عمري ما اخترت صح

الحب الاول كان في 1 ثانوي كان بريئ اوي وشوفت فيه اللي محدش شافه من خيانه حب واصحاب واشاعات ومشاكل وقله قيمه  بس علمني كتير بقيت واحده من اقوي الشخصيات النسائيه

الكل بقي بيتحاكي بقوه شخصيتي وبيحسدني عليها لكني بقيت فظه وعصبيه كل ما حد يقرب مني ببعده ومبتعلمش جي واحد بعد كدا حيوان كان طالب في هندسه وانا في 2 ثانوي  فضل يطاردني ويكون ورايا في كل مكان عشان يوقعني في حبه ولما صارحني صارحني علي الصداقه وبعدها الحب

ولما صارحته بنقطه ضعفي ابتزني بأسوء مما حد يتخيل وانو ممكن يفضح امري بتشويه سمعتي بالباطل والشهود موجودبن وعلي ما يثبتوا اني عفيفه هكون اتفضحت وسمعتي راحت

ضعفت لفتره ولكني بقيت الشخصيه القويه وقدرت اني اخرج من الحفره دي والحمد لله وربنا اعلم

ناس كتييييييييير حبوني اتعلقوا بيا وجهي بشوش ضاحكه اجتماعيه وذو شخصيه قويه ومتدينه ولبقه

طبيعي ههههههه اي حد يتشد ليا وجميله واحسد علي فكري في مثل سني

الكلام دا 3 ثانوي ناس كتير حبتني واتعلقت بيا واتقدم لي كتير بس والدي كان معتبر اني صغيره ولسه بدري وانا كمان كنت عايزه ابعد عن الحب تماما

اول ما دخلت الكليه قررت ان ابدأ من صفحه جديده ومن بدايه السطر. كان بدايه دخولي لعالم الانترنت والشات كنت حذره جدا اتعرفت علي شخص ذو شأن كان مجرد صديق نت وفجأه تحولت الصداقه لعلاقه وطيده في الازمات ووقت الشدائد وساعات علي الموبايل  وفجأه نزل يقابلني مخصوص في بلدي وشوفته عجبني وقال انو حبني وطلب الارتباط بيا وكنا بنحدد ميعاد يقابل فيه والدي

بدأنا نتكلم في التفاصيل عن الرؤيه المستقبليه هو شخصيه قويه وانا كمان شخصيه قويه … هو ميرضاش ان مراتو تشتغل وتقعد في البيت تاخد المصروف زي الاطفال ومحدش يسمع عنها كلمه

مع العلم ان والده طلق امه لانها كانت كدا لاحول لها ولا قوه وتزوج غيرها

دا غير اني قولت نكتفي بطفلين لو بنت وولد لو ولدين نجيب الثالث لو بنتين نجيب الثالث قال لاء “هو ابويا احسن مني ؟”استغربت اوي وبدأت المشاكل الحقيقيه لعلاقه النت الوهميه

فيوم اتصل بيا قالي انا اسف احنا مش مناسبين وفي حاجات كتير مش متفقين فيها تقبلت المووضوع بصدر رحب وبكيت وندبت حظي لثوان وعدت كما كنت شخصيه يتحاكي بها البشر

في اليوم التالي كنت بتكلم مع اقرب الاصدقاء لي بنتين وزميل  لاحظت اعجاب ومعامله خاصه من الزميل وفجأه بسأله علي حاجه في النت صارحني انو بيحبني !!!!!!!!!!!!!!!

صدمني ؟؟ ولكني اتبعت نظام .. مش كل الناس زس بعضها ياجماعه صوابعك مش زي بعضهااا  حاولت اقرب وافهم واعرفه لقيته طفل مراهق غير واع تماما بخطوره الحب والمسؤليه في خطوبه وزواج !!!!!

في اول شغلانه تعب ودخل المستشفي انا طبعا اعتبرت الموضوع لعب عيال سيبتني منه رغم انو كان بيحاول يرضيني لكنه لم لكن مقدر لحجم مسؤليتي !!!!!

في الاجازه تعرفت علي شخصيه علي النت بس كان كلام مجازي سلامات يافيس كومنتات يافيس  المهم هو سأل وعرف انا مين وقابلته مره بالصدفه وعرفني بنفسه وقال انو من اشد المعجبين بيا وبشخصيتي والتزامي واحترامي وكان عايز يرتبط بيا ويخطبني

طبعا انا اكتر حاجه بركز عليها الشخصيه  وجدته انسان بلا شخصيه ولكنه مهندس وجدته انسان بلا ابتسامه لكن لديه شقه وجدته انسان  شعره بني وابيض بس تخين ومناخيرو كبيره هههههههههه  دمه تقيل بس فلوسه معيشاه مش شيك ؟؟ بس  بيقول انو مهندش محترم مش زي العيال السيكو سيكو ههههههه

زحلقته عشان انا تعبت وتفسيتي باظت ومكنتش مستحمله

طلعلي في البخت واحد طول بعرض عنيه خضرا كان صديق ومعرفه لكنه حاول انو يتقرب بجميع الطرق عمل كل حاجه ممكن تخليني افكر فيه للعلم انا كنت جيبالو عروسه واحده صاحبتي بس علقني بيه عمل كل اللي انا بحبه عشان يحببني فيه خلاني احس بقيمتي الحقيقيه وفي عز حبي ليه بدأ يبعد يتغير في الوقت اللي كنت مستعده اتخلي عن اي حاجه وعايزاه هو وبس  وكان بيحب واحده قبلي  ” هي اللي كانت بتحبه زي ما قولتلكم عنين خضرا وابيضاني — هي سمره وقصيره وتخينه شويه  نو كومنت

اكتشف بسلامته انو بيحبها وانو مش عايز يعذبني معاه بعد ما وقفت جنبه في اصعب ايام حياته وساعدته قل باصله معايا واول ما فاق عض الايد اللي اتمدت له ياناس ؟؟؟؟؟؟؟؟

انا قولت ممنهاش بلاش شخصيه بلا بتاع واحده يحصل معاها كل دااااااااااااااا تبقي عبيطه وساذجه وهبله ومتخلفه وكتير اوي ؟؟؟ بصيت لنفسي وقولت شخصيه اي بس !!!!!!!! فين دي وهو انا لو شخصيه كان جرالي كل دا

طبعا كله بيقولو كدا بس بصو للوش التاني المللك مش الكتابه اني استحملت كل دا ولم اصبح امرأه ذليله اشكو ضعفي وقله حيلتي ويغمي عليا واروح المستشفي ؟؟؟

واخيييييييييييييييرا استمتعت بفتره نقاهه  للتخلص من كل دا

انا في 3 كليه دلوقتي ليا اصدقاء منهم شاب في طب من بلد تانيه لكنه انسان في غايه الاحترام والشخصيه يجذب المرأه بشده يتمتع بغموض  … بقي من اقرب الناس ليا

عندي مشكله بسيطه بس … تنو كان بيحب واحده تانيه ولسه سايبها من شهور

وانا بدأت اميل ناحيته لكني مرعوبه وخاييييييييييييييييييييفه

بيتقدم لي ناس  وبرفض لانهم غير مناسبيين ما انا مش عيله عايزه اتخطب واتجوز وخلاص

حاسه انو ممكن يكون مناسب ليا عمال يخليني افكر فيه واقرب منه وفي 3 كلمات يقفلني منه خالص ويبعدني

مش عايزه اكرر اي حاجه ولا غلطه حتي لو بقيت وحيده بس مش اعيزه اكرر حاجه  حاسه اني متعلقه بيه اوي

وحاسه اني اصبحت معقده في نفس الوقت وحاسه اني مليش نفس لحاجه في الدنيا خالص وحاسه اني مش هحب تاني وحاسه اني مش هتخطب ولا هحقق اي حاجه بدأت ابني احلامي عليه  ….

بس ممكن يطلع بيحب اللي كان مرتبط بيها قبل مني ؟؟؟

ونهايه المطاف (كلما احببت رجلا… احبّ غيري… وكلما احبني رجلا  … يطلع غير مناسب بالمره )هههههههههه كان معكم المعقده

NermeN

مشاكل وحلول ذات صلة

• احب استاذي لا اعرف مصيري معه
• حبيبتى اتغيرت معايا
• الحب الاول من النت واختفاءه
• مخطوبة واحب اخر
• الحب الاول على النت وخايفة يطلع كذب
• حبيته من النت وعايزة اسيبه بس خايفة اجرحه
• حبيت شاب على الشات مش عارفة هل اصدق كلامه