انا لسه مخطوبه من شهرين وخطوبة تقليدية وانا في تالته جامعه وخطيبي معاه دبلوم، ساعتها قولت عادي مش همشي مسكه الشهاده بتاعته ومحدش له عندي حاجه.
وكنت بعمل كده عشان كان نفسي افرح بسي بعد مالبست الشبكه بدات الاحظ انه بخيل كنا متفقين على 7000 وبابا وماما مش كانوا موافقين وانا قولتلهم عادي انا مش بحب الدهب وهو شكله راجل ومحترم.
ويوم مارحنا نشتري الشبكه قالي مش تزيدي عن 7000 بس وياريت تقلي عنها عشان مصاريف يوم الخطوبة واجيب دبلتي بس انا الشبكه اتكلفت 7000 بالضبط، قالي مش كان ينفع تقللي عن كده، قولتله كنت هنقص ايه تاني انا مش جايبه الا اساوره ودبله بس، ومامتي جابت ليا الخاتم بتاع الاسواره وبابا جاب ليا سلسله واخويا جاب ليا انسيال.
يعني احنا جبنا حاجات اكتر ماهو جايب بسي عادي اهلي وبيجيبوا لابنتهم، ومش دققت فيها ولما روحنا اقنعني اني مش نعمل في قاعه الخطوبة، مع اني كان كل اللي نفسي فيه اني اتخطب عشان اعمل فرح بسي قدر يقنعني.
وبصراحه انا اتنازلت وده غلط مني لاني ندمانه على كده دلوقتي، لاني كل مااشوف فرح ازعل، المهم تاني يوم الخطوبة خدني وخرجني وداني عند قريبته واحنا مروحين جاب ليا ايس كريم ب2 جنيه ومش صرف عليا حاجه تانيه ولا قعدني في كافيه ولا اي مكان، لدرجه اننا واحنا مروحين ركبني سيرفيس ومش هان عليه يوقف تاكسي.
ومع ذلك روحت قولتلهم ده انا اتبسط وماما بتقولي قومي كلي قولتلها كلت بره ومش جبت سيره عن اي حاجه ولا حسسته بحاجه وقفلت علي الموضوع.
وفي مره كنت فاتحه الفيس وكان فيه صفحه منزله صور للموبيليات وانا بقول الله حلو قالي لا ده كلف وكل مايشوف صوره يقولي مكلفه ومش هينفع نعملها.
وفي مره قالي انا مش هخليكي تنقي حاجه انا اللي هجيب كل حاجه، اتخنقت وقولت انا لازم افشكل الموضوع ده وقولت لماما وصاحبتها وصاحبتها دي تبقي قريبة خطيبي بسي من بعيد، كلمتهم وقالتلهم اني زعلانه فجم ليا وحكيت ليهم على الخشب، باباه قالي مش تزعلي اللي انتي عاوزه هعملوه ليكي وكان قبلها راس السنه وخطيبي مش جيه وبرضه مولد النبي جاب ليا علبه حلوي مش تكمل كيلو بسي مش قولت لباباه على الحاجات دي عشان اتكسفت.
فا انا مش قادره احكم اذا كان كده بخيل ولا لا ومش عاوزه لو هو بخيل لاني بكره الصفه دي اووووي
