انا باختصار ابن وحيد لام بحبها جدا وبقدر دورها في حياتي وحاليا مشدود لانسانه من وجهة نظري محترمه ومهذبة لكن أمي مش موافقة عليها واعتراضها علي انها بكالوريوس تمريض وان طبيعة عملها مش هتناسبك و ان الناس دية ويعذرني كل الممرضات ف الغالب مش كويسين . عاوز رأيكم في وجهة نظري ماما وازاي احاول اقنعها لو رأيكم من رأيي . هي رافضة بشدة .يهمني رأيكم .انا رأي ان الانسانية لاتقدر بوظيفة او مال او عيلة لكنها مجموعة قيم يسلكها الانسان في حياته ويرسم بيها شخصيته ويفرض بيها احترام الناس ليه.
طب مانا خريجه تمريض والحمد لله بصلي وبنت ناس محترمه ومتزوجه وزوجي يحبني ولم اعمل شئ يغضب الرب بس حرام علي مامتك بجد بص ده بيفرق في اصل التربيه بس يعني لو هي متربيه ومن اسره محترمه هتصونك لو في اي عمي انما اللي مش تعرف التربيه الصحيحه ومش شرط بنت تمريض بتتعرف في مكان وبلاش نظلم بعض كده ونبص لبعض بنظريه دي لان حرام بجد الظلم ده لينا والله حرام احنا بنسهر طول الليل ونجري وبنتعب عشان ننقذ حياه مريض وبنبقي سعدا جدا لما بيشفي وبيقوم بالسلامه وبيكفي دعوه المريض لينا وهو ده املنا بس ومسير مامتك ربنا يشفيها يعني تعرف كده وهتعرف الفرق
اخى الفاضل
كل عمل فيه الكويس وفيه الوحش ولازم تعرف والدتك ان حرام نعمم تصرفات الناس ونقول ان كل الممرضات وحشين وممكن تكون واحدة مش متعلمة خاااااالص واخلاقها عاليه جداااا وممكن واحدة معاها احسن الشهادات وتكون سيئه ,يااخى التعليم مالوش دعوة بالاخلاق المهم الاصل والبيت اللي هى اتربت فيه وبعدين الرسول وصي باختيار الزوجة الصالحة وقال فاظفر بذات الدين مقالش بقا اللي شهداتها كذا او كذا اتكلم مع والدتك بهدوء واقنعها ولو البنت دى فعلا كويسه اوعى تسيبها ,لو ظروفك تسمح اتجوزها واوعى تتخلي عن حبك لانك هتندم ندم عمرك وربنا يجمعك بيها في الحلال
انها كليه تمريض ده مش عيب نهائي اما بالنسبه للتخوف من العمل في المجال فمش لازم تشتغل المهم الحب انك بتحبها ومقتنع بيها وهيا كمان وازاي تقنع اهلك بانك تقرب حبيبتك ليهم وتحاول تخليهم يشوفوها بعيونك وكل ما حبيبتك تقرب ليهم هيعرفوا قد ايه هيا بتحبك وانها محترمه وكويسه وتنفع ام لاولادك وبالتوفيق ان شاء الله
السلام عليكم
اخي العزيز بصراحه حبيبي واقع في نفس مشكلتك انا طالبة جامعه سنه أخيره واهل حبيبي رافضيني لأني طالبة جامعه لان عاداتهم رجعيه يرفضون دخول البنت الجامعه مااعرف ليش هذه الفكره السيئه الماخذيهه عن بنات الجامعه وكمان بينه وبين اهله كثير مشاكل من اجل يدافع عن حبنا ومااعرف اذا احارب وياه لو اعوفه واموت من بعده؟
يااخي انصحك تتمسك بحبك وتحاول مع والدتك وتقنعهه ان المهنه مو مقياس اهم شي الروح والأخلاق والقلب الطاهر ومو كل الصابع سوه ممكن يكون في ممرضات مش كويسين لكن ميجوز نعمم هذه الفكره عالكل لأن كل واحد واخلاقه وحاول لاخر لحظه انك تدافع عن حبك لأن اكيد حضرتك متأكد من حبيبتك ومن اخلاقهه وانشاء الله الوالده تقتنع وربي يتمم ع خير وادعيلي وياك لأني كل يوم بموت
الله يفرجهه علينا وعليكم واتمنالكم السعاده والتوفيق
تحياتي