مشاكل الحب والزواج

طلبت نتجوز ونعمل بيت اتهرب واتهمني اني خدعته

انا بنت عندى 35 سنه كنت طول عمرى وحيده ووالدى متوفى ومعنديش اخوات ولاد ومش متجوزه ولا اتخطبت قبل كده وكنت طول عمرى بحب ربنا بخاف منه اوى وعمرى ما كان ليا اى علاقه براجل لحد ما دخل حياتى راجل ملى كل حياتى كنت الاول بعتبره اخ وصديق بس هو عرف يخلينى احبه واتعلق بيه واتعودت على وجوده فى حياتى حاول كتير معايا فى الاول انه يكلمنى فى حاجات حرام بس انا كنت بقاوم كتير وبقوله ده حرام وانا مش عاوزه كده وانت لو بتحبنى وعاوزنى تعالى نتجوز كان بيقولى حاضر بس اول ما اقف على رجلى واعمل مشروع خاص بيا والكلام ده ولما كنت برفض طلباته كان بيتهمنى انى بارده وما بحسش ومعنديش مشاعر ومش بحبه لحد ما استفزنى وخلانى اعمل معاه علاقه فى التليفون وكان كل يوم بيطلب منى ده وكنت بعمله وكنت بقعد اعيط جامد اوى بعدها لانى كنت بحس انى اغضبت ربنا وكنت بحس انى رخيصه اوى لحد ما بقت طلباته بتزيد وعاوز يعمل ده ف الحقيقه انا فى الاول رفضت جدا خاصمنى وبعد عنى لفتره ورجع يحاول تانى معايا قولتله انا مش كده حرام عليك وتعالى نتجوز احسن وانا مستعده اساعدك فى اى حاجه واقف جمبك ومش عاوزه اى حاجه منك انا عندى شقتى ومش عاوزه اى حاجه بس اللى انت عاوزه ده نعمله فى الحلال احسن قعد يقولى اهلى ومش هعرف اقنعهم دلوقتى ومش عاوز مشاكل معاهم واصبرى عليا شويه لحد ما قعد يقولى انا محتاجلك ومش قادر وما تسيبنيش المهم اتقابلنا وكان عاوز يعمل معايا ده فعلا بس انا الحمدلله ربنا فوقنى ومخلتوش يعمل معايا حاجه خالص وزعل منى واتهمنى انى خدعته وكلامى ليه عن انى بحبه كدب وانى ظلمته وانى ما بحسش وانى كنت اسوء علاقه مر بيها وقطع علاقته بيا خالص انا الحمد لله مرتاحه جدا انى وقفت الغلط ده ومش زعلانه انه بعد وبحمد ربنا انه بان على حقيقته انه كان بس عاوز منى الحاجات دى ولما وقفتله سابنى واتخلى عنى
انا سؤالى هل انا ظلمته زى ماهو بيقول هل انا خدعته وكدبت عليه انا فعلا كنت بحبه اوى ومتعلقه بيه جامد وكنت بتمنى نتجوز ونعمل بيت واسره وولاد بس هو اللى مكنش عاوز وكان بيتهرب وحتى فى اخر كلام بينا قالى يا تعمليلى اللى انا عاوزه يا مش عاوز اعرفك تانى وانا طبعا ما عملتش اللى هو عاوزه والحمدلله ربنا فوقنى من غفلتى وورهولى على حقيقته انا بس خايفه لا اكون ظلماه زى ما بيقول لانى مش بحب اكون ظالمه حد او جارحه حد وبتمنى ربنا يسامحنى على اللى عملته
ارجوكى افيدونى وقولى انا ظالمه فعلا ولا ايه … وشكرا

مشاكل وحلول ذات صلة

اضيف بتاريخ: Wednesday, October 30th, 2019 في 07:19

كلمات مشاكل وحلول: , , , ,

7 رد to “طلبت نتجوز ونعمل بيت اتهرب واتهمني اني خدعته”

  1. الحكيم
    14/06/2020 at 07:43

    انت صح مليون مرة وهذا واحد سافل وحقير وكان يتسلى بك ولانيته صافية الحمدللله انك عرفت حقيقته وابتعدت عنه واياك والتفكير فيه مرة ثانية وانت ماظلمتيه بل هو اللي ظلم نفسه وربنا بيرزقك بابن الحلال اللي يستاهلك ويقدرك

  2. ابو اميرة
    16/11/2019 at 20:20

    يااختي انت باين عليك بنت ناس محترمة وتعرفي الحلال من الحرام وترغبي في الستر مافعلته هو عين الصواب لانو هذا الشخص غير صادق النوايا ولاجاد في الارتباط من البداية اتركيه وانسيه تماما وتاكدي ان ربنا بيرزقك بابن الحلال اللي يستاهلك ويسعدك طوال حياتك اصبري واكثري من الدعاء لربك بان يفرج عنك ويكرمك بالزوج الصالح في هذه الدنيا وربنا كريم ورحمته واسعة بيرزقك من حيث لاتحتسبي ان شاء الله تعالى

  3. Rahf
    30/10/2019 at 21:56

    أكيد لأ طبعاً مش غلط هو اللي بني آدم مش محترم و كان بستغل العاطفة اللي جوانا گ بنات الحمد لله إنك خلصتي منه على خير نصيحة إياكِِ ثم إياكِ ثم إياكِ ترجعي للحيوان ده مهما حصل لو هو عايزك فعلاً زي ما بيقول و مش قادر يستغنى عنك هيرجع و يتقدم مش يرجع عشان يتسلى و نصيحة كمان لو ربنا قدر لك إن شاء الله الخير و اتقدملك اوعك يلمسك غير ف ليلة الدخلة بس نصيحة من اخت أصغر منك بس كان لها تحربة مهببه و اوعي يضحك عليكي و يقولك عرفي أصل عندي مشاكل و معنديش تأكدي إنه لو حصل كده بردو كذاب بالله عليكي اوعي تخسري نفسك اللي يلمسك هو زوجك بس على سنة الله و رسوله و ليلة الدخلة بس مش حتى كتب الكتاب و ربنا يارب يصلح حالك و حالي و حال كل البنات و يرزقك و يرزق بنات المسلمين أجمعين كل الخير

  4. HNJj0
    30/10/2019 at 17:10

    لا تحزني ، تصرفك جميل ويدل على انك من اهل منزلة اعلى مما يظن ، اذا لم يعطي الله احد شيء من نصيبه في الدنيا فله في الاخرة اجمل منه ،

  5. وائل
    30/10/2019 at 15:03

    تحمدي ربك انه الامر وصل لكدة هوه معندوش دم وحرامي وانتي لو لازم تصحي لنفسك مش كل مرة هتنتهي كدة وده لو رجع تاني اديه بالجزمة لانه عمرة ما هيتزوجك مهما كان لانه شافك رخيصة

  6. m.m
    30/10/2019 at 13:45

    الحمد لله انك ماوصلتيش معاه لمرحله أبعد من كده..أسجدى لله وأشكريه انه وقف جنبك… هذا الشخص كان واخد الموضوع تسليه مش اكتر من كده ..ان شاء الله نصيبك ها يجيلك..قربي من ربنا اكتر وربنا ها يعوضك خير بأذن الله

  7. ابوالبتول
    30/10/2019 at 08:05

    ياعزيزتي الحمدلله انك عرفت حقيقة هذا الشخص الواطي السافل الحقير وابتعدت عنه نهايا لانو شخص كداب ومش بتاع جواز عاوز يتسلى بك ويقضي حاجته منك في الحرام وفي الاخر يتركك تواجهي مصيرك المحتوم ويجلب لك العار والفضيحة امام اهلك ربنا يحبك عشان كدا خلصك ونجاكي منه اياك ان تفكري فيه ثاني او تهتمي لامره وانت بنت حلال ومحترمة جدا وعاوزه الحلال والستر وربنا بيكرمك ان شاء الله بابن الحلال اللي يستاهلك ويسعدك طوال حياتك اصبري ولا تثقي في احد بعداليوم مهما كانت الظروف البنت اغلى ماعندها شرفها اذا فرطت فيه فقدت كل شئ في هذة الحياة واسال الله بان يكرمك بالزوج الصالح اللي تقر به عييينك وتلاقي معو كل الخير والرضا والامان والسعادة والاستقرار طوال عمركي

اترك رداً أو حلاً لهذه المشكلة