انا شاب بدات البحث عن عروسة لم اكن اتخيل يوما ما ان موضوع الخطوبة ياخد وقت وكنت اقول اني بمجرد ما اروح اي بيت هايوافقوا لاني بصراحة وسيم وخلوق وبن ناس طيبين والكل يشهد بذلك لكن حدث ما لم يكن في الحسبان بعت لناس اعرفهم الرد جالي بعد ساعة بالموافقة البيت كلة موافق حتى الاقارب لاننا من بلد واحدة لكن اول ماتكلموا معايا اتكلموا في الشبكة ودي بصراحة غاظتني جدا وتضايقت وطلبو شبكة مش في امكانياتي حاليا والموضوع انتهى علشان الشبكة مع العلم اني معجب بالبنت جدا وهي ايضا لكن الاهل بصوا ع الشكليات والمظاهر واقنعوها ان لازم يكون في شبكة كويسة
روحت باب اخر وكان كلهم موافقين حتى البنت بمجرد ماقعدت معها تعارف وافقت ولكن نفس المشكلة الموضوع انتهى علشان الشبكة والاهل
مش عارف اعمل اية
هموم الشباب
الشبكة وفسخ الخطوبة
اضيف بتاريخ: Monday, November 22nd, 2010 في 01:03
كلمات مشاكل وحلول: الخطوبة, الزواج, الشباب, الشباب والزواج, الشبكة, عروسة, فسخ الخطوبة, مشاكل الخطوبة, مشاكل الشباب, هموم الشباب
دامك تحب البنت ورايدهاومش عاوز تخسرها يبقى تضحي لاجلها واشتري لاهلهاالشبكة اللي طلبوهامنك ومش شرط تكون غالية الثمن على قدالحال لانوالزواج له متطلبات وماحدش عارف ظروفك ازاي لوكنت مش قادرعلى موضوع الشبكة صارحهم بالحقيقة وانك حتعوض البنت بحاجةتانية وخلي احدمن العيلة الكبار يتفاهم معهم في الموضوع ده وربنايسهل عليك وييسر امرك وتفرح عماقريب مع الانسانةاللي اختارهاقلبك وتلاقي كل الخيروالسعادةمعها
يا بان الحلال فى اماكن كتير وبالاخص الارياف متمسكين قوى بموضوع الشبكة لانهم بيكونوا عائلات وكلهم بيكونوا عندهم عادات وتقاليد هى مش مشكلة ولا حاجة انت اشرح ظروفك وربنا يوفقك وخلى بالك انت بتدور على نصيبك اللى ربنا كتبهولك ممكن يكون قدامك بس مش واخد بالك منه وربنا يوفقك لبنت الحلال
هحكيلك قصة حلوة شوفتها بعينى يا ريت تاخد منها موعظة انت وكل اللى يقرأها انا كنت بحب واحدة جدا بموت فيها ايام الجانعة المهم قررت اخطبها وانا ظروفى على قدى بعد ما اتخرجت المهم ابويا قالى احنا هنروح لاهلها ونقولهم احنا مقدرتنا نخطب بدبلة فقط فالكلام غاظنى وحسيت ان ابويا مش عاوز الجوازة تتم لان مفيش حد يرضى بكدة ولا هو نفسه ممكن يرضى بكدة وده طبعا لانى تفكيرى قاصر ومعنديش خبرة فى الحياة المهم قالى لو هما شارينك هيوافقوا المهم قولتله ماشى بعد جدال طويل المهم هو كان ليه وجهة نظر فى كدة وهى انه لو محصلش نصيب اثناء الخطوبة متحصلش مشاكل ونبقى ما خسرناش حاجة لاننا شوفنا مشاكل كتير بسسب موضوع الذهب المهم روحنا اتقدمنا ابويا احنا هنخطب بدبلة بس المهم بصراحة الناس رحبوا بينا وشافونى الحمد لله اخلاقى كويسة وراجل بمعنى الكلمة فواقوا المهم ابوها قال وانا هشتريلهم الدبلة كمان لو معكوش حقها فابويا فوجئ برد ابوها فقال عشان الكلمة دى هجيب دبلة وخاتم ومحبس لانوا لقى الناس شاريين المهم اللى عاوز اوصله ان اللى شارى مش هيبص للحاجات دى الا الناس الجاهلة اللى بتبص للمظاهر على فكرة ابوها وامها متعلمين تعليم عالى ومستواهم الاجتماعى كويس ونفس الوقت واحد صاحبى طلبوا منه شبكة كبيرة وكان برضوا بيحبها ودلوقتى سابوا بعض واهل خطيبته مش عايزين يدوله الشبكة عايز اقول ان النا الجاهلة هى بتبص على الحاجات دى وانصحك ما تاخدش منهم
اكيد بيغترو في مظهرك لازم تروح عندهم علي طبيعتك المعتادة بعيدا عن المظاهر ولو هما عوزينك هيوفقو من غير اي طلبات وانتا لازم تعرفه انتا في مقدرتك تجيب شبكة باد اية ولازم يعرفو وضعك المادي من بعيد لبعيد يعني لازم يعرفو ان الوضع اتغير والذهب غالي وكدة وان الراجل موش بالشبكة وان شاء الله هتلاقي الا ينسبك ويحبك ويرحب بيك
حاول ان تفهم اهل العروسه ان موضوع الشبكه الان مجرد شكليات لان الشبكه الان اصبحت باهظه التكليف للارتفاع الجنونى لها وان تشترى شبكه بسيطه فى مقدرتك وبالتوفيق ان شاء الله
اختار من تناسب ظروفك