انا متزوجة منذ عامين ونصف ولدى طفلة عمرها عام ونصف جوزى ضربنى من اول اسبوع جواز علشان السبوع ووالدتى قالت لى تاخدى فلوس ولا نجيب فاكهة فطلبت فلوس فزوجى اعترض على المبلغ وطلب مبلغ كبير المهم ضربنى وهزقنى كنت بدرس لسة فى الجامعة ليسانس حقوق جامعة عين شمس اخر سنة المهم ظهرت نتيجة الترم الاول وكنت شايلة مادة فضربنى وهزقنى وطردنى من البيت باللبس اللى عليا فروحت ووقلت لوالدى المهم بعت ناس يرجعونى له بعد جلسات روحت له رجع يضرب تانى وشتم باهلى شتايم انا مش بستحملها نهائى اضريت ارد عليه يقولى حاجة اقول اهو انت ثم منعنى من اهلى اعتقادا منه انهم يحلاضونى عليه انى ارد عليه ثم حملت بالطفلة اللى معايا دلوقتى ولما سالت الدكتور بنت ولا ولد قال لى عروسة غضب زوجى جداا انها بنت وليست ولد بالرغم من انه اول يوم زواج قال لى متزعليش لو الحمل اتاخر شوية علما بانه مريض سكر وزمايلة ليس بهم اى مرض اللى بقاله 5سنوات واللى 10سنوات ولم ينجبوا فقال انا مريض سكر اكيد الحمل هيتاخر فقلت له انا لم يهمنى حمل المهم انت وبس فلما عرف انها بنت غضب جداااا ولما اتت للحياة ووضعت يضرب فيها وهى عمرها 40 يوم ويقول علشان اربيها فقلت دى طفلة تربية ايه اللى هتربيها لها دلوقتى حرام عليك البنت متحبش دلوقتى تقعد معاه لوحدها نهائى من كتر قسوته عليها عاوزانى علطووول المهم حصل انى سبت البيت له لتانى مرة بس انا المرة دى انا اللى سبتها لسوء معاملته لى ضرب وشتايم وسب دين وانه مبيصليش ومش بيصوم رمضان الا ايام قليلة منه وان صام بيصوم الايام دى عن الاكل فقط لكن سب وضرب واهانات وعدم صلاة فسبت البيت ورحت بيت والدى عقدت فترة 3شهور ولما بعت حد يرجعنى له والدى رفض وبعد جلسات كتيرة اوى اوى رجعت له علشان البنت تتربى فى حضن والديها على امل التغير لكن الامر زاد سوء لم يتغير للاحسن بل للاوحش قلت استحمل علشان بنتى يقول لبنتى اشتميها وقولى لها ياحمارة ياجموسة ويا ***** ولانها طفلة فبتردد الالفاظ دى وهى لم تعرف شى فلما اجى اصلى بنتى تقف بجوارى تقلدنى ومن فترة وانا بصلى كانت تبكى عاوزة تلبس حجاب زى علشان تعرف تصلى وذهبت لوالدها بنفس اللفظ وقالت بابا قوم صلى قوم صلى ولم يستجب لها طبعا ووالدى حاسس انى مش سعيدة معاه وانى بى شى وانا خايفة اقول له لانى لو قلت له هيكون طلاق منه لانه وقه له 2 يمين طلاق ولو زهبت لوادى هيكون رقم 3 ومن اسبوع كنت بنظف الشقة واستلفت بور انظف الاجهزة عندى ولما اتى من العمل قلت له انى استلفت من فلان البور شتمنى وطردنى بالرغم من انه كان مريض جداااا جداااااا وكنت بجواره فى مرضه وسهرانه جنبه لكن لم يحفظها لى طردنى وقال هات لى حد اتفاهم معاه علشان استلفت من احد الجيران البور وشتمنى وانا لو زهبت لوالدى المرة دى لم ارجع له نهائى فزهبت لاحد اصدقاء والدى وجاء معى وحل الموضوع بس هو حلف يمين طلاق انى لم ازهب لاهلى الا بمزاجه ووالدى حاليا مريض ولما قلت له رفض انى اروح له واشوفه وقال فى العيد الاضحى لم تزهبى لهم ايضا ويقول للبنت انا هخليكى تنسى الاشكال ال**** دلو على اهلى بالرغم من انه محروم من اهله ولم يسالوا عنه نهائى ويتم الاب ابوه طلق امه ورماه ولم يسال عنه طوال حياته وكل مايحب يلوى دراعى يحلف يمين طلاق كانه لبانه فى فمه ولما يساله حد قصدك طلاق ولا تهديد فكبريائه تمنعه من الحقيقه يقول لاء طلاق علشان يلوى دراعى اكتر انا دلوقتى محرومة من اهلى بقالى شهر ولم اعرف عنهم شى بالرغم من انى متزوجة قريب منهم مازا افعل اريد حلا ارجوكم افيدونى ابى لو علم باللى بى هيبهدلنى لانه حاسس وسالنى كم مرة وقلت انى سعيدة وهو اتغير وبقى كويس وهو العكس ولو روحت لهم هيكون الطلاق وهيبهدلونى لانى لم اصارح اهلى باللى بى مازا افعل اغيثونى
مشاكل الازواج
زوجي يهينني و يمنعني من زيارة اهلي
اضيف بتاريخ: Tuesday, October 18th, 2011 في 15:12
كلمات مشاكل وحلول: الزواج, بنت, متزوجة, مشاكل الازواج, مشاكل زوجية
الحقيقة الرجلة كلهم زى بعض الواحد زهق منهم ومش عارف يعمل اية معهم
ابنتي الفاضلة من ناحية الدين لايجوز لزوجك منعك من زيارةاهلك لانهامن البربالوالدين وصلة للرحم ولاطاعة له في ذلك امامن ناحية الحقوق الزوجية لك عليه حقوق وواجبات كفلهاالاسلام واوصى بهامثل المعاملةبالمعروف والانفاق في السكن والماكل والمشرب وتلبية حاجتك انت وولادك الضرورية واعطاك حقك من المبيت والجماع والاستمتاع معه وليس له الاعتداءعليك لابالضرب ولاالسب والشتايم الاان يكن ضرب خفيفا لايتعدى الحدولايوذى لاجل التاديب كماامرالنبي الكريم بذلك واعتقدان تمادي زوجك في معاملته لك وتكرارذلك منه دون رادع يستوجب منك طلب الطلاق فورا لحفظ كرامتك وكرامة اهلك التي لايقيم لهاالزوج وزن اوتقدير وربنايكرمك برجل خير امنه في الدنياوالاخرة
أبشرك بخير قادم بإذن الله..
فأنت قد انتهيت من الشق الأصعب في المشكلة وهو الخلاص من هذا الشخص..
أما أهلك فقريبا سيحسنون معاملتك بإذن الله مرة أخرى
بل قريبا سيتقدم لخطبتك من يكون أفضل من هذا الشخص الأول..
التزمي الصمت معهم واهتمي لأمر والديك وطفلتك فهم خير من الدنيا وما فيها..
الصبر وصلاة الحاجة
اصبرى ان كان يستحق ذلك بمعنى افتكرى لة شىء حلو فى حياتك معاة او لحظة طيبة و ان كان لا يوجد اذن الطلاق (صلى صلاة الحاجة )والاستخارة
انا ذهبت لاهلى بعد ماطردنى زوجى من البيت اول يوم العيد قال لى تعالى نخرج للعيلة عنده المهم روحت معاه وفى الطريق قابلت والدى وزوجى كان سابقنى بخطوات المهم لما وقفت اسلم عليه زوجى زعق لى وحلف يمين طلاق انى مش هروح ازورهم تانى يوم العيد بعدماكان وافق انى اروح من غير البنت المهم روحنا عند اخته ومشينا ولما وصلنا لبيت عمه قال لى روحى انتى قلت له طالما طلعنا مع بعض نروح مع بعض المه قال لى لاء روحى انتى وكان الوقت 10ونصق بالليل طيب اروح لوحدى ازاى وفية ناس بتتخطف فة البلد المهم روحت وحلفت فى نفسى انى معنتش هخرج معاه جينا تانى يوم العيد قال لى تعالى نروح لبنت اخته فرفضت فحلف يمين انى مش هقعد ف البيت وانى هكون طالق لو مطلعتش معاه فروحت لاهلى وقلت لهم ووالدى حلف انى مش راجعة له تانى وهيكون طلاق وفية ناس جايين يصالحنى من عيلته بس بابا رفض وقال لى لو حد سالك قولى له انك مش عاوزة ترجعى له واما هرمى بنتك له يربيهاولو البنت عيطت او اتشاقت بابا يزعق لها ويشتمها انا خايفة مش عارفة اعمل ايه بابا طلب لبسى كله وجالى اللبس وبابا حالف انى مش راجعة تانى له وانا هنا عايشة ف تعاسة عند بابا ماما صاعبة معايا اعمل ايه انا تعبت اوى وخايفة بنتى تكبر تكهرنى اعمل اية واقول ايه لما تكبر
زوجك مريض نفسي بسبب اهلة وطلاق امة ويمكن حرمانة من حنية اهلة.عندك حلين اما تصبري وتصلي وتدعيلة كل يوم ربنا يهدية. وتروحي بسر عند اهلك.وتسايرة وتحني علي لحد ما يجي ليدك وتصالحية واما تتركية يطلق.ويتعلم الطلاق مش لعبة بين ايدية ويعتبر من البعد.وهوة برجلية رح يجي اهلك ويصالحهم
من جائكم من ترضون خلقه فزوجوه فان لم تفعلوا يكن فساد فى الارض الاخت الفاضلة انه انسان لا يمس للبشرية والادميةباي شيئ فان الحيوان يعطف على اولاده والانسان يعذب اولاده فهل لنا ان نتعلم من الحيوان كما ان حديث رسول الله صلى الله علية وسلم يقول اذا سبق ماء الرجل ماء المراة اذكر باذن الله واذا سبق ماء المراة ماء الرجل انثى باذن الله فليس للرجل والمراة شان بنوع الجنين اختى الفاضله انه يمنعك من زيارة اهلك حقه شرعا فاذا مات والدك ولم تذهبى له يدخل الجنة لانكى سمعتى كلام زوجك وان ذهبتى له يعذب بعصيانك لزوجك كما حدث فى حياة الصحابة والقصة معروفة اما راي لا يقدر احد على تحمل ما تتحملينه اذهبي لوالدك واطلقى منه وسيبدلكى الله بخير منه رجل يراعي الله فيكى وفى ابنتك وكما قال النبي تارك الصلاة كافر العهد الذي بيننا وبين الكفار تارك الصلاة فانتى تعيشين مع انسان ليس بالمسلم لعصيانه لربة وبعدم مراعاته لكى وقال النبي قبل ان يموت فى حجة الوداع استوصوا بالنساء خيرا
صباح الخير روحى لاهلك وعرفيهم الموضوع ولو والدك زعل قوليله انا كنت بتحمل لاقصى درجه علشان محدش يقول انى خربت بيتى بايدى واهلك صدقينى هيقفو جنبك اتكتر من زوجكك لان زوجكك مش بتاع معيشه والله الا بقولهولك صح وبناء عن حجات حصل قدامى فعلا وكنت قاعد فى نفس القاعده بتاعه الصلح فاهلك اوولى بيك ومش هتلاقى غيرهم بدل الا انتى فيه ده ومحدش عارف بكره فى ايه يمكن خير ليك ولبنت وجوزك ده ممكن فى اى وقت يعمل مشكله ويتحبس فيها او حجات متكونش لصالحك روحى لاهلك وعرفيهم وخليم يسندوك ويقفو جنبك وربنا يوفقك / المحامى
لم أتحدث في منعه لك من زيارة أهلك..
فهذا ظلم عظيم
ولا يجوز له ذلك
وفي الرأي الراجح عندي
أنه من حقك أن تزوري أهلك من غير علمه فهذه صلة رحم، بل بر الوالدين..
السلام عليكم ورحمة الله وبركاته..
بقدر حزني واستيائي وتقززي لما قرأت هذا الكلام
ولكنني سعيد لأني قد أفيدك بما سأقول بإذن الله..
أولا أختي أنا سأخاطبك بأنك شخصية مثقفة وعاقلة..
ولكن للأسف لم تحسني الاختيار من الأول..
ولكن لا علينا..
بداية وقبل أن أقول أي شيء، أرى الطلاق أمر حتمي لا يحتمل عدمه، فأنا أعتقد أن الطلاق أفضل عند الله من الصبر على الظلم والذل والهوان.. أما من سيقول الأحاديث التي تنهى عن الطلاق فكلها تقريبا أحاديث ضعيفة.. وأشهرها أبغض الحلال……….. فهو ضعيف..
الله يكره الظلم وأمرنا بنصرة الظالم والمظلوم
وزوجك ظالم ويجب رده عن ظلمه لك ولطفلتك الجميلة..
وأنت مظلومة ويجب رفع الظلم عنك..
والحل الوحيد هو الطلاق..
فقد حدث بينكما طلاق رجعي مرتين وهو يهدد بالثالثة..
ضربك وغضبت عند أهلك وأرجعك الناس مرات ثلاث..
يضربك لأتفه الأسباب..
غضب لإنجابك طفلة، والرجل أصلا هو المحدد لنوع الجنين..
ضربك لأنك لم تنجحي في مادة، رغم أن كلية الحقوق من أصعب الكليات وخاصة السنة الرابعة ومن درسها سيعرفها، وخاصة الترم الثاني 🙁 وأنت ربة بيت وطالبة أليس من واجبه أن يساعدك ويشجعك؟!!!!
لا يصلي ولا يصوم…. هذه وحدها كافية وخاصة إن جاهر بفطره فهو يخرج من الملة خروجا عمليا وقد يصل إلى خروج عقائدي وهو أدهى وألعن..
أنا لست مؤهلا للفتوى، ولكني قرأت كثيرا في الفقه وأنا أصلا أحب الفقه الإسلامي أكثر من القانون بألف مرة لأي دراستي حقوق للأسف..
الصبر يكون على تركك وحدك غالبية اليوم، يكون على غضبه وتلفظه ببعض الألفاظ مرة كل فترة طويلة..
أما أن يضربك على كل كبيرة وصغيرة، آسف فهذا ليس صبرا منك إنها قبول للإهانة وإعانته على الظلم..
وأرى أن تربي ابنتك بعيدا عنه أفضل..
فالوحدة خير من جليس السوء..
اليتيم أفضل من طفل أبيه مثل هذا الرجل..
قد تسألي شيوخا كثيرين ويقولون لك اصبري..
والبعض سيقول لك اطلبي الطلاق..
أما من الناحية العقلية المنطقية والمقبولة شرعيا، لا صبر أكثر، ولا صبر إلا لمن يستحق الصبر..
أما هذا فتجنبه أفضل ألف مرة من الارتباط به..
هذا رأيي المبني على أسس اجتماعية ودينية وأرجو أن أكون قد وفقت في عرضه وأرجو أن أكون على صواب.. والسلام عليكم ورحمة الله وبركاته..
انا متشكرة لردودكم عليا بس انا عاوزة اعرف راى الدين ايه هل اتركه ولا اعمل ايه انا مش عارفة انام من كتر التفكير خصوصا انا من ارياف الناس عارفة بعضها وبيكون فضيحة لما واحدة تغضب فبالكم الطلاق وفى نفس الوقت والدى لو روحت له وقلت له على اللى حصل هيبهدلنى لانى خبيت عليه الكلام دا كله وهتطلق .برضه انا خايفة من والدى وفىنفس الوقت خايفة البنت لما تكبر تكهرنى وتقولى كنتى استحملى مثلا مش عارفة اعمل ايه ارجوكى قولوا لى اعمل ايه
الطلاق؟؟؟
امر مخيف
البقاء؟؟؟
امر مخيف ومر
الحل حلين احلاهما مر
انا ما بعرف حل لهي المشكله صعبه كتير الله يفرج همي وهمك
الاخت الفاضله انتى الان تعانى من اهانت زوجك ام تعانى من حرمانك من اهلك عمو ما وضع الله للانسان قانون الطلاقوجعله ابغض الحلا ولكنه حلال فاننتى اذا لم يكن لديكى القدره على الاستمرار معاه وتشعرى بانه لم يتغير وانسان فاقد دينه فلا مجال فى العيش معه ومن الافضل الطلاق
الحل سهل وفى ايدك اطلقى منة دة انسان لا يستحق زوجة وطفلة معاه يعنى انا من كلامك مش شايف اى ميزة فية من اولة لاخرة عيوب اهانات وشتايم وسب دين وضرب ومنعك عن اهلك ناقص اية معملهوش. احمدى ربنا انك معك طفلة واحدة بس مش اكتر وكمان الطلاق افيد للطفلة لانها هاتتربى بعيد عن الجو دة اللى كلة قلة ادب ونوعيه الراجل دة مش هايسال فيكم حتى بعد الطلاق وخلية عايش لوحدة ولنفسة وانتى ابعدى عنه وروحى لاهلك والطلاق مش نهاية العمر هاتبتدى من جديد وممكن تتجوزى تانى انسان افضل منة مليون مرة. انا اسف لانى بنصحك بالطلاق لكن لو فية حل تانى كنت قولته.
شوفى اختى مفيش اسهل من الطلاق لاكن بنفس الوقت مفيش اصعب من الوحده و مفيش اصعب من ان طفل الانسان يكون مشتت ما بين ام واب مطلقين يمكن الى برد عليكى مجربش مرارة الطلاق ثم الى جاى منعرفش احسن ولا اسوء ثم انتى اخطاتى لما جيبتى بور من احد الجيران وانتى عارفه ان النفس البشريه دايما بيسولها الشك وبالذات لانو مريض لازم يشك فى كل الى حولو ولما غضبت روحتى لصديق والدك يعنى مغضبتيش فى بيت الزوجيه ولا فى بيت اهلك وده بردو خطا ثانى انا مبنكرش انو غلطان وستين غلطان ولازم يعرف انك انسانه وعندك كرامه لاكن مهما قلتى فى رسالتك متقدريش تدى انطباع كامل للحياه لانو اكيد فيه اوقات حلوه واوقات عصيبه زيك زي اى بيت انتى لازم تراعى انو مريض سكر ومحتاج للكلمه الحسنه محتاج للرعايه الحسنه لاكن يوم متغضبى عليكى ببيت الاسره حتى لو وقع يمين الطلاق وتبعدى عن الشبهات لانو يوم ميقع يمين الطلاق هيعرف خطاو ووقتها هيلزمو الكفاره والصيام متلجايش للطلاق بسهوله خلك حكيمه بتصرفاتك انتى عندك بنت مش ولد يعنى محتاجه رعايه الوالدين وكل انسان ادرى بشعابو يعنى اكيد انتى تقدرى تسايرى امورك بمعرفتك وشكرا
اولا قلي معاكي بجد وربنا يعوضك خير ان شاء لله
ثانيا هسالك سؤال انتي شايفه ان البنت افضل حال معاه يعني بيعلمها الشتيمه وبتشوفوا بيهينك بزمتك اسالي نفسك ابنت دي لما تكبر هتكون ايه وافرضيمع الوقت حملتي تاني
الراجل ده مريض نفسي وبيهينك لانو حاس بالنقص وصدقيني عمره مهيتغير هحكيلك حكايه بيطه مره اخي اتاخنقت مع وقها لانو ضربها واتصلت علي شيخ قالها اطلقي مدام مش سعيده معاه قالت ازاي وابقي مطلقه قالها وايه يعني ..؟؟هو حرامولا علشان حنا ثقفتنا للاسف بتمنع لست انها تتطلق قالت ليه زي اي ست وعيالي يتحرموا من والدهم قالها افرضي لاقدرالله زوجك مات مش هيكونوا محرومين منه بردوا وبعدين في حالتك دي اللي زوجك بيضربك فيها وبيهين ومش مخلي ليكي كرامه هتخرجي عيال ايه اسوئاء مستحيل عيالهيطلعوا معقدين نفسين وهيكرهوا والدهم اني لماتكون بعيده عنه ممكن يحبوا والده عن مايشفوه بيضربهم وبعدن بزمتك اني لسه صغيره عندك كام عمر علشان عشيه عمرك هتشيه مره واحده بس عاوزه تعشيه متزله ومش تقولي ان الزله دي ربنا هيكافك علي ربنا مش بيرفع حد هو سمح لنفسه يتهان .. بجد الحقي عمرك واطلقي انتي بكره تجيلك امراض من حالتكالنفسيه ومن اللي فهمته ان اهلك مش هيعرضوا علي فكره الطلاق بالعكس عاوزينك سعيده ده انتي تحمدي ربنا في بنات نفسها تططلق واهلها مش راضين مش عارفه تلاقيها من زوجها ولا من اهلها وبعدين بنتك ياحبيتي حضنتك معاها هقولها اللي يطرد مراته بالهدم اللي عليها ده مش تامني نفسك عليه ولا بنتك الحقي نفسك بل ماتحملي ثاني ولانك هتعيشي مره واحده وربنا صدقيني هيعوضك واشتغلي بشهادك والله هتبقي سعيده ان شاء الله وحضانت بنتك معاكي مش تخاف الحقي اطلقي ده مريض مريض
ارجوكم افيدونى انا تعبانه نفسيا اوووووووووووى ونفسى فى حل لموضوعى من الناحية الدينية ومن وجهة نظركم الشخصية وجزاكم الله خيرا
حبيتي من سكات كده خدي بناتك وروحي لاهلك
ده انسان ما يتعاشرش ايه ده ده انتي ملاك انك مستحملة واحد زي ده ايه يابنتي ده انا مي محروق من كلامك ده والله زعلت عليكي زي ما يكون اختي بالضبط واضح من كلامك انك طيبة وغلبانه لا ياحبيبتي ما ينفعش سيبك منه وربنا هيعوبضك باحسن منه طلاق طلاق في ستين داهية
صباح الخير ده مش بتاع عيشه ومستهتر اطلقى منه بكرامتك افضلك الا عاوز يتعدل بيتعدل مبيستناش محيلات من ناس كل شويه ولا بيسمح لحد يدتخل فى حياته الخاصه انما ده فرحان مبسوط انه بيتحكم بغباؤة فى الامور فا الطلاق افضلك / المحامى