انا جوزي مسافر و انا متجوزة من سنتين بس عشنا مع بعض سبع شهور وسافر و قعدت مع والدي ووالدتي و ليا اخ ولد اتجوز بعدي.
والدي توفي بعد ست شهور من سفر زوجي وقعدت مع والدتي لأنها مريضة، اخويا اعتمد ع كدا و مكنش بيجي يزورنا ولا متحمل المسئولية معايا.
وكان معايا طفلة اربع شهور زوجي طلب اسافرله بعد سنة من الفراق والسنة دي انا تعبت معاها جدا نفسيًا لان هي كانت كثيرة الشكوى مع أن الخلاف أن انا خائفة عليها و ع فلوسها لأن دائما تبزر ف الصرف وتحتاج فلوس ف الاخر.
المهم انا مسافرتش الا لما جبنا ست مقيمة خادمة ليها بس بتمشي يوم ونص ف الاسبوع، وقولنا اخويا يتحمل المسئولية ويجلس معها اليوم ونص، طبعا حصل بس بخناق وشتم وسب و يتصل بي يتخانق معايا، وصلت انو دعا عليا وعلى بنتي و زوجي واني لازم انزل اشيل والدتي.
وبالفعل نزلت بعد ٦ شهور من زيارتي لزوجي، وطبعا هو اختفي وعاوز يسافر عشان يلزمني اني مسفرش تاني لزوجي، وهي كمان كانت تمارس طبعا ضغط فظيع وأنا مسافرة اني سبتها و لدي خالات نفس الكلام.
المشكلة لو زوجي طلب مني السفر تاني ماذا افعل؟ وقال لي ندفع لشخص آخر إجازة الست المقيمة فترة صغيرة زي اللي سفرتهالو و ارجع لامي تاني
