احببت قريبة لى منذ عشرسنوات وتمت الخطوبة وكان باقى حوالى ثلاثة اشهر على الدخلة ولكن لم يحدث نصيب بسبب تسلط امها وتزوجت من اخره طيبه جملية نظافه ورزقنا الله با ثلاثة اطفال
ولكنى لم انسا يوم خطبيتى الاولى ورغم ذلك لم اقصر مع زوجتى واولادى فى اى شىء
ولكنى احس ان مجرد التفكير فى خطبتى الاولى خيانة لى زوجتى
فا ماذا افعل حتى اتمكن من نسينها
يلي بحكوا للزلمه انسى
طيب هو بده ينسى
بس كيييف!
الشغله مش بهل بساطه
وما تعرف هذا الشيء الا اذا جربته
اتقرب من زوجتك واولادك واتقى الله فيهم لان دول المفروض يكونو عندك بالدنيا
يبدو انك انسان عاطفى جدا..حاول توجه مشاعر الحب تجاه زوجتك..واحمد ربنا انك محظوظ بزوجتك وانها تستاهل الحب
انا حصلت معايا نفس مشكلتك … وهقولك من الاخر
لو كنت اتجوزت خطيبتك الاولانيه دي كان ممكن تخلي حياتك كلها تعاسه
وكم من محبين ارتبطو بعلاقه حب سنين طويله واتجوزا وانهار زواجهم سريعا
اسباب نجاح الحياة الزوجيه اخر حاجه فيها الحب
فاحمد الله على ما انت عليه وانظر لاولادك …
النسيان مش كلمة تتقال يعنى انا نسيت يبقى خلاص لان الحب الاول الصادق قوى جدا يختلط بدمائنا بس حاول انها متأثرش على حياتك الاسريه ولا تفرط فى التفكير فى حبك السابق ربما يذهب عقلك مثلى وربنا معانا جميعا
حاول تحب زوجتك اكثر من ذالك لان كده انت مبتحبهاش وكان بتظلمها معاك وعلي فكره ممكن تكون خطبطك الاولنيه نسياك تماما وبعدين لما انت لسه بتفكر فسها سبتها ليه من الاول وعشان خاطري بلاش كده وحط دايما في عقلك ان مراتك احسن زوجه في الدنيا علشان ربنا يباركلك فيها
اخى الكريم اخلص لزوجتك ام اولادك وانسى حبك الماضى لان ما بقاش ليه فايدة
ربنا الحمد لله مخليك مستقر فى حياتك ..احمد ربنا على نعمة الاستقرار .. ومحدش يعرف الخير فين
جايز لو كنت اتجوزت اللى بتحبها مكنتش هتكون سعيد معها وممكن تكرهوا بعض بعد كدة
انا عايز اقولك ارضى بنصيبك وحب زوجتك ام اولادك
المفروض تحمد ربنا الف مره على اللى انت فيه وتحمد ربنا على انه رزقك بزوجه محترمه وفيها مواصفات كويسه ذى ما انت بتقول وانه رزقك بالاطفال
وتاكد ان لو كان حصل نصيب بينكم مكنتش هتفضل تحبها كدا ولكن عشان احنا بشر وطبعا الممنوع مرغوب