معلش هطول عليكم انا عموما فسخت بس تعبانه جدا وما زالت بحبه.. بس سيبته للأسباب دى.. ف الاول كان كويس بس كنت بحسه بخيل بس كنت بقول بسبب مصاريف الجواز وكده وبدأ بقي يقولى اعزمينى اعزمه وادفع وهو ولا الهوا.
كذا مرة يدخل معايا محلات اجيب حاجات وميحاولش انه يدفعلى أو حتى يعزم وكنت بقول مش مشكله اكيد بسبب الظروف.. كان بيكدب كتير ويقول كلام وعكسه ويكلم بنات ع اساس أصحاب ويرجع يقولى معلش.
ف مرة لقيته بيطلب منى فلوس سلف وطلب كذا مرة.. اتخانق معايا علشان القاعه رغم مختارها ف نفس الرينج اللى كان حاطه وسبنى ف الشارع وروح ولا سال فيا.
بعدها بدأ يقولى نجيب اى حاجه ف العفش ما احنا كده كده هنجدد بعد فترة ومش عايز يجيب الفرش الا قبل الفرح بأسبوعين.
وكان يقعد يقولى مش هيبقي معايا فلوس اصرف اول ٥ شهور وانك تشتغلى وتساعدينى ويقعد يقولى توفرى من شغلك وندخل بيه جمعيه ومواقف زى كده كتير
