مشاكل الحب والزواج

رفض اهله زواجنا

السلام عليكم ورحمه الله وبركاته
انا عندي مشكله مش بتنيمني ارجوكم اول لما تشوفوا سؤالي ردوا عليا انا مش عارفه اعمل ايه ولا اتصرف ازاي
انا بحب انسان من حوالي سنتين يعلم ربنا اني بحبه اكتر من اي حاجه في الدنيا
وافقت استناه السنتين دول لحد لما يخلص دراسته ويجي يتقدم وكنت معرفه والدتي كل شئ انا في وقتها مكنتش ملتزمه اوي يعني وخصوصا في الصلاة هو ملتزم وانسان محترم وبيحبني برضه وبالفعل جه اتقدم هو وحيد ابوه وامه ..مامته صعب التعامل معاها شويه هي عندها 3 بنات وهو وبس .. جم يتقدموا كل حاجه كانت تمام مشيوا وبعدها قالتله دي بالذات لا طيب ليه مرتحتش لها هو كده وخلاص ملحوظه اخواته البنات اتجوزوا بالظغط لانها سيده عنيده هو دلوقتي مش عارف يعمل ايه وانا عاهدت ربنا خلاص ان كل حاجه وحشه كنت بعملها بطلتها والله عشان خاطر ربنا اولا وعشان ربنا ييسرلي الموضوع ده ثانيا انا دلوقتي بقالي اسبوع مبنمش ومش عارفه اعمل ايه هموت انا حياتي معلقه بيه لاني بعتبره كل حاجه الاب والاخ والصديق وكل حاجه بدأت اقلل كلامي معاه وبخليه في حدود عشان ربنا يكرمنا انا دلوقتي والدتي مكنتش تعرف هي لما لاقته مصر وساب البيت ومشي كلمت والدتي وقالتلها بنتك معجبنتاش وجرحتها لكن هو عرف يصالح ماما ويهدي الامور معاها وماما اديتله فرصه شهرين او 3 شهور كمان يحل مشاكله انا مش عارفه اعمل ايه ولا هو عارف يعمل ايه ارجوكم حد يقولي اي حل نعمله ونمشي عليه بالله عليكم انا مبعملش حاجه في حياتي غير اني ببكي والله وبدعي ربنا اوي وعندي يقين في اجابته بس مش عايزة نكون متواكلين ونحاول نعمل حاجه ايه الحل ارجوكم ارجوكم انا هموت من الحزن مامته كل المحاولات فشلت معاها ومامته كمان مسيطره علي ابوه هنعمل ايه ارجوكم قولوا حل

مشاكل وحلول ذات صلة

اضيف بتاريخ: Tuesday, July 23rd, 2019 في 19:35

كلمات مشاكل وحلول: , , ,

3 رد to “رفض اهله زواجنا”

  1. شهكة حزن;(
    01/08/2019 at 15:58

    اني مثل حالج هم اهلة رافضين والله مليت بدلي اقتل نفسي;(

  2. ابوالبتول
    23/07/2019 at 23:12

    شوفي يابنتي الحبيبة كل شئ قسمة ونصيب والشاب ده مش من نصيبك طالما امه مش موافقة عليك وتقول انك مش عاجبتها ولامرتاحه لك الكرامة فوق كل شئ لازم تحافظي على كرامتك وكرامة اهلك ولا ايه ياست البنات انت الف من يتمناكي والدنيا لسه بخير وهتلاقي احسن منه ومن اهله مليون مرة ماتعمليش كدا في نفسك ولاتزعلي ابدا تلاقي نصيبك جاك لامحال مع ابن الحلال اللي يستاهلك ويقدرمشاعرك ويسعدك العمركله

  3. أبو عبد الله
    23/07/2019 at 23:05

    أخيتي أولا هنيئا لك بأسرتك وخصوصا والدتك،أما بخصوص الزواج بذلك الشاب فاعلمي أن الله لا يخيب ظن عبده فيه،وقد قال رسولنا الكريم”لو اطلعتم على الغيب لوجدتم فيما فعل ربكم خيرا”فليكن يقينك في لطف الله ورحمته كبيرا.وعسى ان تكرهوا شيئا وهو خير لكم وعسى ان تحبوا شيئا وهو شر لكم.

اترك رداً أو حلاً لهذه المشكلة