السلام عليكم انا شاب عمرى23 سنه خاطب بنت عمرها21 سنه بحبها اوى من زمان انا وهى مؤدبين ومحترمين واهلنا ناس كويسين وكل حاجه ماشيه فى صالحنا والحمدلله هى اول حب فى حياتى لكن هى كانت بتحب واحد قبل كده لاكثر من سنتين ومن ورا اهلها وانا كنت عارف كده لما خطبتها بس طبعآ هما كانوا سابوا بعض بقالهم فتره صغيره .. المشكله بقى انى طلبت منها انها تحكيلى عن ماضيها فرفضت قلتلها انا عايز اطمن عشان نبدأ مع بعض بدايه صح احكيلى عن قصة حبكم دى كانت ازاى؟ وحصل ايه؟ وايه اللى خلاكم سبتوا بعض؟ انا عايز اعرف وخلاص عشان ارتاح من الموضوع ده ومش هنفتحه تانى ونبدا مع بعض صفحه جديده كلها حب واخلاص لكن بردوا رفضت تحكيلى وقالتلى انت اللى يهمك ان الموضوع انتهى وخلاص وان مهما حصل مش هرجعله خالص قلتلها انا مصدقك بس انتى مش راضيه تحكيلى ليه؟ قالتلى لما يبقى يجينى مزاج هبقى اقولك وقالتلى دى كانت علاقه شريفه وما حصلش حاجه بينا خالص انا مصدقها فى كده بس كنت عايز اطمن خصوصآ هما سابوا بعض ازاى؟ وكانوا بيتكلموا بيقولوا ايه؟ وكده يعنى_ طبعآ انا سكت عن الموضوع وبعدها بحوالى شهرين كلمتها تانى وبردوا رفضت تقولى على الرغم ان تصرفاتها كويسه معايا وبقت بتحبنى لكن انا مخنوق عشان ما حكتليش عن ماضيها واللى بيخنقنى اكتر انها كل ما تفتكره واحنا مع بعض او واحنا بنكلم بعض بتتضايق وبتتغير من ناحيتى وبتسمعنى كلام تجرحنى بيه وبعد كده ترجع كويسه زى الاول احنا دلوقت بقالنا كام شهر كويسين مع بعض وما بنجبش سيرة ماضيها ولكنى مازلت مخنوق ونفسى تحكيلى عشان ارتاح وانا هسامحها على كل حال وهكمل معاها ومش هسيبها فانا مصمم انى اعرف ولكنى يئست من عدم مصارحتها لى فما رايكم انتم؟ اتمنى ان تفيدونى من واقع خبراتكم وارائكم وجزاكم الله كل خير
مشاكل الشباب مع البنات
خطيبتى رافضه تصارحني بماضيها
اضيف بتاريخ: Thursday, December 23rd, 2010 في 18:33
كلمات مشاكل وحلول: البنات, الشباب, خطيبة, فترة الخطوبة, مشاكل, مشاكل الخطوبة, مشاكل الشباب, مصارحة الحبيب, مصارحة الزوج
بص بقى مجرد طرحك للمشكله معناه انك محستش ان هى حبتك حتى لو هى قالتلك بحبك (لان الحب احساس)يعنى محستش لهفتها عليك سعادتها باى حاجه بتعملهلها يعنى قلبها مفهوش مساحه ليك باختصار دور على قلب تانى فاضى تقدر تملاه مش حد غيرك مالاه وخلاص
ياابني العزيز كل منا له ماضي واللي راح انتهى ومايرجعش تاني واحناولادالنهاردة خليك عاقل وفاهم وماتخربش عاى نفسك دام البنت تحبك وشاريك بالغالي اوع تزعلها ابدا اوتكدرخاطرها من حقها ماتتكلم معك في الماضي لانه انتهى من حياتها وفكر في المستقبل معها والبنات عاوزين الوادالحدق الرومنسي العاطفي اللي يسعدهاوينسيهاكل الالم واوجاع الماضي وحضرتك عاوز تنبش فيه وتجرح كرامتها وتتدخل في حاجة ماتخصك ابدا لوانت بتشك فيها وفي اخلاقها افسخ الخطوبة ماحدش غصبك عليها لكن ابعدعن الظن والشكوك اللي حتدمر حياتكم وتنغص عليكم وربي يهديك ويصلح احوالك
متحسيبهاش الى بعد ما عرفتو بعض لان انت مكنتش فى حياتها فى الماضى لما كانت تعرف الشخص ده
حبها واعرف شخصيتها وانت بتقول انها كويسه قدم الحب والتسامح فى الاول واكيد ربنا هيعرفك لو انت اختيارك كان صح ولا غلط
السلام عليكم /يا أخي العزيز انا انصحك بشئ واحد لاتسال عن الماضي لانه ليس ملكك ومن خلال كلامك انت رجل غيور والرجل الشرقي بطبعه غيور علي اهل بيته فيا اخي نصيحة اتركها فورا والله العظيم انا تركت ابنه خالتي بسب اعجابها بشخص لم تحدثه اطلاقا ولم تراه الا مره واحده فبسبب اني غيور تركتها فورا برغم حبها لي لاني اريد ان اعيش حياة نقيه لايشوبها اي وساوس وخلاف ذلك وتعلمت شيئا واحدا اني لم اسال عن ماضي خطيبتي حتي لا لاعيش نفس التجربه مره اخري …….والله ولي التوفيق
هتستفاد ايه ……المهم انها دلوقتى بتحبك و انت بتحبها انسى اللى فات يمكن هيا من كتر ما كرهته مش عاوزة تتكلم عنه ………..متفكرش فى الل فات فكر فى اللى جاى و ربنا يوفقك
انسى الموضوع ده خالص
وتخيل انها احسن بنت فى الدنيا
واياك ان تسمع لهذا الموضوع تانى
حتى ان جاءت تحكى قول لها بدايتى معاكى من يوم معرفتك
انتى اتولدتى من جديد معايه
وربنا يهديكم لبعض
ومتسيبهاش مفيش حد كامل
حاول تبعد عنها فتره وخليها ماتعرفشى توصلك فيها وشوف مقدار حبها ليك لو اهتمت وقلقت واتئثرت اوى قولها انا كنت مخنوء اوى وماحبتشى اشغل حد بمشاكلى لو حصل ده منها تبئى بتحبك اوى وفعلا مش عايزه نحكى حاجه عن الشخص اللى فات علشان ماتجرحكشى بكلامها وسيبك بئ من الماضى وخليك ف المستقبل
انا بنت وحسه باللي هي حاسه بيه
صدقني هي بتحبك انت وخايفه انها تجرحك بكلامها ,,مهما يكن اللي بنهم شريف وانا متاكده من انه شريف وانها بنت كويسه بس اكيد لما هتحكيلك هتجرحك
هي من الواضح انها انجرحت اوي ونفسها مش تفتكر الجرح ده وانها تبدا من جديد معاك من غير ما تجرحك انت كمان
متحاولش تفتحها في الموضوع وانت قلت انك هتسامحها خلاص يبقي سامحها وخلاص وانسي بقي ,,الحب تسامح
حبها وخللي بالك منها وهي من الواضح انها عارفه يعني ايه حب ويعني ايه جرح وهي بتحبك وهتصونك علي اد ما تصونها
ارتاح وطمن بالك هي بتحبك وخايفه علي مشاعرك
ومبرووووووووك مقدما 🙂 ربنا يوفقكم
الماضي ده فات وفي علم الله ومادام بتثق فيها يبقا تحترم رغبتها (إذا بليتم فإستتروا)
ومش عيب إن الواحد يغلط العيب إن يكرر غلطه
وصاحبها وخليك صاحبها وصاحبتها واختها وامها وابوها واخوها كمان وماتحسسهاش انك ححتخذ موقف هجومي مهما إن قالت فكن دائما بين إختيار يا تقلب الدنيا وتخسر صراحتها يا تسامح وتغفر مادام هو ماشي وتكسبها وتكسبها صراحتها وصداقتها كزوجة كحبيبة ككل حياتك وحياتها أصلا
والله المستعان
اقلك حاجة هما سمو الحب حب عشان فية مسامحة بين الي بيحبو وكمان هيا عمرها متكلم معاك وتصارحك طول ما انتا عمال تذن علي ودنها كدة سيبك من كل دا وخليكو عادي خالص وهيا لما ترتاحلك هتكلمك
انا معاك يا علاء انا مصمم انك تسبها عارف ليه انا قصتى زيك اقسم بالله زيك انا سفيت التراب عشان خاطر هى تحبنى ولما حبتنى اكتشفت انها كانت بتحاول تنسا الاول بيا وانى كنت استبن يابنى سبها اى حد يقولك غير كدا يبقا عايزك تعيش قرطاس اسمع الكلام ودوس على قلب بدل مكرامتك ورجولتك تتهان انت عندك 23 سنة وخاطب ده معناه ان انت مستعد للزواج شوف بقا فى كام بنت مستعدة تتجوز فى ظل ازمة العنوسة يعنى البنات هيكونو بيجرو وراك احنا فى زمن البنت هى الى تتمناه الولد وتجرى وراه مش الراجل شوف فى كام واحدة ممكن تحبك على الرغم من ان انا محترم والولد التانى كان مدمن الا انها لسة بتحبه لغاية دلوقتى
نصيحة انا مريت بنفس تجربتك بالكربون بضبط زى قصتك ومن كتر مكانت بتفتكره قالت ليا انها لسة بتحبه نصيحة ليك سبها قبل مهى تخونك بعد الجواز لانها مش بتحبك سبها انا عارف ان الراى مش هيعجبك بس انا بنصحك جرب قبل متسبها تبعد عنها وتنفضلها شوفها هتعمل ايه لو عيطت وقالت مالك وقعدت تقولك صرحنى قولها فى ناس قالو ليا ان كان فى حاجة وحشة بينك وبين الواد الاولنى هى هتقولك والله ابدا حرام مش عارف ايه قولها طيب احكيلى ايه الى حصل انا عايز افهم عشان محدش يضحك عليا بكلامه هتروح هى خايفة وحكيه ليك كل شئ بس لو هى افتكرته تانى قولها انا هسيبك لانى مش مالى عينك وانتى لسة بتفتكرى وانا مش قليل عشان اخد واحدة جسمها معايا وعقلها وقلبها مع حد غيرى سلام سلام
اشكر جدا الصديق ( سبحان الله وبحمده ) على الوصف الذى قام بوصفه لى وربنا يسامحه الموضوع وما فيه ان سبب المشاكل الزوجيه وكتر الطلاق فى زماننا هذا اننا ندفن رؤؤسنا فى الرمال بيكون المشكله قدامنا ومش بنحاول نحلها من حذورها وبنقول عشان نهرب من مواجهة المشكله ان الزمان كفيل ان يعالجها ولا الزمن بيعالج ولا احنا كمان بنعالج وبتبدا المشكله تكبر وتتفاقم
وبعدين الاخ او الاخت اللى باعت او باعته تشتمنى انا مقلتش يسيبها خالص انا بقوله تحقق من الموضوع عشان ميتعبش بعد كده
وارجو من الساده القائمين على الموقع عدم السماح بأن يقوم الاعضاء بسب بعضهم بعضا وكل واحد حر فى رايه مش معنى ان انا مش عاجبنى راى زميل على الموقع انى اشتمه او اغلط فيه لان ادارة الموقع محدده( نقد الحل ) الذى يطرحه القارىء والذى يتمثل فى تقييم الحل سواء ايجابا او سلبا فقط لا غير بدون تجريح اى مشترك ..ارجز من ادارة الموقع وضع هذه النقطه فى الاعتبار والا ما نجنيه نحن فى دخولنا هذا الموقع لكى يتم سبنا والغلط فينا ..وبكرر شكرى لهذا الصديق الذى قام بسبى لان الشجره المثمره هى التى تقذف بالطوب وليست الشجره الجدباء ..مع خالص الشكر
السلام عليكم ورحمة الله وبركاته بص انا كل اللي فهمتو من كل كلامك دا انها مخطوبه ليك كدا عادى وهيا لسه بتحب الاولاني دا لان البنت لمه بتحب غير الواد البنت بتحب اوى وعمرها مابتنسا حتي لو قالتلك انا نسيت وكل الكلام دا تبقي بتضحك عليك امه عليها علي فكره انت بنت زيها ومقدره احساسها اللي هيا فيه دا لان انا عارفه ومجربه الحب الاول دا بيدمر الانسان وعمره مابينساه وبالزات دى مش عايزه تحكيلك عنه دا ياكد انها لسه بتحبه هو وبتفكر فيه وانت مظلوم معاها لعلمك انت احسلك تبعد لانها اكيد نفسها تجوز الانسان اللي كانت بتحبو قبلك وانت ترضى علي نفسك تعيش مع واحده استبن دى كدا بتخونك باحساسها دى نصيحتي مني ليك وبكره تفتكر كلام دا
عععلى فكره حرام عليك اوى ليه تدايقها بكلام عن اللى فات وتستفزها بحاجات ملهاش لازمه الوقت متهيئلى هيه مضربتكش على ايدك عشان تروح تخطبها وبتقول انك كنت عارف وطلبتها للزواج ودلوقت عايز تسيبها عشان كان فى تجربه كانت ف حياتها مفكرتش انت مريت بكام تجربه حتى لو كان كله ع الورق وهيه اللى اكيد
مفكرتش وانت عايز تحسبها على حاجه كانت بينها وبين شخص تانى بس ان ده ماضى مش عايزه تفتكره مفكرتش انها مش حاسه نحيتك بالامان مفكرتش انك انسان عاجز ومقدرتش تعوضه يبقى فين حبك ليه لو بتحبه بجت كنت حميتها من روحها ومن نفسك ومن العالم كله وعوضتها وده هيه اللى كانت منتظراه منك بس لالاسف مفكرتش انك لو سبتها دى حاجه مش بالساهل مفكرتش ان فيه واحد هييجى يحاسبها على خطوبه زيك مش مجرد علاقه طيش راحه لحالها
بصراحه انا لو مكانها هسيبك حتى لو مفيش راجل تانى هيدق على بابى صدقنى لو حست بحبك كانت قالتك على ادق التفاصيل بس واضح انها انسانه زكيه جدا وعارفه نوعك من الرجال
يا اخى انت عندما ارتبطت بيها كنت تعرف انها كانت مرتبطه قبل كده وكنت عارف انها بنت محترمه كتير عشان كده انت حبتها وارتبطت بيها ومادام انت واثق فيها بلاش تسالها تانى لانك انت بتفكرها بحد كانت مرتبطه بيه قبلك ويمكن اما انت بتفكرها بده بتفتح جرحها الاولانى بس هى اكيد اما بترجعلك تانى بتكون بتحبك ونسيت كل شئ عن حبها الاول حافظ عليها وبلاش تسالها تانى لان كل سؤال ليها فى الموضوع ده بيجرحها والله يوفقكم يارب
انا يا اخي لدي نفس مشكلتك تماما هي كانت اول حب في حياتي ولاكن قبل ان اخطبها كانت تعرف رجلا قبلي وسمعت عنه ب الصدفة وسمعت ايضا انها كانت تحبه بجنون و لا كنني لا اعرف سبب افتراقهما
ولما سالتها رفضت ان تقول اي شيى ولا كنني اصريت و مع ذالك رفضت وفي يوم من الايام هددتها ب الانفصال اذا لم تحكي لي قصتها ونفذت تهديدي لها ولم اتصل بها او اكلمها مدة شهرا كامل حتى اتصلت بي وقالت لي اريد ان اقابلك اليوم فقبلت على الفور وكانت المفاجئة فانفجرت لي بالبكاء وروت لي قصتها وبعد ان سمعت كلامها ادركت انها مازالت تحبه ولان كرامتي لم تسمح لي انفصلت عنها لانني متاكد انها لن تنساه ابدا وهذه قصتي يا صديقي اما الان فانا انصحك بان تبحت عن المراة التي ليس لديها اي ماضي فهذا افضل بكثير .
كل انسان ليه ماضي حلو ومر انت كمان اكيد فيك اشياء كثيره لم تخبرها بها بس لا تخلي نفسك بموقف مقارنه وتريد تعرف الماضي ولى انت الاساس بحبك وطيبتك وعزه نفسك لا تحسسها انك بتغير من الماضي انت الحاضر لعلمك حتى حبك سيقل في قلبها اذا بقيت تلح وتسال حياتكم سوف لن تكون سعيده انسى المهم انت الان معها فعش حياتك وصدقني هذه وساويس الشيطان اللعين لن يرتاح حتى يوسوس لك ولغيرك فتعوذ دائما من الشيطان واطرده من تفكيرك
اخي لكل بنت كرامه و قد تكون قصه حبها الماضيه اثرت على كرامتها وهي لاتريد البوح لك لان ذالك من وجهه نظرها متهان لكرامتها اخي اترك الماضي وابدأ من جديد وتأكد سيأتي يوم وتخبرك بنفسها لكن اعطها الثقه وحسسها بلأمان وتأكد انها لم تقل لك عن حياتها السابقه لانها خايفه من ان تخسرك
يا أخى بلاش تعرف حاجه إنت أصلا مش ليك أى صله بيها ولا أدنى علاقه
أنا مش هكلمك بالقرآن بس أقل شئ هقولك غياه إنك مش من حقك تعرف ماضيها لأنه يخصها هى
ثانيا إنت كنت عارف كل حاجه لما خطبتها والأهم من ده إنك إعترفت إن أهلها مش عارفين حاجه وهى عرفتك إنت يبأه كفاية كده.
وبلاش تجرحها وتجرح نفسك.
وأقولك الفايدة؟
إنت لو فعلا بتحبها أوى وبتموت فيها تقدر نسيها إسمها بس واضح إنك مش قادر.
أخوك الصريح إسلام المحامى
هذا يدل انك انسان غيور ولا تحب الشي الذي عبث به الاخرون وهذا شي جميل يكون بالمسلم انصحك تتاكد عن نوعية العلاقه الى كانت بينهم وهل لسه بتحبه او لا ولا تنسى صلاة الاستخاره لعل الله ان يوحي إليك الصواب في الزواج منها او لا قال تعالى :الزاني لا ينكح إلا زانية أو مشركة والزانية لا ينكحها إلا زان أو مشرك وحرم ذلك على المؤمنين . والسلااااااام عليكم ورحمة الله وبركاته
قبل ما انصحك انا مريت بنفس التجربا واحب اقول لك انك انت حبيت اكتر منها ولازم تتركها لانها لسه بتحب وهتفضل تحب الشخص الاول وهتعيش حياتك في قلك وعزاب وهي مش عايزه تقولك كيف انتهت علاقتهم لانها اكيد انتهت نهايه جارحه ليك دوس علي قلبك واتركها وانتا ازاي قبلت علي نفسك انك تخطب شخصه كانت بتحب شخص اخر وكل ما جت سيرتو تتعصب وتتخنق عليك وتعكنن عليك الحظات الحلوه انصحك ان تترقها بكل ادب واحترام دوس علي قلبك واتركها تكسب حياه جميلها خاليه من الظن والتفكير والحيرا لانك هتعيش في عزاب
لازم تقولك طبعآ عشان ترتاح لان انت كده هتفضل مخنوق
يقول الله عز وجل (يا ايها الذين امنو لا تسالو عن اشياء ان تبدى لكم تسوءكم )صدق الله العظيم اخى انت ليه بتحاول انك تهين نفسك وتهين كرامتك وصدقنى وانا رجل مثلك ان عرفت حاجه مش هتقدر تعيش معاها ابداااااااااااااا ومع اول مشكله بينكم هيرتابك الشك والغيرة
عزيزى امامك خيارين ليس لهم ثالث
الاول لو حضرتك من النوع الغيور ودى موجودة فى كل الرجال لكن بنسب مختلفة لو شايف ان الموضوع دة زيادة شويه عندك على الفور اتركها وحالها الله يستر على جميع بنات المسلمين
ثانيا لو انت بتحبها وحاسس فعلا انك تقدر تسامحها مش بالكلام بالفعل واعلم تماما انها تحتاج الى عزيمة رجال اقوياء وليس المقصود بالقوة العضلات لا ان تتحكم فى نفسك وتفكر بعقلك لان النفس امارة بالسوء وانت بهذا فتحت باب لدخول الشيطان كى يوسوس لك ان كنت تستطيع التغلب على نفسك وعلى الشيطان واهم شىء تحبها وهى كذلك فتمسك بها ولا تسالها عن شىء وابتدى من اليوم من لحظة دخولك حياتها اذا استطعت
ان تفعل هذا نرفع لك القبعه جميعا ونحييك على رجولتك
لكن فكر فى الامر كويس وانت ادرى بما تشعر به حتى لا ياتى يوم تبكى فيه على اللبن المسكوب
وربنا يوفق الجميع
انت عاوز تسمع اللي يجرحك ؟؟؟
هي مش عاوزه تحكيلك عشان هتتجرح من الكلام ده هتقولك كنت بحب واحد وتحكيلك كانت بتقوله ايه هتفضل تفتكر وهتغير اوي وهتحصل مشاكل هي مش عاوزه كده
بعدين سيبها لما هتثق فعلا انك مش هتسيبها ومش هيفرق معاك حاجه ولا هتتاثر بالموضوع ده هتحكيلك لكن لو حكيتلك دلوقتي احلفلك انكم اول ما تتخانقوا بدون سبب هتقولها ما انا لو كنت ومش لو كنت وهتجرحها ف سيبها براحتها طالما انت بتقول واثق فيها مش واثق ده حاجه تانية وبطريقتك انت حسسها ان الموضوع مش هيأثر فيك وقتها هتحكيلك
اوعى تسمع كلام monster دا اسمه وحش وشكله كمان وحش .بجد الحل بتاعه مش كويس وممكن يخرب عليك اوعى تسمع كلامه.انت سيبك من القديم انت في الجديد ما تحاولش تجيب سيرته في كلامك . هية بتحترمك ومش بتجيب سيرته فانت لازم تساعدها على كدة وتحترمها على الاقل في الناحية دي زي ما هية بتحترمك ..ومع الزمن الكلام هيجيب بعضه حتى لو اخر يوم في عمرك ..على فكرة ربنا بيقول “ومن اياته ان خلق لكم من انفسكم ازواجا لتسكنوا اليها وجعل بينكم مودة ورحمة ” معني الكلام ان الجواز هوة الي بيجيب الحب ولو مافيش حب بيبقى في مودة ورحمة ودي اقل حاجة طيبة ممكن تكون بين اتنين بيحبوا بعض..معني الكلام ان لو هية لسة بتفتكره او اي حاجة مع الزمن هتنسى ومش هتلاقي قدامها غيرك في الحالة دي انت لازم تكون كويس معاها علشان تعرف هية ترتاح معاك ..وسيبك من الماضي..الي راح راح وبلاش تقلب في الورق القديم…ربنا بيقول “يا ايها الذين امنوا لا تسالو عن اشياء ان تبدى لكم تسؤكم ” استمتع بخطوبتك و وافرح مع خطيبتك وما تعكننش على نفسك بالورق القديم حتى ولو كنت واثق من نفسك
اخي .. طبعا انت مخطئ ان تتكلم معها هكذا ..
انصحك بان لا تطلب منها ان تحكي اي شئ عن ماضيها .. فهذا ليس بملكك
لك ان تحكم علي تصرفاتها بعد ان خطبتها وليس لك اي شأن بماضيها
طالما انا ارتبطت بيها اذن فانت لا تشك فيها..
انصحك بان لا تتكلم معها مره اخري غن هذا الموضوع . والله الموفق
يا سيدى انت عايزة اه او لا انت ارطبت بها على الرغم من حبها لشخص اخر و انت متأكد انها علاقة بريئة يبقى خلاص عايز تسبها خلاص اعتقد بدور على حجة او بتحاول ترضى نفسك و انت مش مقتنع صارح نفسك بصدق تكمل معها او تسيبها فى الحالتين بما يرضى الله بدل متكملوا مع بعض بدون ثقة و امان وتغلط فى حقها ثم حقك وربنا يهديك للصواب
على فكرة مع اخترامى ليك انتى بتعمل اكبر غلطة بتفكرها بحبها القديم وده مش صح خلاص وبعدين اتى كدة بتقلل من نفسك قدامه اصل الالحاح ده ممكن تفسره غلط انك مش واثقك فيه مثلا وتعمل حاجز بينك وبينها وبعدين هيفيدك ماضيها بيه يعنى هو انت مالكش ماضى اللى فات مات ابتدى حياة جديدة وسيبك من الافكار والوسواسة اللى شغال نفسك بيها على الفاضى انا عارفة قد يكون خارج ارادتك بس سيطر على نفسك
لم تسئلون عن اشياء ان تبد لكم تسيئكم
أنا مندهش جدا من الناس اللي زيك اللي بيقلبوا في ماضي ليس من حقهم الخوض فيه! ليه ياأخي تعذب نفسك وغيرك؟! لو انت شاكك فيها من الاول مكنش له لازمة الموضوع كله من البداية.انت كنت تعرف عنها هذا الحب ومع ذلك خطبتها وبتقول انها كويسة معاك والامور تمام فليه النبش في الماضي؟ّ! من فضلك أعطها الثقة وخلي عندك ثقة في نفسك كمان وبلاش فتح الموضوع ده خالص واستمتع بأيام الخطوبة معها وأشعرها بالحب والدفء والامان والثقة.
يا ايها الذين امنوا لا تسئلوا عن اشياء ان تبدا لكم تسؤكم *صدق الله العظيم خلى بالك انت بتتعب نفسك على الفاضى انت متخيل انها مثلا لو كانت العلاقة بينهم وصلت لبوسة مثلا او اكتر شوية هى ممكن تقولك على حاجة زى كدة انا مش بدخل فى قلبك الشك بس انت من معاملتها معاك لو حسيت انها بتحبك وعايزاك بجد يبقى خلاص ما تفكرش فى الماضى واللى حصل فيه لانك مش هتوصل لحاجة غير انك تتعب نفسك وانت ليك بعد ماخطبتها تشوف سلوكها عامل ايه وبتكلمه من وراك والا لاوكدة يعنى وبينلها لما سيرته تيجى انك عادى وكدة وخدها على حجرك وجرجها فى الكلام واحدة واحد وكله بالطريقة انما مباشر كدة صعب تعرف حاجة مادام هى مش واخدة عليك والظاهرة كدة انها مجروحة من حاجة معينة وعشان كدة مش عايزة تكلم
أنصحك انك لازم تقف وقفه جامده معاها لانك من الواضح انك بتتصف بشيئين اولهم انك غيور جدا وثانيا انك شكاك ..لازم لازم لازم تصارحك بطبيعة علاقتها مع الشخص ده لانها من الواضح انها مازالت تحبه ..مازالت تحبه ..صدقنى لسه بتحبه ..انا واثق من كده طالما انها بتتضايق كل ما يتجاب سيرته يبقى لسه بتحبه وشبح الشخص ده عمره محيفارق خيالك وحينغص عليك حياتك بعد كده لازم وقفه صريحه وقويه حتى لو اضطريت تدخل اهلها فى الموضوع لان من الممكن ان تتزوجوا وبعد كده يظهلر الشخص ده تانى فى حياتكم ساعتها مش حتطيق حياتك ولازم تعرف وتتاكد الشخص ده نظامه ايه دلوقتى مسافر ولا هنا اتجوز ولا لاء ..لازم تعرف كل ده قبل متتجوزوا رسمى اسمع كلامى ونفذه بالحرف الواحد والا سوف تندم ندم شديد واذا تحققت من كلامها ومن صدقه وعرفت الشخص ده انه بعد نهائيا سواء سافر او اتجوز ولقيت فى كلامها الصدق ساعتها بقا اتجوزها وانت مرتاح البال ..وربنا يوفقك
انت فيه ايه مدام بتتعامل معاك كويس يبقى طلعت الشخص الاول من حياتها فرجاء عدم تذكيرها بيه لمصلحتك انت وحسابك ليها فعلا من اول ما لبست دبلتك بس مش على ماضيها اتقى الله فيها وارحم نفسك والا الشيطان هيخلى فضولك للموضوع يعكنن عليك فرحتك بفترة الخطوبة