انا متزوجه منذ ثلاث سنوات و عندي بنت هي كل حياتي،منذ ايام كتب الكتاب و عرفت ان حماتي مسيطره علي جوزى و محسساه انه لازم يعوضها عن اللي والده عمله فيها انها استحملتوا عشان تربيهم و في الاخر كمان اتجوز عليها ،فساعدها برفع قضيه للطلاق منه وقاطعه تماما و انفق عليها ببزخ و قسم وقت الاسبوع نصفه في بتنا و النصف الثاني هناك عند اموا لا واللى بيموتني ان والدته تدخل في كل شئ و هو مش شايف كده طبعا و زيدوا علي كده كمان انها بتغير مني و بتقلدني في كل شئ،عيزا رايكوا بقي انا مش ادرا استحمل وبفكر في الطلاق
مشاكل الازواج
زوجي متعلق بامه وافكر بالطلاق
اضيف بتاريخ: Saturday, July 28th, 2012 في 10:24
كلمات مشاكل وحلول: الحياة الزوجية, الطلاق, بنت, متزوجة
والله اعاني نفس المشكل كل شئ بيني وبينه يحدث يصل اليها وفوق هذا كله تحاول دائما تشعيل النار بينه وبيني ارجوكم ما الحل
يااخواني للاسف الشديد يوجد الكثيرمن هاالازواج الذين لايقدرون للزوجةحقهاكانسانةمن حقهاان تعيش مع زوجهااللي اختارته ورضيت به وابواولادهاوكل شي لهافي الحياة ولكن ان تجدمن يشاركهافيه ويتحكم فيه ويتدخل في كل كبيرةوصغيرة في حياته وشوون بيته ومع زوجته هذاشي لايطاق ولايقبله عقل ولامنطق ابدا ومافعله هذالزوج من اهماله لحقوق زوجته على حساب مراعاته لامه غير مقبول لاشرعا ولاعرفا ولابد ان يفرق الواحدبين الام والزوجة ويعطي كل ذي حق حقه مش يتجاهل الطرف على حساب الطرف الاخر الام لهامكانتهاعندالجميع والله اوصى بهاوحث على البروالاحسان اليها هذاماننكره ابدا ولايمكن ان نتجاهله اطلاقا لكن لابد من نعرف ان الام لهامكانتها وان للزوجةايضا مكانتها ولاينبغي خلط الامور ااوالتجاوز فيها كلكم راع وكلكم مسوول عن رعيته هذةالزوجةلهاحقوق وواجبات عل هالزوج لابدمن مراعتاها والوفاءبها كي تدوم العيشةوالحياةتستقيم بينهما ولااحديرضى بالتهاون اوالتفريط في حقوقه مهماكانت الاسباب اوالمعطيات والام هداهاالله لاتكن انانية تحب السيطرةعلى ولدها واخذه من زوجته وبيته وتكون سببا في خراب ودماربيت ابنها والتفريق بينه وبين زوجته بل الام العاقلة الحكيمة تضحي بكل شي في سبيل سعادةابنايها وتحاول حل المشاكل اوالخلافات اللي تحصل بينهم وبين زوجاتهم وتكون منصفةوعاقلةوحكيمةلاترضى بان ابنهايظلم بنات الناس اويقصرفي حقوقهاالزوجية بل تساعده وتشجعه على الوفاءبهذةالامور وتريدله الخيروالسعادةفي حياته
اختي لازم زوجك يعرف حقوقك الزوجيةعليه ويوفي بها ويكون زوج مراعي لربه في زوجته وبنته وبيته مثلماهومراعي الله في امه واخته ولابدمن اعطاء كل ذي حقاحقه من الاهتمام والرعايةوالانفاق واذاتعذرمعه كل هذةالنصايح والكلام اشركي احد من اهلك ابوكي اواخوكي اوعمكي لاتسكتي على حقوقك اوالتهاون فيها وخليه يتكلم مع زوجك لعل الله يهديه لجادةالصواب ويعرف ان لبيته وزوجه عليه حق ايضاواذالم يجدي معه كلهذاالكلام فالطلاق خيرالعلاج لحالتك وكلايغنيه الله من واسع فضله وربي بيكرمك بالزوج الصالح اللي يستاهلك ويقدريسعدك في حياتك
بما أنك عايشة لوحدك فيمكنك أن تغيري من تصرفات زوجك لصالحك بأن تكوني مثل أمه و تخلينه ما يستغنى عنك بالطاعة و حسن العشرة
انت عايزه يترك امه وينساها ايه الكلام الفارغ تبعك بطلي اوهام وعيش حياتك مع زوجك وماتخربي بيتك بيدك خليك عاقلة
اهتمي ببنتك وطالما حماتك في بيت اخر فلا تهتمي بالعكس اليوم اللي مايروحش لوالدته قوليله لازم تروح لها مع الوقت هيبدأ يقلق من برودك وسيقلل اهتمامه بوالدته لكن طالما انك متوترة من هذا الموضوع فلن يتخلى عنه وحاولي تخرجي وتروحي لأهلك وانسي وجوده وربي بنتك وحماتك هيجيلها يوم وتزهق وحاولي ماتنجبيش منه اولاد كفايه البنت
حاولي تخليها تحبك وتتعلق فيكي خدي رأيها في اي حاجه خليها تحس بأهميتها في حياتك ،ومن ناحية جوزك حاولي تفهميه الفرق بين حب الام والزوجه والمعامله الطيبه ليكي حتنعكس علي حبك ليها وبعدان هي مش زوجته عشان يقسم الاسبوع بينكم هي امه واجب يشوفها كل يوم يروح يزورها وانتي معاه وفي الاخر تروحو بيتكم عشان هو نفسه حاسس انك وخداه منها لازم يعرف انه وانتي شخص واحد عليكو واجب الاهتمام بامه والمحافظه علي بيتكم من الانهيار وربنا معاكي
نصيحه من اخوكى مش اول حاجه تفكرى فيها الطلاق اولا ايه اللى هيعود عليكى من الطلاق
1-سمعتك وكلام الناس
2-هتحرمى بنتك من حنان ابوها مهما كان حتى لو هيشوفها كل يوم بعد الطلاق
ما تخليش الشيطان يسيطر عليكى ويحسسسك ان الحياه هتبقى سهله وممكن تشتغلى وتخلى بنتك فى احسن حال بالعكس انتى لو عملتى كده هتخسرى كتير وبنتك اللى هتدفع تمن غلطتكو اللى مالهاااش ذنب فى اى حاجه
كل اللى اقدر اقولهولك انك تحاولى تقربى جوزك منك اكتر من كده
يمكن شايف فى والدته الحنيه اللى مش لاقيها معاكى او يمكن لسه واخد عالوضع قبل الجواز فهو ده احسن حل وخالى موضوع الطلاق ااااااااااااااخر حاجه وياريت ما تجيش منك انتى
والله الموفق
اخوكى محمد
انا بعانى من نفس مشكلتك بس انا ازيد شوية انا جوزى غشنى قبل الجواز بانه عنده شخصية لانى فوجئت بان امه ست صعبة اوى ولما فكرت افك الخطوبة قالى انا عمرى ماهظلمك انتى حبك حاجة وهى حاجة انا برضيها عشان ربنا وبعد الجواز بايام قليلة لقيته دايما سرحان بيفكر فيها لدرجة ان بعد جوازنا بيوم لو حتى هزرنا يسرح ويقولى يعنى احنا هنا بنهزر وامى قاعدة لوحدها لا وغير كدة فاجئنى انها هتعيش معانا وانا قبل الجواز كنت بزورها وكنت بعاملها كويس بس هى مش كويسة دايما تتكلم عليا ودايما مسيطرة على ابنها وكذا مرة تحاول اننا نسيب بعض ومفيش حاجة بتعجبها ومهما عملت معاها مابترضاش وجوزى مهمل فيا اوى ومهتم بيها هى اهم حاجة عنده يعنى لو تعبانة مايهتمش وهى لو كحت يجرى يوديها لدكتور مع العلم ان ليها ابن تانى بس هى مسيطرة على جوزى عشان هو كريم وسخى اكتر من اخوه واخوه فاهمها وعارف انها عايزة تخرب عليهم وقرفت مراته فعمل حدود بين امه وبين مراته الا جوزى انا عايزنى اروحلها اخدمها وبتحرق دمى بكلام مستفز وهو مابيردش ولا يقولها عيب دى مراتى وعايزنى استحمل فوق طاقتى وانا مش عارفة اعمل ايه لدرجة انى كرهته بس انا مقدرش اطلق دلوقتى لانى مكملتش سنة
اسمها سلمي ،بجد حاسه ان الطلاق هو الحل لاني فعلا تعبت و اللي زاد علي الموضوع انه لا يحترم اهلى بالشكل الكافي و دايما يتحاشاالأختلاط بيهم علي عكس اهلوا فطبعا ده بيضيقني جدا و الجديد انو سيبني شغلي و للأسف والدي كان هيعتمد عليا عشان يجيب سياره بالتقسيط و لما طلبت من زوجي انوا يساعد بالورق بتاعه رفض عشان ميتورتش في حاجه مع اهلي و انا مكسوفه دلوتي من والدي و كمان مش طيقه زوجي انوا يقول كده علي اهلي،اعمل اه يا ربي كده كتير، يا رب صبري ،ارجوكوا ادعولي بحق الأيام المفترجه دي ييسر عليا ابتلائي
متخربيش بيتك واحسلك اتقربى من والدته ولازم تفهمى ان دى امه وتعبت عشانه عشان تكبره يبقى اما يكبر هوه يسيبها عشان يرضى مراته يبقى راجل مش اصيل
تماسكى تبتى فى جوزك ولو طلبتى الطلاق هتفرح فيكى واهتمى بمظهرك و اهتمى بجوزك وحولى تتقربى لحماتك واشترى لها هدية وربنا معاكى ويساعدك عليها و اسم بنتك اية
بجد لو كانت مامتوا مش شجصيه متحكمه كنت مبقتش متضايه كده،كمان موضوع الغيره ده صعب اوي صعب الاقي حماتي عملا نفس قصه شعريوجيبه بيجاما زي بتعتي و عبايات نفس بتعتي و اي شئ اشترة و تعرف تشتري مثلوا ،دي حتي لو كنتا بنفكر في موضوع و انا قلت فكره حلوه تقول ازاي انا مفكرتش في كده الأول ،ازاي انتي فكرتي و أنا نسيت ،انا زوجى لازم يكلم حماتي كل ثلاثث ساعات بالكتير علي مدار اليوم
صدقوني حاولت معاه بكذا طريقه و ما مجابوش نتيجه،اتكلمت معا كذا مره و نفذتلوا كل طلاباتهم كتير و اتكلت مع مامتوا و ده كان اصعب شئ ،هما شيفين ده حقها مدام والده مش موجود بحجه انها متبقاش لوحدها بس هي اختوا ستايل حايتها انها معاها علي طول كل يوم عشان زوجها يعمل كل يوم حتي يوم الجمعه لحد الساعه الثامنه مساءا علي الأقل ،لم اقل هذه النقطه كمان اناختوا و اولادها كل يوم عند ماما يفطروا و يتغدوا و طبعا زو جي اصلا هو اللى بيصرف علي بيت اموا و اختوا تعمل وزوجها غني ما شاء الله ،
اختي خليكي قوية و خلي الطلاق آخر حاجة تفكري فيها انتي لازم تفكري اولا بالحل انا انصحك انك تحاولي اذا كان زوجك فاضي تحاوريه و تحكي لو انو انتي و بنتو في حاجة الو و انك تحكي لو عن امو و انك مو راضية بها الشيئ صحيح هي امو و انت مقدرة قيمة الامومة بس مو لدرجة انها تتحكم فيه و في عائلتو حسسيه انك بتحبيه و بتحبي اهلو مشان مايقول انك انانية و اذا ما في نتيجة حاولي تتحاوري معا امو بالتي هي احسن ويكون خير انشاءلله وربنا يحميك و يحمي عائلتك و يبعد الشر عنكم
يابنت الحلال …. معقوله امه هتغيير منك ده كلام برده …. ممكن ايون بتدخل في حياته لكن تغيير منك جي صعبه شويه وبعدين هو لو مش ليه خير في امه مش هيبقي ليه خير فيكي صدقيني … خليكي تقيله شويه لانه في الاخر جوزك وابو بنتك … وهيلف يلف وهيرجع ليكي اخر اليوم … لازم يكون بار بأمه علشان ديننا بيقول كده … والنبي وصي علي الام كتيير …. ولازم تراعي انتي كده بعد كده ان شاء الله لما اولادك تتجوز هتحسي باحساسها ده وهتقولي انك كنتي غلطانه … معلش حاولي تتحملي وكل سنه وانتي طيبه