مشكلتى كبيرة وطويلة جدا ؟؟؟
ارجو الاهتمام واسفة ايضا للاطالة
انا مشكلتى انى من صغرى كان نفسى احب واتحب من اعدادى ومريت باكتر من تجربة فاشلة
كنت كل مرة بحس بالكدب وعدم صدق اللى قدامى انا مع الاسف عاطفية جدا جدا وبردو طيبة جدا
من الاخر من الناس اللى ممكن ينضحك عليهم بسهولة انا دلوقتى ف تانية كلية…..
ف السنة اللى فاتت كنت رايحة اخد كورسات لاول مرة ف حياتى ف سنتر
وقابلت واحدة بتكتب على كمبيوتر هناك( مع العلم انى اجتماعية وباخد على الناس بسرعة جدا بسبب مرحى وطريقى البسيطة ف الكلام….)
واتصاحب على البنت دى وف مرة وانا خرجة من الكورس شوفت واحد هى عرفتنى عليه وقالتلى فلان دا ف كلية كذا واكبر منك بسنة وكمان من عيلة فلان وكمان بيساعد نفسه وبيشتغل ف المكتبة اللى بتعمل مزكرات وملازم السنتر
ف الاول كنت خايفة الموضوع دا يفشل بردو زى كل مرة بس شدتنى وسامته ورجولته اوى
وخد رقم تليفونى ولما طلب منى اننا نتكلم مع بعض وكدا كلمته بحدة فقالى اسف انى بطلب انى احبك وانتى رافضة وانا كلمته وقولتله اسفة ومن ساعتها وانا حبيته بجنون وبشكل موش طبيعى
ومكنتش قايله لحد بس قلت لماما وقولتلها هيخطبنى السنة الجاية لما نكون عرفنا بعض اكتر رفضت بشدة بس مع الوقت لما لاقتنى سعيدة معرضتش بس طبعا كل شوية خفى الكلام وكدا
بس عمل مواقف كتييييييييير جدا تبين انه موش بيحبنى وفى نفس الوقت قعد فترة بيتكلم معايا ف الحب بطريقة مفرطة لدرجة انى كنت ملانة من كتر الكلام دا ولما اتاكد انى بحبه جدا عاملنى بطريقة موش تمام واسلوب موش حلو واستحملت لان دا كان اختيارى من البداية
وساعدته بالفلوس بمبلغ كبير كان ف ضائقة مالية وكان رافض بشدة انه ياخد الفلوس وخدها بعد محيلة منى كبيرة
ورغم انى بعد فترة عرفت انه بتاع بنات جدا وحشيش ونوم وكلام زبالة من دا ولما واجهته قالى المهم انا معاكى ايه وبعديها طلب منى انا كمان ننام مع بعض ويوميها بهدلته بس قالى انه عاوز يثبت حبه ليا وانا بهدلته ومكررهاش تانى
المهم انا كنت كل يوم بعيط منه عشان بحبه وهو موش مقدرنى وف مرة اتصل بيا وكان ناوى على خناقة فماما خدت منى التليفون وقالتله متكلمش بنتى تانى ولما تعوزها رسمى كلم باباها وهو ما صدق وقال اوكى ولا كان كان بينا حاجة وكمان قال لماما انه سأل على عيلتى (مع ان والدى ف مركز حساس وعيلتى مرموقة ) وعرف ان والدى بتاع نسوان وامى بتاعت رجالة وبيتنا بناجره للاعمال الموش كويسة
وانه لازم يسال عشان ميدبسش (مع العلم ان الكلام دا حاجة من اتنين اما حد من اللى موش بيتمنوا لا الخير هما اللى قالواله الكدب والافترى دا او هو اللى قال لماما كدا عشان يبعد عنى ويخلص منى وكدا )والله اعلم بس وامى بهدلته وقعدت تقولى دا اللى كنت بتحبيه بيقول كذا وكذا
وانا من يومها وانا ف حالة صدمة عصبية لانى عرفت ان اللى عرفتنى عليه طلعت على علاقة والله اعلم بنوع العلاقة دى !!!!!
وانا من يومها قعدت ف اكتئاب ومرض نفسى وجسدى من شهر 2 لحد شهر 8
جالى ورم ف الكلى دا غير قولون عصبى وصداع مزمن
وحاولت الانتحار 4 مرات وفشلت
الموبايل اتسحب منى واتمنعت من الخروج من البيت طول الفترة دى وهو ولا فكر حتى يسال يعرف ايه اللى جرالى الا ف مرة بعت صاحبتى اللى خانتنى معاه دى البيت عندى تسال عليا بس الكلام دا ف شهر 5
يعنى من شهر 2 لحد شهر 5 ومحدش يعرف عنى حاجة ولما لاقتنى خسة ومريضة قالتلى عوضك على الله وانا مخنتكيش واتخطبت وبركيلى وللاسف عرفت بعد كدا ان كل دا كدب ولمجرد انها ترجع تكلمنى تانى وكأن مفيش حاجة
مرت عليا ايام سودا كنت بتمنى الموت على انى افتكر اللى حصل ليا وللاسف طول الفترة دا ولحد دلوقتى بموت فيه مع انى عارفة انه ميستهلش وفاشل وصايع بس انا حبيته غصب عنى موش بارادتى وف شهر 7 جت عليا اوقات كانت اتمنى الموت بس عشان اسمع صوته مرة واحدة وفعلا لما خدت تليفون تانى وطبعا رقم تانى كلمته مرة واحدة ويومها اول لما سمعت صوته ل اللى عملته كنت بعيط وهو قعد يقولى انا عمرى منساكى انا لسه بحبك وعارف انى غلطان ف حقك بس موش هخليكى تبعدى عنى تانى
والموبيل فصل ساعتها ومكلمتوش تانى لانى عارفة ان كداب بس كنت سعيدة ودا كان كفاية
ومن يومين كلمنى تانى وبردو كان نفسى اسمع صوته لانى الايام دى التعب والمرض زادوا عليا اكتر مع ضعف جسمى ورفضى للدنيا
رديت سمعنى اجمل كلام ممكن اكون مسمعتوش من شهور
وقالى انه ندمان على الى عمله فيا واتاكد ان اللى باعنى عشانهم ميستهلوش بس بعد فوات الاوان وانه مستعد يتقدملى انهاردة قبل بكرة وانه بيحبنى جدا وانى كنت واحشاااااااه وحس بقيمتى وانى اسامحه على عمله معايا انا قعدت اعيط وقلتله انى مسمحاه ومردتش اكتر من كدا
انا عارفة ان حئى انى انساه واعيش حياتى عادى بس موش قادرة مع العلم ان ماما بتكره جدا
ومجرد ذكر اسمه بيجننها وبابا ميعرفش اى حاجة خالص عن الموضوع دا
اعمل ايه واقوله ايه
انا اسفة جدا للاطالة بس والله دا اختصار شديد
اتمنى المساعدة العاجلة لانى محتاجة للراحة
انصحك نصيحة من القلب انسى هذا الشاب لانة عمرة محبك ابدا ولا هيحبك واضح من الكلام اللى انتى قولتية عنة انة مش محترم خالص وانة اخرتة جهنم وانتى بنت طيبة القلب واكيد اى شاب تانى يتمناك وهيحبك حب تستهلية توكلى على الله وانسى هذا الشاب
انا بنت زى زيك وحسة بيكى ن اللى حسلك مثل الللى حسلى حولى ان تنسى مثل ما انا نسيت هو كان صعب شوية بس نسيت
السلام عليكم ورحمة الله وبركاته عارفة فعلا الحب الحقيقي بيبئا صعب نسيانه بس ماتنسيش انك انتي اللي حبيتي باخلاص الطرف التاني لاء هونتي عليه حتا ولو لحظه ايوه هاتتعبي عشان تنسيه بس هو ده الحل الوحيد اللي لازم تفكري فيه دايما كمان حفظي نفسك كلمه واتعودي تقوليها اللي ربنا عايزه هايكون ولا مانع ولا اعتراض في حكم الله الجئ لله دايما كل لما يجي فبالك
ربنا اعطا الانسان عقل عشان يكرمه ماتضيعيش نعمة ربنا عليكي وهي كرمتك خاليكي دايما متمسكه بالنعم اللي ربنا ادهالك وانا شايفه ان الحل انك كل لما تفتكريه تمسكي كتاب الله وتذكري ربنا وتدعيه يعينك علي النسيان صدقيني حاولي وهاتعرفي باذن الله ربنا يعينك ويرزقك اللي تحبيه ويحبك وتكونو انتو الاتنين في طاعة الله الله يرعاكي
الحل الوحيد انك تبعدي عنة وفكري في الحياة اللي ربنا اديهالك علشان تعيشهالة ويرضي عنك مش عشان واحد زي دة وعلي فكرة انا كنت اعرف واحد كدا بس كل مرة كان يقول انة يتغير اديلة فرصة يبقي كويس ويرجع تاني ازبل ويخوني ابعدي وصدقيني هتلاقي احسن منة ومتفكريش فية تاني ةانهية من حياتك هو بيعمل كدا عشان شايفك موافقتيش بسهولة زي بقيت البنات وبيوقعك بكلامة الحلو مرة واتنين وتلاتة عان ترجعيلة بس اوعي تعملي كدا عشان نفسك وألا هتتعبي اوي وياريت تحبي نفسك شوية ومضيعيش اخرتك عشان دنيا ملهاش لزمة ووبعدين انتي هتقبلي علي نفسك انك تجوزي واحد نام مع غيرك مش خايفة لتترد فيكي وانتي مراتة دة بعد الشر عليكي وكمان بيحشش ازاي يكون اب قدوة ****
انا كمان زيك ربنا يقويك يارب ويقويني وحسبي الله ونعم الوكيل ف كل ولد يعمل كدة ف بنت وداين تودان ولو بعد حين
هو فعلا انسان مش محترم انه يقول علي اهلك كده وانتي لسه بتحبيه وهو ولا يعرف الدين والاخلاق وانتي حبتيه علشان كان نفسك تحبي وتتحبي وعلشان طيبتك لا سيبك من ده خالص وربنا يكرمك بالاحسن وادعي ربنا يبعده عنك بشره
السلام عليكم يااخت ساقول اليكي شيء بسيط جدااااا الي يفكر انو يزني ولو مر واحد لايمكن ان تفكري فيه وممكن يكون ربنا اراد ان هذا الشاب يظهر علي حقيقته واذا كنتي خايفه علي نفسك وعلي والديكي ابعدي عنه لانه انسان قزر اسف علي اللفظ الي يفكر ان يقول عاوز ؟؟؟؟ حسبي الله ونعم الوكيل في كل من يظلم بنت بهذه الطريقه او يطلب منها هذا الشيء يااختي حاولي تعدي عن هذا الشاب اذا كنتي مسلم انا اعرف معني الحب ولاكن كرامتك وشرفك فوق كل شيء ربنا معاكي والسلام عليكم
انسيه و ابعدى عنه لأن ده مش بتاع حب و لا يعرف اى شىء عن الحب . و لا تفكرى فيه تانى و لا ييجى فى بالك أصلا . و لو فى حد تانى بيحبك بجد و بيخلص لك اوعى تسيبيه لأن الحب الحقيقى نادر جدا و استحالة يتعوض . و لازم الحل ده يبقى النهاردة قبل بكرة لأن اللى ممكن يبقى فى اديكى النهاردة احتمال كبير ما يفضلش موجود لبكرة . و ده هو علاجك لأن اى شىء له علاج و ممكن يتغير فى الرجالة الا الراجل الخاين . و
والله نفس اللي عملتو انا بي صراحه بس انا ندمت هلا وحبيت البنت اللي ضحكت عليها انا عايز اقولك انو الشاب ده من الاول كان عايز يخدعك زيك زي كثير قبلك وانتي غلطانه انك زعلتي عليه احمدي ربك انو بعدك عنو
السلام عليكم
اختى الصغيره ربنا يشفيكي من الحب ده ادعى ربنا كده لان ده مبقاش حب ده كده بقى وسوسه شيطان ليكي انتى عارفه لو رجعتى للشخص ده ايه اللى حيحصل؟؟؟ اللى هو عاوزة منك انه ينام معاكى ووعى تقولى لالالا انا مش كده ومش ممكن اعمل كده ده مع الضعف اللى انتى فيه ده ممكن توصلى لبلاوى حتى لو خطبك لان ممكن يخطبك بس عشان يوصلك واضح انك طيبه جدا لكن عشان تعرفى انتى ربنا بيحبك ان حصل كده عارفه ان ممكن يكون مرضك ده كان مش ابتلاء بس ليكي لكن ربنا بيحميكي منه الشخص ده لازم تقطعى علاقتك بيه وتغيري رقمك تانى وتدي الموبايل لمامتك انتى بنفسك اللى تعملى كده كونى قويه اوعى تضعفى اوعى مش هو بس اللى بيوسوس ليكي ده كان النفس الاماره بالسوء وعلى فكره كلنا عندنا طبعا كده مش انتى بس والشيطان عاوزك تضيعى نفسك مش الشيطان بيقول لربنا بعزتك وجلالك لاغوينهم اجمعين الا عبادك منهم المخلصين خليكي انتى من المخلصين لله اوعى تضعفى ارجوكى ارجوكى ارجوكى افتكري اهلك قد ايه بيحبوكى وبعدين بدال ماماتك مش عاوزاة يبقى مينفعش تتجوزيه وبعدين ازاى تحبي واحد يقول كده اهلك؟؟؟؟؟؟!!! لازم تحسي انك اتهنتى منه كتير عشان تعرفي انه لا يستحق واحد زيك ابدا
وصلى كتير وادعى كتير وسبحى كتير ان ربنا يفرج همك لعلى وعسى يكون ده بشره خير عليكي بعد كده وتتجوزى واحد يعرف قيمتك وتبقى تطمينا عليكي والله سلامه عليكي حبيبتى
انتى المفروض اول ما قلك كده كنتى تفهمى انو مش بيحبك دة حد مش محترم وانتى كنتى سمعتى كلام اللى اكبر منك زى مامتك وادام عرفتى كده من الاول كنتى سبتية انتى اللى غلطنة بس انا عزراكى الحب مش بسهولة ننساة خصوصا لو كان حب بجد ويارب يشفيكى من اللى انتى فية دة وربنا اكيد هيقف جمبك لانك بنت محترم واتقربي من ربنا شوية هتحسي انك هتنسية وربنا كبير ومش بعيد لما تقربي من ربنا يكون في خير ليكى وانشاء الله خير وربنا معاك
بجد يا جماعة انا عاجزة عن الشكر والله
أرأكم كلها سليمة جدا جدا
وانا محترمة كل النقد والحب اللى حسيته ف كلامكم
وانا واله فاهمة انه موش مناسب ولا بيحبنى ولا حاجة بس انا مجرد لما بقول اسمه بس بحس بنغزة ف قلبى والله ما بكدب انا كنت عند الدكتور امبارح والله ما بكدب فعلا وقالى ان انا عندى صداع نصفى من كتر التفكير وكمان ظهر وجع ف رقبتى وصدرى وايدى مفاجء وقالى ان دا من الحالة النفسية السيئة وعنفنى بشدة بس والله العظيم انا متاكدة انه ميستاهلش بس غصب عنى والله انا بحبه بطريقة موش طبيعية ولحد اللحظة دى بيتصل على رقمى الجديد اللى عرفه وبيعتزر وبيقولى انه حس بقيمتى لما لقى الناس كلها باعته ف الوقت الى انا اللى كنت واقفة جنبه وراح بايعنى وقالى جملة موش هقدر اكتبها طبعا بس محتوها انه ندمان على ضياعى منه ف لحظة شهوة من واحدة زبالة وعدم تقديره لاخلاقى ولا احترامى مع العلم انه والله ما لمسنى خلاص لانى مكنتش بسمح بكدا
انا تعبت والله جدا انا عارفة ان انا اللى عاملة ف نفسى كدا والله انا حاولت اعمل اى حاجة تشغلنى انا اصلا مكنتش من محبين النت قعدت واشتركت ف الفيس بوك ومنتدى ماى ايجى واتعرفت على بنات محترمة جدا واخلاق وسافرت وغيرت جو ف محافظة مطروح وبردو عمرى ما عدا على يوم من غير مااكون فكرت فيه ولو لحظة انا عارفة ان دا غلط بس والله والله حاولت ومقدرتش انا كل حاجة بتفكرنى بيه لبسى انا شفته وانا كنت لبسة كذا او حتى غرفتى انا كلمته وانا مثلا على المكتب او عند الدولاب ….. انا عارفة ان دا جنون بس انا كدا والله مختصرة والله العظيم داعيت ربنا ف كل صلاة ومنستوش دا انا حتى والله العظيم بحلم بيه وتقريبا كل يوم انا قعدت ف الشهور اللى فاتت كنت بصحى على كابوس انه بيسبنى وهو فعلا كان سابنى واقوم اصرخ وارجع انا الاقى انه بيصالحنى تانى …. اسفة اوى للاطالة واتمنى انه مكنتش ضايقتكم
بصى الانسان ده اكيد قل من نظرك لما طلب منك طلب حقير زى ده و اكيد قل من نظرك لما اتهم اسيرتكم اتهامات كذب …… الانسان ده جرح كرامتك …… انتى فى صدمه عصبيه مش منه انتى فى صدمه عصبيه من سوء اختيارك للاشخاص …..علم النفس بيعتبر حالتك حاله خاصه لانك طيبه و رومانسيه و محترمه فا انتى اسهل شخصيه قابله للجرح و الخداع
الحل انك تبعدى و مش ترجعى و اعرفى كدا هو مش ندمان هو عايز يرجع لانك انتى البنت الوحيده الى مش ادتيله الى هو عايزه فاهمنى طبعا فانتى بالنسبه للشاب ده مجرد تحدى.. و لو انتى فعلا محترمه مش هترتبطى بانسان زى ده سمعته زباله و كداب و مش بيخاف ربنا ….. فوقى لى نفسك انتى محترمه و ولاد الحلال كتير
فى فيلسو قال .. اذا دوره على الحب مش هيجيلك و اذا سبته بظروفه هيجيلك
هتنسى بسرعه استحقريه قلبك هيكره بصى للشخص ده انى خانك و اهانك هتكرهيه الهى نفسك بحاجات كتير هتنسى صحبى ناس جديده هتلاقى حبيبك موجود وسط الناس بس اوعى تدورى عليه هيجيلك كرامتك فوق كل شئ مهما كان الشئ …انسان بدون كرامه انسان بدون شئ
حلك للاسف عندى حلك يا اسنه تنسيه عشان الى عمله ده ممنوع دخوله البيت عشان الى عمله مع مامتك يعنى الارتباط بيه ممنوع منعا باتا يعنى مرفوض قبل قدومه عشان الى عمله فى مشكله قبلك مع عدم زكر الاسماء بس مشكلتها انها امنت لوحد زى الى حبتيه خسها حيتاها و اهز ما تملك بس فى خطوبه العيال دول ليهم طريقه و سكه لكل بنت انهم يخدو الى هما عايزينه منهم وبس يعنى انتى ليه مش حبه لالالا انتى سيله متعه ليه للاسف ةده عيب كل العيال عشان دول مش راجل الراجل يعرفون وقت الصعب مع يلعبوش بواحده يوم ما يحبو يحبو بجد و ده جالك وقت انتى كنتى محتاجه للحب زى بشده كل الى حصلك حصالى فى يوم لحد ما بيقت خكايه روح و الى جويا الى اتولد موته بسبب الحب و وعد نفسى مش هاحب ولا حبب حد فيا غير لما اكون قادر على الزواج مش ابهدل بنات الناس معيا ده الراجل و الراجل يعيش راجل ويموت راجل و معهريش من المشاكل بلا بيوجها انا وجهتها اروج انك بردو توجهيها ده ستهلك ولا يستاهل قلبك الطيب الحنون الى مليان بالحب الصافى بجد ما نكرش انى اقدر اعرف الناس من حيكيتهم اقدر اوصفهم وحس بيهم وعرفهم على حقيقتهم و انتى بجد نوع نادر جدا من البنات زى ورده الصحراء الى تقابل فى العمر مره الواحد يتمسك بيها ندره و جميله جدا و تحب جدا جدا للاسف انا افتكرت واحده كده بس طلعت العكس بس انتى ورده ندره فى الصحراء جدا ورده حمره حبها صافى وصدقه فيه وبتحب كل ما فيها لو قولت زى حلاتى ابقا ابلغ بس انتى احسن و اكتر منى بتحبى بصدق و اخلاص معتو موجدين فى الزمان ده والى بتحبيهم ما يستهلوش الحب ده
ده عمر بحاله مش هزار يعنى واحب اقوللك على حاجه ان كل الرجاله شبه بعض كلاب كلاب تحترميهم يتنكو عليكى تديهم بالجذمه يمشوا معاكى عدل
وعلى فكرة اللى فيه طبع فيه وعمره ما حيغيره لان ديل الكلب عمره ما يتعدل ابداا والطبع بيغلب التطبع وكويس انه بانلك من الاول ياما فى الدنيا ناس قابلى وحبى اللى يستاهلك فعلا ده حيوان اصلا
واللى تتنازل مره عن كرامتها تفضل تتنازل العمر كله ولازم تكونى راضيه عن نفسك وترضى امك دى حياة مش لعب
انا مع رأى الهو تماماً فى كل اللى قاله … وبعدين انتى ضعيفة كدة لية … فين قوتك وعزتك بنفسك وكرامتك وكرامة أهلك
أخس عليكي فوقى بقة لنفسك … وألحقى نفسك من الأرف اللى هترمي نفسك فية
فوقى قبل فوات الأوان
تحياتي
ابنتى العزيزة – من خلال الحوار والسرد الجيد لقصتك ايقنت انكى كنتى فريسة لذئب بشري وليس لآدمى – وكان من الاجدر ان تدركى بنفسك انه زنديق أنانى وليس رجلا كما توهمتى – ارجو ان تستخدمى عقلك فى الامور التى تخص مستقبلك وحياتك – اتركى الفلب جانبا – وانصحك يا بنيتى ان تبتعدى بمنتهى السرعة عن هذا الكلب الذى لا يعرف للحب طريقا ولا يقدر احاسيسك ولا مشاعرك واحمدى الله انه لم يهتك عرضك وينتزع منكى أعز وأغلى ما تملكين – اشكرى الله ان وقاكى شر هذا الكلب واسجدى لله شكرا وانزعىيه من سجلات حياتك واحرقى كل اوراقه الذابلة وسلام لكى ولأمك العاقلة لأن تصرفها كان سليم
بصي يا حبيبت قلبي احنا بنات ونفهم بعض اكتر غلط اصلا انك تفكري فيه ده انسان ولا يستاهل بعدين انتي عاوزة ايه من واحد حشاش وبتاع بنات وكمان طلب منك حاجه تبينلك اد ايه ان انتي رخيصه عنده اوي بس انتي اسبتيله ان انتي غاليه اوي لما هزقتيه وكده وبعدين غلط يابننتي والله انك تسامحيه خليه يتعذب زي مانتي اتعذبتي ويعرف كمان ان انتي مش زي اي واحده صايعه عرفها قبل كده سوري بس المشكله بجد خلتني اخرج عن شعوري بعدين مستانيه ايه من واحد قال علي مامتك كلام وحش وعلي باباكي انتي عارفه لو باباكي عرف ممكن يعمل ايه؟؟؟
بعدين بصي لبكرة وللمستقبل ده هينفع انه يكون اب صالح وده هيعرف انه يربي عياله؟؟؟؟؟؟؟؟؟؟
المهم انتي تفكري مش جايز كمان تكون دي كدبه تانيه علشان يلين دماغك وياخد اللي عاوزه منك؟؟؟
المهم انتي زي اختي يا حبيبتي ولازم تفكري كويس و
بصى انا هقولك رايى بصراحة بس يا ريت اسمع منك تعليق بعد كدة بصى انا ا شاب واعرف الشباب اكتر منك وانا مريت بفترة حب وليا تجارب مع الحوارات دى الولد ده وانا قاصد اقول عليه الولد عشان ده مش راجل ومش بيحبك خالص ولا يعرف يعنى ايه حب بس يا خسارة انا عارف ان الحب بيعمى عن العيوب لانى مجرب بس يا بنتى مفيش حد بيحب حد فى الدنيا ويبقى عايز يجوزه ويقوله عايز انام معاك الا اذا انت اديتيله الفرصة انه يقول كدة وبعدين محدش بيحب حد ويقدر يبعد عنه يوم واحد ما يكلموش مش شهور وبعدين انا شاكك فى موضوع انه ما كنش عايز ياخد الفلوس لان دى فى الغالب بتبقى حوارات زمايلى كتير كانو بيعملوها عشان ياخدوا فلوس من البنات بطريقة شيك وكمان مهما حصل حتى لو مكنش عايزك مكنش ينفع يقول على امك اللى هيا احسن واحة فى الدنيا بالنسبة لك كدة ولا ابوكى يا بنتى متخليش الحب يعميكى دة عيل سافل ومنحط والنهاردة قال على امك كدة بكرة هيعمل معاكى ايه اما محترمش امك ولا ابوكى مش عارف اقولك ايه واللهى هتندمى اشد الندم وتقولى يا رتنى بعد كدة وربنا يوفقك يارب يا ريت اسمع منك تعليق
والله تتركي خالص دة شكلو ما بخاف ربنا وبتاع بنات بكرة اذ تزوجتي حتتعبي معاه على حسب قولك الي فهمتو منك وحتندمي اشد الندم ادعي وصلي لله ان يفرج همك وان يرزقك بلزوج الصالح
وابعدي عن الناس السوء خدي بالك لان لما طلب ينام معاكي دة ما يخافش الله ولي ما يخاف الله خاف منو وبعدين مش هامة لا اختو ولا بناتو بكرا اذا صار عندو بنات او بناتك منو لا سمح الله الزمن دوار
انسي دة انسان تافة و بتاع بنات
توكلي على الله