مشاكل الشباب مع البنات

اتعب وابقى مخلص ولا ارتاح وابقى خاين

أنا شاب فى حياتى بنتين اريد الزواج من احدهما ولكن كل واحده لها مميزات وعيوب

الاولى مميزاتها انى بحبها جدآ منذ سنوات ولم احب غيرها ومخلص ليها جدآ وما بفكرش ولا هفكر فى غيرها طول مانا معاها واهلها ناس كويسين جدآ

وعيوبها انها تحبنى بسيط اى لا تحبنى كثيرآ مثلما أنا احبها جدآ وستعرفون السبب من العيب الثانى الاتى وهو انها كانت بتحب واحد قبل كده ومش هتقدر تنساه تمامآ وتخلينى أنا مكانه بالاضافه الى انها احيانآ بتضايقنى لما تفتكره

بالاضافه الى ان طباعها مش كويسه من عصبيه لعناد وغيره يعنى طباعها عكسى أنا

البنت الثانيه مميزاتها ان طباعها كويسه الى حد ما وكمان بتحبنى اوى ومالهاش ماضى خالص تضايقنى بيه

لكن عيوبها ان اهلها مش كويسين اوى يعنى مثلا ممكن يجبرونى انى اجيب حاجات لست قادرآ عليها وكمان من اهم عيوبها هو انى حاسس وانا معها هبقى بخونها لانى عمرى ما حبيتها وطالما كنت بحب وحده تانيه ومش هقدر انساها يبقى هفتكرها دايمآ وانا مع حبيبتى التانيه وكده هبقى بخونها وانا اكره الخيانه جدآ

اعمل ايه اكمل مع حبيبتى الاولى اللى بحبها واستحمل عيوبها بس المهم انى مش هخونها خالص ولا هفكر فى غيرها وانا معاها

ولا اسيبها وارتبط بالتانيه اللى ما بحبهاش بس طبعآ مش هحس معها بالمتعه الكافيه ولا هبقى بحبها الحب الكافى بالاضافه الى انى ممكن ابقى بخونها كل يوم من تفكيرى فى اللى بحبها يعنى بمعنى اصح استحمل ماضى غيرى ولا اخلى غيرى يستحمل ماضيا وانا اللى ما ارضهوش على نفسى ما ارضهوش على غيرى

اعمل ايه بالله عليكم افيدونى بارائكم وخبراتكم وجزاكم الله كل خير

مشاكل وحلول ذات صلة

اضيف بتاريخ: Monday, October 25th, 2010 في 09:35

كلمات مشاكل وحلول: , , , , , ,

8 رد to “اتعب وابقى مخلص ولا ارتاح وابقى خاين”

  1. ابواميرة
    24/01/2014 at 18:15

    شوف يااخي احسن الاختيارجيدا لشريكةالعمر فده زواج مش لعب عيال حتكون ام اولادك وربةبيتك ان شايف ان البنت الثانية هي احسن لك من الاولى لعدةاسباب 1- انهاتحبك اكثرمن الاولى 2- انه ليس له تجارب اوماضي مع احد وطباعهاكويسةمعك امامسالةاهلهاانك مش مرتاح لهم فمع مرور الايام سوف يحبونك وتتغير معاملتهم لك اذاشافوابنتهم سعيدةومبسوطةمعك فلاداعي للقلق ابداوتوكل على الله وتزوجها خذ اللي يحبك ولاتاخذاللي تحبه انت وربي يسعدك

  2. زمااااان
    13/09/2011 at 14:37

    ايه يا اخي هيا لعبة تتجوز دي ولا دي الله ده حب الزمن بس تعرف انا لو مكانك كنت اخترت التانية عشان في الزمن ده صعب تلائي انسانة تحبك بجد
    وفي الختام تحياتي لك وتمنياتي لك بالاختيار الامثل

  3. HanyMoh
    11/08/2011 at 06:36

    الأساس في الاختيار هو الدين والخلق

    والثانية أخلاقها أفضل

    ولكن إن أردت الأولى لأنك تحبها أكثر فلا مشكلة وخصوصا أنها عصبية وأنت كما تدعي هادئ الطباع

    فإن تركتها تتزوج من رجل عصبي مثلها فلن يستمر زواجها كثيرا

    أما الثانية ففرصتها أفضل مع غيرك

    الأمر صعب ولكن توكل الله واختار الأولى..

  4. remy
    29/10/2010 at 10:22

    انا رءيي من راي اخ اكبر تختار الاولى و كمان اهلا كويسين و جرب تبعد عنها لمده و شوف

  5. مساعد
    29/10/2010 at 01:43

    سيبك من الاتنين

  6. العمده
    27/10/2010 at 16:09

    انا من رأيي انك ترتبط بالثانيه اولا لانها تحبك كثير والاولى حبها لك مو قوي مثل حبك لها وهذا راح يسبب لك مشكله
    والثانيه انت يمكن تتعب مع اهلها في البدايه بعد كذا لما تتزوجها ما راح يكون لاهلها علاقه اذا كانت ما تسمع لكلامهم واهم شي عندها انت اما اذا كان العكس بتسمع كلام اهلها اكثر من كلامك فانا انصح انك ما تتزوج لا الاولى ولا الثانيه وتتنظر لين ربنا يكتب لك اللي فيه الخير
    ملاحظه : محد يقدر يشيل حب احد من قلب اللي يحبه مهما سوى عشان كذا انا ما انصح بالاولى ابدا في كل الاحوال والله يعينك
    تحيتي

  7. اخ اكبر
    27/10/2010 at 03:50

    اتجوز اللى بتحبها وبطريقتك تخليها تنسى وتحبك انت وربنا يوفقك

  8. فتاه القران
    25/10/2010 at 10:44

    انا من رايى انك ترتبط بالتانيه لا طالما البنت بتحبك هاتقدر تسعدك وهتقدر تخليك تنسى الولى
    وده لان الحب فى الفتره دى مش بيكون حب حقيقلى الحب الحقيقى هو اللى بيجى عن طريق العشره
    ولا تحب انك متكونش خاين بس انت فعلا بتتخان من الاولى
    وده رائى

اترك رداً أو حلاً لهذه المشكلة