السلام عليكم…انا شاب عمرى 23 سنه.. مشكلتى غريبه جدااا ومش لاقى ليها اى تفسير….. أنا ليس لي اصدقاء و ماليش أصحاب…وحاسس انى مافيش حد بيحب يصاحبنى….مع انى والله اخلاقى عاليه الحمد لله وطيب ومظهرى كويس جدااا ووسيم والحمد لله بدون غرور….مثلا .لما اكون واقف مع شباب من قرايبى …تلاقيهم بيتكلمو مع بعض وماحدش يتكلم معايا؟؟!قليل اوى….وعلى فكره ده دايما بيحصل مش مره ولا اتنين…. …..مع انى والله يمكن احسن منهم كتفكير…والله ده مش غرور بس ده حقيقى…ومثلا لو عدى علينا صديق لواحد منهم تلاقيه بيسلم عليه طبعا ويتكلم معاه ويتكلم مع قرايبى التانيين الا انا!!!!يعنى يسلم عليا بس انما لا يبصلى ولا بيكلمنى…..صدقونى دى مش وسوسه….ولا انا فيا حاجه غلط تستدعى لكدا…..بس انا مستغرب جدااا…فقدت ثقتى بنفسى….وحتى ايام الجامعه كده بردو لما اصاحب حد مثلا…يوم ولا اتنين احس انه مش عايز يكلمنى…طب ليه؟؟!!! والله انا مظهرى كويس جدا وكلامى كويس واخلاقى عاليه وشكلى جميل الحمد لله……طب ليه كدا بقى؟؟……وعلى فكره ده على طول بيحصل معايا من سنين طويله……ونفسى اعرف ليه كدااا؟؟؟وانا لا شخص تقيل ولا حاجه ودمى خفيف والله وبهزر وقت الهزار وبتكلم جد وقت الجد….مش منافق ومش كداب….يعنى مافيش فيا صفات تستدعى ابدا لكده انا عارف انها مشكله غريبه جدااا…بس اتمنى منكم لو سمحتو تحاولو تقولو رأيكو يمكن اكتشف من كلامكم حاجه جديده احاول اوصل منها لحل…أسف جدا انى طولت عليكو….والف شكر
هموم الشباب
ليس لي اصدقاء والجميع ينفر مني
اضيف بتاريخ: Friday, March 23rd, 2012 في 17:39
كلمات مشاكل وحلول: شاب, مشاكل الشباب, هموم الشباب
السلام عليكم ورحمة الله وبركاته
معك اخوك خالد من المملكه العربيه السعوديه، والموضوع له فتره من الزمن لكن في نفس الوقت لفت انتباهي. وحاب اشارك.
انا من نفس الفئه الذي يعاني منها صاحب المشكله لكن يوجد اختلاف بسيط نوعا ما وممكن قد يكون اني املك حس قوى تجاه الغير بحيث استطيع التواصل مع اي الشخص بدون تردد ولا توجد مجاملات ولا اي عواقب مردوه مني.
اقصد بالاختلاف قد يوجد لي العديد من الاصدقاء لكن لاتوجد الثقه العمياء لكي اشارك معه الفرح والالم، واعتقد هذا مهم بالنسبه لي او بلغة اخرى ملم بشمل الاصدقاء خصوصا بالمشاركه العامه. وهنا تاكدت اني اميل للوحدة او العزله ولست صائبا في ذلك لكن اكتشفت ذلك بعد ما انتقلت من الحياة الدراسيه الي الحياة العمليه.
طبعا في اي دائراه عمل يفضل العمل الجماعي لتكمله بعضهم لبعض وهذا سبب نجاح ليس افراد فقط بل دول متقدمه. طيـــــب، لماذا تكتشف انك لا تميل الي العمل الجماعي مع العلم لدي جانب اجتماعي ماذا يعني لي ذلك؟
١- تملك ذكاء كافي ولديك القدرة لتحمل اي مسؤليه.
٢- بما انك اجتماعي خارجيا وانطوائي داخليا يعني انك مزدوج الشخصيه وغالبا تكون علاقاتك غير مكتمله نسبيا.
٣- ليس بالضروري تكون شخص محبوبا من الكل ربما لديك العديد من المواهب التي قد تبعدك عن العامه.
٤- قد تكون محبوبا من الدرجه الاولى لدي البعض لكن صعب البوح لك بذلك وهذا مردود الي شخصيه صاحب الراي نفسه.
٥- ممكن قد يكون ضعف المواجه لاي سبب مناضل من لدي.
لست ادري مع العلم كل هذه اجتهادات وانا ابحث عن السر حتى وصل بي الامر اني بدات اشك بان يوجد تدخلات من خارج المحيط النفسي من مجموعه ليس لدي القدرة بالتواصل معهم، حتي ان كان لدى شك بنسبه ١٪ وتعتبر نسبه معقوله لدي بحيث لا يحصل انجراف في مخيلتي او التشويش (لاحظ اقنع نفسي قبل ماقنعك بكلامي) حتى ان كانت النسبه اكثر لكن اضع خطوط حمراء لكي لا انجرف مع السيل.
اختم مشاركتي لكم واقصد به العامة وصاحب طرح المشكلة بان ليس لدي غير ان اشغل نفسي باي شي حتى ان كان شي تافه قد اصنع منه اشياء قد تفيد مع الزمن وهنا نصائح للكل، لا تستسلم للعامه لان في الغالب قد تكون ضحيه لديهم، اعتبر نفسك واحد من عامه البشر لك راي خاص بك ولك شخصيه خاصه بك وليس بالضروري تعجب الكل وليس ايضا الكل يعجب بيك ان صادفت واحد فقط في حياتك وتبادلت معه لحظات جميله اعتقد انها تكفي لزرع حياة مفيده في حياتك. في بدايه كلامي كنت اقول ابحث الثقه العمياء والان اشارك همومي مع اكبر غدار في هذ العالم وهو “البحر” لماذا؟ لان يعتبر نوع من التحدي بالنسبه لدي وذلك لمواجه كل ماهو جديد من حلو ومر.”التفائل”.
السلام عليكم
انا مشكلتى زيك بالظبط ان انا عندي ثلاث اصدقاء احس انهم بيكرهونى
ومش بيحبونى بس وكانى كماله عدد انا اتعرفت على الاول وهو اعز اصدقائي ولما بنمشي بعييد عن الاتنين دول بنبقي زي السمنه على العسل
ولكن لما بنمشي معاهم التلاته بيعدوا يستهزؤو بيا ويهنونى. ولانى مش برد عليهم وباخد الكلام بهزار وخلاص بس دا من جوايا بيوجعنى جدا
وحاولت ابعد عنهم بس مقدرتش لانى بحس انى لو بعدت عنهم مش هيكون عني اصحاب ارجوكم ساعدوني انا تعبت
يخوي نصيحه مني ضل وحدك احسن الاصحاب بتجيبلك المضره انا صاحبت ناس مالقيت من وراهم غير المصايب انا متندم لان تعرف ع ناس اصلا اخوي ضل وحدك ولله احسن من وجع راس
انالا صديقات لي وعلاقات بالناس سطحية ليس لانني اريد دلك ولكن لا اعرف كيف اتواصل مع الناس.وهدا سبب لي الوحدة والعزلة والالم النفسي.والحل في يد الله وحده.والله لن يغير مابنا حتى نغير ما بانفسنا.
اهم شيئ الثقة في النفس، ولا تفقد الامل في وجود الصديق المناسب لشخصيتك ، حاول تنمية قدرات التواصل مع الاخرين بان تكون مستمع جيد، 55 % من التواصل عن طريق لغة الجسد يعني ان تدي احساس بالاهتمام لكلام المتكلم حتى لو كان ممل ومتقاطعهوش، ابتسم دائما وتقرب الى الله وانشاء الله يوفقك للصديق المناسب ويحبب خلقه فيك.
السلام عليكم
انا بردوا مليش اصحاب وعلاقتى بقرايبى ضعيفة جدا
بس المشكلة هى ان طريقة التفكير مختلفة يعنى فى اوقات كتير بيكونوا بيهزروا بس انا بشوفها تريقة على شخص معين او استهانة بحاجة مهمة زى حاجة دينية مثلا فبيكون رد فعلى اما الصمت او فى اتجاه معاكس
انا اوقات بحس انى مميز بس الناس حوليا شيفنى كداب راى سخيف
الموضوع ده قلب معايا بانطوائية لابقيت حابب اتعامل ولا اتكلم مع حد
– قرب من ربنا اكتر (( إذا أحب الله تعالى العبد، نادى جبريل، إن الله تعالى يحب فلاناً، فأحببه، فيحبه جبريل، فينادي في أهل السماء : إن الله يحب فلاناً فأحبوه، فيحبه أهل السماء، ثم يوضع له القبول في الأرض ))
وزي ما الناس بتقول “اللي يحبه ربه يحبب فيه خلقه”
– حاول تساعد الناس يعني لو لقيت حد في مشكله او محتاج شئ تسارع في مساعده والناس بتحب الشخص الخدوم
– اتكلم مع كل الناس بجميع طبقاتهم ومتتكبرش علي حد لأن كل انسان هتاخد منه خبره في حياتك واللي متحتاجش وشه النهارده بكره تحتاج قفاه 😀
استاذ MUS….انا لما قولت وسيم والكلام دا قولته لسبب واحد…ان يعنى مافيش حاجه تستدعى لكدا…يعنى انا مش وحش او فيا حاجه وحشه عشان الناس ما تحبنيش…الناس يعنى اللى تفكيرهم بالطريقه دى…مش قصدى غرور ابدا كما ذكرت فى المشكله…شكرا لك
اسمع يا اخى هما كلمتين من أصلح ما بينه و بين الله أصلح الله له ما بينه و بين الناس و من أفسد ما بينه و بين الله أفسد الله ما بينه و بين الناس .لاتقول انا افضل منهم و سيم كذا و كذا قوي علاقتك مع الله عمر وقتك بالطاعة عبادة إخلاص عمل .و سوف ترى الفرق
بعد غياب لفتره شبه طويله عن دخولى للصفحه دى…..بشكر جدا جدا كل واحد فيكو بالاسم وبجد انتو افدتونى كتير جدا وعرفتونى حاجات انا ماكنتش واخد بالى منها بخصوص مشكلتى……وياريت..والله ياريت اعرف ناس زيكم كدا لانو من كلامكم الجميل دا انا اتمنى انى اعرف ناس جميله بالشكل دا……والف شكر لكل شاب وبنت شاركونى المشكله دى اللى مسببالى او اللى كانت مسببالى الم نفسى كبير اوى من سنين طويله…………وخلاااااااااااص الحمد لله وصلت لحلول للمشكله دى بفضل ربنا ثم فضل أرائكم الجميله من خلال قرائتها وتفهمها……..وبالنسبه للدكتور (سامح)…رأيك ده فعلا هو أصح رأى…وانا اكتشتفت كدا فعلا…مع انى زعلان والله ان كتير من الشباب بيشوفونى احسن منهم…..واحترامى الشديد والله لكل الناس التانيه اللى هنا والاراء الجميله اللى استفدت منها كتير ……..أما انا هافضل زى ما انا……بحب كل الناس وماليش غير ربنا هو يغنينى عن كل شىء فى الدنيا…………..ربنا يخليكو يارب…….عمرو
خليك مع ربك وادعي وهو دايما معاك وحاول تخليك من النوع الي بيهزر كتير وحسس الناس انك بتحبهم
انا مشكلتي اكبر من مشكلت انا عندي 24 سنة ومليش ولا صاحب دة غير ان قاريبي مش بيكلموني زي الاول بس علي الاقل انا عارف السبب..السبب هوة اني لسة محققتش ذاتي وكياني في شغل يفيد الناس ويفدني
مشكلتك دي عشان انت محترم وابن ناس.بعدين اللي بيتجاهلك بيبقي حاسس من جواه انك احسن منه.خلي ثقتك بنفسك وفي ربنا كبيرة.وصاحب الي شبهك عشان متتعبش
بص يابنى انا زيك تمام انا الناس بيخافوا يكلمونى لانى هادى وفيه اللى بيقول انى انطوائى ما باحبش اتعارف على حد بس صدقنى انا باتعرف عادى يعنى بس بعد هما بينسونى وفيه اللى بيقول عليا انى تنك وشايف نفسى مع ان اللى يعرفنى كويس من جوا يقول غير كده بص يا حبيبى حاول انت تتعرف على الناس وتبذل جهد معاهم وتساعدهم عشان يعرفوك واكيد حتلاقى اللى زيك وفعلا اعمل بالنصيحه ده طنش اللى يطنشك واهتم باللى بيهتم بيك ولو انت هادى او انطوائى حاول تفتح على نفسك شوية واكيد ربنا حيساعدك يارب :)) انا عارف انها حاجه صعبه وحاول تقرب من ربنا وادعى
اخى من خلال ما تحدثت به امامنا استطعت ان استشف مشكلتك و ايضا كانت مشكله عندى انك مستنى غيرك انه يتكلم معاك بمعنى اعم انك مستنى رد الفعل بدون اى فعل لان لكل فعل رد فعل كما تقول القاعده ثانيا اوصيك باختيار الصديق الصالح المتدين المتوافق مع طباعك وتفكيرك والله اعلم
استاذ احمد عمر الغرور ما كان ميزه….شكرا لك
انا عندي نفس الكلام الي انت بتقولو دا بالظبط تقريبا بس الفرق بيني وبينك انك حاسس انك مش مغرور انما انا عارف اني مغرور وشايف ان دي ميزة مش عيب هي دي ضريبة الاختلاف انك تكون لوحدك ودا لان فيك شيء مميز ايه هو الله اعلم بس هتكتشفه في يوم من الايام انا شخصيا بكتب مقالات وبالف كتب وبحتفظ بيها لنفسي وعندي مواهب كتيره لكن لا احب ان اعرض مواهبي للبيع فالممثل ما هو الا شخص يقوم بتسلية الناس وكذلك لاعب الكره لكن الاغبياء ينظرون اليه نظرة تقديس وكأنه يفعل مالا يفعله غيره في حين انه شيء لا يذكر تعايش لوحدك يا معلم دي هي دي احسن حاجة في الدنيا لو بصيتلها على انها ميزه هتشعر بانك نفسك تفضل وحيد ولو بصيتلها على انها عيب ممكن تنتحر
والله انا مش مغرور ابدا بالعكس….انا متواضع اوى الحمد لله ومع اى حد مهما كان……ولو هو شايفننى مغرور ده مش ذنبى….يعنى البس وحش يعنى والخبط فى نفسى عشان ابقى وحش واعجب الناس؟؟!!!! وحكايه انى اعرف بنات والكلام ده مستحيل….لانى متدين الحمد لله وبخاف ربنا….وعندى اخوات بنات وكما تدين تدان………..وشكرا لرأيك
والله انا فكرت فى كدا بردو…بس ده مش ذنبى….انا عمرى ما كنت مغرور بالعكس انا متواضع اوى الحمد لله…….بس ليه انت بتحس فى اى حد شكله كويس بانه مغرور؟؟!! ده فى مثل بيقول (انت عارف فلان؟؟أه عارفه… طيب عاشرته؟؟ لا ما عاشرتوش…يبقى انت ما تعرفوش)……..وحكايه انى اكلم بنت والكلام ده مش طريقى خالص….لانه حرام وانا عندى اخوات بنات اخاف عليهم…وكما تدين تدان…يمكن كان الاول وكان فى حدود الاجترام…انما دلوقتى ابدا ومش هيحصل ان شاء الله……………وشكرا لرأى حضرتك
بالصفات الي انت فيها دي تخلي الناس الي بتشوفك يحسوا انك مغرور و أعلى منهم يعني أنا على سبيل المثال لما اشوف واحد وسيم بحس أن أنا مش عاوز أكلمه لأني بحس فيه بالغرور حتى لو هو مش كده
الناس بتحب تتعامل معاك من بعيد بس لاكن بيخافوا يدخلوا معاك في علاقات عميقة
والدليل على كلامي حاول أنك تكلم بنت فتلاقيها تتعلق بيك ومش هتسيبك
اشكركم جدا على ارائكم الجميله……وصدقونى بجد كل اللى انتى بتقولوه ده انا بعمله…..وانا لا خنيق وبتكلم دايما معاهم ويكل احترام..متواضع….ما بقلش ادبى على حد…هزار وقت الهزار وجد وقت الجد…..مش رخم ولا تقيل……فى حاجه غلط؟!!! فى حاجه انا مش عارفها……فى حاجه انا ما قولتهاش…تعرفو ان الناس الكبيره بتحبنى جدا؟؟!!! سواء قرايببى…او فى المسجد….او الجيران والمعارف……انما الشباب اللى من سنى او اكبر او اصغر….بحس انهم بيبعدو عنى!!!!……لو حد طلب منى طلب والله ما بتأخر طالما فى امكانى………………..نفسى اعرف فى ايه………ياااااااااااااارب
انا رح قلك نصيحة انا بعمل بيها اولا عندما تكون مع اصحابك يجب ان تحاول الاندماج معهم وشاركهم في الحديث ولا ترهم انك ممل او غير دلك
لازم تورجيهم انك محل ثقة ليحكو برحاتهم معاك او قدامك و حاول ان تعرف محاور اهتماماتهم مشاكلهم حاول ان تكون سندا لهم ولا تبقى ابدا ساكتا افتح مواضيع الحديث ادا عملت بهي النصائح انا واثقة انك رح تشوف النتيجة
هههه سبحـان اللــه انا زيك بالظبط يامعلم بس انا 18 سـنة
بس خلي بالـك انا مابتفرقش معايا الحكاية دي قد كدهـ
يعني خليك زي نفض للي ينفض لك واللي يهتم بيك اهتم بيه وشيله فوق دماغك
هو كدهـ وبرهـ المعاملة الحلـوة وخفـة الدم والاحترام والذوق كل دي عوامـل مهمـة
وربنا معـاك
اوك انت عم تلاقي الشخص الغلط البعيد عن شخصيتك يعني ممكن الشخص الي بتحاول تتعرف علية يكون من بتوع السهر و انت ما بتتلائم معو و هيك و على و صفك لنفسك ممكن تلاقي ناس تتلائم مع شخصيتك بغير الجامعة و الحارة ممكن العاهد الدينية
انا بشوف يا اخي انك تبتدي السلام وتتقرب لاصحابك مش غلط لو تناقشتي معاهم كلهم في للحظة وحدة وقلهم شو بتحس وشو بدك والهم انو شو عمل غلط معاهم مشان هما بيبعدو عليك وكون واثق من حالك ولا تخاف من حدا واسمع الجواب منهم ممكن هما لاحظوا شيء ما بتلاحظو انت فحالك و انشاء الله بترجع الامور على احين حال.وخد بنصيحة الكل الي ردو عليك كل نصائحهم في محلها و بتساعدك.
السلام عليكم .اخى انت اللى شاغل نفسك مين صاحبك ومين متغير معاك لو تجاهلت كل اللى انت قلتة هتلاقى نفسك مرتاح وصدقنى الصحابية احيانا بتكون ضد الشخص وبيدخلوا مع بعض فى حوارات ممكن شخصيتك اللى انت بتقول انك مش منافق ولا كداب متنفعش معاهم واكيد فى حتى لو شخص واحد متقارب معاك وشخصيتكم متقاربة يكون كفاية عليك واحسن انك تدور على بنت الحلال اللى تكون ليك صاحبتك وزوجتك وتملى بها حياتك احسن من الاصحاب
شوف بكل بساطة هقلك لو مجرتش ورا الدنيا هيا اللى هتجرى وراك انت مكنتش هتحس بالمشكلة دى لولا انك حاسس بالنقص فنفسك وصدقنى لما فعلا تبقى متاكد انك تقدر تعيش لوحدك هتلاقى الاصحاب كتير حوليك لان الاصحاب البجد بيحبو الانسان اللى واثق من نفسه ويقدر يعيش من غيرهم
اكيد انت مضايقهم او بتغلس عليهم انا كدة بردة محدش بيحبنى فى مدرستى والله نفسى اعرف ليه ومش بيحبوا يتكلموا ولا يتعرفوا عليا خالص معرفش ليه؟؟؟؟؟؟؟؟؟ ولا يمشوا معاية فى الفسحة نفسى اعرف ليه بس انا طيب وزوق واخلاقى حلوة والله ومش بزعل حد فيهم وبهزر معاهم وبتكلم معاهم عادى بكل ادب بس هما مش بيكلمونى معرفش ليه؟؟؟ اسف اللى انا طولت عليكم شكرا والسلام عليكم ورحمة الله وبركاتة
مش غريبة ولا حاجة في حاجة اسمها جاذبية فيالشخصية او الشخصية الجذابةودي مش عند ناس كتر وفي ناس كتير برضو زيك لما تشتغل هيبقي ليك كيان وهحتاجلك الناس وعلي فكرة حاجة الناس ليك هيا اللي تخليهم يدورو عليك ويقربو منك شوفانت بقي تكون شخص مميز وعندك اللي بيحتاجو الناس ازاي واعمل كدة والامثلة كتير مش شطر فيالشغل ممكن تبتكر طريقة لبس لمظهرك جميلة هتخلي اللي حواليك يسألوك مثلا عملت كدة ازاي او جبت دة منين وممكن تكون فني في شغل معين وليك لمسات خاصة مفيش حد عندو مميزات الناس بتبعد عنه وعلي فكرة ولا موشوع شكل ولا اخلاق ولا حتي ريحتك ايه الموضوع باختصار انت عندك ايه بتحتاجه الناس منك حتي لو كلمة اتمني تكون وصلت انا عايز اقولك ايه
حاول تكون اجتماعى وتقرب انت منهم وتتكلم معاهم وتندمج في الحوار وياهم وشوف بعد كدة رد فعلهم ايه
صوفا….لو تسألينى ايه اكتر صفه بتكرهها فى البنى ادم…اقولك الغرور…بالعكس انا الحمد لله متواضع جدا……..بس بجد رأيك جميل…ونقطه انى ابدأ انا بالسلام والكلام فكره كويسه ماكنتش فى بالى قبل كده….وهحاول اعمل بيها ان شاء الله وشكرا ليكى………..منى وخالد الكفراوى… ازاى بس اتكلم مع الناس بنفس كلامهم؟؟! ده يبقى نفاق…انا شايف والله ان طريقتى كويسه فى الكلام والتعامل….يبقى خلاص…الناس مالهاش عندى الا المعامله الحسنه….سواء الانسان الكويس او الوحش….وشكرا ليك
علي فكرة اناكنت بحس بكده احيانا واناوسط اصحابي يعني مش لوحدك بس والحمد لله الشعور ده راح عارف ليه لاني ممكن اكون اتغيرت شويه بمعني تشوف حد كلم اصحابك وماكلمكش كلمه انت فخيركم من يبدا بالسلام وهزر معاه وحسسه انك شايل التكليف بينكم من اول مره تكلمه فيهاوبكده هيعرف انك متواضع وروحك حلوة وبتحب الناس فبالتالي الناس هتحبك وهيتمنوا يصاحبوك ويتكلموا معاك لانك ببساطة هتكون شخصية جذابة وعلي فكرة انا اعتقد انهم بيعملوا معاك كدة لانهم بيحسبوا انك انسان متكبر جرب الطريقة ومش هتندم ومتخفش دى كلهاامور طبيعية وبتحصل للجميع
صدقنى والله زى ما بقولك كدا….انا حاولت اجمع مليون سبب لكدا ومش عارف ابدا….طيب ماشى لو حد قريب منى وبيعمل معايا كدا ممكن اقول انه زعلان منى فى حاجه مش حاببنى عشان حاجه معينه…كدا مثلا………انما لو واحد اول مره اشوفه وعدى عليا انا واتنين قرايبى مثلا يعرف واحد منهم بس…تلاقيه يتكلم مع قريبى ده والتانى بردو اللى هو اول مره يشوفو…وانا ولا يبصلى حتى!!!!!!!!!! نفسى افهم ليه…ده اول مره يشوفنى واول مره اشوفه!!!! ليه كدا مش عارف…والله انا هتجنن
بصراحه مش مهم الناس المهم انت شايف نفسك ازاي وياريت تحاول انت تكالم اللي حوليك وتصاحب وتشوف اصحابك بيتكلمو ازاي واتكلم بنفس كلمهم يمكن ده اللي مخليهم بعيد عنك بس لازم لازم متكرهش نفسك عشان اي حد وربنا معاك ويصبرك
كلامك ده مستحيل يكون..
لأن الصفات اللي بتقولها دي هتخليك أنت اللي مش طايق الناس من كترهم..
راجع نفسك كويس أكيد في غلطة..