انا فتاه في ال23 من العمر و ابويه انسان مثقف و معروف على دولتنا بهاذا لكن المشكله انه عنيف و عنيد و العلم اللي تعلمه لمجاله ولا عنده اي من اخلاق العلماء و ما يطلع لاهل بيته على انهم شيء غير علقات تمتص دمه ما يعترف بأبن له غير بأخويه قبل الاخير لانه دخل تخصص طبي يرفع فيه راسه قدام المجتمع, يطالع بكل واحد منا بنظرت استحقار ولا كأننا شيء و بالراغم من الواسطات اللي عندها ما يساعد ولا واحد فينا بشيء منها حتى لو كان بشيء يحتاج هذا الشيء كمستشفى بدافع انه يشوف هذا الشيء على انه اذلال له قدام الناس بالرغم انه يكلم كل واسطات العالم لو لاحد غيرنا كأصحابه او عماتي و عماني و اولادهم اول لاحد مدحه بالشارع لكن احنى كعائلته ما نستحق, مره على الغدا ( دايما ما ياكل معانا بس قاعد بالصالة ) قال انه يتبرا منا كلنا و اننا محنى محترمينه كأبو (اخويه المفضل ما كان بالصالة وقتها) و قعدنا نطالع بابويه ثم طالعنا وراه طلع اخويه المفضل وراه و سمع كلامه و قاله افا يا ابويه كيف تقولنا كذا و ابويه توتر و حاول يرقع لنفسه بقول انتم ما تعرفون المزح يا ثقيلين تراني امزح, دايم يتكلم علينا بهاذا الاسلوب و اخويه مهو فيه انا تعبت كرهت كل نفس اتنفسه بهاذي الحياة اشوف اني ما استحق الاكسجين اللي اتنفسه لانه اولى لناس ثانيه لاني مني شيء اهملت صحتي صرت اقفل على نفسي بغرفتي و ذحين يوم تخرجت صارت نفسيتي اسواء لاني معاه طول الوقت بالبيت, لكن المسكينه الحقيقيه في القصة هيه امي و كيف تعامل معاه و مع نفاقه و كذبه و مصلحجيته طول حياتها و كيف انها تحاول حاليا تحل العقد النفسيه اللي ببناتها و عيالها اللي سببها هذا الرجال, خايفه لو خرجت من هذا البيت و تركت امي راح يفتح فيها يا بجلطه يا بضربه ابي احمي امي بس مني عارفه كيف , والله العظيم اني احب ابويه و اني ادافع عنه قدام كل اخواني و اخواتي و امي لكن كل يوم يثبت انه كلامي غلط كل يوم يموت جزء مني بسببه.
* اعتذر عن صياغتي لمشكلتي لكني مني كاتبه ولا اعرف اعبر عن نفسي اتمنى ما عقدت الموضوع *
