الحكايه عن بنت قريبتى بحس بميل ليها ولنا اكبر منها ب 10 سنوات –لكن مش بتتكلم معايا ابدا –بتكلم اخواتى عادى-لاننا اقارب و صعايده و محترمين جدا–لكن كل ما اشوفها بالصدفه بتبقى خجوله و تبعد عنى بسرعه –عايز اعرف ليه بتعمل كده؟ وهل فرق السن كبير جدا ولا عادى–
الحب وفارق السن
هل فرق السن كبير جدا ولا عادى
اضيف بتاريخ: Monday, November 8th, 2010 في 22:04
كلمات مشاكل وحلول: فرق السن, مشاكل الحب
أنا خطيبي اكبر مني ب 9 سنين كنت رافضه ف الاول علشان فرق السن بس لما اتقدملي تاني فكرت فيها بالعقل فقط هو كان أحسن اللي اتقدمولي محترم وأهله كويسين جدااا ومستواه المادي كويس جدا ماشاء الله .. يعني مواصفات عريس كويس بس انا كنت عاوزه ارتبط بحد اكبر مني ب خمس سنين مثلا مش أكتر .. أنا لحد ناو مضايقاني حتة ال9 سنين دي وكتير من إللي شافوا صور الخطوبه قالوا العريس شكله اكبر منك بكتير وكمان أنا أعلى منه في التعليم.. حاسه ان انا اتسرعت وبقول ياريتني ماوافقت .. بس حاسه ان صعب اسيبه برضو علشان هو فيه صفات كويسه جدا بس رغم كل الصفات دي أنا مش عارفه أحبه مش عارفه أحس إن ممكن يكون جوزي .. بقالنا حوالي 5 شهور مخطوبين وانا احساسي ليه عادي جدا .. هو مش بيزعلني خالص بس احنا شخصياتنا مختلفه تفكيري حاجه وتفكيره حاجه تانيه بس هو طيب .. أنا مش عارفه أكمل معاه علشان صعب ألاقي انسان كويس ويحبني زيه كدا .. ولا بلاش أظلمه وأظلم نفسي وأفركش علشان هو يرتبط بواحده تحبه زي ماهو كدا وأنا ونصيبي بقى ..أنا عندي 24 سنه
سوري
أنا سبت الموضوع الأساسي واتكلمت عن نفسي بس انا شايفه انك تخلى اختك فعلا تفاتحها في الموضوع وتاخد رأيها وفرق السن دا بيبقى مشكله أو لأ على حسب شخصية الطرفين مش كل البنات تفكيرها زي بعض في حتة السن دي وربنا يكتبك الخير
ياريت حد يقول رأيه في مشكلتي كمان أنا دايما بفكر وقلقانه الجواز مش قرار سهل ولازم يكون صح عاوزه اعرف ايه اهم حاجه ف الجواز الاحساس ولا الظروف ومواصفات الطرف التاني تكون كويسه وخلاص ؟
لو أتيح لك الفرصة لطلب الزواج منها هي شخصيا من دون أن تصرح لها بحبك حتى تجعلها قادرة على الرفض إن كانت غير موافقة،،، ولا تكلم أهلها إن كانوا سيغصبونك عليها….
والفارق عادي جدا جدا…….
وفقك الله ورزقك بالخير الدائم….
كلام من الآخر
أنا بحثت في الموضوع ده بشكل عملي قبل كده وسألت كل أصحابي المتزوجين بإختلاف أعمارهم من 30 إلى فوق من الأفضل أن تكون البنت أصغر من الولد في السن بفتره من 5 إلى 10 سنوات وكحد أقصى 15 سنه لأنه الموضوع ده ليه تبعيات تانيه لما الراجل بيتقدم بيه السن بيصبح أكثر شباباًً والمتزوجين اللي أكبر من ال 30 هيفهموا قصدي.
من النهايه لو فيه تقارب جامد في السن هتيجي الست في مرحله عمريه معينه ومش هتملى عين الراجل قوي (إلا إذا طبعاًً حافظة على نفسها،،، يعني رياضه وإهتمام بمظهرها وريحتها وجمالها طبعاًً علشان تعرف تهتم بجوزها )فيضطر الراجل يبص بره وممكن جدا يتزوج على مراته بنت صغيره علشان ترضيه صح لأني شوفت كتير من زملائي واصحابي المتزوجين من زوجات قريبه في السن بإنهم إتزوجوا عليهم وكمان
بصراحة إحنا عندنا بنات كتير في الدول العربية خصوصا في مصر بتبقى قمر قبل الجواز لكن بعد الجواز بفتره بتهمل نفسها وبتتحول لكائن غريب!!!! دي نصيحة للجنسين ومأخوذه من شريحة عشوائة من الاعمار المختلفة للمتزوجين .
شكراًً
يا سيدي الفاضل : أما بالنسبة للسن فهو مناسب جدا وبالنسبة للبنت من خلال كلامك البنت شكلها بتحبك وبالتالي السؤال الذي يطرح نفسه هو : أنت حاسس بميل تجاهها ؟ لو الإجابة نعم , إذن التصرف الطبيعي في مثل هذه المواقف إنك تذهب لخطبتها , وتذكر قول عمر بن الخطاب رضي الله عنه : ” تخيروا لنطفكم فإن العرق دساس ” وشكرا وربنا يوفقك
اهلين يا اخي انا لدي نفس المشكلة و قد تكون اكتر,ان بموت في شاب عمره 25 .انا 16 ..
و في مشاكل لاني مش من قبيلته يعني اهله رفضيني بس عشان حبنا بنعمل المستحيل …الله يسهلك يا اخي و تتهنى فيها انشاء الله
شكرا ليكم كلكم وشكرا ل tota و nona طب هى ممكن حاسه انى اكبر منها بكتير وممكن مش فى بالها انى ممكن اتقدم ليها ..لدرجه انى اوقات بعرف انها فى مكان معين مش بعيد عنى لكن مش ببص لانى خايف تفكر انى قصدى الجواز وهى مش فى بالها كده عشان انا كبير عنها
اقطع دراعي ان ما كانت البنت ديح بتحبك كلنا بنات و انا كمان تعمل الحركات ديه انا متأكدة انها بتحبك اما بالنسبة لفرق السن مش مشكلة ده عادي كده
اختكو من المغرب
هى ممكن تكون بتموت فيك ومكسوفه وعشان تتاكد ممكن اختك تسئالها عن مشعرها ليك وبس وانت تحدد اما السن عمروه مكان مشكله خالص الرسول عليه اكبر السلام كان اكبر من السيده عائشه 40 سنه تقريبا وكانت اسعد زوجه للرسول المهم تفهمها انا جوزى اكبر منى 27 سنه اهلى رفضو كتير بس انا كنت مصره عاليه اوى وانا عندى منه 3 اولد وانا اسعد زوجه الحمد لله اختك توتا
شكرا لكل واحد رد –لكن حاسس ان مش شرط بتخجل منى عشان بتحبنى–يمكن عشان مش بتكلم معاها ومش متعوده عليا–لانى بصراحه مش عارف اتاكد ازاى ومش عايز اتجوز و هى ممكن مش بتحبنى وممكن توافق لاننا اقارب و متقدرش ترفض عشان اهلها
أنا حاسس من كلامك إنك أنت الي خاجول أما بالنسبه لفرق السن من سنتين الي عشره معقول أكتر من كده منصحكش والله أعلم
شو يعني فرق السن عادي يمكن البت بتخجل الانها بتحبك
الحل بسيط وعشان ماتفضلش كتير فى الحيره دى خلى حد من اخواتك بصنعة لطافه يلمح لها بس تذكر قول الشاعر
إذا كنت فى حاجة مرسلا فأرسل لبيبا ولا توصه
يعنى متخليش واحد أهوج يكلمها ويطين الحكاية وبعد كده تدعى عليه والنعمه ادعى عليك دعوه تجيبك الأرض
فرق بين الرجل والمراة عشر سنوات يعنى عز الطلب
هل اخواتك اللى بتكلمهم البنت اخواتك البنات ام الذكور اذا كانوا اخواتك بنات شىء عادى انها لا تخجل منهم وتخجل منك لكن اذا كان اخواتك ذكور وهى تكلمهم ولا تكلمك انت بالذات اعتقد انها تميل لك وتحبك ولذلك نتخجل ان تفضح نفسها اذا نظرت اليك ويظهر حبها اما بخصوص فرق السن فهو المطلوب بالظبط احسن فرق بين الرجل والمراة عشر سنوات يعنى عز الطلب