اتخطبت لصاحب اخوية فى الشغل وسافر بعد اربع ايام من خطوبتى والمعلومة انى مشفتوش ولا اكلمت معاة ولااعرف اى حاجة عنة تماما قبل الخطوبة يعنى شافنى مع اخوية واتخطبنا وسافر مشكلتى حاسة انى مش هعرف اتعامل معاة بعد الجواز وحاسة انة بعيد عنى جدا خايفة من بكرة معاة انسان هتجوزة ومش عارفة عنة غير اة كويس عشان صاحب اخوية حقيقى بجد انا تعبت نفسى فحل غير كدا ان نفسى احس انى مخطوبة زى اى بنت تعد مع خطيبها وتخرج معاة ويكلموة مع بعض ودى لاسف مش لقياة ودى الى تعبانى جدا وبرغم من كل الانا فية بس اتعلقت بية وحبيتة جدا نفى الاقى حل
مشاكل الخطوبة
زواج الصالونات
اضيف بتاريخ: Thursday, September 9th, 2010 في 16:49
كلمات مشاكل وحلول: خطوبة, زواج, زواج الصالونات, مشاكل الخطوبة
خلى النت وسيلة لقربكم لبعض ومتزعليش من حنة السفر علشان دة ظروفة وظروف شغلة بس حولى تخلى النت وسيلة للتقارب بنكم وياريت تتعملى بتلقائية علشان تجبرية على انة يتعامل معاكى بشكل طبيعى وتلقائى علشان تظهرو على طبيعتكم علشان لو مظهرتوش بطبيعتكم الى متعودين عليها فى بيتكم سورى فى اللفظ هتحسى يوم فرحك انك مع واحد على الس…… غريب عنك ومش عرفاة ودة شئ هتعانى منة لو مكنتوش على طبيعتكم
اكيد بتتكلموا مع بعض ودا هيقربكوا لبعض وربنا معاكى
بصى هى بتبقى طبعا مشكلة بالنسبة لاى بنت لما تكون مخطوبة كصورة فقط وهى مبتتكلمش مع خطيبها او حتى تعرف اسلوبة او شخصيتة بس انتى بتقولى انة سافر بعد خطوبتك باربع ايام ف الايام دى متكلمتوش مع بعض هى ماشى مهياش فترة كافية علشان تعرفو بعض بس الاسم انكم فتحتو مجال للكلام يقولك مثلا حيرجع امتى حتتكلمو وهو برة ازاى فطالما انتم معرفتوشلسة بعض متحددوش معاد فرحكم الا لما تقعدو ع الاقل سنة مخطوبين وهو يكون ف بلدك علشان تقدرو تتكلمو وفهمو بعض وربنا يسعدك انتى والى زيك
اختى العزيرة .. الغرض من الخطوبة هو ان العريس يتعرف على عروسته
لكن مش معنى كدة اننا نخالف امر ربنا او نغضبه .. ومش معنى انك مخطوبة لواحد انك تخرجى معاه زى مانتى عايزه او تتكلمى معاه زى مانتى عايزة .لا طبعا ما ينفعشى الكلام دة
الخطيب زيه زى اى واحد غريب عنك .. والمفروض انكم ماتخرجوش لوحدكم وماتقعدوش مع بعض فى غرفة لوحدكم ..والكلام اللى بقولهولك دة مش كلامى دة كلام ربنا وكلام رسوله
وعندك الموقع دة وشوفى المشاكل اللى بتحصل بين المخطوبين بسبب الخلوة الغير شرعية وعدم متابعة الاهل ليهم وانهم ممكن يخرجوا لوحدهم فى اى مكان
بس مش معنى كدة انك ما تتكلميش معاه .. لاطبعا من حقك انك تكلميه بس الكلام يكون فى وجود حد من محارمك .. اخوكى او ابوكى مثلا
طبعا هتقولى ومال ازاى نحكى كلام حب وكلام غزل لبعض .. هقولك مدام هو مش جوزك شرعا يبقى حرام يبقى فى كلام بينكم بالشكل دة .. كل كلامك معاه هيبقى هدفك انك تعرفى شخصيته وطباعه
على فكرة انت مش عارفة انت عاوزة اية منين مش عرفة هاتتعملى معاه ازاى ومنين حبتية قوى انت يعنى كل مشكلتك فى انك تخرجى وتحسى انك مخطوبة ولا اية انت بتقولى انة كويس اا عارف انكم مهما بتتكلمو فى التليفونات او النت مش كفايا انكم تعرفو بعض لازم تتكلمو مع بعض وتشوفو بعض بس كان ممكن يحصل دة من الاول من ساعد ما جالك انت مش عارفاه وهو مسافر كنتى اتكلمى فى دة من الاول وكنتى تعملى حسابك انكم هتعيشو مع بعض لازم تكونو عارفين بعضمش مجرد تليفونات او نت عشان تعرفو بعض كويس وربنا يوفقك
مادام انتي اتعلقتي بيه يبقى المفروض تاخدي نمرته من اخوكي وتتصلي بيه تقوليله كل اللي نفسك فيه واكيد هو هيقدر مشاعرك بس انتي جربي وشوفي النتيجه عشان متتعلقيش بيه اكتر من كده وكمان متخافيش مادام هو صاحب اخوكي زي مابتقولي يبقى اكيد متطبع بطباعه يعني مش هيفرق كتير عن تصرفات اخوكي وكمان انتي متعرفيش يمكن هو مسافر بيكون نفسه عشانك وعشانه ..
أختى الفاضلة
مشكلتك انك عايزة تحسى انك مخطوبة وتعيشى ايام الخطوبة
ممكن حضرتك تصارحى خطيبك وتتكلموا على النت كل يوم وتتعرفوا على بعض اكتر بحيث تخدوا على بعض
وهو أكيد مسافر علشان تتجوزوا بسرعة وعلشان يوفرلك عيشة أفضل يعنى الراجل شاريكى
وعلى فكرة دى مشكلة بسيطة جدا وحلها زى ماقلتلك
وربنا يوفقكم ويسعدكم
وكل سنة وانتم طيبين