انا كنت خاطب بنت بحبها قوى وقعدنا مخطوبين سنه ونص كان فى مشاكل كتير بتظهر وكنا بنتغلب عليها وبعدين فى اخر شهر حصلت كذا مشكله من غير اسباب الا انها مش مرتاحه معايا وطلبت الانفصال 3 مرات فى الشهر ده وترجع تعتذر وتقول هاتغير وهاحاول اريحك واسعدك وبعدين تقول مش قادرة لحد ماوالدها كلمنى وقلى البنت مش قادرة وعايزه تنفصل واللى انت عايزه ومتزعلش( مع العلم انها اخت مرات اخويا
ابوها وامها وصحابها شايفين انها غلطانه وانى مقصرتش معاها فى حاجهوزعلانين جدا
وهى مبراراتها انها مش مرتاحه ومقدرتش تحبنى
مع ان فى اوقات كانت كويسه جدا معايا المهم احنا بقالنا اسبوعين كده ومش قادر انساها وعايز ارجع عشان بحبها قوى وخصوصا ان والدها مش راضى يقفل الموضوع معايا بس انا خايف على كرامتى وفى نفس الوقت مش قادر اتخيل نفسى من غيرها وازاى اصلح الموضوع من غير مااجرح كرامتى قدامها
مستنى اراءكم
ياولدي كل حاجةبالخناق الا الزواج بالرضى والتفاهم وكل شي قسمةونصيب البنت مش عاوزتك يبقى خلي عندك كرامةوعزةنفس واتركهانهاية وربنابيكرمك بااحسن منهامليون مرة والمثل يقول خذاللي تحبك ماتاخذالا انت تحبهاوصدقينى لوتزوجتهاوهي مش راضيةاومرتاحة حتبقى حياتك نعيسةوكدرومشاكل لاحصرلها تودي في الاخرللطلاق السريع كبردماغك واشتري راحتك وسعادتك مع الانسانة اللي تقدرك وتسعدك في حياتك
خد الى بيحبك وماتخدش الى انت بتحبها وكمان خلى عندك دم وكرامة وه مابتحبكش عايز اية تانى
أحلى حاجة انا لاحظتها فى كلامك انك سوووو روماتيك يا برنس من كلامك كده ومن معاملتها ليـك فى أخر شهر ليكم مع بعض انها ملت وزهقت بس لو بتحبك بجد وصحيح موش هتقولك الكلمة دى عل طوول كده كانت قالتهالك بطريقة اشيك شوية من كده عل فكرة انت كبير وكتير قوى حبك ليها هة متستهلكش سورى ان بقول كده لكن فى فرق بين قلبك وقلبها… وربنا يخللنا >> “انيـس منصور” فى مقال ليه انا قريت الجملةدى وفكر فيها شوية لأنها مهمة> “لاتبكى عل اى علاقة فى الحياة لآنك الذى تبكى من اجله لايستحق هذه الدموع اما الذى يستحقها هو الذى لا يجعلك تبكى” أبعد ترتاح وصدقنى لو هى بتحبك هى الى هترجعلك انت عملت الى عليك وكفاية قوى كمان ربنا يسعدك فى دنيـاك يارب ويخليك للى بتحبه يارب بس ياريت تفكر صح وتقرأ كلامى وكلام الاصدقاء كويس وماتقولشى بينك وبين نفسك اصل انتوا موش عارفين حاجة وأكيد انت قولتها بس فكر كويـس ع شان موش تندم اكتر من كده فى الاخر ربنا يسعدك يارب أميــــــــــــــــن
أضن بأن السبب هو طول مدة الخطوبة فسنة ونصف ومازلتم لم تفعلوا شيئا صالحهاواعطي لنفسك فرصة أخرى وتحدث معها فإن اقنعتها فتبارك الله وحاول تتزوجها في أقرب وقت لان البنت بدأت تمل من طول المدة وان لم تنجح في اقناعها فمن الأفضل لك أن تنسحب من حياتها .
اللى هى فية دى حاجة بتحصل لبنات كتير يكونوا مخطوبين تلاقى نفسياتهم تعبانة ومش قادرين يكملوا وخصوصا لو كانت مالهاش تجارب قبل كدا فانت اتحمل بس مش تحسسها انك مستنيها وشوف هى تعمل اية وربنا يهديها
ياراجل خليك راجل ومتفكرش فى الحلو اللى شفته فكر فى الوحش اللى عانيته بسبب كرامتك ومتجيش على كرامتك حتى لو بتحبها وصدقنى لو جيت على كرامتك عشانها هيا لو بتحبك اصلا هتنزل من نظرها عزز نفسك وعزز رجولتك واياك ترجع فى كلامك مرة هترجع فيها علطول .على فكرة أنا نفس مشكلتك حصلتلى والحمد لله اتغلبت عليها ونسيتها.مع العلم انى انا اللى سايبها كمان وكنت عاوز ارجعلها وهيا كانت موافقة بس لما قعدت مع نفسى فترة وفكرت مكنش ينفع تانى ارجع .صدقنى انساها هترتاح أكتر.
Kabr Dma8k Minha Law Reg3t Fol Law l2 Yab2a Mesh Nasebk
اقولك انا بنت زيها ومن الاخر هقولك على حل بس تنفزه سيبك منها ومتسالشى فيها ولا فى حد خالص وعيش حياتك والله لو ماسالتش عنها ولو مردتشى عليهم هتتهبل وتجنن
وبعدين الى مش عايزك ماتعبروش فى غيرها تتمناك خليك واثق فى نفسك
والسنة والنص دى مش مكفياها علشان تحبك دى انسانة تخاف انك تتجوزها بعد اول شهر هتقولك انا عايزة اسيبك مش قد تحمل المسؤلية
نصيحة سيبك منها وهتجرى وراك ولو خلاص انفصلتوا روح اخطب وافرسها والله التانية هتنسهالك الا الكرامة الا الكرامة الا الكرامة
اجرى يابن ادم جرى الوحوش غير نصيبك لن تحوش ولايهمك وقلبك الى حب بدل لسه موجود جواك هتقدر تحب ومتزعلش نفسك لو انت رجعتلها يبقى لازم تنسى انك عندك كرامة ولو هى رجعت املى شروطك عشان انت سورى مش لبانة فى بوقها ترميها وترجع تاكلها
مشكلتك لها كذا حل
انتا اطلب من اهل انك تقابلها مرة واحدة و اقعد مع البنت و أطلب منها طلب اخير انها تقول اذا عايزا ك او لأ
وانك بتخليها تفكر يوم او يومين و أسألها انتي في حد في حياتك غيري؟؟ انتي لو سبتيني تفتكري حتتخطبي بسرعة لحد غيري ؟؟ وأسالها هي عايزة ايه و كـدة
وهي ان شاءالله تفكر في كلامك كويس وترجع لك
الله يوفقكم يارب
^^
انا مقدرش احكم على خطيبتك دى انت اللى عارفها وانت مش هتقول انا عندى كدة وحش مش كويس يعنى بس انها شوية عاوزاها وشوية مش عاوزاها حاول تلتفت لنفسك وان هم جم اتكلموا للرجوع ابقا فكر انما مادام هى قالت لا كذا مرة فى شهر واحد يبقا خليك بعيد فكر فى نفسك وفى امورك وربنا يكرمك