انا كنت مخطوبة لمده سنتين ونص لشخص كنت عارفاه من على النت هو مش مصري بس مامته مصرية كان المفروض خطوبتنا تكون سنة واحده بس سبحان الله كان ديما حاجة واقفه في الطريق تأجل ان في بلده كل اما يقدم طلب زواج لا يترفض ولا يتقبل الطلب بيضيع وبيقدم من الاول تاني والغريب انه هو الوحيد اللي حصل معاه كده ما علينا هو كان اول الخطوبة بيعاملني كويس جداً وكنت عارضت اخواتي عشان كنت عايزاه انا والدتي ووالدي متوفيين بعد الخطوبة بكام شهر بدأ يعاملني معامله سيئة جداً لانه طبعه غريب بيستغل اني بحبه ويضغط على اعصابي لانه عارف انه لو جه صالحني بسامحه ببساطة وبقى يتطاول عليا بالفاظ سيئة بحجة انه عصبي وانه متعصب من الاول وانا كلمته وهو زعلان استحملته كتير جداً لاني كنت بحبه بس كنت بستغرب ليه بيعاملني كده مع اني بحبه وبحاول ارضيه بأي شكل مبخرجش اروح اي مكان الا لما ابعتله رسالة ويرد عليا موافق او لا رغم انه في بلد وانا في بلد تانيه مع معاملته السيئة وصلت لمرحلة اني بقيت اكره الكلام معاه عشان موترش نفسي وانكد على نفسي كان بيستمتع لما بيزعلني ويخليني اعيط معرفش ده مريض نفسياً ولا انا اللي غلطانه اني ببينله مشاعري اوى بقى يستغل ده فيا تعبت جداً منه وقررت انفصل عنه وقولت الاحسن اني اعيش في بلدي مع اخواتي لاني ببساطه بعد الفتره دي حسيت اني مش هحس ابداً بأمان معاه في بلد تانيه كمان لوحدي بعيد عن اهلي من شهرين اتفقنا كل واحد يروح لحاله هو في غرور مش طبيعي لما قولتله نسيب بعض قالي انتي هتندمي مش هتلاقي حد زيي انا كتير يتمنوني من حوالي 10 ايام ابن عمي جوز اختي جايب عريس يعرفه قال شاب متدين ومن كام يوم جه البيت هو واهله واتعرفت عليه بس ملتحي ودقنه كبيره اوى هو فضل يبصلي ومبتسم بس متكلمش معايا ولا كلمة هو عمره 28 وانا 21 مناسب اكتر حتى من اللي كان خطيبي عنده 31 سنة هو كان واخد باسبوري واوراق ليا علشان يقدم الطلب اللي كان عاوزه اختي قالتله ابعت الباسبور بتاعها والورق وعرف منها ان في واحد متقدملي لقيته فضل يتصل عليا رديت ولقيت صوته معيط وبيقولي ارفضي العريس انا مش ممكن اتخيلك مع اي حد غيري صوتو اثر فيا لاني اول مره يكلمني وهو بالحالة دي وقال انا هقدم الورق من الاول ولو منفعش في طريقة تانيه وفضل يلح عليا وانا بصراحة مش عارفه اعمل ايه اسامحه بعد كل اللي عملو فيا ده ولا اقبل الشخص اللي ابن عمي جايبه لسه متكلمتش معاه وقلقانه انه يكون متشدد اوى وطلب اني البس النقاب بعد الجواز .آسفه طولت عليكم
