السلام عليكم
انا عندى 17 سنة 2ث عام ادبى وكنت با اخد درس عن مستر عندة 24وهو مش مرتبط ولا بيحب ولا اى حااجة خالص وانا اتعلقت بية جدا لدرجة انى لما بيهزر مع حد بزعل اووى وممكن اعيط وقدامة كماان بس بصراحة هو الى علقنى بية وخلانى احبة اهتماامة بيا الزاائد والغريب عن اى بنت تاانية وكان ع طول بيكلمنى وفجاءة عرفت انة بيكلم بنت تاانية وعرفت واجتهة واتئسفلى كتير وبعدها قررت انى معتش هفكر فية وهبعد وفعلا بعدت فترة وبعدين هو كلمنى تاانى وعلشان طبعا انا بحبة معرفتش اصدة واتكلمت معااة وهو دلوقتى بيتقل عليا جاامد علشان عارف انى بحبة ومهما عمل فياا هفضل معااة ياريت يجماعة حد يقولى اعمل اية انا زهقت وتعبت اوى من الموضوع دة
الواضح بالنسبة لى ان هذا المعلم لايحبك واسلوبه الذى جعلك تتعلقين به لهذه الدرجة ليس الا شباك ينصبهالك لتقعين فيهاانت وغيرك لاشباع رغبات عاطفيه بداخله فلست انت الضحيه الوحيدة بل غيرك كثيرات فخذى حذرك من هذا النوع من الصيادين وكونى مغرمة بتعليمك اكثر من غرامك بمعلم يوهمك بحب ويعجز عن طرق بابك ومد يده لطلب يدك
اطلبى منة انكوا مش تتكلموا تانى وقولى له لو شارينى ادخل البيت من بابة وصونى نفسك يا بنت الناس
ليه تتعبي وتقرفي نفسك
فكري شوية !!
ليه تفتنيه ويفتنك؟؟
قال الله : إن الذين فتنوا المؤمنين والمؤمنات ثم لم يتوبوا فلهم عذاب جهنم ولهم عذاب الحريق
لو بيحبك بجد هيكلم اهلك .. ومش هيتسوهك .. لو بيحبك جدا هيلتزم وهيحافظ عليكي
انا عارف ان أخذ القرار حاجة صعبة بس تذكري حديث النبي صلي الله عليه وسلم : من ترك شيئا لله عوضه الله خيرا منه
لو ربنا شايفلك فيه الخير هيكتبهولك ولو بعد حين ..
ركزي في دراستك واتقي الله وحافظي علي نفسك
انتي جوهرة .. انتي ملكة في الاسلام …
الناس بتحب أنهو ؟؟
الشيكولاتة اللي بورقتها وجديدة ولا اللي مفتوحة ؟؟
ليه تبقي لعبة في ايد الكل ؟؟
اذا كان بيحبك حيعترفلك روحي شوفي شباب في سنك
حل بسيط جدا ….هو انتي بس تصلي ادعي ربنا يوفقك وسلمي امرك لله ان الله بصير بالعباد ///وكلي امرك لله وخلاص
الاخت العزيزة..
خلاص ماتنسيهوش ايه المشكلة ..
بس خلينا متفقين ن الانسان الصادق هو اللى دايما بيحاول انه يوصل للشئ الصحيح بمعنى أصح أن أذا المعلم ده بيحبك حيعترفلك بحبه ومهما طول الزمان حيحاول بأى طريقة من الطرق أنه يثبت لك ذلك بأنه يعمل حاجة صح زى أنه يتقدملك ويكلمك بابا فى طلب يدك وخاصة وان سنه مش صغير .
المهم أنا مش حقولك انسيه بس حقولك حاجة أحلى أتعاملى مع الموضوع .
عارفة انا أقصد أيه؟؟؟؟؟؟؟؟
أقصد أتعاملى معاه وكونى ثابتة فى التفاعل مع ذاك الموضوع حاولى أنك تكونى أهدأ أعصابا فى التعامل مع المستر وكونى أكتر سيطرة حتى مع نفسك.
وفى الأخير حيتبين لك أذا كان فعلا بيحبك ويريد دخول البيت من بابه ولا لأة وتأكدى تماما ليس أنتى من ستسعين لذلك بل هو الذى سيسعى اليه .
وشكرا
اولا شكرا جزيلا ع هزة الردود يا جماعة افهمونى انا ازاى هقولة تعالى اتقدملى وهو مقاليش حتى بحبك وكل لما احاول اقرب منة او اسئلة بياهرب منى ويقولى سيبها لربنا ومحدش بياخد مرات حد ويقعد يكلمنى كتير ع القدر والنصبيب ويقولى انا دلوقتى كبرت ومش حابب شغل المراهقين دة لانى عرفت وفهمت ان بنات الناس مش لعبة وانا لما هحس اى حاجة من نحيتك مش هقوللك انتى انا هقول لوالدك انا زهقت والله تعبت مش عاارفة اعمل ايية طيب هو دلوقتى ضميرة صحا وبقا فاهم ان بنات الناس مش لعبة طب كان فين ضميرة دة زماان لما علقنى بية وخلانى احبة وكمان انا كل لما ابعد بيحاول يوصلى وبيكلمنى حتى لو انا مردتش ع رسايل الفون ممكن يقابلنى ف الشاع يوقفنى ويسئلنى فينك ارجو الحل يا جماعة انا تعبت والله بس يكون حل مناسب ومحدش يقولى انسية لانى والله والله حاولات كتيير بس بفشل ف كدة انا قربت اتجنن :'( :'( :'(
طيب هو عايز ايه من العلاقة؟
وانت هدفك ايه؟
عايز خير يبقى يدخل البيت من بابه
عايز يتسلى يبقى الباب يفوت جمل
مش عارف البنت ليه بتخاف تطلب من شاب بيكلمها إنه يتقدملها
الطبيعي اللي بيحب واحدة هيتمنى يتجوزها مش هيزعل لما تقول له تعالى كلم بابا
أي حد رافض يكلم أهلك يبقى بيتسلى وواخدك لعبة
هذا المدرس خرج عن قدسية مهنته وهي توصيل العلم وتعليم الاخلاق الطيبة لتلاميذهوأن يكون قدوة ومثل لهم من المؤكد أنه بيتلاعل لك وكثير العلاقات مع فتيات أخريات بهدف تضيع الوقت والتسلية ولو كان جادا في حبه لك لكان تقدم لخطبتك الافضل نسيان هذا المعلم المستهتر المرافق والتركيز في مستقبلك ومزاكرتك هي الاهم والابقى لك تجنبي رؤيته والبعد عنه وشغل نفسك في المذاكرة وسوف تنسيه ان شاء الله
معلش بردوه مهوه لا بد أن تحققى هدف من تلك العلاقة وما غرضها وبناء علىذاك ممكن تقدرى تحكمى عليها سواء بالنجاح أو الفشل .
أنصحك أن تبصى بصة تانية فى الموضوع
والله انا حاولت بالفل وبعدت بس هو لما بيشوفنى ببعد بيقرب هو وبيحاول يوصلى
واضح انو هو ما بيعطيك حقك ومستخف فيك لأنو لو كان حبك منجد ما كان تعرف على غيرك.. انا بنصحك انو تبعدي عنو وتحاولي تنسيه..