خطبت زميلة ليا في الشغل صغيرة في السن والصراحه مكنتش حاسس معاها اني خاطب يعني لاكلام حلو ولا اهتمام مع اني كنت مخليها تعيش في جو رومانسي بس هيا مفيش خالص قولت اصبر شويه وصارحتها وفهمتها وبردو زي ماهي . المهم والدي مرض بالمرض الخبيث عافاكم الله وكنت براعيه وبردو في نفس الوقت برضيها والضغط زاد عليا وهيا مستحملتش اني مهتمش بيها يوم واحد وحصلت بينا مشاكل وكانت كل شويه تجيب سيرة ابن الجيران اللي بيحبها عشان اهتم شويه وفي الاخر حصلت مشكله صغيره وهيا كبرتها وقالت مش عاوزة اكمل معاك وقولتلها وانا كمان وانا في اخر ايام الخطوبة مبقتش بحبها بس كنت صابر . بعدها الوالد توفى وبعدها بفتره بداْت اخد بالي من زميله اخرى ليا في الشغل والصراحه عجبني عقلها الناضج وتفكيرها وفي نفس الوقت خطيبتي السابقه بتحاول ترجعلي وندمانه وانا خلاص قلبي قفلته من ناحيتها .
جيت اتقدمت لزميلتي اللي هيا صاحبتها في الشغل ( خطيبتي القديمه متعرفش اني متقدم لصاحبتها خالص لغاية دلوقتي ) بس رفضت الموضوع اول مره واتقدمت تاني عن طريق وسيط وهيا مش عارفه تعمل ايه بس انا شايف في عنيها انها متردده ومش عارفه تاخد قرار ولغاية دلوقتي متعلقين انا وهيا بسبب صاحبتها وانا مش عارف اعمل ايه لاني بجد حبيتها
انا عارف ان صاحبتها ممكن تتصدم بس غصب عني اعمل ايه
ربنا معاك اولا ويقدملك اللى فيه الخير
اكيد خطبتك السابقه هتضايق دا الطبيعى
بس ادام انت خلاص قفلت معاها الموضوع … يبقا انت كده صح
ولو البنت التانيه بتحبك .. او حتى معجبه … يبقا مفيش مشاكل
بس لو صحاب اوى اوى … دى اللى ممكن تقفل الموضوع … لكن لو مش صحاب للدرجه يبقا .. ربنا يقدم اللى فيه الخير …
انا من رايي انك تشوف واحده تانية بعيد عن وسط العمل و الله يعينك