مشاكل حب المراهقة

لا اعرف اذا كنت احبه ام لا .. ساعدونى

انا عندى 14 سنه وانا متعلقه بابن خالتى اوى وهوا عنده 18 سنه بس انا عرفت انه بيحبنى بقاله سنه وانا بجد مش عارفه اعمل ايه حاولت معتش اكلمه تانى بس مش بقدر واصلا لازم يكون فيه احتكاك لانه ابن خالتى المهم انا قولتله ينسى الموضوع لانه اخويا بس انا منكرش انى معجبه به وبشخصيته واحنا بنكلم بعض على النت دايما بالساعات يعنى بنسهر ساعات لحد 7 الصبح وكل لما نتكلم بيفتح الموضوع وانا كل مرة بقوله ينسى الموضوع بس هوا بيقولى دايما مش هقدر و انا بصراحه مش عارفه اعمل ايه ؟

مشاكل وحلول ذات صلة

اضيف بتاريخ: Friday, September 3rd, 2010 في 16:44

كلمات مشاكل وحلول: , , ,

17 رد to “لا اعرف اذا كنت احبه ام لا .. ساعدونى”

  1. steady
    19/09/2010 at 13:14

    أنا دلوقتي خلصت جامعه بس مريت بتجربه قريبه منك وانصحك انك تبعدي تماما ب ايدك دلوقتي الموضوع قبل متدخلي جوا الموضوع ومشاعرك تمنعك وتتعلقي صدقيني هو لسا صغير وانت كمان اصبروا عي نفسكم شويه وامنعي الكلام معاه علي النت او برا وخلي احتكاكك بيه سطحي جدا

  2. رامي
    08/09/2010 at 10:19

    بصراحة الحب في هذا السن مراهقة و الاختيار الصح بتوفيق من الله و زمان كانت البنت تتزوج و هي صغيرة بس الزمن راح و في هذا الزمان البنت اقل شي عشان تتابع حياتها صح لازم تختار صح و عشان تختار صح لازم تكون محافظه عحالها عشان تختار صح و الا لا عودة بعد الاختيار, نصيحتي الك يا بنت انك تتروي و تعاملي معاه فقط كأبن خالة و انسي و ما رح تندمي , الحب جميل لكن في حالة واحدة الا وهي الحب الحلال اي مع الزواج و انتي لسه صغيرة و الله يوفقك و يحميكي.
    سلام

  3. جوليت الحب
    06/09/2010 at 19:00

    انتى لسه صغيره فكرى فى مستقبلك احسن

  4. gogo
    04/09/2010 at 20:56

    انتى لسة صغيرة على الكلام ده خدى بالك من نفسك

  5. الشيخ
    04/09/2010 at 15:04

    داشى طبعى بس المهم انك متعمليش حاجه غلط
    وبعدين دا ابن خلتك
    وهيخاف عليكى

  6. الله معاكي
    04/09/2010 at 13:13

    هما كلمتين
    خلي بالك من نفسك
    وده مراهقة لأنك صغيرة
    وبلاش تجري وراء الاعجاب

  7. العرض حالجى
    04/09/2010 at 06:12

    ده اسمه حب مراهقه حب نذوات لا حب حقيقى بل ما يأجج مشاعركما هى الشهوة والمراهقه لكن ان استمر فعلا الحب بينكما الى ما بعد ذلك بدون اى مشاكل او تعدى منه عليك فهو من واجبه الخوف عليك ده لو بيحبك فعلا هايحافظ عليكى لغايه الوقت اللى ربنا يقدره علشان يرتبط بيكى اهم شىء وقتها فعلا تكونى وارده غاليه فى عنيه ويكون اول قطفه ليكى عندما تسكنين بيته كما سكنتى قلبه فليحفظكما الله

    حسام

  8. SaYeD Mo7aMeD
    04/09/2010 at 01:59

    ـأنسسسى ي بنـتى ده مش ـأسسسمه حـب مش توٍهمـى نفسسسك ده اسسمـه هبـل ده ابـن خالتـك وانتى صغيرٍه حـب ايه اللى انتى بتتكلـمى عليـه فوٍكك انتى لسسه فـ سسن المرـأهقـه وبلآش تدخلـى معاه فـ اى حوـأرٍ وهو كمـأن لسسه فـ سسن المرـأهقه اى حـب لآزٍم اقل بنت تبقى عندهـأ 19 علشان تعرف تتحكم فـ مششاعرٍهـأ والولـد كمـأن لآزٍم يبقى عنده اقل حاجه 21 سنه غيرٍ كده اسسمه هبـل ومراهقيـن ,, ارجوٍ تقبلى منى ومن غير زٍعل ,, 🙂 سسورى,,,, MR.SaYeD

  9. الملاك التائه
    04/09/2010 at 00:25

    انا اصلا معنديش اخوات ولاد وماما دايما بتقوله ان هوا المسئول عنى انا واختى

  10. بسكوته
    04/09/2010 at 00:00

    انتي صغيره والعمر لسه ادامك وياما هتقبلي ناس وتقولي انك معجبه بيهم لكن لما توصلي لسن الحب بجد هتقولي ايه ده كل ده كان لعب عيال والله صدقيني وربنا يوفقك في دراستيك وحياتك المستقبليه ان شاء الله

  11. ايمى
    03/09/2010 at 23:54

    لو دخلتى معاه فى علاقة وفشلت عمرك ماهتنسيه لانه هيفضل معاكى فى وشك طول العمر ولازم تفكرى فى النتائج اللى هتحصل ولازم تخافى على نفسك من اهلك لو عرفو وفى الاول والاخر هو ولد وانتى بنت ان شاء الله لو عمل ايه ماحدش هيقوله حاجة اما انتى فالمشاكل كلها هتقع فوق دماغك ولازم تعرفى ان الولاد غدارين جامد اسالينى انا اوعى تتغرى بنظراته ليكى دلوقتى بكرة تندمى لانه لو سابك هتعيشى مكسورة من جوة وهتفضلى تحبيه وهو بكل سهولة هينساكى وهيدور على واحدة تانية حافظى على نفسك ياحبيبتى ربنا معكى ولازم ماتغضبيش ربنا منك لان عقابه اليم

  12. ايمى
    03/09/2010 at 23:47

    انتى اصلا مادام بتقبلى انك تكلميه يبقى انتى اصلا بتحبيه وعايزة الحب ده لانك ازا كنتى فعلا بتعتبريه اخوكى ماكنتيش كلمتيه لحد7الصبح ده انتى عمرك حتى ماتكلمى اخوكى عالنت ساعتين وانتى لو كنتى عاوزة فعلا تنهى الموضوع ده ماكنتيش كلمتيه عالنت لانك مش مضطرة واكتفى بانك بتقابليه وخلاص مع قرايبك وبعدين انتى لسة صغيرة لدرجة انك مش عارفة حل للمشكلة دى اللى تعتبر مش مشكلة اصلا وانتى بايديكى الحل وتقدرى تنهى الموضوع ده

  13. MeDoZ
    03/09/2010 at 22:48

    هوا بصراااحه انا مش عاارف اقولك ايه بس انا شافي انك لسه صغيره احنا كلنا كنا متعلقين بنااااس واحنا صغيرين صدقينى وكنا حاسين ان احنا بنحبهم اخر حاجه بس لكا تكبرى هتعرفى انه كل ده كان اعجبااااب بشخصيته مش اكتر وهتقابلى غيررره

  14. م/مصطفى عثمان
    03/09/2010 at 22:18

    السلام عليكم ورحمة الله وبركاته
    اؤيد موقفك تجاهه وانك لست تدرين معنى الحب الحقيقى ولكنه مجرد اعجاب بشخصيته
    اما هو فلا اعتقد انه جاد فى حبه لكى ولكنه ايضا يستعجل الحب وانك اول من وقعت عليه
    فكرة اختيارك شريكه له ولكن اعلمى دائما مقولتى
    “قل احببت قلبا احبنى ولا تقل احببت من اختاره قلبى كى احب ”
    واريد منك النظر الى مستقبلك الدراسى وعدم الإنشغال من الآن فالخطوبه انتى صغيره الآن وبالتالى ستظلى بجانبه على انك حبيه ولستى خطيبه والموضوع ان زاد عن حده اتقلب ضده ..لاتسعجلى الحب

  15. جعفر الاردن
    03/09/2010 at 20:55

    انت في عمر صغير وستتغير مشاعرك لما تكبري وستجدين ان ما كان ليس حب تريثي ونسي موضوع الحب هسه سلامي لك

  16. المصرى الاصيل
    03/09/2010 at 17:21

    انتى لسه صغيره على موضوع الحب و لسه بدرى على ان يكون فى مشكله حب فى حياتك انتى عايزه تلعبى مع ابن خالتك و المبرر الحب اعملى الصح و اللى انتى شايفه صح و خلى بالك على غزريتك احس تفقديه

  17. حاتم
    03/09/2010 at 17:04

    تاكدي من احسساسك تجاه لان هذه المشكله تخصك ولا نستطيع نفرض ارائنا عليكي لذلك هل انتي تميلين له ؟؟هل معجبه به هل تريدين الارتباط به اطرحي هذه الاسئله على نفس وبعد ذلك قرري ؟؟ ارجو اني قد افدتك

اترك رداً أو حلاً لهذه المشكلة