مشاكل الازواج

حمايا يتدخل في حياتي وفلوس زوجي

بالله عليكم حد يقولى اعمل ايه اطلق انا متجوزة بقالى سنه وسافرت عروسه لجوزى قلت احنا فى الغربه الواحد يحوش يعمل جمعيه اى حاجه اتفاجئت ان ابوة لازم يعرف كل مليم بيروح فين ومعاك كام ولاززم يبعتله الفلوس كل ما يقبض ياخد على قد الاكل ويبعت الباقى ياناس مش كدا حرام هوا من حقه انه يامر وينهى جوزى خايف على زعل ابوة ومش عارف يرضينى ولا يرضى اهله وهما بيطغطوا انا على كدا ياناس مش هيبقى معايا ولا مليم ومش هبنى مستقبل ومعنديش اولاد حتى الان ادعولى بالذريه واعمل ايه مهما حاولت مش عارفه اتصرف حد يفهمنى هوا كل الابهات كداااااااااااا ابويا وامى عاوزينى احوش واجيب شقه لان شقته صغيرة جدا والحمد لله مفرشتهاش ومش عاوزاها اعمل ايه ؟

مشاكل وحلول ذات صلة

اضيف بتاريخ: Sunday, February 19th, 2012 في 05:16

كلمات مشاكل وحلول: , ,

13 رد to “حمايا يتدخل في حياتي وفلوس زوجي”

  1. الفهدالاسود
    29/05/2016 at 08:27

    اختي استمعي لهذة القصة وافرئها جيدا وخذي العبرة والعظة منها في حياتك فقد حصلت معي كنت متزوج من امراة من اقاربنا وكنت اعيش معها في مدينة اخرى بعيداعن اهلي واعمل موظف في شركة براتب كبير وعندي شقة وسيارة وعمري ماقصرت معها في شي كل طلباتها مجابة من مشتريات وفلوس باليد اعطيها اياها ومجوهرات دهب وسفريات كل 4شهر للخارج غير الهدايا التي تشتريهالااهلها واقاربها عندما تسافر اليهم واهلي تحاسبنى على كل قرش ارسله لهم وتقلب حياتي الى مشاكل وخلافات لاتنتهي طوال اكثر من 5سنوات ولاتريد الخير لهم مع انني صابر عليها لانني احبها واموت فيها برغم انها عقيم لا تنجب الاطباء اكدوا لنا هذا وخسرت الشركة مشاريعها واعلنت افلاسها وتم تسريح كل الموظفين بها ولم يعد امامي مصدررزق وهنا انقلبت علي وصارت تختلق كل المشاكل والخلافات وتقصرمعي في حقوقها الزوجية وبعد ضقت بها ذرعا ومن تصرفاتها قررت ان اطلقها فورا ورجعت الى اهلي وتاسفت منهم وطلبت منهم السماح على كل مابدرمني من تقصير في حقهم وطلبت منهم ان يدعوا لي ويسامحونني وبحثت عن عمل متواضع حتى اعيش منه انا واهلي وشاءت الاقدار ان احد رجال الاعمال في تلك البلاد التي كنت اعمل فيها اتصل بي شخصيا وطلب مني العمل معه في شركته الخاصة لماعرفه عني من خبرة كبيرة وكفاءة عالية في العمل في هذالمجال وقررت السفر الى هناك والعمل في تلك الشركة ورجعت اموري الى حالتها السابقة واحسن بكثيرا وتحسنت الاحوال وكنت ابعث لااهلي باغلب الراتب شهريا واي حاجة يبغونها اشتريها لهم وارسلها اليهم واكرمنى الله من واسع فضله تزوجت من امراة صالحة كانت ارملة وعندها بعض العقارات والمحلات التجارية تعرفت بها من خلال زيارتها لللشركة لاجل انهاء بعض الاعمال المتعلقة بتجارتها وهنا حصل بيننا تعارف وانسجام وارتياح تكلل بالزواج في نهاية الامر واخبرت اهلي وفرحوا كثيرا وجاءت امي واخي الاصغر لاجل حضور الزواج ومعرفة الزوجة الجديدة والمباركة لنا والحمدلله لقيت كل الرضا والقبول من اهلي واحبوها من كل قلوبهم وهي ايضا ورزقني الله منها 2ولدين توائم وعايشين في منتهي السعادة والهناء وراحةالبال في حياتنا

  2. الفهدالاسود
    29/05/2016 at 07:52

    اختي الفاضلة جاء رجل الى الرسول صلى الله عليه وسلم يشتكى من ابوه ويقول انه ياخذ ماله فقال الاب يارسول الله اساله على من انفق هذالمال فوالله اني اصرفه على عماته فقال الرسول للابن انت ومالك لابيك و خلاصة القول ان زوجك فيه خير لااهله وهذا واجب عليه ان يساعد اهله وينفق عليهم وهومن البر والاحسان لايستحق كل هالزعل منك بل عليك ان تساعديه على هذا العمل وتفخري بهذالزوج ومايفعله مع اهله يرجع خيره ونفعه عليكم جميعا ولكن بدون ان بقصر معك اويحرمك في شي في النفقة والمصاريف لك وللبيت ومسالة انو مافي اولاد معكم اسال الله ان يرزقكم الخلفة الصالحة بنين وبنات عماقريبا نشاءالله ويبارك لك في هالزوج ويصلح شانكم ويوفقكم ويسعدكم في حياتكم الزوجية

  3. Shraf
    01/01/2013 at 17:48

    ربنا يسترها معاكوا يااااارب
    ويصلح لكم الحال.. وخليكوا كويسين مع بعض.. بالإقناع والإتفاق..

  4. منه الله
    15/10/2012 at 23:34

    اختى الغليه السلام عليكم ربنا يهديكى اناوالله كان عندى نفس المشكله انا متزوجه من3سنين ومعنديش اولاد فربنا يرزقنى انا وانتى باذن الله زوجك مطر لذلك وواجب عليه قبل اى حدتانى المهم انت متزعليش نفسك هو مش صغيروعارف مصلحه نفسه فانتى واجبك تنصحيه بس بالراحه وبطريقه هاديه وكويسه لان فى بعض الاوقات بيفتكرها تحريش وهو حر فالاخر والله انا بقلهالك من تجربه وجابت معايااحسن النتائج الحمدلله دى لو سمع نصيحتك فربنا يهدبه ويصلحلك الحال ويرزقنى انا وانتى الزريه الصالحه اللهم اااااااااااااااااااامين

  5. شمشون
    25/08/2012 at 00:00

    اولا ادعو الله ان يرزقني واياك بالخلف الصالح _ثانيا انا متزوج من 6 اشهر ووقعت في نفس المشكله وبحب زوجتي جدا بس مش معني كدة انها تمنعني اصرف علي والدي سبحان الله _ارجوكي ساعدي زوجك يبر ابوة والارزاق علي الله ربنا يهديكي

  6. رفعت الشيخ
    10/04/2012 at 01:14

    قال من هو اعلم باحوالنا قبل ان يرسل الينا وهو النبى الكريم محمد صلى الله عليه وسلم يعلمنا
    بر الوالدين “انت ومالك لابيك” وانت ومالك لزوجك وزوجك لابيه فاتركيه لله يبر اباه بالمال
    واعلم ان من ترك شياااا لله عوضه الله خيراااا منه

  7. امة الله
    28/03/2012 at 01:39

    والله الواحد فعلا مايعرف الخير فين اصبرى مع التفكير فى حل

  8. moaa
    26/02/2012 at 00:44

    الحل بسيط جدا متوفريش اي حاجه قدامه وحوشي انتي اخلقي مصاريف من الارض وافتحي حساب وحطيها فيه والباقي هو حر فيه مثلا لازم تاخدي منه مصروف ليكي فوق مصروف الاكل قوليلوه عاوزه دهب وكده والباقي هو حر فيه

  9. SHERY
    20/02/2012 at 00:02

    هقولك حاجه مع احترامى لكل اراء الاخوه للاسف احنامش فى زمن الرسول عليه الصلاه والسلام ولاهنكون مثاليين زيهم مش بنعرف نكون كده وانتى من حقك يبقالك شقه ليكى اعملى زى مااناعملت جوزى طول عمره مضيع كل حاجه على اهله وماحوش صاغ دالوقت فى اتفاق بينا هو مسئول يبعت مصروف لاهله واناموافقه جدا لكن كمان لازم يحوش جزء عشان الغربه ولو رجعنا نغير الشقه يرجع مش يلاقى شغل وكده يعنى انتى قوليله يبعت بس مصروف تتفقه عليه وجزء يتشال مايجيش جنبه طبعا بجانب مصروف البيت ده كده هيرضى جميع الاطراف حوش عشان مستقبلهم بعت لابوه مصرف واديكى مصروف بيتك ملزم يقسم مرتبه بينكم لكن بلاش تمنعى الجزء اللى هيبعته ليهم صدقينى الفلوس هتزيد معاكى ببره بوالديه ماتفكريش فى موضوع الطلاق خلاص مش دى الاسباب اللى الواحده تهدم بيتها بسببها خليكى عاقله واتكلمى معاه بكل هدوء وثقه الواحده تقدر تعمل كل اللى هى عايزاه بالعقل من غير نرفزه وتوتر وفهميه انه لماربنايرزقكم بعيال ان شاء الله لازم تكونوا عاملين حسابكم للزمن وهنا الغربه مش مضمونه يوم فيها بعد كده ياعالم الظروف ايه ربنايهديلك الحال

  10. متزوج بمزاجي
    19/02/2012 at 23:43

    بصي انا عايش بره في السعوديه انا واسرتي من سبع سنوات ومرينا بالمشكله دي كلها وتقريبا نفس التفاصيل . والله عاوزة نصيحتي وعن تجربه….. اصبري ومتزعليش وربنا والله هيوسع عليكي انتي وزوجك من حيث لا تدري والله وعارفه لما اهل زوجك هيكونو راضين عن ابنهم والله ربنا هيوسع عليه اكتر واكتر وكمان هما بعد سنتين ثلاثه هيخفو الضغط عليكم شويه شويه وهيسبو ابنهم يعمل لنفسه حاجه وبعدين ربنا ان شاء الله هيكرمك وهتخلفي بس بطلى تهري في نفسك وتحرقي دمك علشان الراحه النفسيه مهمه لحدوث حمل . اصبري بس

  11. فاعل خير
    19/02/2012 at 22:36

    بسم الله الرحمن الرحيم اولا مبروك زواجك اختي الكريمة معزره انتي لسه في بدايه حياتك الزوجيه وهاتلاقي مشاكل لا حصر لها يعني كل ماتكوني في مشكله بدل ما تدوريلها علي حل يكون الطلاق اسهل كلمه واقصرطريق هوايه الجيل المنيل دا ياربي سوري انا مش قصدي علي بزاتك ولاكن هزا من ضمن كثره ظاهره الطلاق ان كل مشكله بنهرب منها بلطلاق وخراب البيوت لغايه ما بقت ماءساه حرام عليكو نفسكو وازواجو واهاليكم ارحموهم وارحمو انفسكم شويه واعلمي ان كل مشكله وليها اكثرمن حل المهم الهدوء والتفاهم هاتوصلي للي انتي عايزاه ان شاء الله شوفي اختي الكريمه اولا يمكن لما ربنا يرزقك بطفل وقتها زوجك يبدي يحس ان لازم يعملو مستقبل وساعتها الامورهاتتغير لوحدها والحل التاني بس دا متوقف علي قبول الزوج ممكن يبلغ اهله انو ترك العمل او الشركة الي كان بيعمل فيها وهايروح شركه تانيه ولاكن براتب اقل وهزا الفرق يكون الملغ الي هاتدخروه وفي حيل كثير جدا ممكن انو ترك السكن الي كان موجود فيه وهايروح سكن تاني اغلي من الاولاني وهكزا لاكن احظري ان تمنعيه ان يساعداهله ماتعرفيش دا ياختي رزق مين دا ممكن يكون ربنا موسعله رزقة علشان بيبر والديه وماتعرفيش يمكن له اخت بيساعدها في جهازها الله اعلم لاكن ارجو منك ان تكوني هادئه لان الواضح من كلامك واسلوبك في الكتابه انك من النوع العصبي وهزا النوع العصبي سواء رجل او انثي بيخسركتير بسب عدم التريث في اتخاز القرارات وبزات المصيريه وها انتي اقرب مثال عاوزة تطلقي علشان مشكله ممكن تنحل بطريقه او باخري اهدي وربنا يصلحلك من حال زوجك وحماكي واعلمي ان في غيرك مش لاقي الماده لا ليه ولا لاهله وزوجته مابتفكرش في الطلاق مثلك اعلمي ان دوام الحال محال وعليكي بصلاه والدعاء فهم اقوي اسلحتك وربنا يوفقق ويرزقق الزريه الصالحه ان شاء الله

  12. نونه
    19/02/2012 at 09:42

    انا مش عارفة اقولك ايه الابهات كلهم مش كدا بس حاولى تتكلمى مع جوزك براحة وتقنعية عشان مستقبلكوا ومستقبل اولادكوا لان كل حاجة ف ايد جوزك بس اوعى تخليه يعادى ابوة او اهله لان حرام يا حبيبتى لان الرسول قال انت ومالك لابيك خليه يبعت جزا من مرتبه لابوه والباقى يحطه ف حساب ليه ف البنك كل حاجة ممكن تعمليها بالسياسه وبهدؤء متعكريش صفو حياتك او جوزك مضيقش منك ويحبك اكتر واصلا حماكى مش هيعيش ليكى العمر كله بكرة هيبقى ليكى حياتك الخاصة بيكى انتى وجوزك وربنا يسعدك باذن الله

  13. اسامه توحيد
    19/02/2012 at 08:34

    اختي : اولا ابارك لكي زواجك ولكن مهلا علي نفسك حيث اني اشعر بأنك منفعله بطريقه كبيره جدا … وليس لكي اي حق في ذلك حيث انه كان هناك في زمن الرسول صلي الله عليه وسلم شاب يشكي حاله للرسول لان والده يأخذ كل ماله اول بأول ولايترك له شئ .. فرد الرسول عليه بقوله .. انت ومالك لابيك .. فهكذا يااختي فلاتبحثي عن خلاف ليس له اي ساس او واقع .. فلولا هذا الاب .. لكان زوجك هذا غير موجود الان .. وايضا لو كان زوجك قاسي علي والديه فتأكدي بأنه سوف يكون قاسي معكي ايضا ..فمهلا فلا تتسرعي لان الماديات ليست كل شئ .. هي فعلا مهمه جدا ولكنها ليست كل شئ فهناك كثيرا من الناس يملكون كثيرا من الاموال ولكنهم ليسوا سعداء .. لان السعاده هي بمشاركة الناس الامهم وافراحهم هي بأحساسنا بالتراحم والحب والموده بين الناس وليست بالجفاء والانانيه … وتأكدي بأن الرزق ليس باالاموال فقط .. فهو في راحة البال وحب الناس والبساطه والصحه واشياء اخري كثيره يصعب ذكرها هنا … فأرجوكي كنصيحه من اخ لا تغيري زوجك وتقلبيه علي والديه بل العكس كوني له عونا علي بر والديه لان ذلك سوف يكتب لكي عن الله سبحانه وتعالي وسوف يبارك لكي في حياتك وفي اولادك مستقبلا ويرزقك بالذريه الصالحه لكي وللمجتمع .. ويجعل اولادك اكثر حنانا وعطفا عليكي عندما تكبرين .. والا قد يعاقبك الله وتكون المعامله بالمثل عندما تكبرين يفعل معكي اولادك كما تودي ان تفعلي مع اهل زوجك .. واقسم باالله العظيم اني رايت حالات وقد حدث معها ذلك .. وقد اعترفوا هم بالسانهم بأنه عقاب من الله سبحانه وتعالي حيث انهم كانوا يفعلون ذلك من ابويهم او اقاربهم … ادعو لكي بكل سعاده وهناء مع زوجك بالغربه ..ابحثي عن عمل يشغلك ويملئ وقت فراغك في غربتك ويضا ليزيد دخلك ..او جمعيه لتحفيظ القران وتجويده ومااكثرهم في البلاد التي انتي فيها .. ربنا يوفقك ويهديكي

اترك رداً أو حلاً لهذه المشكلة