انا مطلقة واتكلمت مع ناس كتير كانوا عايزين يرتبطوا بى لكن لما بيعرفوا انى مطلقه بيبعدوا ينفع اعمل عملية ترقيع غشاء البكارة دا من غير مقول انى مطلقة او حتى لو قلت ينفع اقول انى سبب طلاقى انه زوجي كان غير قادر على ممارسه الجنس دلونى انا مش عارفه اعمل ايه هل عملية ترقيع غشاء البكارة تنفع تحل مشكلتي
مشاكل المطلقات
مطلقة وافكر في عملية ترقيع غشاء البكارة
اضيف بتاريخ: Tuesday, December 7th, 2010 في 03:51
كلمات مشاكل وحلول: ترقيع البكارة, ترقيع غشاء البكارة, طلاق, غشاء البكارة, مشاكل المطلقات, مطلقة
اهتمى برشاقتك وجمالك وانتى هتكونى مرغوبه اكتر من الرجال سواء كنتى مطلقه او لا وربنا يرزقك
هتحلى مشكلة بمشكلة اكبر
وهتبدتى حياتك بكدبة
وهتنكرى انك مطلقة وكدبة انك مش عذراء
وتخيلى بقى لو جوزك اكتشف انك كنتى متجوزة وانك كنتى كمان مش عذراء زى ماهو خدك عذراء
مش حل صدقينى مش حل
ونصيبك هيجيلك اصبرى فى ناس كتير معندهاش مشكلة تتجوز مطلقة والله عادى
ارجو الا تفعلى ذلك صدقينى الصراحه والصدق والوضوح قبل الزواج هى من اسباب نجاحه تخيلى لو عرف زوجك بعد زواجك انك كنت متزوجه قبله لا وعملت كمان ترقيع يعنى كذب وترقيع وتضليل يعنى مشكله وخراب بيوت لان الرجل الذى سيحبك ويتزوجك حبه قائم على الاحترام المتبادل يتمنى من حبيبته وزوجته الا تكون كاذبه سيأتى لك ابن الحلال المحترم وكونى صادقه معه لان من تركوكى لا اقول غير جديرين بك ولكن لسه نصيبك اصبرى والله معك ويحفظك من كل سوء
اختي …لاتستعجلي الامور وتعالجين الموضوع بالخطأ … حيث انه كي يكون زواجك صحيح مائه بالمائه اسلاميا …لابد ان يعرف زوجك الجديد انك كنتي متزوجه من قبل … وهذا ليس بعيب … فكثير من البنات قد تزوجت ولم يحدث تفاهم وحدث انفصال … وبعد قليل وجدوا ماكانو يصبون اليه … فلا تستعجلي الامور وتعالجي الموضوع بخطأ فادح …. فأصبري اختي …لان هناك كثير من الشباب من هو في وضعك هذا ويبحثون ايضا عن انسانه منفصله … حتي لو كان غير متزوج من قبل فايضا هناك بعض الشباب يبحثون عن انسانه منفصله لاسباب يصعب شرحها الان وانا منهم … فلاتتعجلي الامور وتأكدي بأن نصيبك سوف يأتي اليكي ..ولاتجري وراء علاقه قد تسبب لكي كثير من المشاكل دون ارتباط رسمي … تقبلي الحياه بوضعها الحالي بكل تفاؤل وحب …وحاولي ان تجدي شئ نافع تضيعيين فيه وقتك وليكن عمل شريف وامين … واكيد ان شاء الله سوف تجدين نصيبك قريبا ..وفقك الله لما فيه الخير ان شاء الله
الحقيقة انتى صاحبة افكار وصاحبة خيال باااارع… حأولك أيه … لأ طبعا ده نصب ومينفعش وحيكون زواجك باطل شرعا ..أى سيكون زنا
اختى العزيزه الله خلق لنا عقل عرفنه به والزى يعرف انك مطلقه ويهرب احمدى الله انه بعد عنك لانه اكيد لا يعرف الله ولكن الاانسان الزى يعرف الله جيدا يريد ان تكون الاانسانه الكويسه المسلمه التى تصونه وتخاف الله فيه وتحافظ عليه فى ماله وعرضه ولا يشطرط بكر او مطلقه او ارمله والله يوفقق الى ما فيه الخير
كما قالو لك الاخوه الكرام كونك مطلقه ده مش عيب والذى تفكرى فيه هو العيب والغش نفسه وكما قالت الاخت الكريمه شهانه الحوينى ان من يتقدم لك زكريه بزوجات النبى صل الله عليه وسلم انه تزوج من مطلقات ولا تنسى امنا خديجه رضى الله عنها وكثير من زوجاته بعد ذلك هذا قصور وفهم خاطىء ماذال مستمر عند البعض ولا اعمم فى مجتمعنا وسيرزقك الله بما هو يحبك ويفهمك ويسعدك
لا تعملى ترقيع البكاره ارجوكى اللى ربنا كتبه ليكى هتشوفى لا تستعجلى نيصيبك هيجى مش ممكن دلوقتى بعد ماتعملى العمليه لا احد ياتى ليتقدم ليكى بعد مكونتى بتقولى ان دلوقتى بيجوليك ويسبوكى بسبب انك مطلاقه اللى مكتوب على الجيبين لازم تشوفه العين
اولا انتى مطلقه القانون ضدك فى حاله قولك انو انتى لسه بنت لانو فى القسيمه هتلاقى نفسك مطلقه وعند كتب الكتاب العريس هيفاجئ انو انتى مطلقه ثانيا ليه ترقيع غشاء البكاره الى عايزك هياخدك ونصيبك اكيد هيصيبك انتى مريتى بتجربه وكانت فاشله ليه عايزه تحكمى على التجربه التانيه بالفشل حتى قبل منا تبتدى وشكرا
لا طبعا اياك والكذب . الصدق هو أفضل طريق للنجاة . ممكن تكذبي وتجوزي لكن ماذا لو اكتشف الزوج كذبك . سيشك في امور كثيرة أقلها ممكن يسألك لو كنتي مجوزة زواج شرعي ليه عملتني عملية وهتفتحي مدخل للشيطان . كوني صادقة ونصيبك هيجي لحد باب البيت . وقولي يا رب
يا اختى ما تكدبيش فى حاجة زى دى وبعدين ده هيكون زواج وعشرة مينفعش تبدائها بحاجة زى دى وبعدين انتى معملتيش حاجة غلط انتى كنتى متزوجة على سنة الله ورسولة وبعدين دة النصيب واكيد مادام انتى محافظة على نفسك بيجيلك ابن الحلال اللى يعوضك عن اللى فات كلة وربنا يوفقك يا رب
الكذب والغش عمره قصير
فلا تبني حياتك عليه اختى الكريمه ؛ وكونك مطلقة فهذا أمر لا يعيبك ؛ فلا تتعجلي وسيأتيكي رزقك بالوقت المعلوم والذي لا يعلمه الا علام الغيوب
الكذب خيبه وفي الحديث الشريف(ومازال الرجل يكذب ويتحري الككذ حتي يكتب عند الله كذابا).. ىتكذبي يا اختي وكوني صريحه فانتي لم تفعلي شيئا خاطئا ليتجنبك الناس ولكن انتي فعلت شرع الله وتروجتي بالحلال ..ماتعمليش كده وكمان لو افتريتي علي زوجك السابق و اتهمتيه في رجولته انه مش راجل ربنا هيخلص منك ذنبه… الارزاق علي الله ولما يجيلك نصيبك ورزقك ربنا هيسهلك معاه الخير ..قال تعالي(وبشر الصابرين)
يا اختى مستحيل تحلى مشكلة بمشكلة اكبر انتى كنتى متجوزة على سنة الله ورسوله ولم تفعلى اى شىء حرام ليتجنبك الناس كونى واثقة من نفسك ولا تجعلى تصرفات الاخرين تهزك ولكن اختارى ما يناسبك لو انتى مطلقة ليس هناك مانع من زواجك ابدا ولكن اختارى الشخص الذى يناسبك ممن حيث الحالة الاجتماعية والظروف الحياتية حتى لا يشعر من تريدى الزواج به انك اقل منه واحمدى ربنا انهم لم يستغلونك فى اغراض دنيئة ويلعبون بك وحافظى على نفسك وعلى كرامتك ممن يعبثون بها والوفيق بالله العلى القدير
ليه يا اختى تبدائى حياتك الجديده بالغش فيها ايه لما تقولى انك مطلقه انتى كنتى متزوجه على سنه الله ورسوله يعنى معملتيش حاجه غلط واللى شاريكى وعاوزك هيتزوجك سواء مطلقه او مش مطلقه وبعدين يا اختى خافى من ربنا علشان ربنا يبارك فى زواجك طيب لو خدعتى زوجك هتعملى ايه مع ربنا يوم الحساب وبعدين انتى معندكيش اى مبرر علشان تعملى كده ده البنت اللى بتغلط وبتبقى عاوزه تستر نفسها بنقول لها اسالى شيخ يقولك حلال او حرام لكن انتى مش محتاجه تدارى فضيحه على العموم انتى لو بتخافى ربنا هتقدرى تفهمى كلامى
هذا تفكير غير منطقى وغير عقلانى.
وعليكى ان تعرفى ان الرسول “ص” تزوج من المطلقات ولا عيب فى ذلك. ومن يرفض زواجك لهذا السبب ذكريه بان الرسول تزوج من المطلقات.
كيف تريدين عمل ترقيع بكارة وزوجك غير قادر على الجماع للضعف الجنسى فمن أين حدث فض غشاء البكارة ؟ كما أن الطلاق ليس بعيب (فإمساك بمعروف أو تسريح بإحسان ) وفي مثل ماذكرتى يحق لك طلب الطلاق . وأسأل الله أن يرزقك زوجا صالحا يرضى الله ويرضيكى