المشكلة بدون تطويل منى ان زوجى عرفت عنه علاقات مع بنات تليفونات بالليل والنهار واخفى كل ده عنى واجهته فقال مش من حقك تعرفى غير اللى انا عاوز اقولهولك وبس والمصيبة ان فى ست متجوزة جارة لينا كانت عاملة صاحبتى مع انى من دور بنتها بس بتعامل معاها كويس طبعا بشكل سطحى تماما اكتشفت انها بتتصل بيه يوميا الصبح وبالليل ومواعيده بالدقيقة وهو كان عاوز يقربنى منها وكان بيقول عنها انها كويسة طبعا انا عرفت وواجهنه انكر تماما وبعد خناقات طويلة قاللى ان فى موضوع يخصها ولو اتفتح بينى وبينه حيبقى فى شرخ كبير فى علاقتنا المهم بطلت هى تتصل والمكالمات قلت لكن انا متاكدة انه بيكلمها واللى بيغيظنى انها لما بشوفها بتضايق جدا والغريب انها بتبص لى بقرف كان انا ……مش عارفة الصراحة جوزى عاوز يثبتلى ان كل ده اوهام وظنون وانا متاكده من افعاله انه بيكلمها هى وغيرها وطبعا شات على طول ويقوللى اصل ده فلان صاحبى اتخنقت من كدبه مش بصدقه نهائى لا وبيشتغلنى لما اخرج يتاخر على ما يروح الشغل بحجة تعبان …..الصراحة انا اتخنقت وماعدتش بثق فيه نهائى وخايفة على بيتى عشان ابنى ومهما كان احنا متجوزين عن حب وهو كويس فى حاجات كتير لكن نفسى يبطل كدب على ويقطع علاقاته مع الناس القذرة دى يا ترى ايه الحل ؟
مشاكل الخيانة الزوجية
زوجي يخونني بالهاتف مع بنات
اضيف بتاريخ: Sunday, April 24th, 2011 في 12:00
كلمات مشاكل وحلول: الخيانة الزوجية, الشات, النت, تليفونات, زوج
انا اعاني من نفس المشكلة لم استطع التكلم في الموضوع مع احد لاني أخاف منه .هو دائما ينكر الامر وانا اعلم بخيانته لي.لم اجد الحل الا اللجوء الا الله بالدعاء والصبر..لعله يقلع عن هذه الخطيئة
انا شاكره لكل نصائحكم الغاليه
واحب اطلب منكم انكم تدعولى بالصبر انا اختى بتقوللى انتى بقيتى مريضه بالموضوع ده لكن اللى فى المشكله مش زى اللى بيبص عليها من فوق
انا ان شاء الله قربت اولد تانى طفل لى وقولت يمكن يتعدل شويه لكن بحس انه بيمهد لى انه هيكتر من سهره وانى ما اشغلوش وكلام كتير بايخ بيلمح لى بيه
باعترافه انى لم اقصر معه فى شئ
ولكن موضوع التليفون مع الست دى عرفت انه من قبل ما نتجوز ب ١٢ سنة
وغيرها
مع اننا متجوزين عن حب
وهو متدين ومع ذلك…
كلمته بالدين واتخانقنا بل وصل الامر لضربى واهانتى امام اهله ولكن محاولات الصلح وقناعتى الا اخرب بيتى بسبب تلك المراة او غيرها جعلتنى اظل فى بيتى
المشكله انى فعلا بحبه
وانى صعبان على انى ابقى عارفه عنه كده ببقى قرفانة ومتضايقة
وهو بيستغل اى فرصة ويتكلم
لما اروح لاهلى زيارة مرة فى الشهر بسبب الدكتور ومتابعة الحمل ما بيصدق وساعات يقوللى مش عاوزة تروحى عند مامتك وانا بقوله لا خلينى كفايه ميعاد الدكتور نفسى ابطل افكر لانى بجد اعصابى تعبت اوى
ونفسى ابعد الست دى عنه بس مش عارفة اعمل ايه؟
وفي الاخر منادرش ناول غير حسبي الله ونعم الوكيل علي كل خاين انا اكتر حاجه بتوجعني الخيانه
صراحه انا قريت تعاليقكم متاخره سري يعني بس والله انا مابلمش اي وحد بتعمل مع شخص متزوج لانو اكيد هو اداها مجال كده ولا ماكانتش اجرات وعملت علاقه معاه
والله بجد انا تعبت وقرفت من كتر الخيانه والكدب المشكله عندي ان في حاجات كتير تسبتلي انه بيكلم واحده ولما بواجهه دايما بيكدب مشعارفه اقول ايه مش هقول غير حسبي الله ونعمه الوكيل لان هما ميردوش اننا نخونهم ولا يستحملوا لكن احنا بنستحمل دايما كدبهم وخيانتهم منه لله كل واحد خاين ويارب انت القوي صبرنا
السلام عليكم٠
يااختاه ان الصبر مفتاح الفرج حاولي تغيري شوي من تصرفاتك معه حولي تكوني جدية اكثر معه وادعي لزوجك ان شاء الله
عز وجل ان يبعد عنه بنات الحرام احن بشر بنغلط زوجك غلط خلي الله يحسب
واهتم بابنائك مالهم ذنب بهذا الشىء اضحكي وانسي الهموم, صحتك اولا بكل شيء راح يجي يوم
يندم فيه ويتاسف علي عملو
اكثري بقراءة القران والله معك.
اختكي زهراء مغربية مقيمة ببلجيكا.
للاسف كل الرجالة كدة وانا عندى نفس المشكلة بس هتعملى اية انا اتخانقت كتير جدا وانا فعلا بشهادة منة انى مش مخلياة ناقصة حاجة بس كل اللى هقدر اقولة انك متزعليش واشغلى نفسك وتجاهلة شوية وحسبى اللة ونعم الوكيل فى كل خاين
ههههههههههههه طيب ماتشوفى انتى نفسك مقصرة فى ايه وانا عارفكو ما شاء الله نكد فى نكد الو احدة منكم بعد ماتتحوز تهمل نفسها شوفى هو نائصة ايه فهمتو ولا لسة
طبعا انا شاكرة ليكم لكن المشكلة ان زوجى حريص اوى وانا مش غبية وبعرف انه كلمها من حاجات بسيطة انا نفسى ان الست دى تبعد عنه وعلى فكره اتكلمت معاه بالدين قال انا مش محتاج نصيحة انا عارف الصح والغلط كويس وانتى لو دخلتى لقيتى واحدة معايا ثقى تماما انى ماعملتش حاجة تغضب ربنا
عايزة اقولك كمان اني كلمت اللي بيكلمها جوزي من وراه وبعتلها رسايل لو هي واحدة بتحس وعندها ذرة كرامة كانت قطعت علاقتها بيه واصله يا حبيبتي النوع دة من الشياطين(الستات دول ) ربنا بيشيل منهم الاحساس ومصخرين لاذي الخلق
عايزة اقولك يا اختي اني انا في نفس مشكلتك مع بعض الاختلافات الصغيرة وعملت كذا مشكلة وكلمته بالحسنة شوية وبالخناق شوية بس في الاخر مالاقيتش فايدة وسكت في الظاهر بس من جوايا باغلي كل مايجيله تليفون او اتصل بيه والاقيه مشغول وفي الاخر سلمت امري لله وحسبي الله ونعم الوكيل في كل واحدةتكون السبب في خراب البيوت وتعمل اي علاقة في اي شكل من اشكال الحرام مع اي راجل وربنا يهدي عبادهوربنا يصبرك ويصبرني
انا متلك او اكتر منك وعايشه على امل تغير نفسه بي نفسه بس ماتفكري كتير عيشى حياتك ولي ابنائك بكره يشبع وميشوفش حد غيرك بس ماتهملهش لي انك زوجتو والله معك ومغي
انا شايفه ان اغلبيه الازواج بهذه الخصال اللى لا ترضى لا زوجه ولا ربنا ولا احد طبعا ادعى له بالاضافه انك تحسسيه انك مش مهتميه خالص علشان العناد ممكن يكون زوجك من النوع العندى وحاولى الخروج وسبيه حتى لو شك فيك لا تهتمى به الممنوع مرغوب حتى هو اللى يبحث عن تغيرك وربنا يهديه
مافيش راجل في الزمن ده ما بيعاكسشي وخاصة احنا في عصر اجهزة تكنولوجية متطورة تخلي العلاقات دي تكون سهلة جدا
لو بتحبيه وعندك عيال منه وبيصرف عليكم حاولي في البداية تدعيلوا دايما انه ربنا يبعدوا من بنات الحرام وثانيا ما اتراقبيش جوزك كتير لان طبيعة الراجل ما بيحبش امراة تتحكم فيه او اعملي نفسك مش عارفة بس اغريه انتي واشغليه بالحاجات اللي هو بيحبها ودايما اهتمي فيه واديلوا العبارات الحلوة, وان شاء الله يتغير
ولله يا اختي هاد المشكلة صارت كتيرة جدا في مجتمعنا اليوم ولكن بالصبر والحكمة انشاء الله ربي ينجحك في حياتك تقربي من الله وتلي القران واكتري من الدعاء سوف يكون الفرج انشاء الله اخوك رفيق من الجزائر
بصي أولاً ربنا يصبرك على المواقف دي . الحل الوحيد فعلاً هو انك حاولي تقربيه من ربنا أوي وخليه يتفرج على الشيخ محمد حسان .وعارفه ايه أكتر حاجه ممكن تهديه خليه يقرأ عن علامات الساعه والحساب والعقاب
وإن شاء الله ربنا يهديه
هى مشكله صعبه جدا بس انتى ممكن تكونى حسه غلط و عشان انتى مفكره انه بيخونك بترتبى الاحداث على مذاجك ف انتى قربى من ربنا و اطلبى منه الحل و ادعيله بالهدايه أو تجانبيه هاتيله دايما امثله من القرأن على ان الخيانه حرام بس بالراحه مش بالخناق و ربنا يعاديلك المشكله دى على خير