انا دكتورة وهو دبلوم وبابا مش موافق لكن حالته الماديه فوق الممتاز وهو بيحبنى جدا جدا مش علشان انا دكتورة لكن لشخصى لانه طلب منى عدم الشغل وهو طيب جدا ومحترم جدا وبابا مش موافق بسبب فرق التعليم وانا ماعنديش مشكله وبيقول انه كده بيشتريكى بفلوسه والفرق ده هايسبب مشاكل بعد الزواج وطبعا احنا فى ريف وبابا خايف من كلام الناسز
مشاكل الحب والزواج
فرق التعليم والحالة الاجتماعية هو العائق
اضيف بتاريخ: Sunday, October 24th, 2010 في 07:49
كلمات مشاكل وحلول: الحب, الزواج, دبلوم, دكتورة, فرق التعليم, مشاكل الحب والزواج
انا عندى نفس القصة بنشتغل فى نفس المكان واستلطفنا بعض وهو عاشقنى بجنون انا متاكدة من كدا اوى مع انه ما قالها لى ولا مرة بس حاسة بيه لأنه باين لكل الناس اللى حوالينا وانا بفكر ومستخسرة اسيب الحب الكبير اوى دا واتجوز حياله واحد فى ستوايا بجد حاجة تحير
ياجماعه التفاهم مش بس بمستوي التعليم .. ياما صادفنا ناس دكاتره ومهندسين بس سوري يعني الجهل نفسه يقرف منهم لا ليهم شخصيه ولا وجهه نظر في الحياه ولا طموح .. يعني عاش واتعلم وولا كانه عمل اي حاجه .. والعلام والفهم دلوقتي علام الدنيا مش المدارس ومش معني انو دبلوم يبقا مستوي تفكيره وفهمه مش هيوصل لمستواها بالعكس .. فـ لازم قبل ما تحكمي عليه تعرفيه كويس وتتكلمي معاه كتير وتدرسي مستوي تفكيره .. وان شاء الله تلاقي المستوي اللي بتحملي بيه وبتتمنيه .. ومتفكريش في بكره وكلام ولادك كتير .. لان مفيش ولاد هيتكبرو علي ابوهم او هيتكسفو منه وانهم يقولو بابا دبلوم .. وفكري لو كنتي انتي اللي معاكي دبلوم وهو دكتور كان هيفكر فيكي ازاي وكان هيقول ولادي هيقولو علي مامتهم كده ولا ايه .. وانا من رأيي ان الحب اهم حاجه لانو هو اللي بيخلق جو التفاهم بين اي اتنين حتي لو حد فيهم مش مثقف بس هتلاقيهم بيفهمو بعض جدا من غير كلام .. وفايدتها ايه ف واحد مثقف ومتعلم ومفيش اي حب بينكم .. فكري كويس واستخيري ربنا وان شاء الله يقدملك اللي فيه الخير ..
قال رسول الله(ص)من جأكم تردون دينه وخلقه فزوجوه لكى لا تحدث فتنة وفساد فى الارض ومن فينا مثل رسول الله فانا ارى ان الزواج افضل لكى لا تحدث فتنة وفساد فى الارض
انا في نفس المشكله بس اكبر لاني وافقت عليه ودلوقتي اتكسف اقول لصحابي انه مش مهندس واقدمه ليهم لاني مهندسه وهو دبلوم وانصحك انك ترفضي لان هتلاقي واحد يشرفك انتي واهلك وهتحبيه
لا ارى اي عائق على هدا الزواج مادام يحبك
دلوقتى انتى شايفة ان عادى طالما بيحبك بس بعد كدة هيكون عوائق كتير بينك وبينه بسبب التفكير والمستوى التعليمى من رأيى تاخدى واحد فى نفس مستوى التعليم لانى جربت وفسخت الخطوبة بس اتعلمت ياريت تاخدى برأى اللى جربوا
فرق التعليم بينكم كبير
فانتى فكرى فى بكره وفى اللى ممكن يحصلك من فرق التعليم هذا
انتى معاكى شهاده عليا ممكن تشتغلى بيها فى اى وقت واى مكان لكن هو يعتبر معهوش حاجه مقارنة بيكى
وكمان ممكن يكون ليه اثر سلبى على اولادكم بعد كده لما يلاقوا ابوهم اقل من امهم بكتير فى مستوى التعليم مع ان المفروض العكس
كمان انتى هتحسى بالضيق كل ما تحسى انك فاهمه حاجات كتير اكتر منوا وهو ممكن يحس بالنقص
انصحك تصلى استخاره وتفكرى كويس وربنا يقدملك اللى فيه الخير
(سيد العاطفى)
مصر___ بنى سويف
الف خسارة على تفكيرك الله يسامحك انا لا اقلل من قدر هذا الشخص
هو الانسان بيتعلم وبيعلى علشان يطلع لفوق ولا ينزل
انا احيي تعليق الاخوه الافاضل من سبقونى فى التعليق ياريت تأخذى بنصيحتهم
اشكرك يادكتوره ياعاقله وياريت كمان تسمعى كلام السيد الوالد المحترم
منعول ابو الحب اللى بالرجعية دية اسف على التجريح
انا عن نفسي تعليمي اعلى من تعليم خطيبي بس مش بقرف كبير زي كده انتى ممكن تكوني شيفاه بيحبك وانه حبه ليكى مغطي على الفرق ده بس بعد كده هتشعري بالفرق وخصوصا ولادك لما يجو يقولو ماما دكتورة بس هيتكسفو يقولو بابا دبلوم فكري في بكرة .
h السلام عليكم ورحمة الله وبركاته
اختي العزيزة عمر المال ما كان اساس الحياة الزوجية اهم شيء يكون التوافق الفكري بينكم عشان تقدروا ترتاحو وتفهموا بعض لان الزواج مش فلوس وانت دكتورة المفروض تكوني عارفة ده كويس وانا بقولك على تجارب حصلت مع اقارب لي مؤهلات عليا تزوجت دبلوم ومسافر ايطاليا ومعاه فلوس ونفسطها تطلق منه ولاكن اصبح عندها اولاد منه وكل ذلك بسبب فارق التعليم وعدم التفاهم وماتنزليش من مستواكي العلمي لدرجة انك تقبلي بواحد دبلوم مهما كان شخصية وامورة المادية