مشكلتي تكمن أني لست سعيدا بعدما خطبت……فقد خطبت فتاه ملتزمة وتريد أن تعيش وأهلها لم يثقلوني بالطلبات بل بالعكس كانوا مرنيين جدا في الاتفاق. ربما لأن ابنتهم كبيره نسبيا ( أنا أكبر منها بعام – هي 26 سنه) ويريدون ان يوجوها كذلك الحمد الله أنا انسان كويس كثير من الفتيات تتمني الارتباط بي…أنا كان نفسي أرتبط بواحده دكتورة أو صيدلانيه ….ولكنها هي مؤهل عالي وموظفه بالحكومه…أكثر شىء عجبني فيها أنها عاقله ويمكن العتماد عليها…..ولكن احساسي أني غير سعيد واني لم انل كل ما كنت اتمني يقلقني..أعلم أن مشكلة الاختيار صعبه وان الانسان لن ينال كل ما يمتني كذلك كل انسان فيه مميزات وعيوب ..والمشكله من ناحيه أخرى اني خطبت قبل كده وخايف ان أفشل مره اخري وحتى لا تأخذ الناس عني فكره سيئه اني أخطب بنات الناس وأسيبها في الاخر …..أنا نفسي أعيش الحب ولكني متحفز وحريص هذه المره
هموم الشباب
لست سعيداً بعد الخطوبة
اضيف بتاريخ: Thursday, December 23rd, 2010 في 03:10
كلمات مشاكل وحلول: الخطوبة, مشاكل الخطوبة, مشاكل الشباب, هموم الشباب
كمل ياعم الحج هو حد لاقى اخلاق فى اليومين دووول 🙂 وربنا يوفق
يعني انت مش متقبلها ؟ ولا كل المشكله انها مش فيها كل المواصفات اللي كنت عاوزها .. بص إنت إللي دخلت بيتها وخطبتها وعارف من الأول كل حاجه مش فاهمه يعني افتكرت دلوقتي تقول كنت عاوز صيدلانيه او دكتوره وهي مش كدا ؟ ، معتقدش دا سبب يعني انت بتقول تعليمها عالي …… بص لو انت تقصد ان انت مش متخيلها زوجه يعني مش حاسس انك ممكن تحبها وتكون مخلص ليها خلاص في الحاله دي مش تظلمها وهي على المواصفات دي هيجيلها حد كويس ان شاء الله ، لو انت مش هتقدر تسعدها وتحبها سيبها تشوف نصيبها ..وبعدين 26 سنه مش كبيره ولا حاجه
هو انت اللى هتعيش ولا الناس ماتولع الناس انت حر فى تصرفاتك على فكرة انا عايزة اقولك ان ده جواز يعنى بقيت حياتك كلها
توكل على الله ولا تتردد—-انت في ايدك جوهره بس انت مش حاسس بقيمته….لان النسان مايعرفش قيمة امه غير لما يجرب مراة أبوه…..توكل على الله وشيل وساوس الشيطان من دماغك
عايز تجوز دكتوره ولا صيدلانيه على اساس يعنى انهم 24 ساعه فى البيت ؟
دول طول اليوم هيبقوا برا وهترجعلك تعبانه طبعاً
ومش هتاخد حقوقك كامله مهما عملت ودا كلنا عارفينه
وبعدين اللى انت معاها دى متدينه وكويسه وبنت ناس
امال انت عايز ايه تانى ؟ تفتح عياده يعنى ولا تشتغل فى صيدليه وترجعلك متأخر عشان ترتاح ؟
انا بكلمك بجد والله
توكل على الله واستخير ربنا وحاول تحبها عشان تعرف تعيش
ياعم هو حد يطول يجوز بنت تبقى محترمه وبنت ناس وكويسه فى الزمن الللى احنا فيه دا !!؟
انسانه وعائله ملتزمه ومتدينه مكسب كبير توكل علي الله يا ابني ومبروك مقدما
اخى الفاضل انت مشكلتك انك مش عارف عايز ايه بالظبط؟ لو انت بتدور على واحدة ملتزمه دينيا كما هى الحال فى خطيبتك يبقى انت فزت بكنز لان النبى (ص)قال وازفر بذات الدين تربت يداك بمعنى اكيب الكنز وانت معاك كنز او جوهرة يا اخى حاول تتقرب منها وتفهم طباعها وهى كمان تفهم طباعك وان لاحظت ان انت مش قادر تكمل ومش بتحبها وخطبتها مجامله او علشان تنسى خطبتك الاولى يبقى حرام عليك تظلمها وانصحك بالا تتزوج الا بمن تحب وتكون مقتنع بها عقليا وعاطفيا وربنا يوفقك يا اخى
انا مش شايف عندك مشكله .. اتوكل علي الله وبمرور الوقت هاتاخدوا على بعض وتتعود عليها والحب يأتي بالعشره وبالمواقف الحسنه وبالبذل والعطاء….وهذه هي طبيعة العلاقات الانسانيه تكون في بدايتها صعبه الي أن يزول ذلك الاحساس انك مش مستريح…. نصيحتي لك لا تكون سببا لتعاسة نفسك بأن تبحث علي الوهم.أهم شئ في الزواج التفاهم وان يقدر كل طرف الاخر
اخي انت لم تخطبها إلا لانك تحبها وهي لم توافق إلا لانها تريدك اخي اكمل نص دينك وتزوجها فهي كما تقوله متدينه واهلها طيبين فأين ستجد اجمل من هذة الصفات
انت بجد شخص غريب جدا !!!! يعنى مش عجباك الملتزمه اللى اهلها كويسين وريحوك وكمان بتتامر علشان هى عندها 26 وايه يعنى ما دام محترمه وتقدر تدير بيتها وكمان كان نفسك تتجوز دكتوره طيب من اولها كده روح دور على الدكتورة اللى انت عايزها بس ابقى اضمن انها تريحك
يابن الحلال الجواز مش نفسى اتجوز دكتورة ولا مهندسه الجواز انك تلاقى انسانه تفهمك وتكون مستعد انك تعيش الباقى من حياتك معاها وتكون واثق فيها وفى اخلاقها وضامن انهاهاتربى اولادك تربيه كويسه …. خطيبتك دى اديها فرصه قرب منها واتكلم معاها وافهم طريقه تفكيرها بدون اى عوائق وان لقيت نفسك متجاوب معاها فعلى بركه الله وان كان غير ذالك فسيبها ولا تخاف من كلام الناس مش احسن انك تدبس فى واحده انت مابتحبهاش
حضرتك ممكن تلاقى الى تحبها فعلا وتتجوز بس تفتكر اية قيمة الحب دة لو لقيت الى حبتها مش مريحاك طلباتها كتير اهلها معاملتهم وحشة معاك او على الاقل اخلقها مش كويسة @انت حاليلا ف ايدك كنز وانت نفسك بتقول كدة ما عدا عدم الراحة الراحة حضرتك هتيجى بعد الزواج وصدقنى عسى ان تكرهوا شئ
اخي الكريم تخيل انها اختك واحد خطبها وقرر الانفصال .
توكل على الله وتزوج والحب بكون بعد الزواج وربنا يوفقك .
مش مهم يكون فيها كل المميزات وانا اؤيدك في كدا
اهم حاجه متكنش عيوبها تعوق الموضوع ومن الكلام اللي حضرتك قلتله مزكرتش عيب
متخفش ومتقلقش وادعي رينا يرزقك بالزوجة الصالحه واستخيره يهدك لارشد السبيل
صلي صلاة استخارة وبعدين انت عيز تعيش الحب عيش معه الحب والبنت منن بى كلم حلوه تكسبه وانشاءالله ربنا يوفق
انا رايي ان البنت مدام فيها المواصفات اللي قلتها تبقي تكمل علي خير ان شاء الله مدام ملتزمه واهلها ناس كويسين يبقي هتحافظ عليك وعلي بيتك وهو ده اللي احنا كلنا عاوزينه اهم حاجه تكونو متفاهمين انتو الاتنين
ممكن تتجوز الدكتوره ومتبقاش فاضيه تراعي بيتك وتبقي طريقه الاتصال بينكو هو التليفون ومواعيد شغلها متناسبكش
اعمل استخاره واللي يوفقك ليه ربنا هيكون
والف مبروك مقدما ان شاء الله