اطلب من ادارة الموقع ان تنشر هذه المشكله المره دى لانى ارسلتها قبل ذلك ولم تنشر
يا جماعه أنا شاب عندى 23 سنه خاطب بنت قريبتي عندها 21 سنه بحبها آوى وهى كمان بتحبى بس مش آوى عشنا مع بعض فتره كويسه اتعذبت بسببها كتير وضحيت عشانها كتير واستحملت كل عيوبها وطباعها اللى مش كويسه وده فى سبيل حبى ليها وظهرت فى عيونها الانسان اللى بتتمناه فتى احلامها وحلمها الجميل_وعدتها انى مش هسيبها مهما حصل وانى هحققلها كل احلامها ان شاء الله وكان كل شئ ماشى فى صالحنا
وفى يوم من الايام عرضت عليا تشتغل اى شغل فى البلد عشان تشغل نفسها بدل قعدة البيت والفراغ فوافقت وبالفعل اشتغلت فى حضانه لتعليم الاطفال وانا وافقت لان الحضانه عباره عن معلمات بنات واطفال صغار وكمان الحضانه كانت فى الشارع اللى جاريهم وكام ساعه وبترجع البيت وسط اهلها وسهل اننا نشوف بعض_
المشكله بقى انها سابت الحضانه وعايزه تسافر بره مصر عند اخواتها عشان تشتغل هناك__ المشكله ان اهلها موافقينها على كده مع ان احنا الاتنين الى حد ما حالتنا الماديه زى بعض وكويسه وهى مش مطلوب منها تشتغل ولا تجوز نفسها وما حصلتش قبل كده فى البلد ان وحده مخطوبه وبنت بنوت تسافر وحدها تشتغل
طبعآ أنا مش موافق خالص لان بعدها عنى حاجه صعبه جدآ لاننا لسه مخطوبين من فتره صغيره لسه ما لحقناش نقعد مع بعض ولا نتكلم زى اى اتنين مخطوبين ودى السنه الوحيده اللى أنا قاعدها فى البلد معاها لان بعد كده هسافر ان شاء الله ومش هرجع الا على الجواز وكمان هى فيها طباع مش كويسه عصبيه وعناد وعلو صوت ولو متضايقه تطلع قرفها عليا وغيرو__ طبعآ أنا كنت عايزها تفضل فى البلد عشان نقرب من بعض كتير ونصلح الطباع اللى هى فيها دى لان طباعها دى هتبوزلنا حياتنا بعد الجواز
والمشكله الاكبر انها هتشتغل هناك سكرتيره عند واحد فاتح مكتب وما ادراك ما السكرتيره وعلاقتها بصاحب الشغل كل شويه داخله طالعه عندو ورجاله بتاخد مواعيد ورجاله منتظره معاها بره عايزه تقابل المدير ورد على مكالمات وركوب مواصلات رايحه جايه فى وسط الرجاله وفى الزحمه وغير ذلك من اشياء تعرفونها عن حياة السكرتيره خصوصآ فى الخارج ومن السهل ان اى حد يضحك عليها بكلمتين ويوقعها فى غراموا لانها فى غاية الجمال وتمتلك انوثه طاغيه وجسمها متناسق يساعد على جذب الرجاله وموضوع انها تنسانى وتفكر فى واحد تانى ممكن خصوصآ انها ما بتحبنيش اوى لانها كانت بتحب واحد قبل كده ومش قادره تنساه وتحبنى أنا اوى زى ما بحبها__انا بحبها اوى وبخاف عليها وبغير عليها جدآ ومش هستحمل انها تبقى مسافره دوله تانيه وبتشتغل سكرتيرة بجد شئ صعب عليا دا غير انها لو اشتغلت وخدت على السفر بره والشغل ما اعتقدش انها هتسيب الشغل بعد كده وتقعد فى البيت وممكن كمان تقضيها سفر وما تقعدش معايا فى البلد دا غير ان الفلوس ممكن تخليها تفتح عينيها عليا وتقوى شخصيتها_أنا بجد مش قادر استحمل وهنتجوز مش أقل من سنتين_
أنا اتكلمت معاها كتير جدآ لكن مفيش فايده هى عنديه ما بتتفاهمش وعصبيه ما عندهاش هدوء وتحب تنفذ اللى فى مزاجها حتى لو على حساب سعادة غيرها__حاولت اكلم والدها لكنى وجدته موافق على سفرها وقال لى أنا ابوها وتاخد امرها وقرارها منى__ طبعآ هى دلوقت بقالها كام يوم زعلانه منى وما بتكلمنيش عشان معارض موضوع سفرها__وانا مش قادر اسيبها لانى بحبها اوى وكانت حلم جميل ربنا حققهولى وخايف عليها وعايز اسعدها ومش عايز اسيبها لحد تانى__ واهلى وكل الناس عايزنى اسيبها طالما هى هتعمل كده_ اعمل ايه؟ لو انت مكانى توافق على سفرها وشغلها ده ولا ايه؟__ افيدونى بالله عليكم
يااخي المثل يقول اللي ماله كبير يشتري له كبير والباب اللي يجي منه الريح سده واستريح تاكدان البنت السافلةالغير محترمة دي عمرها ماتصلح تكن زوجة لك في يوم من الايام لانهاتربت على الاتفلات والانحلال الخلقي وابوها ماعرفش يودبهااويربيها نهايا اتركها فورا وخليها تغور هي واهلها تعمل معك كلده وانتومخطوبين امال بعدالزواج حتعمل فيك ايه دية ماحدش يوتمن عليها ولا تشرف تكون زوجة وام لاولادك وست بيت محترمة انبذها لابارك الله فيها وامثالهاوربي بيكرمك بخيرمنها بالزوجةالصالحةالمتربية المطيعة الخلوقة اللي تحفظك في غيابك عنها وتصونك وتقدرتسعدك وتشرفك اينماكنت واينماذهبت وتلاقي معهاالسعادةوراحةالبال والاستقرارفي الحياة
بص يا اخي بجد انا بردك تقريبا ليا حكاية تشبه حكايتك مع بعض الاختلاف صدقني انا حصل معايا نفس الحكاية مع بنت خالتي والكل كان بينصحني انها هتتعبني وبلاش تبص للجمال بس وكمان قالولي انت احسن منها فكل حاجة مرخص نفسك ليه؟ وكمان اساسا جواز القرايب مش بتحس بمتعته اوي لان غالبا بتحس انها اختك ومن دمك
بص الصراحة من كلامك البنت دي هتتعبك اوووووي وصدقني الجمال مش كل حاجة وواضح انها شخصيتها تختلف عنكم شوية الي ذي دول ممكن يموتوا نفسهم عشان القرش ابوها تلاقيه راجل بيموت عالمليم صدقني اسمع نصيحتي انا سيبتها وربنا عوضني بفضله بنت افضل منها فكل شئ لان الي ذي دي هطلع القديم والجديد فيك هتخلي حياتك جحيم لانها حاسة انها افضل منك وكمان يا ناصح مفيش حاجة اسمها مش بتحبني اوي لا لازم تتاكد انها بتحبك بنسبة 100 % عشان تريحك انا نصيحتي ليك افسخ الخطوبة دي وربنا برزقك بالزوجة المطيعة الطيبة صدقني سيبك من دول دول ليهم ناسهم اسمع كلام اخوك
بص يا باشا بصراحة انتا كدة قللت نفسك قوي والله انتا لو سبتها علي الاقل هتبقي كسبت نفسك وكرامتك وهي ممكن تحس ان خسرت حاجة وتندم لاكن كدة بصراحة منظرك قدمها صعب قوي وضعيف جدا
بجد يا اخ يا صاحب المشكله انا اتنرفزت بسبب كلامك دا انت فعلا مستفيز هى علشان جميله وحلوه وبتحبها تستحمل منها الاهانه ايوه اهانه ان بنت تتعصب على خطبيها دا دلع وسورى قله ادب وانت من غير زعل عديم الشخصيه لان لو عنك شخصيه هتحكم عليها وهى بتعمل كده قبل الجواز اومال بعد الجواز هتعمل ايه حرام عليك فين الرجاله انا كده بقا خطبيبى هحبه اكتر لان اللى خلينى احبه شخصيته القويه عليا على الرغم انى فعلا على قدر كبير من الجمال احمد الله لكن هو مش محسسنى بكده محسسنى انى عاديه جدا عارف ليه لان فعلا بشخصيته بحس انه اجمل رجل فى الدنيا فوء يا بنى حرام عليك ربنا يسهلها ربنا يرجعلك رجولتك معلش انا كلامى جامد بس زعلت علشانك
هى ما بتحبك خود منى ولو بتحبك كان فورا ما بتزعلك انساها وطلقها وابوها مو راجل لو كان راجل كان ما حكى هيك حبيبى البنت ازا ما كانت تسمع كلام جوزها مو من حوا خود منى البنات مش كده انا من غزة وبشتغل فى مؤسسه تثقيفه
سيبها فورا لان لو تم الزواج منها هتكره اليوم الى شوفتها فيه هى مش هتريحك ابدا
الحب حاجه وشخصيتك معاها حاجه تانيه لو كانت شيفاك شديد مكنتش تعمل معاك كده حاول تكون ناشف شويه ومتزعلش مني انا عاوز مصلحتك وفي الف واحده تانيه
اخي العزيز انا بنت زيها والبنات اكتر الناس ممكن تفيدك اولا كون انها عصبيه وصوتها عالي ده مش مشكله المشكله فيك انت في تعاملك ورد فعلك ليها لما بتكون عصبيه او بتعلي صوتها عليك وديه ممكن نقول حاجات ممكن تحصل لاي اتنين مخطوبين وعيوب ممكن تكون في اي بنت وحل هذه النقطه في يد الراجل التي تبين شخصيته ازاي كان قوي او ضعيف امام الحبيبه ……..
اما حكاية انها كانت بتحب واحد جدا ومش قادره تنساه ديه حاجه صعبه جدا وهي كده بتظلمك وبتظلم نفسها ومعني كده انك عارف انها مش بتحبك ومستمر وده غلط وكون انها عايزة تسافر ومش فارق معاها رايك او بعدك عنها ديه مشكله لكن بما انها قريبتك ومنعا للمزيد من المشاكل حاول تحل الموضوع مع حد كبير وتلاقي حل ولو مافيش فايده يبقي انت الكسبان علي الاقل هتكسب نفسك هتتوجع شويا وهتتألم لكن ده اهون من ااك تستمر معاها وشخصيتك ضعيفه معاها باسم الحب وياريت في حياتك القادمه تختار صح اختار زوجه قبل ما تختار حبيبه لو علي الحب والخطوبه والرفاهيه ال في ايام الخطوبهكان الناس كلهم عاشوا احباب بس ومخطوبين بس
لكن المشكله فيما بعد الخطوبه هو الجواز والمسئوليه والمبادئ ال بتمشوا عليها في الخطوبه مع بعض هي ال هتتعودوا عليها بعد الجواز فلو استمريت معاها هتعمل معاك نفس ال بتعمله واكتر كمان وانت مش هتقدر تتحكم فيها يارب رأيي يكون افادك………..
سيبها لأن انت فعلا شخصيتك ضعيفة قدامها ولو بقى معاها فلوس مش هتعرف تكلمها
خيرها بينك وبين السفر ول باعتك بعها انت كمان
تصرف ابوها بقولك حتي الان انت مش زوجها وليس لك عليها كلمة وشكلهم محتاجين فلوس
انت حا تفضل خاطب كتير
المهم ان المحب لمن يحب مطيع واكيد واحد فيكم راح يتنازل للتاني
موقفك يدل علي غيرتك عليها واذا هي بتحب الرجل الغيور ممكن تكسب الجولة
اذا اتنازلت انت الان لن تحترمك ، قول لها انا راجل غيور جدا وما استحمل كده وخصوصا انك غير متزوجة “مع احترامي للسكرتيرات” وابحث معها عن وظيفة ذات دخل اعلي من وظيفة الحضانة
وايضا حسن وظيفتك او زيد من دخلك وخير البر عاجله
وفقكم الله
اخطات في حق نفسك عندما سمحت لها ان تعلي صوتها عليك والانسانه المحترمه التي تقدره الحياه وقدسيه الحياه الزوجيه يجب ان تدرك ان للزوج عليها حقوقا عظيمه (ولو انك لم تصبح زوجا حتي الان ) لاسيما وانتم في فتره خطوبه بمعني ان الانسان بيظهر ايجابياته فما بالك بعد الزواج من سلبيات في صفات هذه الاخت ربنا يهديها وموضوع السفر للبنت القاصر هذا شيء غير منطقي ولا حتي شرعي ولا اي حاجه اترك هذه الاخت وابتعد عنها حتي لا تتعرض لمشاكل فيما بعد لا ينفع فيها حلول والسلام عليكم
سورى فى السؤال يعنى هو اللى كاتب الموضوع دا راجل ولا ست
انا مش فاهم يعنى ايه بتعلى صوتها ويعنى ايه عصبيه ويعنى ايه عاوزة تسافر بره وانت مش موافق وهيا موافقه ويعنى ايه مش قادرة تنسى اللى كانت بتحبه وتحبك وانت لسه خاطبها انا مش عارف فين النخوة وفين الرجولة وفين اهل البيت اللى سايبين بنتهم كدا تسافر لوحدها حتى لو عند اخواتها هيا مش هتبقى فى بلدها هتبقى فى بلد تانية انا مش عارف بس اللى انا عاوز اقوله
حسبنا الله ونعم الوكيل
وفى الاخر نقلو ان احنا مربين احسن تربية وولادنا احسن ولاد وخلاص كله كلام فاطش
نصيحة لك لوجه الله والأمر أولا وأخيرا يرجع لك ،، سيبهـــــــــــــــــــا ،، سيبها فورا ومتفكرش فى الانسانه دى تانى أبدا ، لأنك بجد هاتدمر نفسك وحياتك وهى فى الأخر اللى هاتسيبك ، نصيحة من أخ ليك شاف فى الدنيا كتير ، تصرفات خطيبتك بالكامل لايمك تكون تصرفات انسانه بتحب ، انت بالنسبة ليها مجرد خطيب وبس ، وصدقنى حتى لو قعدت فى مصر وانت اتجوزتها وهى فضلت بنفس الطباع دى ، يبقى ممكن تعمل هنا اكتر من اللى ممكن تعملة هناك 100 مرة ولو حتى هاتخونك فى خيالها ، واعتقد انك متقبلش كده ، صدقنى هاتلاقى احسن وأجمل وأرقى منها 100 مرة ووقتها هاتندم انك عرفتها اصلا ، بس انت خد فرصتك وسافلا وشوف الدنيا وانت هاتعرف انها مكنتش تستاهل انك تحرق دمك علشانها ،، سيبها قبل ما تنخدع خداع ممكن يصيبك بمرض أو بعقدة نفسية لاقدر الله
أخويا فى الله
أتركها لما تأمل فيه من تخيلات وأحلام واهية وإن شاء الله ربنا سيعوضك كل خير وأنت لما تصبر على كل هذا هل هو من الحب ؟؟ لا الحب ليس ذلك , وإذا تفعل معك كل هذا قبل الجواز فماذا تفعل معك بعد الزواج .
وأنصحك أخى نصيحة أخويه إذا تزوجتها فسترى الويل وستحزن كثيرا لان هذا النوع من البنات نوع معروف نوع هدام لزوجها أنصحك بالبعد عنها وأعلم وثق فى الله بأنه سيرزقك بخير منها ولا تنظر من هيا صارخة الجمال والأنوثه أنظر على الادب والاخلاق وقبلهم الدين فأظفر بذات الدين سلمت يداك كما قال رسولنا الكريم صلى الله عليه وسلم وفقك الله لما يحبه ويرضى وأنار الله بصيرتك
اسمع يا اخى .. انا مقدر شعورك جدا جدا ، الحب شىء جميل ولكن معذرة انا هتكلم بصراحه وبدون زعل ، الحب من طرف واحد مينفعش ابدا ، وحسب ما فهمت من كلامك انك مش عارف تاثر عليها او هى مش عاوزه تسمع لذلك حرام تظلموا بعض بزواج غير مستقر ، معلش ان كان الموضوع صعب انا والله مش بعقدها فى وشك لا سمح الله ولكن فراق دلوقتى اسهل من فراق بعدين لانه دلوقتى مفيش اسرة او اولاد .
لا بد يا اخى انك لو عاوز تكمل معاها تسالها عن شعورها ناحيتك بصراحه وتسالها ” انتى مستعده تخسرينى ؟ ، لانك لو سافرتى احنا لازم نسيب بعض” لانه مش هينفع انها تعارضك من دلوقتى مش قصدى طبعا انك تديلها اوامر ولكن طاعة دلوقتى زى طاعة بعدين ، اتمنى انى اكون قد افدتك باى شئ ولو انى واثق انى كلامى صعب .
دمت بود
سيبها هيه اصلا لو بتحبك مش حتقدر تبعد عنك يوم وطول ما هيه لسه بتفكر فى حبيبها القديم يبقى عمرها ما حتحبك ولو انته بتحبها اوى يبقى لازم تتقل عليها و تعرفها قيمتك لان بجد انته شخص كويس ولازم اللى معاك تعرف قيمتك
بص يا سيدى هيه زعلانه علشان انت مش موافق وانت عندك حق فى رايك انت مش هتسبها انت هتسيب ليها الاختيار لو هتسافر يبقى تنفصلو وصدقنى لو سافرت وانت سبتها يبقى انت عملت الصح لانها مش بقيت عليك ولا خافت على زعلك ازاى انت تبقى هتخاف على زعلها وصدقنى لو هى سفرت وانت وفقت ورجعت واتجوزتو صدقنى انت بعد كده مش هترتاح معاها فى زواجكم لان ده هيبقى موقفا علطول فى اى قرار تهديد ومش هتلاقى الحياه الللى انت متخيلها ولو مش سافرت وحص نصيب واتجوزتو حاول مش تبين كل مشعرك ليها وخلى فى شويه شده خلى بالك انا بقولك شويه فى فرق بسيط بين شويه الشده ده والعنف وفرق ابسط بين العنف والاجرام وانشاء الله ربنا يسعدكم اللله رحم الرجاله
تصدق مشكلتك فكرتنى بمثل (قرد يسلينى ولا غزال يبكينى)انتم لسه فى بدايه الطريق وبتعمل معاك كده طيب لما تتجوزها حتعمل معاك ايه وخلى بالك ابوها من دلوقتى موافق على تصرفاتها يعنى بعد الزواج ممكن تحصل اى مشكله بينكم ويجيى فى صفها حتى لو كانت غلطانه الزواج عشرة وتضحيه وتنازلات من الزوج والزوجه لكن لو هتبتديها تنازلات على طول وهى لا تتنازل عن اى شىء يبقى عمرك ما هيكون ليك كلمه فى بيتك لا عليها ولا على ولادك انت خليك راجل صح وقول انك مش موافق على سفرها وحاول يكون ليك شخصيه معاها هى عرفت من طريقتك وتنازلاتك عن اشياء كثيرة واستحمالك عنادها فهمت انكك بتموت فيها وعلشان كده اتمرعت عليك ومش عاوزة تظهر حبها ليك وبتقرفك فى عيشتك وانت بتقول انك حاسس انها مش بتحبك يبى على ايه ده كله مهما كانت حلوه هى مش احلى ست فى العالم علشان كده الرسول صلى الله عليه وسلم قال اظفر بذات الدين تربت يداك لو كل واحده حلوه عملت كده فى خطيبها او جوزها يغور جمالها لانك بعد الزواج هتكرة تصرفاتها وهتحس انها عفريته قدماك
انت بتقول ان هي قريبتك واكيد فى ناس كبيرة فى العيلة وبتفهم فى الاصول والصح
حاول تتكلم مع حد كبير فى العيلة واكيد هو هيقف معاك وهيتكلم مع والدها
وانت حاول تحببها فيك وتغير فيها وجهة نظرها فى الرجالة
لازم تكون ايجابي وحاول تحسم معاها الموضوع في كلمتين يانا يالسفر وهيه تختار ومش هتموت لو سابتك
السلام عليكم ورحمة الله وبركاته.
هى مش بتحبك خالص وهتخلص منك اجلاً او عاجلاً, ياريت قبل ما تتركك . انت خد قرار بانك تنساها خالص. لانها عمرها ما حبتك ولا هتحبك, وغير كده انت شخص ضعيف ومعندكش ثقة فى نفسك.
ولو ارتبطت بيها عمرك ما هتكون سعيد. حاول تنساها وتأكد ان الحياة لم تتوقف عندها.
حاول تعطى حبك لانسانة تبادلك نفس الشعور. خليك شخص قوى بلاش تضعف , لان البنت مش بتحب الراجل الضعيف . ومفيش حاجة اسمها بحبها قوى ومش قادر انساها, هذا كلام غير عاقل وغير منطقى, لان اى شئ فى الدنيا نقدر ننساه.
كثير من قصص الحب توقفت, وكثير من العلاقات العاطفية ماتت. هذا كله بسبب عدم التفاهم او بسبب تعنت الحبيب او بسبب تعنت الحبيبة..
ندى عبد الرحمن / مهندسة
صعيد مصر____ سوهاج
السلام عليكم ورحمة الله وبركاته اخى العزيز لا تترك الفرصه للياس والاحباط يتملكك فلا يوجد فى هذه الدنيا شىء يستاهل انك تدوس على كرامتك وكبريائك وانا من وجهة نظرى شايفه ان الانسانه دى متمرده ومتستاهلش حبك ليه ادرس الموضوع كويس وحاول تفكر بعقلك مش بقلبك بس ولما تتعذب شويه النهارده احلى متتعذب بعدين وصدقنى هى الخسرانه مش انت وهى كده اوكده حتسيبك اول ما تسافر فا ريت متقعدش تستنى اليوم دى وحدد موقفك قبل السفر ويا ريت تطمنا انت عملت ايه
أنت بتقول في كلامك ( واستحملت كل عيوبها وطباعها اللى مش كويسه وده فى سبيل حبى ليها )
يعني أنت بنفسك وفي أيام الخطوبه شايف فيها عيوب ..!!!!
متمسك بيها ليه ؟؟؟؟
كلمتين وبس
اللي بيبعك بيعه
خطيبتك من نوع النساء التي لا تقدر الرجل الذي يقدرها ويحبها
مافيش ست تستاهل أن الرجل يضعف أمامها ويزعل ويخاف عليها
الرجل رجل أمام أي حد لا يضعف ولا يتنازل عن كرامته من أجل أحد
الله يكون فى عونك؟ بس نفسى أسئلك إنته هل متوقع ان فيه حد هيقول لك إنته صح؟؟؟؟
يا صديقى إنته لسه صغير الحب شئ جميل ولكن هذا ليس حب من خطيبتك ولا من اهلها
هذا اسلوب تطفيش؟؟؟؟ لماذا تتحمل كل ده؟؟ يا صديقى إنفصل أحسن لك وإطغط على قلبك وإنساها وفيه أحسن منها بكثير وأولاد ناس وعاوزه تعيش؟؟ كبر دماغك وخليك أحسن منها وفكر فى مستقبلك وتكون احسن منها وصدقنى هذه الإنسانه لا تستاهل الزعل ولا حتى التفكير فيها
أنا كنت نفس ظروفك ورفضونى أقاربى بسبب الفقر وكان حب ونسيت وإتجوزت وحبيت وحالتى الماديه تحسنت كثيرا والكل بيقرب منى بأى طريفه وبحس بالندم فى عيونهم كل يوم؟؟؟ إنسى وعيش حياتك ولاتبهدل نفسك وأهلك معاك خليك قوى مهما كان…ربنا معاك
المشكلة دي دايماً بنسمعها من البنات عمرنا مسمعناها من راجل.