انا مخطوبة من شهرين او تلاتة تقريبا لانسان كويس ومناسب والاهم بيحبنى بس المشكلة انى مش متاكدة مية فى المية انى بحبه وحقدر اسعده ودايما بقارنه بغيره والاصعب انى بقارنه بواحد تانى كنت على علاقة بيه وكنت فاكرة انى بحبه رغم انى سبته وبقرارى عشان واحد تانى وحتى مدتلوهوش اى تفسير صحيح انا كنت تحت ضغط امى لانى كنت قلتلها كل حاجة وهى كانت مصرة انه لسه قدامه وقت طويل الا انى دلوقتى بفكر فيه بشدة وندمانة نى سبته لكن ساهات بفكر لو كان فعلا بيحبتى اوى مش كان حاول يشوفنى ويسالنى ويتاكد انى مش مرغمة كل اللى عمله انه لما حس انى بضيع اتصل وقال لامى انه مستعد يجى يتقدملى بس بعد ايه كان خلاص واحد تانى عملها ……..المشكلة حاليا انى بفكر فيه بشدة وحاسة انى جرحته رغم كل شئ وبتمسله الاعذار وكل امنياتى دلوقتى اتلخصت فى انى ارجع بالزمن كام شهر وارجع تانى واتمسك بيه واحاول تانى اقنع امى انا مقتنعة انى غلطت بس فى نفس الوقت مخى بيقولى لو كان فعلا عايزك بشدة كان حاول مرة واتنين وتلاتة ومش مجرد مرة واحدة فى التليفون ………….والاصعب حاليا انى حاسة انى عايزة اسيب خطيبى لانى مش متاكده ان راضية عنه تماما مش لعيب فيه وحش مثلا لا لكن مشاعرى مش متجهة ناحيته وكل اللى خلانى اقبله تفكيرى بالعقل والمنطق والناس اللى حواليا كلهم شايفينوا كويس ………..يا ترى اتجوزه وانا معتمدة على حب الناس ليه ولا لازم انا كمان احبه ولو محصلش يبقى بظلمه وهو احسن من انى اظلمه كفاية عليا واحد تانى مش عارفة انا ظلمته ولا هو اللى ظلمنى ولا الظروف هى اللى ظلمتنا احنا الاتنين ………..يا ريت اسمع كلام منطقى يساعدنى ويريح بالى
مشاكل الخطوبة
عايزه اسيب خطيبى
اضيف بتاريخ: Wednesday, May 4th, 2011 في 05:38
كلمات مشاكل وحلول: الخطوبة, مخطوبة, مشاكل البنات, مشاكل الخطوبة
انا مخطوبه بقالي سنه اهلي عجبنهم جداا خطيبي وانا من اول الخطوبه وانا مش بستريحلو انا اها حبيتو بس ده انا بكدب ع نفسي وانا مش حبه ولا حبه شخصيتو لانو مش شبهي وديما مختلفين فاكتر الحاجات غيور بطريقه باااارده اووووووي لي هو بيغير م صحبتي كمان هو اها كويس جدا وكويس مدين بس مش كل حاحه الفلوس لزمن اكون مرتحالو نفسيا الاول، سعات بحس ني مش عاوزه غيرو وسعات بحس اني انا مكبوره ع كد واني دي حاجه لزمن اعملها عشن اهلي مش عارفه احل الموضوع ده ازاي فرحي قرب اتفضل 6شهور وانا لو كملت انا ممكن يحصلي حاجه انا سنه عديد عليا بالوحش كتر م الحلو وانا بحاول اقنع نفسي ان اهلي صح وانا غلط بس حرفيا انا بدمر كل ده وسني 19سنه بس يعني لسه صغيره قعدوني م التعليم بسببو ☹️💔ممكن حل فاقرب وقت لو سمحتو
انا محتاره اوى وعندى مشكله انا عندى 15 سنه احنا صعيدا فا البنات بتتجوز اول ماتم ال18 فا طول عمرى لبتقدملى عرسان المهم ابن خالتى بيحبنى من واحنا صغيرين اتقدملى زمان وبابا رفضه المهم دلوقتى هو عنده 19 سنه وتقدملى تانى المهم هما اغنيا زي نا فا بابا موافق عليه وطبعا ماما وانا مش حاسه باى حاجه من نحيتو انا اصلا مش بفكر فى الكلام ده خالص دلوقتى انا عايزه اكمل تعليمى وافتح مستشفى واخليها ببلاش المهم انا قولت مش عايزاه بس هما بيقنعونى هما وكل اهلى عشان شايفينوا مناسب وهو محترم ومادب بس انا مش عايزاه وهو بيحبنى وبيفضل ينزلى استورى رومانسى وانا مش عارفه اعمل ايه وخايفه اعمل مشاكل مابين امى وخالتى وهما بيقولولى ان هو لو مشى هيجى غيرو فا انا كدا هعمل مشاكل على الفاضى وانا بجد ببقا عايزه اموت نفسى عشان اخلص وتعبانه اوى من التفكير ومش عارفه اعمل ايه وماما صعبانه عليا ومعنديش صحاب احكلهم حتى اخواتى بيقولو زى بابا و ماما انصحونى ارجوكم اخوتى فى الله وجزاكم الله خيرا
انا خطيبي بيحبني موت ومش بيهون عليه يزعلني بس مشكلته انه دايما عايز حاجات قليله الاداب ومش عارفه اعمل ايه بس انا بحبه ومش عايزه اسيبوه وأوقات احس اني بحبه وأوقات لا اعمل
اختي ف الله هنصحك نصيحة لوجه الله شيلي م دماغك الاولاني ده خالص وخليكي مع خطيبك وحاولي انك تحبيه مش علشان اي حاجة علشان هو هيبقي جوزك …. ولو فكرتي ف الاولاني يبقي انتي كده بتخونيه ومش تستحقي انك تكوني مراته… وانتي بتقولي ان الاولاني اتصل بوالدتك ف التليفون مرة وحده وعرف انك اتخطبتي هيتصل ليه تاني وانتي مخطوبة انصحك انك تحاولي تحبي خطيبك
شيلي من دماغك الأولاني دا خالص واعرفي ان موضوع ارتباطك بيه دا صعب جدا .. فكري ف خطيبك الحالي بعيده عن اي مقارنه .. لو انتي مش نرتاحهه معاه صلي استخاره وادعي ربنا لو فيه خير ليكي يقرب بينكو ويرضيكي بيه ولو شر يبعدكو وبرضو يرضيكو انتوا الاتنين .. فكري ف خطيبك بعديا عن اي شخص تاني
ياجماعه بلاش الهجوم يمكن هى مش حساه ومش لاقيه نفسها معاه
وده مش عيب والخطوبه معروفه انها فترة تعارف ومشاعر واحاسيس وان ملاقيتيش اى حاجه من ديه حاولى تكسبى نفسك
خسارة قريبه ولا مكسب بعيد
انا زيك ولما حكمت عقلي اكتشفت ان الانفصال افضل حل علي الرغم اني بحبه ولسة بحبه ونفسي افهم تفسير لكل حاجة عملها معايا ولكن خطيبي الثاني انسان كويس جدا بس مش قادرة احبه بيحاول يعملي اي حاجة تفرحني وانا باقف معاه علي الوحدة انا عارفة اني غلط ومش عايزاكي تبقي زيي فربنا يوفقك مع خطيبك التاني ويتمم لكو علي خير حاولي تغيري رقمك وتبعدي عن اي حاجة تفكرك باللي فات وبصي لقدام وفكري في حياتك بعقلك مش بقلبك وربنا ييسرك الخير اين كان
لا تفكـــــــــــر في المفقــــــــــود حتي لا تفقد الموجـــــــــــــود
هنفتترض انك سبتي خطيبك ورجعتي للتاني وده مستحيل طبعا برضه هتحسي نفس الاحساس خطيبك هيصعب عليكي وهتحسي انك جرحتيه وغلطتيي في حقه
خليكي مع خطيبك احسن
لا تفكـــــــــــر في المفقــــــــــود حتي لا تفقد الموجـــــــــــــود
السلام عليكم
فى كلامك قولتى ان خطيبك انسان مناسب ليكى وكمان فيه حب بينكم او بمعنى ادق فيه مشاعر بدات بينكم وكمان نفسى افمهم شىء واحد بس ( ليه بتقرنى بين شخصين هوانتى مش مسمله ولا انتى مش بتقتنعى بما قسمه الله عز وجل لعباده ) كمان الشخص الى بتقولى انه بيحبك ده9 لا يعرف فى ا لحب شىء لسبب بيسط انتى قولتيه فى كلامك والله اعمل بالى احنا مش نعرفه انه اتصل بيكى على الموبيل
ولو كان هو انسان بيحبك فعلا كان جيه البيت واتدم اكتر من مرة لموافقه والديكى لما انتى فكرتى بالعقل والمنطق فكرتى بشكل كويس جدا لانك احتارتى الشخص المناسب بالعقل وليس مشاعرك واحساسيك لكن سيبك من كلام الناس لانه لا بيقدم ولا ياخر فى شىء لو فكرتى انك تسيبى خطيبك انتى الخسرانه الوحيدة فى الموضوع مش حد تانى كمان انتى كدة بتدمرى حياتك فى حاجة مش هتحصل اساسا لان الشخص الى بتقولى انه بيبحك لما عرف انك اتخطبتى جاى دلوقتى بيدور عل يكى طب ازاى ما انتى كنتى فى ايده من الاول وهو الى فرط فيكى صدقنى ارضى بما قسمه الله ليكى اتمنالك التوفيق بجد جزانا الله خيرا فى اماتنا المسلمه لكن فيه حاجة اخيره من الواضح فى كلامك انك شخصيه صغيفه جدا واتخد براى الاخرين وده عيييييييييييييي كبييييييييييير جدا فيكى يا ريت تعتمدى على نفسك وعقلك والمنطق زى ما فكرتى فى موضوع خطيبك خليكى انسانة مستقله بزاتك ربنا يوفقك واسف للاطاله عليكى
انتى يا اختاه انسانة بليدة المشاعر والعواطف مع كل من احبك وكل من تحبيه وانتى انسانة مزدوجة المشاعلر بمعنى انكى لن ترتضى بمن يحبك وبمن تحبيه لانكى بميت عين تحب وميت قلب يحب وعندك جرح القلوب سهل جدا وعادى ومثل ما بيقولو عين فى الجنة وعين فى النار اتركى خطيبك الثانى لشانه واتركيه لحاله ولا تظلميه كما ظلمتى سابقه واتقى الله فى مشاعرك ولا حول ولا قوة الا بالله
الاخلاص لخطيبك التانى اهم شي
اوعي تخونيه
اوعي اوعي اوعي
خليك مع خطيبك أحسن لك ولا تفكري في الأول
اهتمي جيدا بخطيبك وصلي صلاة الاستخارة
سلام عليكم انا من كلامك شايف ان خطيبك شاب كويس بدليل شهادة الناس لية وان ربنا اذااحب فلان نادي ياجبريل اني احب فلانة فاحبة فيحبة جبيريل فينادي جبريل في اهل السماء ان الله يحب فلان فاحبوة فيحبة اهل السماء ثم ينادي في اهل الارض ان الله يحب فلان فاحبوة فيحبة اهل الارض وانا شايف ان الشخص الا حبتية لو كان جاد كان اتقدملك مكنشي انتظر عمااتخطبتي ورجع ينكش في حاجة ماتت نصيحتي خدي الا بيحبك وسيبك من الانتي بتحبية خليكي مع خطيبك وربنا يوفقك
بصى يا بنت الناس هقولك كلمتين ياربيدخلو دماغك اول حاجة والله االعظيم الولد دة كرمتة بتناح علية بمعنى انو هيعمل المستحيل عشان تسيبى خطيبك وترجعيلو ولما ترجعيلو للاسف هيتنك ويخف عنك شوية دة هيعمل كدة قدامكاول حاجة هوة لو عايزك على الاقل كان اتفدم عااادى يشوف طلبات اهلك بدل ما لسة هيتقدم ولسة هيشوف ناوى على اية والا الطلبات اية تانى حاجة هقولك عليها متظلمهوش دة جة لحد بيتك وبقا جرئي وحبك اشترية زى ما هوة شريكى وبعدين انتى مش حسة حاجة من ناحيتة لان فى حاجة فى دماغك وحد تانى خلى بالك من نفسك ومنو وطمنينى عليكى
عزيزتى زى مانتى بتقولى انه بيحبك لكن بعد الجواز مفيش حب يمكن خطيبك ده يكون احسن منه بعد الزواج استمرى مع خطيبك وحاولو تفهموا بعض
انا مثلك تماما في كل شئ بحاول انسي الاولاني ومش قادرة بس انا مقتنعة ان انفصالي كان الخير ال ربنا قدمهولي لأن طول العلاقة وانا بصلي صلاة الاستخارة وكان كل وقت مستجاب فيه الدعاء بدعي ولكن كانت الامور بتتعقد من سئ لأسوء وفي النهاية انفصلت وتقدملي انسان مناسب ليه من جميع النواحي واحسن بكتييييييييير من الاولاني تدينه وحالته الماديه والاجتماعيه ووسامته ومحبوب بين الناس رغم اني كنت مخطوبه لخطيبي الاولاني رسمي بس المشكلة دلوقتي اني مش قادرة انساه وبلتمسله الاعذار وديما حاسة اني ظلمته بأخد قرار الانفصال
ادى نفسك فرصه تحبى خطيبك لانك لو سبتيه واتخطبتى لاى شخص تانى برده حتقرنى بينهم وقبل متاخدى قرار صلى استخاره مره واتنين وحاولى قربى من خطيبك وانسى لى فات لانه مش حيرجع حتى لو رجع صعب تبقى فيه زى الاول
عزيزتى أنتى قلقه ومرتبكه ليه توكلى على الله وكملى مع خطيبك الأخير وانسى الأول
وارضى بقضاء ربنا علشان ما يضيعش الوقت منك وخطيبك الأول غلطان انه اتصل بيكى وهو غارف انك مخطوبه وانتى كمان غلطانه لا تضيعى الأخير وسيبك من الأوهام
واخلصى لخطيبك وقربى من ربنا