ولد فدا في حد ذاته حرام حتي لوعلي النت مع اني انا اللي شجعتها0
انا حاسه دلوقتي بتانيب الضمير وحاسه اننا بنغضب ربنا بس والله كان الكلام كله محترم وفي حدودالدين
ومش عارفه دلوقتي انصحها بأيه وخصوصا انها فاضلها خمس سنين0 ولو افترضنا انه هتتخطب في سنه رابعه بردوا سنتين كتيرانها تكلم فيهم شاب منغير ما يكون في بينهم رابط رسمي لان والدي عمره ما هيوافق انها تتخطب قبل سنه رابعة0
ارجوا الافادة والنصح وجزاكم الله خيرا
اختي الكريمة والله التعارف على النت حرام انا ما راح اكذب عليكي انا كنت احب شخص على النت وهو انسان رائع وانا متاكدة انو منيح لاني اختبرته اكتلر من موقف لكن الحمد لله ربنا هداني للطريق الصواب وخبرته بنية الابتعاد عن بعض لانو ضميري بانبني ولاني ما بطيق خيانة الوالدين والله عمرنا ما تكلمنا بشي غلط لا كلام حب ولا شي كان مجرد اطمئنان عن الحال والاخبار صدقا اثنا علي لما سمع كلامي واحترم راي وتركنا بعض لكن الدعاء مستمر لبعض …………نصيحة اختي ابعدي اختك على النت وخلي كلشي على نور.وتتوكل على رب العالمين ابدي بالنصح الها واحكيلها عن الدين عن مخاطر النت وعلاقاته وتخلي مخافة ربنا نصب اعينها وثقة اهلها الي واضعينها فيها. اي شي المهم ان لا تكمل طريقها مع الشاب والله يحميكم من كل سوء
جزاكم الله خيرا جزيلااااااا:
الحمدلله كل شئ رجع كما كان والله هي اللي نهت كل حاجة من نفسها من غير ما اقولها حاجة بس هي حست بيا واني مش موافقة علي اللي هي بتعملة وكمان هي ضميرها ماكنش مستريح فنهت كل حاجة وقالتلي وفرحت جدااااااواتمنيت من ربنا انه يغفر لنا
بس الحمدلله ربنا يرضي عنكوا جميعاماتعرفوش كلامكوا دا فرق معايا اذاي ووجهني التوجيه السليم.
اينعم انا زعلت من كلامكوا جدا في الاول واستحقرت نفسي اوي بس الحمدلله دعيت ربنا كتييير وفعلا حسيت انه قريب اوي مني وكل حاجة مشيت من نفسها منغير ما يكون في زعل بيني انا واختي
والله والله والله فعلا ربنا اقرب للعبد من حبل الوريد (واذا سالك عبادي عني فاني قريب اجيب دعوة الداعي اذا دعانى فليستجيبوا لي وليؤمنوا بي لعلهم يتقون)صدق الله العظيم
نرجوا من الله ان يغفر لنا ذنوبنا ويعفوعنا ويقبل توبتنا.
وانا واختي دلوقتي اتنافسنا السنه دي اننا نجيب امتياز في كلياتنا وهو دا كل اللي هنركز فيه نسالكم الدعاء لنا بظهر الغيب .
والسلام عليكم جميعااااا.
صدقينى مفيش واحد بيكلم واحدة من على النت بيخاف عليها او بيحبها وزى ما بيقول لاختك بيقول لغيرها هما كدة بيدورا ازى يملوا وقت فراغهم وبتكون البنت هى الوسيله لكدة الحقى اختك قبل ما تتدمر نفسيا خصوصا ان دى اول تجربه ليها واكيد نهايتها مش هكون سعيدة واذا كنتى انتى واثقه منه خلاص خليه يجى البيت ويتقدم لوالدك حتى لو والدك رفض يبقى على الاقل اثبت حسن نيته
بصى انا شايف طلاما الولد محترم وناوى خير ايه المشكله وانتى كمان فى الموضوع يعنى اختك مخبتش عنك حاجه ولا بتعمل حاجه غلط ولو هو تجاوز جدودة او فكر اختك تقولك وساعتها ممكن تنهو العلاقه او تورله انكم مش كدة ولو امكن ممكن يحصل مقابله انتى واختك معاه لو ناوى يتقدم فعلا على اساس يشوفو بعض وتتفقو على اللى حيتم او اللى فى دماغه قدامه قد ايه وكدة يعنى وهو يعمل اللى عليه انما لو حسيتو منه لعب وكدة يبقا متتكلموش معاه تانى وكويس ان اختك بتتكلم قصادك لانك انتى تقدرى توجهيها بردو وتحطو النقط على الحروف معاه بس
يااستاذه معلش ده طبعا غلط كبير وقعتى فيه بس احب ابشرك انك ممكن تلحقيه وبرضو زى ماكنتى هتاخدى ذنب عشان انتى شجعتى علاقه غير مشروعه هتاخدى ثواب لانك اعدتى الامور لنصايها الصحيحوعشان ماتحسيش بالذنب احب اقولك انه كده كده موضوع النت ده ماكانش هيكمل صدقينى ويارب كل الامور تمشى على خير
احمد
انا عاوز افهم كلام البنت للشاب في حدود الدين يعني ايه؟ اني دين بالضبط؟ ودا راي انهي عالم من العلماء ولا راي المخ والهوا؟ والله عظيمه يا مصر……….اخوكم مصطفى الهواري…….كاتب وباحث نفسي
اولا مش مهم دا من النت ولا بره النت المهم الاصول والصح اللي تصون البنت افرضي ودا احتمال وارد وكبير انهم مايكونش لبعض ايه الموقف وقتها …لا يصح الا الصحيح …زوهل ابوكي وامك يعرفوا ليه تحريمهم من ادنى حق ليهم ان الراجل ياتي من البيت ويساله عليه و يصونوا ويعلوا بنتهم الغاليه ليهم……..انتي عارفه لو اتعرفتي عليه وكلمتيه كتير من غير ما اهلك يعرفوا معناه ايه؟ انتي خنتي اهلك ور خصتي نفسك …انت انسانه محترمه وعاليه وغاليه .لازم كل حاجه تبقى في النور قوليله اتعرف على بابااو اخوكي او اي راجل محرم ليكي وانا مش هكلمك علشان دا ميصحش شوفي هيقلك …..زاحنا شعرنا وقع من الكلام دا وحفظينوه كويس خدي راي الولاد الشباب ماتخديش راي البنات لان دي حاجات يفهمها الشباب لان الشب يفهم الشاب
السلام عليكم اختى العزيزه,اولا انا اعتبك لانك السبب فى هذا ز ثانيا الحقى اختك من الضياع لان اللى بتعمله ده حرام و الله لا يرضى بهذا ز مافيش بنت متدينه تكلم انسان غريب عنها ز ابتعدى انت و اختك عن هذا ف النت تجربه فاشله للتعارف بمعنى ان كل شاب بيحاول يصطاد على قد ما يقدر من بنات الناس المحترمين و هذا بكلامه المعسول و فى الحقيقه هو انسان غير مؤدب لانه لايرضى على اخته هذا الكلام فوقى يا اختى وانقذى اختك باى وسيله و خصوصا انها ليس لها اى تجارب سابقه انصحيها بالدين وان ابت اخبرى والدك و ابتعدى عن هذا البلاء اولا و الله الموفق