انا ا*** متزوج من 8 سنوات لدى طفلين تزوجت زواج تقليدى من فتاه متعلمه جامعيه من اسره متوسطة الحال مثل اسرتى حدث بيننا مشاكل على كل شىئ بمعنى كلمة كل شىء وكنت اقول سبب هذه المشاكل اختلاف الطباع وعدم التكيف مع الحياه الجديده وان شاء الله الحال هيتغير وظل الحال على ما هو عليه وعند الرجوع الى اهل زوجتى لا اجد رد حازم وان الحكايه كلها بتنتهى عند هى متقصدش او انت المفروض مكنتش تتصرف معاها بالشكل ده وحاجات من هذا القبيل الى ان جائتنى فرصة عمل فى احدى دول الخليج سافرت لمدة 18 شهر بدون الزوجه لمعرفة الوضع ولكى اشعرها بفراغى واهميتى وقلت ان المشاكل هتتحل لان ربنا كرمنا خاصة ان كان رتبى ضعيف قبل السفر كشاب مبتدأ حياتى وعملت استقدام وجبتها معايا ولكن المشاكل هى هى وهذه المشاكل عباره عن
مشاعر جافه جدا انا اعانى من الوحده والفراغ النفسى والعاطفى والجنسى صوت عالى عدم اهتمام ببها اللى بيقدر ياثر عليها النديه والرد عليا فى كل شىء عندها استعدا د للطلاق وتربية الاولاد بعيد عن الاب الدنيا كلها اهم منى عندها ودى مش عدم ثقه بنفسى لاء عشان انا بشوف معلملتها مع صحبها وجيرانها مع ان انا اللى المفروض اكون اهم واحد عندها غير مشاكل الاكل والشرب والغسيل وتربة الاولاد
فى بعض المشاكل مديت ايدى عليها وطبعا غضبت وراحت عند اهلها وعملنا قاعدة صلح والموضوع خلص ولكن مع كل مشكله لازم طبعا تجيب الشريط من الاول وكأن الصلح اللى كان بيحصل مكنش ليه اى لازمه غير طبعا انى على مدار ال8 سنوات انا اللى بصالح وادادى عشان البيت يمشى
جربت معاها الهجر والضرب والذجر وكل شى مفيش حاجه بتاثر معاها بحس انها جامده جدا
وجه اعترضها عليا هو انى بعلق على كل حاجه يعنى هى عاوزانى مفتحش بقى بشىء لقيت اكل لقيت ملقتش مش مشكله البيت مرتب مرتب مش مرتب مش مشكله وهكذا ولااجد فيها حنيه او كلمة دلع او انها تهون عليا من ضغوط العمل والغربه او (ان هذه الاشياء موجوده بداخلى انا فقط وغير موجوده فى الحقيقه ) وان الاسلوب الجاف اكتر شىء تعبنى
اعتراض على شغلى واننى انسان غير اجتماعى وعلى طريقة تربيتى
وانا نظرتى للامور غير نظرتها انا مقدر المسئوليه اللى عليا والطلبات اللى مطالب بيها انا بشتغل قطاع خاص والقطاع الخاص مبيرحمش وشغلى لمدة 12 ساعه يوميا وعلى قدر المستطاع بحاول افسحها او نتغدى بره البيت يعنى انا انسان عادى
انا رومانسى جدا وعاطفى وبعض المواقف اللى عملتها عملتها غصب عنى لانها بترد عليا وكمان بصلى وحجيت وغير مدخن
والان لايوجد حياه بنا وهى مصره على الطلاق وانا اشعر بحالة ملل ولا استطيع ان افعل اى شىء
مادا افعل وشكرا
اذا ارت الاستفسار عن اى شىء ارجو مراسلتى
مشاكل الازواج
مرار وملل من زوجتي وهى مصره على الطلاق
اضيف بتاريخ: Saturday, November 16th, 2019 في 20:28
كلمات مشاكل وحلول: الطلاق, فتاة, متزوج
راجع نفسك انت تنظر من منظورك اذهب للازهر وكلمهم خليهم يتصلوا بالزوجة ويقعدوا معاكم في لم شمل الاسرة هاترتاح
شوف يابن الناس خلي عندك كرامة وطلقها من غير شوشرة لانها فعلا ماتحبك ولا تقدر الحياة الزوجية كل تصرفاتها معاك توكد ذلك وليس الطلاق نهاية العالم بل هو الحل الوحيد لمثل مشكلتكم دي واولادك من حقك تشوفهم في أي وقت ولاحد يحرمكم من هذاالحق عش حياتك وربنا بيكرمك بابنة الحلال اللي تستاهلك وتقدر مشاعرك وتسعدك بقية حياتك