السلام عليكم/
بأختصار ومش هطول عليكم
أنا شاب,عندي 20سنة
أول مرة أحب في حياااتي أنا كان أي بنت أعرفها مش أكتر من صداقة أو أنها زي أختي,والبنت دي أول مرة أحس معاها بالحب بجد
هيا صديقة أختي وفية بيننا أعجاب متبادل تظرات مش أكتر
قولت أقول لاختي تكلمها وتأخذ رأيها , وكلة تمام وكان أول لقاء أنا وهيا وأختي في مكان محترم وقعدنا وتكلمنا ومع كل كلمة أتعلق بيها أكتر لدرجة أني مش بعرف انام وبأخد أي منوم مش بيعمل حاجة طول النهار والليل بفكر أزاي أسعدها وأخليها تحبني أكتر….
كان فية مشكلة في الاول (هيا كانت مخطوبة قبل كدة ومحصلش نصيب) المشكلة أنها دائماً تقارني بخطيبها الاول وبأقاربها الشباب – كل أنسان فية عيوب طبعاً بس انا كان عندي أستعداد أصلحها وفعلاً أنا في خلال الشهر معرفتي بيها أتغيرت بنسبة 90%
وبعدها بقيت الاحظ أنها بتقول كلام لاختي أنها مش حاسة بيا ومش قادرة تحبني ومع ذالك هيا الي بتتصل بيا وبتكلمني علشان نشوف بعض.!
وبعدها الصدمة الكبري والي أنا حاسس أنكم مش هتصدقوها لكن فعلاً الكلام دة حصــل والله شاهد
تقدم لها شاب كانت معجبة بية من مدة طويلة قبل ما تعرفني حتي , ووافق أهلها وهيا نفسها وافقت علية
وأنتظرو الصدمة/
تتصل بي بعدها بساعة فقط (( لتحديد ميعاد لاقابل والدها لاخطبها منة كما أتفقنا))….!
وهيا كانت عاوزة تعمل كدة علشان والدها الي يرفضني علشان مكسوفة تقول أنها كانت بتحب واحد بس مكنتش عارفة أنة هيتقدم لها ولا لا
وشوفتها تاني يوم قالت أنة مش هينفع نستمر مع بعض وكدة ومجبتش سيرة أن فية حد تاني خالص.مع أني عارف الحقيقة
لكن المشكلة ان كل المدة دي أنا كنت مؤمن أنها ممكن تتصلح مع أني أعرف عنها هذا الكلام لكن بقول مفيش أنسان مش بيغلط وهيا لما نحب بعض هتتغير زي ما أنا أتغيرت علشانها مع أن الكلام الي بتقولة كان والدي ووالدتي وأهلي كانو ينصحوني بة لكن لم أتغير الا لما هيا كلمتني
ومع أني سبتها بس مش قادر أنساها , كل شوية علي بالي بحاول أشغل نفسي أو أخرج أو أعمل أي حاجة برضو علي بالي,وبكرة نفسي فيها برضو مفيش فايدة,أنا مش متخيل أني أكون من غيرها مع المدة القصيرة الي عرفتها فيها لكن مش عارف أنساها أرجوووكم أنصحوني أنا مش قادر
لازملك تنساها
قصتك متل قصة حبيبي مه حبيبته السابقة
بص، طالما الرفض جه منها يبقى ادعيلها لو بتحبها إن ربنا يسعدها
ومع الوقت هتقدر تنساها
احساس صعب قوي اللي بتمر بيه و معظمنا مر بتجربة زي ده و هي عدم القدرة علي نسيان بنت حبتها…. النصيحة انك تعامل مع الموقف بعقل وركز في مستقبلك و احسن حاجة تطلعك بسرعة من الموضوع ده كبر دائرة اصدقائك و تعرف علي بنات اكتر و ستجد ان شاء الله حد يقدر مشاعرك و يحبك
السلام عليكم اولا بص انا هكلمك بس بعقليه اكبر شويه انت لو عايز تنساها متفكرش ازاى تنساها لأن مجرد تفكيرك فى الموضوع هخليك متنسهاش وهتتعزب على الفاضى اسمعنى كويس من كلامك انا بقولك انت مبتحبهش بس انت صورت لنفسك انك بتحبها لأنك كنت محتاج حد تقربله اولأنها جميله وانتا اتشدتلهافبلاش تغرق نفسك فى وهم انت اللى عملته بس انت للأسف مش عايز تنساها واكبر دليل على كدة انك عرضت مشكلتك حاول تفهم ومتمشيش مع عواطفك لأنها هدمرك………….انتهى
وعسى أن تكرهوا شيئا وهو خير لكم (فى موضوعك أقصد الفراق)وعسى أن تحبوا شيئا وهو شر لكم(أقصد حبك للأخت)بص ياأخى أولا
لازم تكون مؤمن تمام الايمان ان لو كانت من نصيبك كانت زقت الباب ودخلت وقالت ياهو يالأ
ثانيا :لازم تشغل نفسك بشئ مفيد يعنى دراستك مثلا شوفلك نشاط رياضى أو عمل تطوعى أو أى مساعدات انسانية الحب مش انك تحب واحدة بس الحب انك تحب نفسك وتحب الناس وان شاء الله ربنا هيعوضك أكيد
اولا انت لسه في اول درجات الحب ويسمي بالصدمة او crush
وده اعجاب وتفكير متواصل في الشخص وانك تشوفه كله مميزات وتنسي عيوبة
في المرحلة ده ممكن تتاثر لو الموضوع انتهي .. بس بيقى وقت بسيط .. وبتنسي مع الوقت
لكن الحب الحقيقي بيكون مع الزواج ومعرفة الطبع والتاقلم مع السلبات .. يعني مع العشرة
والفراق في المرحلة ده بيكون اصعب
اخر مرحلة اسمها العشق .. ويعتبر شيء مرضي نوعا ما .. والفراق قد يؤدي صاحبة للانتحار
اخي . هقولك حاجه فهمتها من كلامك هي مكسوفه انها ترفضك وتجرحك ويمكن يكون ده بسبب صادقتها لاختك … وانت من خلال كلامك شكلك مش جاهز للزواج والخطوبه … لاني الجواز مش حب وبس فيه حاجات تانيه كتير لازم تكون متوفره علشان ينجح …. علشان كده لو بتحبها سيبها تختار علي راحتها اللي هي فعلا بتحبه ومتقفش ادامها علشان صدقني هتخسر حتي الذكري الجميله اللي بتحسها دلوقتي ……. اللي بيحب انسان اكيد بيحب يشوفه سعيد وبيحب له الخير …. فخليها تعيش حياتها وانتي اكيد هتقابل واحده تحبك بس ساعتها هتكون جاهز ومستعد لكده ربنا يوفقك
والله انا حاسه باللى انت بتقوله اوي
بس يا اخى
اللى يبيعك بيعه
انت معاك حق متنسهاش ومهما انا قلت وعدت بردو اول احساس مش بيتنسي بسهوله
بس خلى كرامتك فوق كل شئ هي راحت مع واحد تانى ربنا يهنيها معاه ويسعدها يارب
وربنا هيرزقك بنت الحلال اللى هتفهمك بردو ويمكن تتعلق بيها اكتر
بس انت متخليش حبها يعميك فتح وشوف باقي البنات في بنات محترمه كتير
المهم الراحه والتفاهم عشان تقدر تنسى الاولى
وانت لو بصيت كويس هتلاقي الف بنت حواليك بتتمناك وبتفكر هي كمان ازاى تسعدك
وان شاء الله تلاقيها
ولعله خير يمكن لو كانت من نصيبك كانت طلعت عنيك
اكيد ربنا ليه حكمه انه يبعدها عنك ولو انت تعبت بردو اكيد الموضوع مكانش فيه خير واعرف ان ربنا دايما بيكتبلك الخير