عنف الزوج وتاثيره على حاله الزوجه النفسية

سلام عليكم أخواتي الكرام هذه اول مرة اكتب او احكي مشكلتي لأني ما بحكي مشاكلي لأي ما كان بس خلاص مش قادرة أنا فتاة عندي 27 سنة متزوجة من حوالي 7 سنوات بس والله حاسة كأني عندي 50 سنة ، أنا بنت كثير حلوة حسب ما يقولو والحمد الله على نعمه بس حلوة اكثر من جوة و الله على ما اقول شهيد , أنا مشكلتي غريبة شوية أنا كنت اتمنى اكمل دراستي و أتجوز واحد بسيط و محترم و بلفعل كان في واحد جارنا و حبني كثير و لما أنا دخلت الجامعة تقدم ليطلبني من عند اهلي بس اهلي ما وافقو بس قلتلهم أنا اريده و هون بابا منعني من تكميل تعليمي و سجنوني بلبيت و منعوني اطلع و لا احدث صديقاتي وضل هدا الشاب يطلبني من عند اهلي اكثر من 5 مرات ولا نتيجة و كان كل يوم ناس تيجي تخطب و أنا مش راضية بس في يوم قالي بابا هدي اخر فرصة وراح تقبلي غصبا عنك جاء رجل بيكبرني ب 16 عام عايش باروبا و احوالو المادية كتيرمليحة أنا تحججت بفارق السن بس قالولي لا هدا احسن عشن يحميكي و……. وكثير من الاشياء المهم أنا في الاخير وافقت لكن حييتم شوية غريب يعني قاسي ما يكلمني كتير على التلفون بس قلت خلينا مع الوقت احب ويحبني بعد 3 اشهر سوينا العرس و كان عرس كتير فاخر و مشيت على الفندق معاه بس تفاجاة برجل بارد ما يرحم كان من المفروض تكون احسن ليلة بس كان اتعس ليلة كان كثير عنيف معايا و بعدين دار ضهر و نام و أنا ولا فهمانة شي ضلينا 4 ايام بعدها سافرنا ضليت اجرب معاه يعني كان انسان ما يحب يتكلم كتير بيفرض عائلته علي و كان بيخانقني لو اشتقت لاهلي ما بيعطيني مصاري المهم ضليت 8 شهور بعدها نزلت لبلدي و هويك راح يشتكي لاهلي بنتكم كثير بتتحسس أنا عايز امرأة قوية أنا مليت معاها و و  راح خبر كل أهلون عن صغيرة وكبيرة بعدين عرض عليا أني أبقى ايام هونيك عشان ارتاح و أنا وافقت بس نية ما كانت صادقة لما سافر أنا ضليت عندهم شي اسبوع بعدها رحت عند اهلي بس ما لقيت جواز سفري و لا بطاقتي اتصلت فيه قالي انسيهم يا حبيبتي انتي راح ضلك هنيك و قفل أنا تجمدت رحت على بيت اهلي و قدر الله أني كنت حامل و أنا شو راح اعمل؟ خلاني هونيك شهرين عند اهلي و لا سال عليا بعدها نزل للبلد و حط شروط عشن يرجعني بس أنا قلتلو لبابا خلاص هذا والله كتير بس قالي اوك لكن راح تنزلي الولد قلتلو شو الرجال عم يتشرط أني ما لازم يكون عندي راي لازم أطيعوا و اطيع أخواته و بيضربني و ويهيني و يحتقرني و انتم. قابلين و بعدها اخدني عند أهلو و خلاني شهرين تانيين و لما صرلي 7 شهور رجعني و ياليتني ما رجعت صار اكثر قسوة و شهرين تانيين وولدت و الحمد الله صار عندي ابني يواسيني . ، و هو صار يحب ابنو بس ما كان يقرب عليا كتير قلت يمكن من الحمل و بعدين يمكن من بعد الولادة بدو وقت بس الرجل و لا على بالو و لا فاتحتو بلموضوع كان بيقربلي مرة كل شهرين بعدها قلتلو انت بتعمل فيا كده ليه و لا يجاوبني ضليت هيك معاه و حملت طفل ثاني و أنا يتناقش معاه عن هدا الموضوع قلتلو انت مو انسان انت ضالم ضربني و أجهضت الولد لانو ضربني على بطني و اهلي اصبري اصبري و سافرت و رجعت و حملت كمان رغم انو كان ما بيقربلي كثير سلمت امرئ لله بس بعد مدة لما صار ابني عندو سنة حسيتو كتير بيتحرك و عصبي بس قلت يمكن لساتو صغير و جبت ولد تاني و ابني الكبير عم بيزيد وديتو على دكتورة و طلبت مني شوية فحوصات بس طلع ما فيه شيء بس عندو تأخر عقلي اسودت العيشة في وجهي و زوجي لا يواسيني ولا بكلمة و صار بيقربلي مرة كل عشرة اشهر ما بيتحمل مسؤلية الولد و أنا شايلة مسؤلية الاولاد و البيت و ساكتة فكرت اطلق لأني ما راح اقدر اكمل بس اهلي مو عايزين ولدي المريض جوزي و لا معتبرني أنا كل يوم بدعي الله يرزقني الصبر و حس بيا الله و نعم الوكيل

مشاكل وحلول ذات صلة

• اتخنقت من تصرفات زوجى وغيرته
• جوزى وحبه القديم وكلامه على الفيس بوك
• حاسه انى اتظلمت فى جوازتى
• زوجى غريب عليا ولا استطيع التاقلم معه
• خلافى مع زوجتي انها لاترد على الجوال بسرعة
• زواجى يفكر بالزواج الثانى مع انه يحبنى
• حمايا سبب خلافنا وحرمانى من ابنتى