العذرية وغشاء البكارة

فقدت العذرية وخطيبي تقبلني ولكن

خايفه أوى

السلام عليكم

انا عندى 19 سنه ومخطوبة من كام شهر بس انا فقدت عذريتي غصب عنى بسبب اندفاع ماء ورحت للدكتوره وأتاكدت من كده وخوفت اقول لخطيبى لانى خفت سيظن بيا حاجه وحشه ويبعد عنى ..بس علشان انا بحبه قررت انه من حقه يعرف ويقرر ..وقولت له وطبعا بعد عنى فتره كبيره بس لانه عارف اخلاقى عجل بل خطوبه رسمى وكان عايز يكتب الكتاب واهلى رفضو علشان الظروف الماديه ومفيش شقه وهو قدامه كتير علشان يعرف يجيب الى مطلوب منه ..لاكن اهلى عايزين يفضو الحكايه خلال شهرين وفى عريس تانى مش هيستنو عليه كتير وانا مش عارفه اعمل ايه …ساعدونى ارجوكم

مشاكل وحلول ذات صلة

اضيف بتاريخ: Thursday, September 30th, 2010 في 22:15

كلمات مشاكل وحلول: , , , , , , , , ,

28 رد to “فقدت العذرية وخطيبي تقبلني ولكن”

  1. زنبقة
    09/01/2015 at 23:24

    لعنة الله على المشككين في اعراض البنات .تقرأون ما تجدونه في الانترنت عن طريقة فقد غشاء البكارة .لا الطب ولا المواقع يعرفون ما هي الحوادث التي تمزق غشاء البكارة الذي هو بمثابة جلدة معرضة للتمزق من اتفه سبب .عندما تسقط ايها الرجل ماذا يحدث ألا تخصى ألا يتعرض قضيبك للأذى فما بالك بغشاء .لانقول إلا أن هذا الغشاء والله لهو نقمة علينا من أفكاركم الدنيئة

  2. shreef
    28/02/2012 at 19:30

    تعملى عمليه وتتجوزى العريس الى جى خطيبك هيجى عليه يوم ويزلك وبالتالى هتعيشى حياة طبيعيا جدا زيك زى اى بنت

  3. شوشو هيما
    29/01/2012 at 23:45

    خليكى مع خطيبك ال عرفتية عنك بس ربنا معاكى

  4. HanyMoh
    22/10/2011 at 05:57

    السلام عليكم…..

    مرحبا بكم..

    أود أولا التنزيه إلى أنك أخطأت حينما أخبرتي خطيبك بفقدك العذرية…

    ولكن لا علينا فالحمد لله أنه شاب طيب ولن يفضحك..

    المهم أني أرفض الخطيب الثاني لأن الخطبة على الخطبة حرام شرعا..

    فلا تقبلي بالثاني على الأول حتى وإن كان مليونيرا، ليس لأن الأول وافق عليك وأنت غير عذراء ولكن لأنه شاب خلوق على حد قولك..

    من حقك معارضة أهلك وخاصة أنهم وافقوا على الأول، فلا يجوز لهم فتح باب الزواج لآخر..

  5. ابو عمر
    06/11/2010 at 09:39

    خطيبك انسان شهم ده على كلامك لوكنتى صادقه وانا بقولكانك من الافضل لكى انك تستخير ربنا وتصلى ركعتان استخارة وربنا هيبن لكى الصح فين

  6. شيكو
    23/10/2010 at 21:06

    السلام عليكم يا اختي الحبيبية
    اولا اود ان اقول لك كان الله في عونك علي كل هذه المناقشات والحوارات التي تدور بداخلك وبخارجك مع اهلك ومن حوالك.
    ثانيا انا راي ان كفاية ان في حد واحد عرف سرك فهذا يكفي خصوصا لانه تفهم الموقف وواثق فيكي بس اهم شئ تكوني انتي كمان واثقة فيه عشان ميجيش يوم يقولك كلمو ملهاش لازمة. وان شاء الله دا ميحصلش
    بس انتي حاولي تقنعي اهلك بيه وبلاش العريس التاني افرضي مرضيش بالوضع واتكلم كلام مش كويش؟
    يبقي ارضي بقضاء الله وصلي لله دائما وخصوصا قيام الليل فهو علاج قوي جدا جدا جدا لاي مشكلة ولا تتعبي من الدعاء لله فالله يقول انا عند حسن ظن عبدي بيه فيظن عبدي بيه ما يشاء

  7. صاحبة المشكله
    19/10/2010 at 00:30

    انا متشكره لكل الى فعلا ساعدنى بكلامه ..وانا فعلا عمرى ما هفكر انى ابعد عن الانسان ده لان فى الزمان ده صعب نلاقى حد بيحبنا ويخاف علينا بجد من جواه مش مجرد كلام بيقوله للى قدامه …الاستاذ هيكل انا لما كتبت هنا مكتبتش علشان حد يقولى هو مصدقنى ولا لاانا كتبت علشان النصيحه …فى ناس كتير ممكن يحصلها نفس الى حصل …بأشكال كتيره اوى اندفاع المياه ده حاجه من اسباب كتير بتحصل للناس …انا تربيتى متخلنيش اعمل اى حاجه حصرتك فكرت فيها …شكرا

  8. هيكل
    14/10/2010 at 07:22

    أنا شايف إنك مش بتقولى الحقيقة لأن إندفاع الماء لا يمكن أن يسبب فقد غشاء البكارة لكن أيا كان السبب فتمسكى بخطيبك بكل شكل لأنه ستر عليكى و إلا ستخبرى الخطيب الثانى و نشوف هايستر عليكى و لا لا فإتقى الله يا اختاه و كفاكى مهاترة ما فيش بنت بتتزوج غصب عنها

  9. نومي
    12/10/2010 at 17:09

    السلام عليكم اني اشوف من المستحيل تلكين شخص يحبج بكده لان اتمسك بيك وماتركج اني لو بمكانيج ابقى انتظره العمر كله واوكف بوجه اهلي والدنيا كلها لازم تتمسكين بيه وترديله الجميل الله يوفقج اختج من العراق

  10. قلب تائه
    04/10/2010 at 19:45

    اختي الكريمة انا براي انك تضلك على خطيبك الي بحبك والي وقف معاك رغم المحنة الي انتي فيها وصدقك لانو واثق من اخلاقك وهاد دليل انو بحبك ومتمسك فيكي والمال مش كلشي لكن اختي الكريمة مش غلط تستخيري الله وتدعي من ربنا التيسير والتوفيق من عنده لكن نصيحة مني لا تضيعي انسان بحبك وبين اصله من اول موقف صعب صاير معاكي لانو الحب بهاي الايام نادر الوجود وانا بهنيكي على صراحتك للشاب لاني طاهرة ونظيفة والله ييسر امرك ويحميكي ….دربالك على حالك

  11. totee
    03/10/2010 at 06:49

    خطيب انسان جدع وراجل وما تتنازليش عنه

  12. حياه
    02/10/2010 at 19:22

    انا رأيى برضو انك تستخيرى ربنا وتصلى كتير وكمان خليكى متمسكه بخطيبك وخليكى صادقه مع نفسك زى ما كنتى صادقه مع خطيبك واذا كنتى متقدريش ابدا تقفى ف وش اهلك يبقى لازم تسترى على نفسك لان حد تانى لايمكن يصدق حكايتك وخاصه لو عرف انك كنتى مرتبطه قبل كده

  13. dido
    02/10/2010 at 14:31

    الشخص الثانى الى متقدملك ميعرفش انك مخطوبة (لايخطب احدكم على خطبة اخية)
    واعلمى ان من ستر عبدا فى الدنيا سترة الله يوم القيامة
    شوفى خطيبك الاول بيحبك وحافظى على نفسك منة انت لسة مخطوبين فقط
    وحافظى على الصلوات فى وقتها يحفظ الله من كل سؤ

  14. جي جي الاسيوطي
    02/10/2010 at 01:51

    السلام عليكم ورحمة الله وبركاتة اختي في الله احب اني بس اقولك حاجة اللي انتي مخطوبه ليه تمسكي بية لحد اخر لحظة في عمرك علشان هو رضي بيكي وانتي غير عذراء اين كان فقد عذريتك مع ذالك انه متمسك بيكي ويتحملك حتي لو كنتي ايه لكن الاخ الجديد اللي متقدم لخطبتك انتي متعرفيش عنه اي شيئ فاياريت تحافظي علي اللي معاكي ولكم مني خالص الشكر
    اختكم في الله جي جي الاسيوطي

  15. صاحبة المشكله
    02/10/2010 at 00:35

    انا فعلا متمسكه جدا بيه حتى لو مكنش عمل كده لانه انسان يستاهل بجد كل حاجه كويسه …بس انا كل ظروفى ملغبطه متسمحليش اقف قصاد اهلى ولا انى ابعد عنه

  16. zezka
    01/10/2010 at 22:04

    انا بقول بصراحة يا اختى ادعى لربنا با الستر والصلاة واتمسكى فى خطيبك الاول لأنه من الصعب تلاقى حد يثق الا اللى يحبك خلينا واقعين وانتى لسا صغيرة والوقت قدامك ..اكيد مش طريقة حلوة انك تجازى اللى مدلك العفو والستر وصدقك لانه فقط بيحبك وانه واثق فى اخلاقك.ولا تنسى اهم من كل ده الاستخارة اولا.والله المستعان

  17. وليد الحبيشي
    01/10/2010 at 18:28

    السلام عليكم ورحمه الله وبركاته
    اولا انا حاب اشكرك واتمنى ان تكون جميع البنات زيك صريحه وانتي صارحتيه لانك بتحبيه
    وحل هاي المشكله انك لا تتخلي على خطيبك الحالي لانه لم يتخلى عنك عندما اعترفتيله انك فقدتي عزريتك وهاذا دليل على انه بيحبك اوي وانتي لو بتحبيه بصحيح انك توقفي ضد اهلك وضد كل من يعترض زواجكما وتتحملي اي نتائج صادره عن موقفكي هاذا واحب انوه ان المال ليس كل شي
    قال تعالى تزوجو فقراء يغنكم الله صدق الله العظيم وشكرا

  18. صاحبة المشكله
    01/10/2010 at 17:36

    ونعم بالله انا فعلا خايف انى اخسر كل حاجه وانا الى خسرته ده كبير اوى وعمرى ما اقدر اعوضه لا ليا ولا للانسان الى معايا …بس ده مش بأيدى ربنا وحده الى عالم ده حصل ازاى وهو الى فى ايده كل حاجه …هو فعلا العريس التانى هيخلص كل حاجه فى وقت سريع وخطيبى ده قدامه مده تقريبا سنتين او 3 بس حرام اقابل الى هو عمله معايا بأنى انا الى اتخلى عنه ….لان كان هو الى من حقه يعمل كده …انا قولت له انى اعمل العمليه ورفض قالى لو حصل كده انا عمرى ما هلمسك ولا هكون عايزك ….بس انا فعلا خايفه وفى حيره كبيره انا مش خايفه على نفسى قد ما انا خايفه ان هو حد يظلمه بأى ظن ….

  19. قمر
    01/10/2010 at 16:22

    انشاء الله لو انتى مظلمتهوش وصريحه فى اللى بتقوليه ربنا هيقف جمبك وهو ربنا هيسعده علشان قدرك وقليل لما تلاقى حد بيحب بجد وخايف على اللى بيحبه ربنا يوفقك

  20. لولو
    01/10/2010 at 14:10

    انتي لازم تتمسكي بيه وقوليله يستعجل لانه يا حبيبتي اذا هو فهمك لانه عارفك وبحبك اوي غيرو ما رح يفهمك

  21. محسن
    01/10/2010 at 09:55

    Uعايزة رأيي بعد ما قرأت رساله البنتين الاوليين اقولك ختي راي البنات اسمعي رأي واحد من الرجاله الراجل المصري شرقي بيفضل الموضوع ده في باله لكن مش الاساس وفيه ناس عقلهم بيودي ويجيب ومتعلرفيش الخطيب الثاني ده هيكون منهم ولا لأ الاول لو بيحبك وبتحبيه تمسكي بيه لو علي (دين وخلق ومناسب لكي يعني كفا لكي) وخشي علي اقل حاجه وربنا س
    يرزقكما لكن قبل ذلك صلي كتير صلاة الاستخارة فالموضوع مصيري ومتنسيش تبلغينا بقرارك وخير ان شاء الله

  22. دودا
    01/10/2010 at 09:50

    قولي يارب وثقي انه خير أنشاءالله

  23. حبيب ربى
    01/10/2010 at 02:29

    انسى كلمة حب وانسى المشاكل وكل شىء الحاجه الوحيده اللى تفكرى فيها صلاتك وان ربنا مش بيظلم انسان او انسانه بس احنا اللى بنظلم نفسنا بكلمة حب وبعدين كلا يصيبنا الا ما كتب الله لنا ارضى بلى هيحصل بدون مشاكل واتاكدى ان اى حد هيتقدملك هيصونك ويرعاكى وبلاش يا اختى كلمة حب دى قدمت اوى عيشى دنيتك وسلميها لله واعملى الصح والخير وربنا يهدينا ويهديكى يا اختى

  24. امال
    01/10/2010 at 02:12

    اسخيري ربنا وسيبي الامور تمشي زي ما ربنا عاوز
    ولو حصل انفصال متندميش وانسيه تماما
    ولما ترتبطي بعريس جديد متعترفيش باي شيء واستمر ي معاه طبيعي جدا
    ول زي مانتي بتاولي الموضوع دا حصل غصب عنك ومش باردتك يبقي خلاص تستمري في حايتك طبيعي
    واتخطبي ويتكتب كتابك وقبل الدخله باسبوع اعملي عمليه وطالما انتي معملتيش الغلط يبقي اكيد ربنا هيسترها معاكي
    بشرط تبطلي موضوع دوش الميه دا او اي حاجه شبيهه وانتي عارفه قصدي

  25. mohsen
    01/10/2010 at 01:54

    لو الخطيبك الاول امامه مده قليله بأذن الله وربنا يسهله الموضوع اقفى جنبيه وسعديه وربنا هيوفأكو بس لو لسه بدرى كتير كتير يعنى اكثر من 3 سنين يعنى يبقى حرام وكمان ممكن بعد ما تستنى معاه يحصل اى مشكله وى الموضوع يتفركش فا بعد كل الانتظار دا

  26. ahmedgabr
    01/10/2010 at 00:47

    اتمسكى بخطيبك لانه بيحبك زى انتى ما بتقولى وهناك مقولة بتقول اذا كان بوسعنا ان نحب اذن فباستطاعتنا ان نفعل ونتحمل اى شيئ

  27. نور
    01/10/2010 at 00:10

    يمكنك اختيار العريس الثانى فهو افضل لكى يا اختى ولكن حدثيه قبله عن موضوعك او الحكايه

  28. Abdulla
    01/10/2010 at 00:06

    أنا شايف إنك تستمري مع خطيبك عشان هو بيحبك وقبل ومتأكد من أخلاقك ومن حبك ليه
    وبعدين الماديات مش كل حاجة وممكن العريس التاني ما يقبلش بكده وما يثقش فيكي ويحصل مشاكل كتير وتتعبي نفسياً وكده ممكن تضيعي من إيدك واحد حبك بجد

اترك رداً أو حلاً لهذه المشكلة