السلام عليكم ورحمة الله وبركاتة أنا شاب أبلغ من العمر 23 عام عن طريق شغلى تعرفت على بنت وأختها .. الأخت الكبيرة عندها 22 سنة والصغيرة 16 سنة المشكلة إنى كنت ناوى أتقدم للكبيرة للخطوبة ولكن بعدين أختها الصغيرة صارحتنى بحبها الشديد ليا قبل ماتقدم لإختها وقالت لى لو ماجوزتكش مش هاجوز حد تانى طول حياتى وكمان هيا بتصلى وبتصوم وملتزمة نوعا ما تكلمنا مع بعض على الهاتف وعلى النت كتير اتكلمنا على النت فى حياتنا وليلة الدخله وهانعمل ايه وعلى فكرة انا اتعلقت بيها جدااااا ووعدتها إنى مش هاتقدم لحد غيرها وعرفت أسرتى إنى بحبها وناوى أتقدم ليها وهيا حاليا فى الصف الثانى الثانوى وبعدين انا قلت لها إن كلامنا مع بعض حرام ونترك بعض فترة وبعدين يحصل اى ظرف ونتكلم تانى أو اى مناسبة المهم اخر مرة قلت ليها انا مش عاوز اكون سبب إنك تعصى ربنا وانا مش برد على رسائلها ولا اتصالها بى وهيا عارفه إنى مش برد علشان ما نتكلمش وناخد معاصى عملت إيميل جديد بإسم ولد وعاوز يتعرف عليا ويرسلى رسائل إسلامية عن الأخلاق والعبادات وفى النهاية قلت لها انت فلانه قالت لى ايوا انا بصراحة مش عارف هيا فى سن مراهقه ولا ايه بس للعلم هيا ذكية جدااااا وانا قلت ليها قبل كده انتى فى سن مراهقة ماينفعش نرتبط ببعض قالت انا انا مش فى سن مراهقة انا عارفة انا بعمل ايه وعند وعدى ليك مش هاجوز حد غيرك وللعلم انا بعض الوقت بكون عندهم فى البيت كل شهرين أو 3 شهور مرة والمشكلة الكبيرة إن أبوها بيحبنى وأمها جداااااا وبيقولى ياريت الشباب كله يكون زيك ولا حظة غن ابوها بدء يلمحلى على أختها الكبيرة والغريب إن الصغيرة بتقولى كل البيت عندنا بيحبك جداا حتى اختى معجبه بشخصيتك جدااا وبصراحة انا مش عارف اعمل ايه مع إن أى حد من اصحابى لو دخل بيتهم معايا يطلع يقولى الناس دى عينهم عليك أوى والسنارة غمزت زي مابيقولوا وانا بقوله انا مش فاهم قصد كلامك بيقولى الأعمى يفهم ايلى بيحصل وللعلم البيت ده مكون من أب وام و 3 بنات فقط مالهومش صوبى وانا بصراحة مش عارف اعمل ايه
مشاكل الشباب مع البنات
كنت ناوي اخطب بنت اتعلقت باختها الصغيرة المراهقة
اضيف بتاريخ: Wednesday, November 17th, 2010 في 20:25
كلمات مشاكل وحلول: اخت, البنات, الشباب, النت, بنت, سن المراهقة, صغيرة, مراهقة, مشاكل الشباب, مشاكل الشباب والبنات
توكل ع الله واخطب الصغيره التى تحبها وكل شى قسمه ونصيب المهم تعمل حاجه مش تندم عليها
ازاي يعني بتقول ملتزمة و متدينة و بتتكلموا ف ليلة الدخلة !!! انا من رائي انك تسيب العيلة دي كلها ولا تخطب دي ولا دي لان طالما بتقولك ان اختها الكبيرة معجبة بيك يبقي انت كدة هتكره الاخوات ف بعض وكمان مادام ابوهو فكر فيك لبنته الكبيرة يبقي عمره ما هيقبل بيك للصغيرة
ازاى بتحب الصغيره وبتفكر تتقدم للكبيره ؟؟
المفروض انك بتحب الصغيره يبقى متشوفش غيرها
كمان احترم ثقه اهلها فيك يا عم حرام عليك تتكلم فليله الدخله البت مش حلالك وممكن تجرها لحاجات منيله .. ترضاها لاختك الصغيره دي .. متسبقوش الاحداث وتتكلموا بعد الجواز ياريت تفكروا الاول قبل الجواز
وسؤال يعني ازاى بتصلي وبتصوم وبتتكلم معاك فليله الدخله ؟؟ مش داخله دماغى دي
عموما ربنا يهديني ويهديكم
طبعنا احتار الصغيره لضم بتحبو بعض مش هينفع تجوز الكبيره انت مبتحبهاش حرام عليك انت بعد كده هتجرحه فكحر الاول
شوف اخي انت متردد وعجيب جدا انت حبيت الصغيره اخطبها وخلاص بنات الناس مش لعبه ابدا استخير في صلاتك ولكن لا تفكر ابدا بالكبيره كيف تتزوج وحده اختها اتحبك وانت اتحبها لا يجوز ذلك والله يوفقك
مع احترامى للجميع لايصلح لك ان تاخذ الكبيرة ولاالصغيرة وياريت تدور على بيت تانى منعا لما سيحدث فيما بعد واعتقد ان هذا هو الحل الامثل
السلام عليكم ورحمة الله وبركاتة أنا بحترم جميع أرائكم بس حبيت أقول هل الحل إنى أخطب أختها الكبيرة وهيا هايكون موقفها ايه الضغيرة هادخل بيتهم إزاى وانا كنت بكلمها قبل كده وهيا بتنام تحلم بيا أكيد مش هاينفع اخطب أختها ولو إستنيتها لحد ملتخلص الدراسة خايف يكون كلامها مله مراهقة وابقا خسرت أختها المحترمة وخسرتها بعد ماستنتها 5 سنين أرجوا الرد بسرعة على المشكلة دى
هل هذا تصرف يعقل من انسان عاقل هل أخى تفهم ماذا تقول.. اذا كانت البنت مراهقة فماذا بك انت هل تعيش مراهقة متأخرة ام كنت تريد من تتكلم معك عن ليلة الدخلة ..أخى اتق الله
واعلم بأنك بهذا التصرف سوف تتسب فى مشاكل كثيرة اولها ان تكثر قلب انسانه ثانيا ان توقع اخت فى اختها ثالثا انى اعلم تمام العلم ان هذه المراهقة لا تعلم مذا تقول وسوف ياتى عليه اليوم التى تنظر فيه بعقلها وترجع عن تصرفاتها وتكون انتى أخى الضحيه فى هذا الموضوع
توكل على الله وتقدم للبتحبها قبل الكبيرة ما تتعلق بيك اكتر من كدة وتضيع منك للبتحبها وتحبك
ويكون شكلك وحش لو حد من الاب والام حس بحاجة