اناعندى20سنه وبحب جارى وهو عنده21 وبنحب بعض بقلنا سنتين
وكان عايزنى اقول لاهلى وانا كنت رفضه لانى كنت خايفه من رد
الفعل وخايفه ان اخويا مش يوافق بس قالى وجهيهم وهما لما يلاقوا
ان عندى شقه مش وششغال مش هيرفضو
اقتنعت بكلامه ورحت اكلم ماما مع انى كنت خايفه اووى من رد فعلها
وكما توقعت انها قالتلى ان سنه صغير حاولت اقنعها وبعد محاولات كثيره مه ماما
قالتلى ماشى بس شوفى اخوكى 90% مش هيوافق
ورحت اقنع باقى اخواتى البنات واقنعتهم كلهم بس كان فاضل اخويا دى كانت المشكله
وكاى اتنين بيحبو بعض بيحصل منهم مشاكل عاديه كنا بنتخانق وبنتصالح عادى
وعلى فكره اهلو كانو عارفين الموضوع وكلهم موافقين
وحاولت ماماواخواتى تقنه اخويا بيهبس رفض اول مره وعرف ان اخويا رفضه
قالتله نسيب بعض قالى لا مش هسيبك هنحاول تانى وبعض فتره كلمت ماما وخلتها تكلم اخويا تانى
وقعدت المحاولات مستمره حاولى اربع شهور
وفى اليوم اللى اخويا قرر انه يجى يشوفه كانا متخانقين وهو كان مسافر طب لما عرفت انا مسافربالعربيه وعلى الطريق بلاخص انه سايق راحت كلمته وصالحته وقلتله مش تزعل خالص
ومش رديت اقوله ان اخويا جى علشان مش يفكر فى الموضوع وهو سايق
وتانى يوم المفروض انى منتظره اخويا حصلت ظروف عنده مش عرف ياخد اجازه من شغله فابلتالى مش عرف ينزل من السفر وفى نفس الوقت لاقيت الانسان اللى حبيته وضحيت بحاجات كتير حتى انى خصرت خالى وابنه عشانه بيتصل يقولى انه لسه زعلان منى بسبب الخناقه مع ان الموضوع اللى اتخانق عليه مش يستاهل اصلا ومع ذلك انى صالحته بس هو لسه زعلان واتصل وخالنى بدل ماطمن عليه علشان مسافر مش اعرف اتكلم حتى انى مش عرفت ارد على اللى قاله وهو(انا فكرت وشفت اننا مش هننفع لبعض ) وسالنى ايه رايك ! معتقدش ساعتها انى هقدر ارد عليه
كل اللى قدرت اقوله اللى انت شايفه اعمله بس قولى سبب مقنع انا عملته علشان تسبنى من اجله مش رد عليا قالتله رد عليا حاول مش تخلينى افهمك غلط حاول تدافع عن نفسك قدامى
مش تخالينى اغير الصور اللى فى بالى عنك بس مع الاسف مش اتكلم ولارد فضل ساكت
وطبعا سابنى ولا فكر هعمل ايه فى البيت ومع جرانى ومع الناس ولا فكر حتى ازاى اواجه ماما واخواتى وقرايبى والجران والناس كلها اقولهم ايه سبنا بعض ليه
وطبعا كنت لازم انهى الموضوع بسرعه قبل لما اخويا ياخد اجازه وينزلنا علشان يقابله
حولت اخلى صرته زى مهيا قدامهم وكدبت عليهم بس مع الاسف عرفو انى بكدب عليهم اعرفه الحقيقه واتغير الصوره اللى حاولت كتير احافظ عليها وكل شئ انتهى خلاص
المفاجئه
جى بعد كل اللى حصل يقولى انه لسه بيحبنى وانه مش عارف يحب حد تانى ومش عارف ينسنى وانه عايز يرجعلى تانى
اعمل ايه اه معترفه انى لسه بحبه مع كل اللى حصل ومع الجرح اللى بقالى فيه شهور وايام وليالى دموعى مش بتبطل وكتير اوووووى كنت بنام والدموع على خد او بمعنى اصح كل يوم
بس المشكله فى اهلى مش هقدر اقولهم حاجه خالص ولا اقدر افتح الموضوع تانى لان اول حاجه قالوها لما عرف الحقيقه(مش هوده اختيارك ومش سمعتى نصيحتنا*)لو الاول كنت خايفه انهم مش يوفقو 80% دلوقتى الرفض 100%
حد يقولى اعمل ايه لانى بجد اول مره معرف افكرواحس ان عقلى وقف عن اتفكير حتى مش قدره اكلم حد من اصحابى لانى حاسه ان لسانى عاجز عن الكلام والحاجه الوحيد اللى قدرت اعملها انى اكتب واستنى رد على كلامى وحد يقولى اعمل ايه
الحب قبل الزواج
حبيبي سابني وخذلني امام اهلي وعايز يرجع
اضيف بتاريخ: Monday, September 17th, 2012 في 10:51
كلمات مشاكل وحلول: الحب, الزواج, بنت
انا فى نفس الموقف دة وعشان انا بحب بجد مش هقدر اقولك سبية بس حاولى تعملى حاجة تتاكدى منها انة مش هيسيبك تانى يعنى قوليلة لا مش عاوزة اكمل وشوفى لو بيحبك هيحاول معاكى تانى وشوفى ربنا معاكى ويديكى الخير
الحل يابنتي انسيه خالص ولاتعبريه وتاكدي انك بكداتحفظي كرامتك وعزةنفسك اللي اكبرواغلى من الدنيادي كلهاوربنابيعوضك برجل خيرامنه يقدرك ويستاهلك
أنا عارف إن صعب على واحدة اتعلقت بواحد إنها تسيبه
بس للأسف الشخص ده مش وفي وغدار وأناني وممكن يسيبك في أي موقف
أما إنه سابك في الأول فأنا أظن إنه لقى واحدة تانية وفضلها عليكي
ولما سابته رجعلك تاني، كأنك استبن له يجيلك وقت م يحب ويسيبك وقت م يجب
اللي غدر مرة يقدر يغدر كل مرة
ميستاهلكيش والله وأنتي طيبة وهيجيلك أحسن منه ألف مرة.
ويا رب أخوكي ميوافقش بقى
لكن خليه يشرف ويتكلم مع أخوكي وهو هيقدر يفهمه ويقرر إن كان شخص كويس أو لا.
والله لو انت واثقه المرادي 100% ومتاكده انه مش هيرجع يعيل تاني ..خليه يجيب ابوه وييجم رسمي
المره دى هو بنفسه ييجى ويتقدم لك ويعرف نفسه بأهلك مين هو وبيشتغل ايه ويقنعهم انه هيسعدك ان شاء الله ويعترف انه غلطان على انه خزلك قدام اهلك ويعتذر للجميع ويحاول ينول رضاهم وموافقتهم
كفايه اللى اتعرضتى ليه المره اللى فاتت لما هو صدرك انتى اللى تتكلمى عنه مع اهلك
اديله رقم تليفون البيت وخليه يتصل بمامتك ويحاول ياخد منها موعد لمقابلة الاسره لكى يطلبك
وقوليله انا المرادى ماعنديش الجرأه اكلم اخويا وماما تانى ولو انت عايزنى وبتحبنى اتصل بماما وتعالى بنفسك وهات والدك ووالدتك معاك او ييجى هو لوحده اول مره يظبط الجو مع اهلك ويمهد والمره اللى بعدها يجيب والده ووالدته وخليه يحاول يكسب اخوكى ومامتك فى صفه
وخلى بالك الام ما يهمهاش قد سعادة ولادها وهى ان شاء الله هتوافق تانى مادام انتى عيزاه وفهميها كده وقوليلها ان كل عياطك وزعلك فى الفتره اللى فاتت كان عشانه
الشئ الاهم بلاش عراك وخناق معاه تانى وتجنبى تزعليه عشان هو بيحط فباله الخوف بعد الزواج تبقى كل حياتكم خناق مستمر – حد يتخانق مع حبيبه وهو جاى يخطبه ؟ فطولى بالك وهدى اعصابك معاه وامتصى الغضب حتى لا يحدث خناق تانى والله يوفقك ان شاء الله