مشاكل الزواج

لسه بدرس في الجامعة و عايز اتجوز

انا طالب جامعى بالفرقة الثانية وعندى19سنة والشهوة تسيطر على تفكيرى ولكنى والحمدلله ماسك نفسى اوى وحاسس انى عايز اتجوز لكى اعف نفسى من الحرام وانا لدى الوظيفة و الشقة والحمدلله وارى انى لا استطيع التحمل اكثرمن ذلك ولكن المشكلة انى لا استطيع مصارحة اهلى برغبتى بالزواج ظنا منى انهم لن يوافقوا على ذلك ولكنى على استعداد تام على تحمل المسئولية الزوجية فارجو منكم ان تنصحونى هل اصارح اهلى ام لا

مشاكل وحلول ذات صلة

اضيف بتاريخ: Tuesday, January 18th, 2011 في 00:34

كلمات مشاكل وحلول: , , , , , ,

20 رد to “لسه بدرس في الجامعة و عايز اتجوز”

  1. أبواسحاق
    31/05/2012 at 12:40

    السلام عليكم أخي نصيحتي لك أن تقرأ وتستمع كثيرا لمن تزوجوا قبلك حتى تتكون لديك فكرة كاملة عن الزواج وفي هذه الحالة تقرر هل أنت جاهز أم لا ولابد أن تعرف كيف تدير بيتك أسريا وخلقيا واقتصاديا حتى تهنأ بالعيش فكثيرا ممن تزوجوا لهم رغبة شديدة في الانفصال بسبب عدم وضع قواعد عامة يسير عليها البيت واعلم أن الرجل ليس رجلا بالمال فقط أوالقدرة الجسدية على الزواج إنما الرجل من كان عنده أخلاق حميدة عرف كيف يحافظ على زوجته وعرف كيف يسعدها وكيف يجعلها تحبه وكيف ينعم بالراحة والفرحة والسلام عليكم

  2. عاشق الابتسامه
    05/06/2011 at 05:34

    قال رسول الله (ص) فيما معناه من اسطاع منكم الباءه فليتزوج
    اخي مدام الشقه و الوظيفه جازه و حالتك الماديه مستريحه ايه المانع من الزواج و تكمل الجامعه و تزاكر في المنزل و لازم تصارح والدك تقعدو انتو الاتين على انفراد و تقوله يا والدي انا عاوز اكلمك بس مش على اساس انك والدي على اساس انك صاحبي و تحكي معااه في الموضوع و هوا اكيد ان شاء اله سوف يتقب منك

  3. صاحب المشكلة
    15/02/2011 at 04:25

    اختى الكريمة بارك الله فيكى لنصائحك الغالية فانا فعلا من مصر, احب ان اصحح لك تلك المعلومة ان سن الزواج للرجل فى مصر هى 18 سنة وليست 21سنة كما تفضلتى وقولتى (حسب قانون الأحوال الشخصية المصرى) ،كما ان لا يوجد سن معين للزواج فى الاسلام والشريعة الاسلامية. ولكن النبى صلى الله عليه وسلم ربط الزواج بالمقدرة على توفير مؤن وتكاليف الزواج وجعله المعيار الوحيد للزواج ولم يذكر صلى الله عليه وسلم السن او المرحلة العمرية(من استطاع منكم الباء فليتزوج) ولم يقل(من تخطى سن الواحد وعشرين أو انهى دراسته الجامعية مثلا) فالكلام واضح وصريح ولا يستحق التفسير.
    ثم اننا نعتبر مخطوبين بصفة غير رسمية ويبقى الخطوبة الرسمية باذن الله تعالى الاجازة القادمة وكما قولت فهى قربيتى من جهة والدتى(والدتها بنت عم والدتى).
    ثم انكى مشكورة كما ذكرتى فانا بدأت بالاخذ بالاأسباب لذلك من حيث العمل والاستعداد التام لتكاليف ومسئوليات الزواج، بالاضافة الى توجهى الى الله سبحانه وتعالى بالدعوات المستمرة والصبر مع حسن ظنى بالله تعالى انه سييسر لى باذنه تعالى ما ارجوه ، وهذا فعلا يعطينى بعض الهدوء والطمأنينة والأمل وثقتى بالله سبحانه وتعالى سيفرجها.
    واحب ان اعلمك ان دراستى ليست من النوع التى تاخذ من وقت او جهد او حضور محاضرات ، فدراستى ادبية وليست كلية علمية مثل الطب او الهندسة او غيرها ،ومع ذلك فهناك الكثير من النماذج التى كانت تدرس بالكليات العلمية وتزوجت رغم صعوبة تلك الدراسات، فما بالك بدراسة ادبية مثلى لا يوجد بها اشياء تطبيقية او عملية وهى مجرد الامتحانات فقط ،فأنا طوال العام فى فراع كامل الا وقت الامتحانات فقط.
    ولدى سؤال ارجو منكم الاجابة عليه، لماذا تستنكرون عليا العفة والحلال ورضا الله ،بالله عليكم اترضون لى الانزلاق فى الفاحشةوالوقوع فى الحرام، واين الاسلام يااخوانى الكرام من تفكيركم وتفكير مجتماعتنا العربية والاسلامية ، هل اصبحنا فقط مسلمين بالقول فقط دون تطبيق تعاليم الاسلام الحنيف وسنه رسول الله صلى الله عيه وسلم ،الذى امر الشباب المسلم بالزواج متى استطاع الباءة ليعف الشباب والبنات من الفاحشة والرذيلة.
    ألم يتزوج ابائنا واجدادنا فى عمر مبكر جدا’ وكانوا يتحملوا المسئوليات مبكرا وكانت عصورهم مزدهرة و يهئنون بالراحة والسعادة والطمأنينة والقرب من الله والبعد عن الفاحشة والرذيلة’ ولم نسمع بالماضى عن جرائم التحرش والاغتصاب وكانت النساء يتزوجن فى اعمار صغيرة جدا وربوا اولادهم وهئنوا بالصحة والسعادة ،أين عقولكم ايها المسلمون ألا تخافون حساب الله.
    على جانب اخر فما نراه من جرائم الاغتصاب والتحرش الجنسى و فتك الاعراض نتاج البعد عن دين الله وسنه الرسول الكريم، لقد استطاع الغرب ابعاد المسلمين عن دينهم بتبنى الافكار الملحدة والاراء المتخلفة بحجة الرقى الحضارى ، فهم تعمدوا اغراق شبابنا فى الشهوات وبحور الرذيلة بمحاولة القضاء على فكرة الزواج نهائيا لنصبح منحلين اخلاقيا مثلهم ونمارس الرذيلة بكل سهولة ويسر ويعاشر الولد البنت دون شرعية وبالتالى انتشار الزنا والامراض وسخط الله علينا.
    اتقوا الله واعلموا انكم تقفون بين يديه سبحانه وتعالى يوم القيامة.

  4. امرأة متزوجة
    13/02/2011 at 16:36

    اعتذر عن التأخير في الرد، فأحداث مصر كما تعلم. ولكن يا أخي أنت باين عليك من مصر؟ إذا كان صحيح فأنا لازم أصدمك وأقولك أن القانون يشترط سن الراجل المقبل على الزواج ألا يكون أقل من 21 عاما
    بمعنى أنك لازم تصبر سنتين يعني لازم تصبر سنتين قانونا وزي ما قولتلك ممكن تخطبها خلال السنتين دول وصدقني فكرة أن أنت خلاص بدأت تنفذ اللي أنت بتسعاله ديه هتديلك شوية هدوء واستقرار أن خلاص أنت بالفعل خطبت وكمان شويه هتبقى متجوز مش لسه بقى بتفكر أتجوز ولا لأ طب أتجوز مين

    كمان هتديلك قوة ودافع أنك تنجز في حياتك وبعدين يا أخي مش يمكن تطلع محظوظ وتاخد إعفى بس أحنا برضه بنتكلم في أسوأ الظروف احتياطي
    يا أخي لا تكون متشاءم أنت لسه صغير على التشاؤم وأملى حياتك أمل عشان تقدر تواصل وربنا يعينك ويقويك

  5. lمحيو
    10/02/2011 at 11:00

    و اللة يا صاحب المشكلة ما يكون تاثيرك ببنات الجامعة كل همك وما يلبسونة او ما يقولونةوكل هذا امتحان من رب العالمين وكلنا الحمد للة اتخرجنا ما حصل علينا مثلك وربنا يحل ليك مشكلة الزواج

  6. lمحيو
    10/02/2011 at 10:55

    واللة يا اخ همسة انت ممكن تكون صغير ولكن للظروف احكام اما بالنسبة للوضع المادى
    (تزوجو فقراء يغنيكم اللة)والزوجة بتجى بى رزكها والحمد للة وكل ذلك اعتصاما بحبل اللة المتين

  7. صاحب المشكلة
    04/02/2011 at 22:44

    بارك الله فيكى اختى الكريمة لنصيحتك الغالية ولكن اود ان الفت نظرك انى اريد الزواج الان او فى اقرب وقت ممكن جدا لاننى والله العظيم مفتون بالمغريات المحيطة بى فى الجامعة من البنات وما يلبسونه وغير ذلك فانا فى جميع الاوقات حتى فى الصلاة والصوم والعبادات المختلفة وانا نائم وانا مستقيظ فى جميع الاحوال يشغلنى موضوع الزواج والحلال والعفة وتفكيرى كله منصب فى الزواج فانا مضطرب جدا لا استطيع الابداع بسبب موضوع الزواج و غير مرتاح نفسيا ومكتئب دائماواكاد اشعر بالتعب من حياتى لدرجة اننى اشعر بعدم وجود قيمة لحياتى فانا والله الذى لا اله الا هو انا مستعفف حتى الان وصابر وادعو الله ليلا ونهارا لكى يهلمنى الصبر ولكى ييسير لى زواجى واقوم بالاخذ بالاسباب ولكن هذا الموضوع لا يتركنى ابدا والله والشيطان اللعين يستغل تلك الفرصة لكى يقع بى فى الرذيلة والفاحشة ويقنعننى انه الاسهل والايسر لى من الحلال فانه لن يقتنع احد بزواجى الان وحتى لو افترضنا ان اهلى اقتنعوا بذلك خوفا على من الرذبلة لكن من حوليا سيستنكر ذلك والمجتمع سيرفض ذلك بحجة صغر سنى ولعدم استطاعتى لتحمل تلك المسئوليةالكبيرة على الرغم اننى والله لااريد ان اغضبه عز وجل واريد ان اعف نفسى بالحلال وهو المعين على تيسيره لى
    ومن ناحية اخرى فانا جاهز بكل متطلبات الزواج فأبى وأمى اشتروا لى شقة لكى اتزوج بها فى المستقبل وهى مناسبة لذلك وكذلك فاننى بدأت والحمدلله فى العمل بمرتب مقبول ولدى الامكانيات المادية والحمدلله التى احتاج اليها لا ينقص سوى موافقتهم
    بالاضافة الى كما قولت من قبل ان امى معجبة ببنت اقاربها لحسن خلقها وتدينها وهى تحبها منذ صغرها وتحلم ان تكون لى وانا رايتها ووافقت عليها لاقتاعى التام بها ليس فقط لارضاء أمى ولكن لاقتناعى التام بحسن خلقها وتدينها ونسبها الكريم فاهلها هم اقاربى وهم يحبوننى
    وفهى محجوزة لى او مخطوبة لى بشكل غير رسمى حتى لان حتى انتهاء دراستها الثانوية هذا العام(ثالثة ثانوى)وتصبح خطوبةرسمية على الملأ فى الاجازة القادمة باذن الله وهم موافقون على قد القران بعد تخرجى مباشرة اى بعد سنتين من الان(تانية جامعة) بغض النظر عن الخدمة العسكرية ولكن اخاف على نفسى من الوقوع فى الرذيلة حتى ذلك الموعد وخصوصا ما يحدث بالجامعة من الزواج العرفى وغيره حفظنا الله من ذلك
    كما اننى لست من النوع الذى يستغل فترة الخطوب لتلك الهيافات (الخروج معها والفسح والهدايا وغيرها) انا جاد طول عمرى ولا احب اللعب ببنات الناس ولكنى اريد ان اتزوج على سنة الله ورسوله وان اتمتع بها فى الحلال اخذا بحديث الرسول صلى الله عليه وسلم (يا معشر الشباب
    من استطاع منكم الباء فليتزوج) وانا كما قولت جاهز والحمدلله من كل شى ولدى القدرة على تحمل الصعاب والمسئوليات الزوجية ويكمننا ان ناجل الانجاب الى ما بعد التخرج والقدرة على تحمل مسئولية تربية الاطفال فزواجى اصبح مطلب ضرورى جدا لا يمكن تاجيله الى ما بعد تخرجى والا الله اعلم ماذا سيحدث لى ان لم اتزوج الان ساظل مكتئب طول حياتى وتعبان ومضطرب فى دراستى ولا استطيع انجاز عملى فماذا افعل فى تلك الحالة ارجوكم ساعدوننى بنصائحكم الغالية

  8. امرأة متزوجة
    30/01/2011 at 02:31

    أنا نسيت أني أقول أنك ممكن تخطب البنت قريبتك حتى تصل لسن البلوغ 21 سنة وهو بعد عامين وخلال العامين دول ممكن تلعب رياضة كما أنك خلالهم صدقني هتقرب كتير من خطيبتك (أقصد مشاعركم، توضيحا للمعنى) هيبدأ الكلام ما بينكم يزيد وتبدأ تعرف طريقة تفكيرها في قضايا كتير وهتبدأ تصلح وتتشوار معاها وتتحوروا وده هيقرب ما بين أفكاركم كتير على فكرة أنا اتخطبت وأنا عمري 22 سنة وتزوجت وأنا عندي 23 سنة وبكلمك عن تجربة أنا عايزة أقولك أني على بال ما جيت أتزوج كانت أفكاري أنا وزوجي متوافقة إلى حد كبير ولم نمر بمشاكل بداية الزواج التي يمر بها العديد ويعتبروها أمرا عادي وهذا لا يعني أنه لم تكن هناك مشاكل ولكن بقدر قليل جدا لا يذكر تقريبا بجانب ما كنت أسمع أنه يحدث بين متزوجين آخرين. وعندما تبلغ 21 عاما أعقد القران وتبقى مراتك على سنة الله ورسولة وعلى رأي الأستاذ عمرو خالد ديه أحلى فترات الجواز – جواز بدون مسئوليات (ده كلام أستاذ عمرو خالد في أحد الحلقات – مش كلامي) وخلص جيشك براحتك صحيح هتتعب ومراتك كمان هتتعب شوية بس هتبقوا في الحلال مش أحسن ما تتعبوا في الحرام. يا أخي ده كفاية ندم المعصية والخوف من أن ربنا ينتقم منك في عرضك. وهذا هو رأيي الخاص لك أن تأخذ بيه ولك أن تتركه. ولكن اتق الله.

  9. امرأة متزوجة
    30/01/2011 at 02:15

    يا أخي أنا كان عندي نفس أحساسك وبالفعل تزوجت أول رجل مناسب لي وأنا عمري لسه 23 سنةبعد أن استخرت الله ووجدت كل ما كنت أبحث عنه فيه. وصحيح أن الحياة الزوجية مختلفة عن حياة العزوبة والمسئوليات جمة وأحيانا أشعر بالتعب وربما الملل أيضا ولكن يا أخي هذا لا شيء يذكر بجانب شعور الإنسان بالطمأنينة والثبات النفسي. يا أخي والله إني لأحمد الله كل وقت أشعر فيه بذلك لأن في هذا الزمان أصبحت الرذيلة سهلة أحمد الله أنه من علي بالعفة. فاتق الله وتوكل عليه وسر في طريق الحلال فهو وإن كان مليء بالمصاعب فهو الصح ونهايته خير وجنة ونعيم في الدنيا والآخرة ولا يغرينك الشيطان بضعف أو فقر أو غيره فتعرض عن الحلال لأن نفسك ستصبح فريسة سهلة له وهي تريد ذلك بشدة. يا أخي اتق نار وقودها الناس والحجارة. والسلام

  10. صاحب المشكلة
    24/01/2011 at 05:36

    انا ياجماعة خايف على نفسى من الوقوع فى الرذيلة خصوصا المغريات فى الجامعة حوليا
    وانا اهلى اخترولى بنت اقاربى وهى متدينة وعلى خلق قويم وهو المطوب اصل مش عايز اكتر من كده والله انا اهم حاجة هندى الدين والخلق بس المشكلة ان هم حددوا الجواز بعد التخرج يعنى لسه ادامى3 سنين كمان عشان الجيش طب الواحد يعمل ايه من دلوقتى لغاية ما يخلص جيش والحرام سهل الوقوع فيه وبعدين ياجماعة انتو محسسنى انا لسه صغير ازاى وانا بالغ وجامعى واصبحت شاب يستطيع تحمل المسئولية وبعدين انا افضل اشيل المسئولية واتعب بسبها واشقى على انى افضل كده من غير المسئولية بس الشهوة تتمكن منى واقع واليعاذبالله فى الحرام

  11. اميره الاحزان
    23/01/2011 at 18:13

    بص عزيز انا امراه اعانى من الزواج المبكر فوالله انى زوجى قابلين وهو عنده 18 سنه وتزوجنا وهو عنده 20سنه بس بعد كده احس انو شال مسواليه عاليه وبتدا يعرف بنات علشان يعوض الحرمان الاى كان حارم نفسه منه مع العلم انى انا عندى الان 26 سنه وهو 28سنه

  12. nona
    23/01/2011 at 11:32

    انا بنت بس حابة اقولك ماتستعجلش انا ليا حد قريبى كان زيك بالضبط واتجوز فى سنك ومامرش كتير على جوازه ولعن اليوم اللى اتجوز فيها وكان هيطلق لانه مشاعره ماكنتش لسه اتظبطط وكمان كان عايز الجواز لحاجة معينةوبمجرد ما وصل لها حس ان مش هى دى البنت اللى كان بيحلم بيهاوعايش دلوقتى مراهقته وكأنه لا اتجوز ولا حاجة مش معنى كلامى ان الجواز وحش لأ بس الفكرة لما تتخرج هتقابل بنت تلاقى مشاعرك انجذبت لها وحبتها وفيها المميزات اللى بتتمناها واللى تقدر تكمل عمرك معاها واللى تنفع تبقى ام اولادك عشان مايجيش يوم عليك وتندم ونصيحتى لك ماتتفرجش على مشاهد جنسية وحاول العب رياضة والهى وقتك بذكر الله وانتى لسه صغير اوى على تحمل المسئولية الجواز مش سهل زى مانت فاكر ربنا يوفقك

  13. نورسين
    22/01/2011 at 15:31

    بسم الله الرحمن الرحيم
    اخى طالما عزمت على الامر فتوكل على الله وطالما تريد الحلال ربنا حيسهله باذن الله وانا مع ابو البنات والعقل مش بالسن ولا مقياس انك صغير يعنى لا تستطيع تحمل مسؤوليه بالعكس ممكن تكون اعقل وارسى من شباب اكبر منك كتير انا بقولك صارح اهلك وافتح بيتك والله الموفق

  14. احمد
    21/01/2011 at 02:45

    بس المشكلة انهم اتفقوا ان يكون الجواز بعد التخرج من الجامعة يعنى بعد سنتين وان مش قادر اكتر من كده وانا بدعى الله سبحانه وتعالى انه يسهللى الجواز

  15. احمد
    21/01/2011 at 02:43

    انا نسيت اقول ان اهلى اتفقوا على بنت اقاربى تكون عروسة ليا وهى كويسة جدا ومتدينة يعنى كل الظروف متاحة وانا شايف فى نفسى المسئولية وتحملها خوفا من الفاحشة واليعاذ بالله وانا والحمدلله متدين وبصلى وكل حاجة عشان كده انا عايز احصن نفسى كما امرنا الله سبحانه والرسول الكريم

  16. محمد مصطفى
    20/01/2011 at 23:28

    يا اخونا اتقو الله حرام عليكم ده الرسول الكريم بيقول من استطاع منكم الباء مش من خلص جامعة ولا بلغ سن ال20 هو الحلال خلاص بقى صعب والحرام سهل شاب وعايز يصون نفسه بالحلال ويبعد عن الحرام نقولله انت لسه صغير ومش ناضج ايه الكلام الفاضى ده صغير ايه ونضج ايه اتقوا الله ولما يقع فى الرذيلة نقوللوا خلاص اتجوز طب ما نحميه من الرذيلة من الاول ولا لازم الفاس تقع فى الراس
    والى الاخت الكريمة اللى بتقول لسه صغير 19 سنه اسامة بن زيد كان قائد على جيش فيه ابوبكر وعمر بن الخطاب وكان عمره 16 سنه وبعدين الغرب هو اللى بيقول النضج والكلام الفاضى ده لانهم منحلين وما عندهمش ضوابط ودين فبيمارسو الرذيلة عادى
    وبعدين فيهشباب فى سن ال19 والعشرين ويبقو ناضجين وعلى اد المسئولية ورجالة فعلا بالافعال انا مش بقول كلهم بس فيه نسبة كويسه وفى المقابل ناس عدت الاربعين والخمسين وما عندهمش ما يسمى بالنضج فالنضج ليس بالسن ولكن بالاحتكاك والمسئولية والاعتماد على النفس
    اتكل على الله يا اخى وربنا سبحانه يوفقك تلاقى بنت الحلال ومالكش دعوة باللى بيقولك لسه صغير والكلام الفاضى ده بس استخير ربناالاول واتبع سنة المصطفى صلى الله عليه وسلم (من استطاع منكم الباء فليتزوج) (الدال على الخير كفاعله)

  17. همسه
    19/01/2011 at 03:47

    رد الى الاخ ابو البنات مش لازم نتفق فى الاراء لكن اسمحلى اوضح ليه قولت رايى كلمه( الباءه)بمعنى الفقر والرسول الكريم يتحدث عن جميع حالات الفقر مش المادى فقط يعنى مثلا لو ابنى عنده 15 سنه وبيشتغل وبيكسب وانا بنتله شقه ينفع يتجوز طبعا لاء لانه فقير من نحيه النضوج العقلى وتحمل المسؤليه والاخ اللى بيسال ربنا يكرمه جاهز ماديا لكن الشهوه مسيطره على تفكيره يعنى لسه محصلش نضوج عقلى كامل يختار على اساسه شريكه عمره الجواز شركه ومستقبل لازم اساسه يكون صح وبرضوة الرسول الكريم كمل حديثه (فمن لم يستطع عليه بالصوم)يعنى يصبر شويه ويبقى هو المسيطر على شهوته مش هى الى حاكماه عشان يقدر يكون قوى امام مشاكل الحياه ولك منى كل الاحترام

  18. توتا
    18/01/2011 at 23:10

    انت مش هتقدر تفتح بيت دلوقتى الجواز مسؤلية كبيرة انت عاوز تتجوز عشان الجنس بس العب رياضة خرج فيها طاقتك وصلى وقرب من ربنا عشان تتجوز وتفتح بيت ويكون بيت ناجح وانت تكون بقيت قد المسؤلية الجواز مش جنس بس الجواز التزامات ولو اتجوزت دلوقتى هتندم بعد كدة فى مشاكل وفى اولاد وفى ست حاجات كتير فكر كويس وربنا يهديك

  19. ابو البنات
    18/01/2011 at 20:34

    اختلف مع راى همسه
    يقول المصطفى ص
    من استطاع منكم الباءة فليتزوج

    وانت تقول انك على استعداد تام لتحمل المسؤليه الزوجيه..
    يبقى على بركة الله استخير ربك فى عروسه مناسبه لك واخبر اهلك وانت مش هتتزوج الصبح لسه فيه فترة خطوبه تتعرف فيها على الفتاة بس انصحك بحسن الاختيار
    وانت تسعى الى الحلال ما احد يلومك وانت ادرى بنفسك

  20. همسه
    18/01/2011 at 04:58

    اقولك رايى من غير متزعل منى انت صغير على تحمل المسؤليه الزوجيه حاليا المسؤليه الزوجيه يعنى بيت واطفال وانت لسه فى سنه تانيه وكمان لسه مشاعرك متحددتش عشان اختيارك يبقى صحيح يعنى لو اتجوزت حيكون لمجرد الجنس وده مش بيكون زواج ناجح لازم العقل والحب ولازم تكون ناضج وجاهز بس انا انصحك انك تمارس رياضه تخرج طاقتك فيها وتلتزم دينيا وتوجه تفكيرك لشىء غير الغريزة وياسيدى كلها سنتين ممكن تقابل واحده تحبها وتحبك تخطبها وتتجوزها ومتندمش بعد كده يعنى اصبر شويه عشان اختيارك يكون سليم وربنا يرشدك للخير يارب

اترك رداً أو حلاً لهذه المشكلة