مشاكل الازواج

ندمان على الزواج و عايز اطلق مراتي

مشكلتى انى تزوجت وحدة عن طريق اخ كبير لية ورحت عندهم وقوات عايز اشوفة الاول لانى ما شفتة قبل كدة لانى كنت قبلة با الخارج المهم شفتة بس ماعجبتنى لانة مو جميلة ولا حلوة لم خرجنا من عندهم ماقلنا لهم شئ وعندم رجعنا المنزل قولت مستحيل اتجوزها لو اخر واحدة في العالم قولولي اهلي لية دا مودبة وبتصلي الفجر حاضر وكدة و الجمال مو كل حاجة ولم تزوجة هتحل اكتر من كدة المهم رفضت
وكل يوم الزن شغال علية علشان اتزوجها لكن رافض وجلست ادور علي بنات دية حلو لا دية امة مش كويسة المهم مليت حسات انى البلد فاضية مافية بنات وبعد حوالي 10 ايام كلمنى اخى دا كويسة وناس كويسة فجاة طلعت منى خلاص اخى ماصدق سمع منى اوك راح بسرعة اتصل عليهم وقالهم احنا جاينى الان نقراء فاتحة وفعلا رحنا وقرانا الفاتحة واتجوزنا بس مو كنت حاسس بفرح شديد حاسس انة مش لية المهم حملت منى وسافرت الخليج رجعت اجازة وربنا كرمنى ببنت والان بقالي خمس سنوات و الزوجة لاتنجب ولفيت بية كل المستشفيات والعيادات الخاصة وكل مايقولي علي دواء لها اجيبة مهم كان ثمنها بس مع العلم انى لم تزوجتة كنت اتمنى انة ماتخلف علشان اطلقها لكن لم حملت وجابت بنت حبيت البنت جدااا ومتعلق فيها وهو دة يمكن الامصبرنى علي امها مع ان امها بصلي وكويسة معى جداا بس انا ندمان على الزواج منها للاسف هى حاسة ذللك السبب انى عايز اطلق مراتي واتزوج زوجة جميلة زى ما تمنيت كدة يعنى حاسس نفس اسرعت في زواجي منة اية الحل الان بنتى صار عمرة 6 سنوات وما عندى اي اولاد تانى والسبب مو منى من زوجتى الاحاسس انى تسرعت في زواجى منة قولولي اعمل اية علشان ارتاح من كتر التفكير في الطلاق وفي نفس الوقت خايف علي بنتى لانى بحبة جداا ومعتنى بة جدااا وحتى زوجتى حاسة انى بتصل علشان بنتى فقط مو علشانة ردو علية يا اهل الدين والخير

مشاكل وحلول ذات صلة

اضيف بتاريخ: Tuesday, January 11th, 2011 في 02:43

كلمات مشاكل وحلول: , , , , , , , , , , , ,

38 رد to “ندمان على الزواج و عايز اطلق مراتي”

  1. محمد سليم
    26/02/2020 at 02:37

    والله الحال من بعضو انا كمان ربنا كرمني ببنت عسوله وبحبها اكتر من نفسي وكل مابص على البنت تصبرني كد غلوتها عندي على امها بس بصراحه انا عشمان ف ربنا بعد مسافر وابني حياتي من جديد هتجوز. عشان مستحيل انا استحمل شريك لحياتي مبحبهوش ولا يكلف الله نفسآالا وسعها

  2. العجمي
    26/06/2019 at 09:45

    علي الحرام من ديني الكلام اللي فوق ده كله صح بس في نسوان تسد النفس

  3. Jakob
    25/11/2018 at 22:44

    اسمع مني نصيحه مدام زوجتك بتراعي ربنا فيك وفي دينها وبتعاملك كويس اوعي تتخلي عنها هتندم.
    انا تقريبا زيك بالظبط بس كان ابويا المهم لما سافرت وخدتها معايا بقت حياتنا زفت في زفت صامته بتزعل وتجنب العلاقه الزوجيه تكاد تكون بالغضب وللاسف الشديد هيا برضه حامل ومفيش تدين بس اللي كان نفسي فيه انها متحملش عشان اكيد كنت طلقتها
    احمد ربنا أن فيه واحده تعرف ربنا وبتعاملك كويس
    انا حتي مش متفائل من الطفل اللي هييجي يشوف امه بتعامل أبوه كده مش منتظر منه حاجه كويسه
    والله انت في نعمه.
    نصيحه من اخوك المغترب

  4. Yoya
    19/02/2018 at 12:07

    الست مش فى شكلها ولا جسمها الست بحسن اخلقها وطعتها لجوزها وتحافظ على نفسها وهو غايب عنها فى ستات حلوة فى شكلها بس من جوها اسود وبتبقة خاينة ومتبقش كويسة وبتبقة مغرورة فى نفسها علشان شيفة نفسها حلو الحلوة حلوة الروح والأخلاق

  5. كريم
    23/12/2017 at 11:36

    اناقريت كل الردود لان دي نفس مشكلتي بالظبط انا اتجوزت بردو واحده مش ماليه عيني وجسمها ضعيف وعندي منها ولد واستغربت من الناس الي بتفرض السئ وتقول لو اتجوزت واحده حلوه ووشها اتشوه ده اسمه قضاء وقدر ملناش دخل فيه وانا كمان عايز اتجوز تاني بس انا حالتي الماديه متسمحش اني افتح بيتين انت لو ميسور الحال اتجوز بدون تردد ومتضيعش يوم واحد في التفكير ده شئ حلال واظلم الناس هو الي بيظلم نفسه اظلم غيرك بس اوعي تظلم نفسك بس متكونش قاصد ان انت تظلمه لكن علشان متظلمش نفسك وربنا يعيني علي انا فيه

  6. ياسر
    22/11/2015 at 10:52

    شغل الشيطان تشوف اي وحده حلوه غير مراتك تشوف صحبك متجوز ومرتاح ومراته جميله وصحبك يشوف ان مراتك جميله اسئل صحبك وقوله انتا مرتاح ف افجواز بس الحل اتجوز تاني هتحب الاوله

  7. ياسر
    22/11/2015 at 10:48

    اتزوج تاني هتعرف ان كل النساء فيهم عيوب ومتحلاش ف عينك الا الغريبه عشان دا شغل الشيطان بس ف سؤال شوف اجمل زوجه ف زوجات صحابك واسئله انتا مرتاح او مراتك شايفها حلوه

  8. SOSO
    24/06/2014 at 17:34

    ممكن اسأل سؤال هي ايه ذنبها ان اهلك ذنوا عليك تتجوزها ؟؟؟؟ يعني لا انت بقيت الزوج اللي بيحبها وبيوفرلها جو الاسرة ولا سيبتها لغيرك يمكن كان ربنا رزقها بحد يحبها بجد ويصونها مش يتجوزها بناء علي زن مامته واللا عيلته لحد امتي هنتعامل مع الست علي انها زي الملابس نتجوزها ولما تضيق علينا نرميها كمان حضرتك بتقول انك بتحب بنتك اقل شئ تقدر تقدمله لبنتك وتثبت بالفعل انك بتحبها انك تحب امها وف العموم لو عايز تطلقها طلقها لا يكلف الله نفسا الا وسعها بس حط ف دماغك انك ظلمتها بالجوازة ده لانها م الاول مكنتش عجباك واتجوزتها زن علي ودانك ليس الا

  9. ابواميرة
    11/01/2013 at 22:48

    الاخ العزيز الجمال جمال الروح وليس الشكل ياماناس متزوجين من ملكات جمال في العالم وغيرسعداءومرتاحين في حياتهم لان المراةتكن العيون عليهاوين ماراحت اوجات الكل يغازلهابنظرةاوابتسامةواغلب الجميلات تجدهامحسودةمن النساءالاخريات واصبحت تعيش في مشاكل ومضايقات بسبب جمالهااللي صارنقمة عليهاوابعدعن تلك الاوهام الزايفةاوالافكارالمدمرةواعلم ان الجمال الحقيقي هوجمال الروح وليس جمال الجسدوالشكل وكن من الشاكرين الصابرين تنال رضارب العالمين وفقك الله

  10. السحر حق
    03/11/2011 at 20:44

    يا اخي انا اشك انه معمول لك عمل لتشوف مراتك مش حلوه شوف ليك شيخ و يمكن كمان يكون معمول عمل ل متخلفش لان العمل الاول ماجبش نتيجه مش اكيد بس انا اقول دلك عن تجريبه لاني طلقت زوجتي آلاولي لاني كنت لا اراها اراها كالقرد الصغير لم استحمل بكيت و بكيت تم طلقتها بعد شهرين من زواجنا والحمد لله تزوجت قبل مرور عام علي طلاقها هي لم تكن قبيحه كانت عاديه تماما ولاكن العمل لي معموول لي خلاني اراها تماما قريدا صغيرا المهم لم اتمكن من الزواج بعدها كان معمول لي كمان ما اتزوج تاني ظليت 8 سنوات اتهرب لغايه ما راحت مرت ابوي متل امي ليمعريفتهاش هي لي كبرتني راحت شافت شيخ بعد كدا بشهر صرت اطلب منهم يدورو لي علي عروس ويتزوجت امراه كمان عاديه الجمال واتقبلها بكل هناء وعايش مبصوط معها ومع ابني

  11. nnnn
    30/10/2011 at 13:08

    انت ظالم لك زوجتك بحبهالك وانت ماتستاهل ربع حبها

  12. NANA
    17/01/2011 at 14:48

    وانا من راى استاذ ايهاب جدااااااااااااا بصراحة وكلامه صح وجرب وشوف النتيجة وعرفنا ردك

  13. NANA
    17/01/2011 at 14:41

    بص يا استاذ فارس هقولك حل شايفاه كويس الى حد ما اولا موضوع طلاق دة انساه نهائى عشان بنتك تتربي صح لان الطلاق والله هيخليها تتعقد لما تكبر وياثر على نفسيتها واكيد انت متردهاش لبنتك الحل هو تحاول لاخر مرة انك تقرب من مراتك واحتويها وحاول تفهمها عرفت تحبها يبقي ربنا عايز الخير ليك ولمراتك وبنتك للاسف معرفتش خلاص اتجوز واحدة تانيه ولازم تصلى صلاة استخارة كتير قبل ما تتجوز اى واحدة ومتقصرش فى حق بنتك ومراتك ولو الزوجة التانيه هتخليك تاثر فى حقهم تبقي هى مش كويسه ومتقعدش مثلا مع مراتك يومين وتقول خلاص معرفتش احبها عشان تقول منا حاولت لازم يكون دة من جواك انك عايز تحبها وجرب مش هتخسر حاجة جرب على اقل فترة الاجازة ال بنتزلها كلها وشوف مستنيه ردك

  14. نورسين
    16/01/2011 at 18:58

    بسم الله الرحمن الرحيم
    استاذ فارس انا قرأت رسالتك وانا على درايه كامله بمعنى شعورك واحساسك انك خسران كتير وان من حقك تعيش الحياه التى تتمناها .ولكن لما تصميمك على الطلاق اخى تزوج باخرى وعيش مع الاتنين ولا هناك من لاحت فى الافق ولا تريد الاولى .بص انا مع اذا لم تحب نفسك لن تستطيع ان تحب اى من حولك انت جالس تمثل على الكل حتى على نفسك انك سعيد وتفسح مراتك وانت لاسف مش معاها .ولا سلطان على الفلب والمشاعر .اخى حاول ان لا تظلم ابنتك وتطلق امها ولكن تزوج باخرى واعدل بينهما وانا اعلم ان فى ستات كتير مصريات سوف ترفض حلى هذا ولكن هذا هو االواقع وفى منظورى افضل بكتير من الطلاق وتشريد طفله .ربنا شرع الزواج الثانى لمثل حالتك تزوج وانجب من الثانيه .وتكون حققت المعادله الصعبه لا ظلمت نفسك ولا ظلمت ابنتك .وفى ناس سوف يقولون اننى ظلمت الاولى ولكن اقول لهم لا لاننى اعلم جيدا انها على علم بمشاعرك ناحيتها فهى دائما متوقعه هذا الحدث مهما حاولت انت احترام مشاعرها قدرها يا سيدى واجلس معها فى حوار بالطف وخيرها بين زواجك من اخرى الجمع بينهما او طلاقها واتركها تختار واترك لها فرصه التفكير واختار من تريد من النساء وتذكر ان ابعض الحلال عند الله الطلاق والله الموفق

  15. صاحب المشكلة
    14/01/2011 at 23:53

    والله ياجماعة كللكم احسن من بعض والف الف شكر بجد انتم الحاجة الحلووووووووووة الافي الدنيا والله انا اول مرررة احس ان فعلا الدنيا بخير منطول فية ناس بتسهر وتكتب علشان تساعد في حل مشكلة انسان غامض لكم تحياتى من كل قلبي وتحياتى للاب العظيم الزى كتب الكتير لكى يوصل لي الحل الاب العظيم الاستاز-ايهاب والاخت نا نا مهم اكتب واتكلم مش هعرف اوصل لكم مد حبي لكم جميعا وربنا يمرمكم يارب جميعا وكل شخص رد علي مشكلتى كان نفس اسيب اميلي لكم بس خايف احد من الاسرة يشوفة بجد انتى زى اخواتى ولكم كل تحياتى -اسمى فارس في امان الله ورعايتة

  16. صاحب المشكلة
    14/01/2011 at 23:33

    اولا اتوجة با الشكر لكل من رد ساهم براية وكما اتوجة بخالص الشكر والعرفان لاالاخت الفاضلة ناناNANAالتى بذلت مجهودا كبيراا معى واتمن من ربنا ان يحفظنا جميعا ويسعدكم يارب ردى علي الاخت نا نا ان لو تزوجت وحدة جميلة وحصلة تشوة في وجهة مستحيل راح اسيبة لانة من البادية حلووو وجميلة وفي نفس الوقت المرة الاولى كنت لسة يعتبر صغير واخذت قرار زواجى من اهلي وانا علشان ما اقع في الغلط راح اختار انسانة الاتنسبنى وصدقينى منطول اختارتة وبمزاجى راح اتحمل كل شئ يحصل ساعتة راح اقول دا قراري
    مش زي دلوقتى اقول منة للة الاكان السبب في زواجى من الاول يعنى بمعنى صح اتربيت وردى ومستنظر اجابتك يا اخت نانااخيكم فارس

  17. ايهاب
    14/01/2011 at 16:34

    حسسها انها جميله وشوف هى ممكن تعمل ايه عشانك بين لها انك بتحبها ولو مره وشوف هى هتعمل ايه عشانك حسسها بخوفك بحنانك حاول خليها تظبط نفسها مش جايز انت مش شايف ده عارف انت لو حاولت تغيرها هتتبسط وهتبقا سعيد خليها فى تفكيرك شويه وشوف التغيير الى هيحصل

  18. ايهاب
    14/01/2011 at 16:22

    عارف انت ايه مشكلتك انك عمرك ما اقتنعت بمراتك ولا فكرت فى مميزاتها كل الى فكرت فيه الشكل بس على فكره الشكل الداخلى احلى بكتير من الخارجى انت اكيد عارف حديث النبى صلى الله عليه وسلم : [ تنكح المرأة لأربع ، لدينها وجمالها

    ونسبها ومالها ، فأظفر بذات الدين تربت يداكـ ] . ده قول محمد رسولك ليه هتظلمها معاك مكونتش اتجوزتها من الاول ده مش ذنبها ربنا خلقها كده بدل ما انت قاعد تفكر فى شكلها مفكرتش انها حبتك مفكرتش انها صيناك فى غبتك مفكرتش فى اى ميزه ليها مفكرتش انها قدمتلك احلى هديه وهى بنتك اصبر واحمد ربنا ممكن تتجوز واحده تكون جميله وتبهدلك سيبك من مراتك مفكرتش فى بنتك الى انت بتقول انك بتحبها لما تكبر هتفكر فيك اذاى اكيد هتحس انك ظلمتها وانك مش بتحبها وانك فضلت انك تتجوز واحده تانيه ولو خلفت منها هتبعد عن بنتك اكتر حتى لو قولتلى لا مش ممكن لا انا جربت ده قبلك مع انى كنت بحاول على اد ما اقدر ابين حبى لاولادى بكل الطرق ومع ذلك اول مشكله مع بنتى قالتلى انت عمرك ما حبتنى ليه سبتنى انا وماما واخويا ليه اتجوزت تانى والف ليه بجد حسيت انى غلطت لما اتجوزت تانى ل عشان ولادى اسال نفسك سؤال ايه الى مخلى مراتك صابره عليك لغايت دلوقتى مع انها عارفه انك بتتصل عشان بنتكم وانك مش بتحبها مش جايز تكون بتحبك وبتتمنى رضاك ليه تحسسها انها مش مرغوب فيه انت فاكر انك مش ظالمها بالعكس انت ظلمتها وهتظلمها اكتر لما تطلقها عشان حاجه هى ملهاش ذنب فيها وهتظلم بنتك وهتحرمها من ابسط حقوقها انها تتربى بين ابوها وامها انها تحس بحنان ابوها وعطفه انت بالنسبه لهم الامان والظهر ليه تكسر ظهرهم ليه متحسهمش بالامان مش كفايه انك مسافر يابنى بجد هى دى الى هتقف جنبك لو حصلك حاجه هى دى الى بتخاف عليك ادى لنفسك فرصه عشان تحبها خراب البيوت مش سهل ياابنى انا قولتلك كده انى بعتبر نفسى ذى والدلك عشان خايف عليك من الندم فى وقت مينفعش فيه الندم ربنا يهديك للطريق الصح

  19. NANA
    14/01/2011 at 13:21

    كمان فى حاجة على ما يبدو من كلامك انك وسيم تفتكر لو كنت انت مش بالجمال او الوسامه ال انت فيها ومراتك هى ال حلوة وانت كدة كدة سايبها وممكن تقابل اى حد فى الشارع حلو فى التليفزيون واحد جاركو مثلا وسيم عمال يطاردها عايز يكلمها كنت هتبقي مبسوط لما تطلب منك الطلاق عشان تجوز واحد غيرك احلى منك رغم ان ربنا مش بيخلق حاجة وحشه المشكله انك مش قادر تحبها لانك لو كنت حبتها كنت شوفتها اجمل واحدة فى عنيك مهما كانو جمال ال حواليك المشكله فى الحب ومش فى الجمال جرب اعكس الوضع كدة وشوف هتحس بايه وانا مستنيه بردة ردك

  20. NANA
    13/01/2011 at 23:30

    يا صاحب المشكله انا من راس محمد شهريار جدا كفايه انك مطمن ان زوجتك صاينه اسمك وسمعتك بس يظهر مش هتعرف قيمه كلامنا غير لما تجربه لو انت لسه مصمم على موضوع الجواز شوف تحب تتجوز مين بس اياك تقصر فى حق زوجتك الاولى وقبل ما تتجوز اهم حاجة صلي صلاة استخارة اكتر من مرة لو موضع مشي معاك يبقي اتمم مراسم الزواج ال هو الزواج الشرعى مش العرفي ولو الدنيا بدات تحس ان المشاكل بتزيد فى موضوع الجواز يبقي شيل فكرته من دماغك خالص بس عايزك تسال نفسك سؤال وتفكر فيه كويس اوووووووووووووى وتقولى ردك عليه لو انت اتجوزت واحدة من ملكات الجمال دول وبعد ما اتجوزتها وشها لا قدر الله اتشوه هتسيبها وتبص لغيرها ولا هتفضل معاها مستيه قرارك بردة وردك على السؤال لان رد السؤال هو ال هيخلينى اقولك تعمل ايه بجد لو عايز تسمح نصيحتى

  21. محمد شهريار
    13/01/2011 at 19:06

    بصى يا سيدى
    انت ربنا رزقك بلجمال كله
    عارف ايه هوه
    الادب والاحترام
    يكفى هتسافر وانت مطمن
    يعجبك تزوج واحده وتسافر ترجع تلاقيها مع غيرك
    اتقى الله وقرب منها فهى ليس لها ذنب
    وايلى خلاها مش بتخلف تانى قادر يخليك زيها
    حافظ على بيتك ومراتك وبنتك وحبهم اوى وقرب منهم
    وعليك بالاستغفار
    وربنا هيصلح حالكم

  22. BARCA
    12/01/2011 at 21:42

    يااخي انتا مش مرتاح معاها عشان انتا قبل ماتتجوزها وانتا حاطط في بالك انك هاتطلقها
    والشيطان بدور على اي حاجة يدخل منها للشخص
    الرسول صلى الله عليه وسلم قال:تنكح المرأة لاربع لمالها ولجاملها ولنسبها ولدينا فاظفر بدات تربت يداك
    والله يااخي بيكفي انه زوجتك عندها دين وبتصلي
    شيل فكرة الطلاق من بالك واستغفر بنا وانتا راح تشوف زوجتك اللي عايز تطلقها ملاك

  23. صاحب المشكلة
    12/01/2011 at 15:10

    معلهش اسف ياجماعة بجد انا تعبان وخايف اخد قرار اندم علية ياجماعة ان الامخلينا كمان عايز اتجوز تانى مش عايز اظلم نفس نفس لية حق عليا انا كلة خايف علي بنتى بس الزوجة انا راح اعطية جميع حقوقة الشريعة وزيادة لانى بخاف ربنا والا محدش فيكم يعرفة انى مدير مجموعة فنادق با الخليج ومحاسب با الاستقبال يعنى بشوف ملكات جمال كل دقيقة وبتعامل مهم وانتو عارفين بنات الخليج كيف وكلهم يتمنون انى اعمل اي علاقة مهم وكتير تاجينى معاكسات طول الليل من بنات قمر حتى لم انزل مصر بنات كتير جامعات عرضت علي الجواز برغم انهم عارفين انى متزوج ومخلف مفيش وحدة رفضتنى وبتصعب علية نفس جدااا للدرجة ان مراتى تشوفنى جالس ع الابتوب وبتشوف المعجبيين وانا اقوم اقفل الجهاز علشان مشاعرة واقولة لا د زى اختى عرفتة علشان كانت ساكنة في الفندق عندنا وزبونة من اهلة وكدة واحوال ما اخلية تشك فينا كل ماشوف بنت حلوووووو ازعل واقول نفس لية انا ما اتزوج وحدة زى كدة اش الاناقصنى كل شئ عندى والحمد اللة بس ابي زوجة جميلة وللعلم ان زوجتى با الرغم انى ما بحبة اووووى بس كل طلباتة مستجابة من احل لبس واحل فسح واحل مصايف باخد الاجازة في مصر كلة فسح لا بنتى وزوجتى احسن تفكرون انى مقصر معاة اظلم نفس اخاف يكون حرام علية ولااستحمل ولا اش ولا اعيش حياتى بزواج عرفي او مسيار ولا كيف تعبت جدااا ساعدونى واتقدم با الشكر لا الاخت الفاضلةNANAالتى مهتم بمشكلتى وربنا يسعدك يارب بس حوالى تفهمينى كويس ومستنظر ردك وشكراا شكراا
    /عايز-اطلق-مراتي/

  24. نهى
    12/01/2011 at 13:30

    جمال الشكل مش كل حاجة انا متهيقلى لو سبتهاو اتجوزت وحدة تنية مش عارفة ربنا حيجزيك الزاى

  25. مصرى
    12/01/2011 at 13:08

    ممكن انت تجوز زاحده جمليه؟؟؟ بس لاحظ ان لو مرضت حضرتك هل ممكن توقف بجوررك فى رحله علاجك؟؟؟؟؟؟؟؟؟؟؟ لو جميله تاكد ان ممكن تخونك؟؟ الست بتميل لكلام الحلو ؟ من راى بوس اديك وش وظهر . وربنا موجود.

  26. NANA
    12/01/2011 at 00:55

    كمان ال بيقول بنتك هتتربي عايز تقنعنى ان بنتك ممكن تتربي بين ام واب بعاد عن بعض زى ام واب بعاد عن بعض ولا هى مراتك كمان تتجوز وتجبلها جوز ام ال مهما وصل لدرجة الحنيه عمرة ما هيكون حنين زى ابوهاوبنتك دلوقتى مش حسه بدة لانها لسه صغيرة انما لما تكبر هتحس بدة اوى وفكر بالعقل وابعد عن مسئله الجمال دى خالص

  27. NANA
    12/01/2011 at 00:53

    انا مش عارفه ليه مكبر الموضوع والله مش مشكله لان لو هى مقصرة فى حقك هقولك اه من حقك تتجوز انما هى مش مقصرة ليه تعزبها خصوصا ان عمررررر الجمااااال مكان جمال الشكل جمال جمال القلب والروح زى ما قولت لحضرتك قبل كدة منتا ممكنو تتجوز واحدة حلوة وممكن يجرالها حادثه جمالها يروح او تكون انسانه مش كويسه

  28. حبيبة الرحمن
    11/01/2011 at 23:36

    الاالجمال في الست مش كل شي اهم شي الادب والاخلاق ممكن تكون جميله وتكون معذباك لوحضرتك مقتنع بفكرة الزواج من انسانه تانيه تزوج بس رجاء حافظ علي مراتكوبنتك وتراعي ربك معاها للاخر اهم شي انك تكون مقتنع باللي هاتعمله لانه زواج وقبل اي شي استخير ربك وخد راي زوجتك وبالخص انها حاسه بالمعاملته اللي بتعملها ليها واللي فيه الخير يقدمه ربنا

  29. صاحب المشكلة
    11/01/2011 at 20:02

    والله ياجماعة انا اسف جداا انى تعبتكم معي بس لسة محتار الاغلبية بيقولي اصبر عليةوواحد قالي عاش حياتك طلقة وازوج تر العمر بيجري وبنتك هتتربي

  30. توتا
    11/01/2011 at 17:48

    بجد حرام عليك الجمال جمال الروح بعدين كلها خلقة ربنا ولما انت ناوى تطلقا مكنتش اتجوزتها من الاول وعلقتها بيك اتقى اللة انتى لو حصلك حاجة ولا اتشوهت ومتجوزة واحدة جمنيلة عمرها ما هتكمل معاك هتشوف غيرك وترميك فكر فى الحلو فيها اخلاقها محافظة على بيتك ولا لا مش فى الشكل فكر كدة لو انت طلقتها عشان شكلها واتجوزت واحدة تانية حلوة اكيد ربنا هينتقملها منك

  31. سحر
    11/01/2011 at 14:59

    بجد بنتك هتنكسر وهتشعر انها يتيمة فارجو منك ان تتقى الله فى الانسانة الصالحة اللى عندك وكفاية انك تحبها فى الله

  32. ندى
    11/01/2011 at 14:22

    ممكنم تكون كاره حاجه وفيها خير ليك صلى معاها ركعتين كان فى مره لقاء للاستاذ عمرو خالد واحد قاله انه متجوز ومش طايق مراته قاله صلى معاها ركعتين رد الراجل قاله انه مش طيقها وهيصلى معاها ركعتين ازاى وصلى معاها فعلا ركعتين وقال د كتور عمرو خالد انه مش قادر يستغنى عنها جرب مش هتخسر حاجه وربنا يقربكم من بعض اكتر ويجعل بنكم حب وموده

  33. NANA
    11/01/2011 at 14:04

    انا عايزة اسئل حضرتك سؤال انت لو كنت اتجوزت واحدة جميله اوووووووووووووى وعملت حادثه وجمالها دة راح كنت هتسيبها جمال الوش عمرة ما كان دة جمال ولا الجمال الدائم منتا ممكن تتجوز واحدة حلوة اوى بس وحشه فى كل حاجة معاك وممكن تتجوز واحدة وحشه وتبقي بتموت فى التراب ال بتمشي عليه اتقي الله فى نفسك وفى زوجتك لانها ملهاش زنب بالتعمله فيها لان مش هى ال محددة شكلها وجمال جمال الروح الحلوة الكويسه ال بتهتم بزوجها وبببنتها والله صعبانه عليا مراتك من ال بتعمله فيها لان بجد حرام عليك هى ملهاش زنب فى ال بتعمله فيها وياريت تبعتلنا ردك وقرارك هتطلقها ولا هتستمر لان بجد عايزة اعرفه اوووووى

  34. مي
    11/01/2011 at 13:23

    بص ياأخي انا مش هقولك ان حرام انك تفكر تجوز واحدة جميلة لأن ده مش عيب لكن هقولك كلمة واحدة انت ليه وافقت من الأول عليها ما دام انت ما كنتش عاوزها
    ثانياً : الرسول عليه افضل صلاة وسلام قال ” فأظفر بذات الدين تربت يداك ” وصدقني احنا بزمن قلما تجد انسانة تعرف ربنا وتطيع الله وتتقيه بزوجها انت ممكن تطلق وتتزوج انسانة ع مزاجك وع جمال تتمناه ولكن من ادراك انها ستصونك او تتقي الله فيك او فيها مميزات زوجتك التي لا تراها انت .
    اجلس بينك وبين نفسك وفكر في مميزات زوجتك اكيد ميه في الميه حتلاقي حاجات كتير انت مش واخد بالك منها
    وحاول تقرب منها وكفاية انها عارفة انك عايش معاها عشان بنتكم يعني ده اصعب احساس
    وبالأخير عاوزة اقولك مافيش ست جميلة وواحدة مش جميلة لكن في ست تقدر تبرز اماكن الجمال فيها واخرى لا تدري حاول انت تشتريلها حاجات تجميلية ملابس تحب تشوفها عليها اكيد بتتغير ويمكن هي لما شافت منك عدم الحب فهي بطلت تعتني بنفسها
    آسفة طولت عليك بس حبيت تقعد مع نفسك وتاخد القرار الصحيح وبالنهاية ربنا يسعدكم ويجمل زوجتك بعيونك ويخلي لكم البنوتة الجميلة
    وبالتوفيق

  35. أمنية
    11/01/2011 at 12:31

    انت تعرف لو شخص اتجوز واحده لجمالها يذهب جمالها
    ولو اتجوزها لمالها بيذهب ايضا اتقى الله

  36. Hoss
    11/01/2011 at 05:55

    اتجوز وبنتك هاتتربى بس ماتضيعش عمرك وانت مابتعملش حاجة حرام ولا عيب ده حقك بس انت تلام من الأول ، ماحدش ضربك على إيدك وماحدش بيتجوز غصب عنه .
    بس جوازك دلوقت انقاذ لعمرك وشبابك العمر بيجري وهاتندم لو ماتجوزتش .

  37. عيون عربية
    11/01/2011 at 04:54

    اخي في الله قد يكون احتياجك لانسانه جميلة في حياتك رغبة شديده ولكن…. اليس من الممكن ان تتزوج باخرى وتكون فعلا فائقة الجمال وتجد نفسك غير امن على بيتك وعرضك ومالك معها … لقد رزقك الله بزوجه صالحة فلا تعرض عنها …وتحسبه شر وهو خير لك … لماذا لا تتحدث مع زوجتك الانسانه الفاضلة التي راعت بيتك وحقك وام ابنتك الحبيبه لماذا لا تقول لها ان تحدث بعض التغيرات على نفسها لا يوجد امراة جميلة وامراه قبيحه وانما يوجد امرأة تعلم كيف تكون جميله واخرى لا تعلم …. خذها الى الاماكن التي يذهبن اليها النساء فيقمن بتغيير لون شعورهن او ما الى ذلك ولكن لا اطلب منك ان تقوم بعمليات تجميل وانما تتعلم زوجتك كيف تكون جميله كما تحب انت ان تراها … واخيرا نصيحتي لك ان تتمهل وتحاول ان ترى ما في زوجتك من جمال قد لا تجده ابدا في اي انسانه اخرى اعد التفكير فلربما تكون معك درة وكنز لا تعلم بقيمته الا عندما يأخذه غيرك فتندم حيث لا ينفع الندم

  38. حبيبة
    11/01/2011 at 04:29

    حرام عليك اتقى الله الجمال مش كل شىءوممكن ربنايعطيك زوجة جميلة لكنها لا تعرف الله ولا تراعى ربنا فيك ولا فى اسمك وانت فاهمنى طبعا ففى زمننا هذا لا يبحث الانسان الا عن الاخلاق الكريمة التى فى زوجتك وعلى فكرة ممكن يكون تاخير الحمل عندهابسبب حالة نفسية لانها حاسة انك مش بتحبها ولا راغب فيهاوانت بتقول ان العيب عندها!العيب يااخى الفاضل ولا عندك ولا عندها لانكم انجبتم والحمد لله ودى مسالة وقت وان شاءالله ربنا هيكرمك منها بولد وانا نفس قصة زوجتك فى تاخر الحمل لانى اول ما تزوجت انجبت طفلة وتاخرت بعدها سبع سنوات وربنا اكرمنى بطفلة اخرى زى القمروالحمدلله حب زوجتك واصبر عليها واحمدالله ممكن تتزوج بواحدة عقيم وتبقى خسرت زوجتك الاولى وبنتك التى تحبها ولا تتبطر على النعمة التى بين يديك

اترك رداً أو حلاً لهذه المشكلة