مشاكل الزواج الثاني

مشاكلي بعد الزواج الثاني و الزوجة الثانية

السلام عليكم بالله عليكم كل الا يقراء مشكلتى يرد عليا لعلا اجد من وسط حلولكم حلا ارتضيه واكمل على اساسه حياتى انا تزوجت فى سن 19 سنه كنت على قدر من الجمال بشهاده الجميع بس مكنش عندى اى تجارب فى الحياه تزوجت زواج صالونات بس فى الاول مكنتش موافقه عليه بس اهلى اقنعونى بيه وفعلا تزوجته وعشت معه عشر سنوات كنت انا المسئوله عن البيت وهو دايما كان مورطنى فى ديون انا كنت بشتغل وسد ديونه واجرى وراه فى بالوى كتير يستلف وانا اسد وفى الاخر اكتشفت انه بيمشى مع ستت ويصرف عليهم فلوسى وشقيا وسرقنى اكتر من مره فى الاخر طلبت الطلاق وفعلا اطلقت وسبلى تلات اولاد وراح اتجوز انا عشت باولادى وكنت بشتغل صبح وليل علشان اقدر اعمل حاجه لاولدى وفعلا انا اشترت شقه وفرشتها وقعد فيها انا وولادى على مدار ست سنين لم اجد فيها حد جنبى غير ربنا الحمد لله لما كنت احتاج حاجه اروح لماما بس لالاسف كانت مبضرتش تدينى حتى فلوس سلف وكانت لما تلاقنى طلعه انا وعيالى تخبى الاكل وتكشر فى وشنا فكنت اخد عيالى وامشى اتكرر ده كتير بعد الطلاق كانت على طول تقولى روحى للضحك عليك وخد فلوسك المهم مبقتش اروح عندها علشان مسمعش كلامها الا بيحصرنى على حالى اخواتى كل واحد فى حاله انا ست ومحتاجه احس انى ست بعد ست سنين حسيت اتى محتاجه احب واتحب انا عندى 35 سنه اتعرفت على انسان محترم بس هو من بلد وانا من بلد قالى انه هيسعدنى ويعوضنى الا انا عشته بس هو كان متزوج ومراته تعباه وهو حسسنى من كلامه انه راجل قوى وكلمته وحده وقالى يوم ما هتعرف انى اتجوزت وخيرتنمى انا هخترك لانك هتكونى معملتيش حاجه وانا كامتى وحده هو صعيدى وانا كنت محتاجه احس بالامان وكنت محتاجه فى راجل بجد بس لالاسف بعد الجواز اتتضح انه بيترعب من مراته بس انا مربيلى الرعب بخاف منه لانه بعد شهرين جواز ضربنى ضرب مبرح بدون سبب هو بيقولى انتى اعطيتنى الا مفيش ست اتدهونى محترمه وبتسمعى كلامى وعارفه قيمت الزوج وبتدىه اكتر من حقه والله قالى كده وكان نفسى اقول ليه طب ليه انت معايا كده على فكره انا بقالى سنه متجوزه لم ياتى لى غير عشر ايام واخر تلات شهور بيجى يقعد ساعتين ويمش مش بحس انى مراته ببقا عايز اتكلم معه مبيدنيش فرصه ببقا عايز اقول محتاجه ليك مبعرفش انا بحبه بس هو عامل يموت الحب الا فى قلبى ليه حتى لما بيكلمنى دقتين اصلا مستعجل مش عارفه انا اعمل ايه كان نفسى بعد حياتى الا كلها شقا اعيش ساعات اقول لانفسى انا مليش حظ فى الدنيا انا اعمل لاخرتى احسن وابقى مع ربنا وفعلا ببقى كده بس انا بشر وليا احتياجات وسنين حرمان عشتها محرومه من كل حاجه حتى الكلمه الحلوة انا طولت عليكم بس بجد نفسى الاقى حلا فى الا انا فيه اصبر واحتسب والا اطلق ومش هينفع اتجوز تانى لانى باقى جويا رعب من اى تجربه تانيه خايفه بالله عليكم حد يقولى العب فى الطيبه الا انا فيها ولا فى الناس الا بقو وحشين على فكره انا مبتكلمش حتى مع جيرانى ولا بختلط بحد لدرجه انهم بيقول عليا انى مغروره ومتكبره بس والله انا ظروفى هى الا خلتنى بخاف من الناس وعلشان كلمه دى مطلقه اعمل ايه تعبانه قوى

مشاكل وحلول ذات صلة

اضيف بتاريخ: Wednesday, December 22nd, 2010 في 12:11

كلمات مشاكل وحلول: , , , , , ,

17 رد to “مشاكلي بعد الزواج الثاني و الزوجة الثانية”

  1. ابوالبتول
    25/09/2016 at 14:32

    اختي الفاضلة السلام عليكم ورحمة الله وبركاته تالمت فعلا لكل ماحدث لك وانفطر قلبي اسى على ماحصلك لكن ارجع واقولك ومش عاوزك تزعلي مني ابدا وتعرفي انك انت الغلطانة في المقام الاول ازاي تخلي زوجك الاول يعمل بك كدا وانت راضية وساكته على كل افعاله الغير اخلاقية واللا انسانية يتكلم مع نسوان ويخرج معهن ويخونك ويصرف عليهن من فلوسك وشقاك انت اللي طمعتيه في ذلك باعطاك له الفلوس وقت مايشاء وتخلى عن واجباته كرجل وزوج واب للاولاد وشي طبيعي يحصل بينكم الطلاق واحمدي الله انك خلصتي منه للابد لانه لايقدر الحياة الزوجية ولايستاهل ان يكون اب لاولادك اما تسرعك في القبول بالزوج الثاني مع علمك انه متزوج باخرى ويخاف منها ويرتعب منها فكان حري بك ان ترفضي الزواج من شخص كهذا ولاتقبل الزواج به لانه شخص جبان وضعيف الشخصية والارادة ولايقدر يسعدك اويصونك ويحافظ عليك وصاريضربك ويهين كرامتك ويتجاهل وجودك كزوجة لها حقوق وواجبات عليه كما لزوجته الاولى ولااعتقد انه يقدر ان يتغير او يلبي لك ماتريديه في هذي الحياة فمن الافضل انك تطلبي الطلاق منه حتى تحفظ كرامتك وعزة نفسك والله بيكرمك بالزوج الصالح اللي يستاهلك ويقدرظروفك ويسعدك في حياتك لاتجعل نظرة الناس لك تحبطك اوتفقدك الثقة في الله عزوجل وفي نفسك كوني واثقة بان الله معك ومتوكلة عليه ولايضرك مايقولوه الناس عنك وعيشي حياتك واهتمي باولادك حتى يكبروا ويشتد ساعدهم ويعوضوك في هذة الحياة وتفرحي بهم والله يبارك لك فيهم ويصلح احوالكم ويسترعليكم ويسعدكم في حياتكم

  2. ساحرالنساء
    18/10/2014 at 00:15

    اختي صاحبة المشكلة طيبتك الزائدة هى التي طمعت الناس فيك زوجك الاول وجدك تصرفي على البيت والاولاد وحتى عليه وماكانش راجل بمعنى الكلمة ويتحمل المسولية معك وطلع بتاع نسوان وفاسق الاخلاق وفي الاخرطلقك والزوج الثاني اوهمك بالحب والحنان وانه قادريعوضك عن الحرمان والذل اللي شفتيه من زوجك الاول وصدقتيه للاسف ماسالتي عن اخلاقه ودينه وتعامله مع الناس وايضا طلع اناني وجبان يخاف من مراته الاولى وعامل عليك راجل واسد وهوزي النعامة اللي تحت راسهافي الطين لماتشوف الخطر قدامها وتعدى الحدود معك وصاريضربك ويهين كرامتك لاتفه الاسباب وتاكدي ان تسرعك في الاختيار المرةدي خاب وفاشل وانصحك بحفظ كرامتك وعزةنفسك لو باقية عليها وتطلقي من هالسافل الاناني المنحط وعيشي لاولادك واهتمي بهم وكفاك تجارب زواج بعدكده لانك جربت حظك واخذت نصيبك وماجاك من هالزواج الا الاهانةوالضرب والحرمان والمعاناةوقلة القيمةوالضحية في النهاية انتي واولادك والناس اليوم ماعاد ترحم ولا تحن على بعضها البعض واولهم اهلك وانت عارفة كلده وربي يسترعليك ويحميك انت واولادك

  3. ابواميرة
    15/12/2013 at 15:46

    اختي الفاضلة لقدتالمت لقرات رسالتك ومشكلتك واسال الله رب العرش الكريم ان يفرج عنك ويصلح احوالك ويبارك لك في اولادك ويرزقك برهم وعطفهم وحسبي الله ونعم الوكيل على اهلك اللي غصبوك وزوجك من الزوج الاول اللي لايستاهل ان يكون اب لاسرة ولاانسان في قلبه رحمةولامودة وحسابه عندالله عسير ربناينتقم منه دنياواخرة وربك يمهل ولايهمل ابدا ومسالةزواجك الثاني لقد تسرعت يااختاه ولم تحسني الاختيار ابدا فالزوج هذا شخص نصاب ومحتال ضحك عليك واوهمك بالحب والحنان وانه سوف يعوضك وهوكاذب وجبان امام زوجته الاخرى ولاخيرفيه اطلاقا اطلبي الطلاق اكرم لك من عيشة الذل والمهانة واجلس على اولادك تربيهم افضل لك وربي بيكتب لك الاجروالثواب وتاكدي ان الحياة دي ملية بالكثير من حالاتك ولست الوحيدة وهذاقدرك ونصيبك من الحياة اطلب من الله ان يعوضك في الاخرة وان يبارك لك في الاولاد وان يحفظهم لك وترى الخير والسعادةمعهم

  4. abed
    16/10/2011 at 13:13

    أختي أنت ليه عامله في نفسك كده وبتهيني في كرامتك مع واحد لا راجل ولا يعرف معنى الرجولة ده إنسان كداب وأحسنلك واكرملك إنك تخلصي منه وتظهريله إنك مش خايفة منه وإما الطلاق وإما الخلع فيختار أيهما يفضل وأكرم لك أن تعيشي لأولادك على أن تعيشي مع أسد عليك فرخة عند زوجته الثانية وتربي أبنائك مع واحد لايحترم أمهم ولا يخاف عليهم بالله عليك أي شخصية هيتربى ولادك عليها انقذي نفسك وأولادك من هذا الدكر المزيف وابعديه عن طريقك واسألي الله أن يعطيك زوج صالح وأب صالح لأولادك يعينك على طاعته وتأكدي أن الله مجيب الدعوات وأنه سيختار لك الأفضل في دنياك وآخرتك وبالله عليك طمنيني ماذا فعلت ودعواتي لك بالتوفيق

  5. المستعين بالله/ابراهيم سعد
    30/04/2011 at 03:56

    اختي الفاضلة استعيني بالصبر والصلاة قولي دائما يارب اظهري لزوجك زعلا خفيفا لتقصيرة معكي وركزي زعل خفيف وبسيط وفي نفس الوقت لاتقصري في اي طلب لة مع ابداء الحب والحنية والاحترام وانة لكي السند والامان والحب وحسسية انو ارجل واحد فالدنيا كلها ولاتنسي دعاء الاستغفار والتزمي دينيا وتقربي لله وعليكي بالدعاء وفقكم الله

  6. صاحبه المشكله
    11/02/2011 at 22:13

    اولا اريد ان اشكر كل الا رد عليا الاخت الفاضله دليله والله والله انا بعمل كل الا انتى بتقوليه بحاول اتشيك والبس كل جديد وبعمل الاكل الا بيحبه اقولك ايه بس دانا بتذلل له بيجرحنى فى بعض الاحيان وبحاول اسمح وعمرى ما قلت له كلمه تزعله رغم جرحه ليا ومبقاش حتى يقولى كلمه حب بس والله انا بحبه وبحاول ارضيه بكل الطرق مش عارفه اعمل ايه معاه علشان اشده ليا هو بيقولى انتى بتعرفى قيمت زوجك وبتعطيه اكتر من حقه بس غصب عنى مش عارفه ايه الا غصب عنه انا تعبانه اوووووووى

  7. دليله
    06/02/2011 at 15:02

    يا عزيزتي والله قطعتي قلبي لاني انا نفسي مريت بنفس تجربتك دي تقريبا زواج ثم طلاق ابناءوزواج ثاني فاشل ما فيش حد عارف النار الانتي فيها غير واحده مرت بنفس التجربه.
    الست من غير راجل عذاب حاولي شديه لناحيتك هياي ليه البيت الجو المريح لما يجي حاولي تخصصي له مكان يرتاح فيه بكل هدوء.صدقيني لن يخرج من بيتك ابدا اخبريه انك بتحبيه ومحتاجة ليه جمبك اتشيكي واتجملي ليه خاصة وانك لسه صغيرةوجميلةاطبخي ليه الاكل البحبه يعني بالواضح اغويه وبعدها شوفي النتيجة.
    انتي حسب كلامك مش مختاجه لامواله لكن محتاجه لملا فراغ عاطفي كبير ذكريه ان يعدل بينكم وياتي اليك بصورة مستمرة.
    اختي اقول لكي هذا لاني اعلم انك تكوني ظلمت نفسك لو انفصلتي عن هذا الزوج لان الخيارات المتبقية اسوا.
    اختي اريد ان اعرف رايك في الكلام القلته

  8. مسلم من اسكندرية
    13/01/2011 at 12:44

    السلام عليكم انا مع رد الفنان الشكيلى حاولى معاة وبعدين قررى لو حصلتى منة على حقوقك الشرعية والماديا الحد الادنى ممكن تستمرى او لاداعى وسيبك من كلام الأخ فارس الل بيعد بالرقام وبيحقق جبتى فلوسك منين وبيحل لغز !!!! ومش عارف انة يرزق بغير حساب ودى ارزاق وماتعدش على غيرك .. واللى بيحكى هنا مشكلتة يفترض انة صادق ومش بحاجة يكذب علينا لأننا مش محكمة ولا جانعاقبة هو بيحكى مشكلة ومحتاج مساعدة للحل . فبطل قر على عباد الله وسيبها فى اللى هى فيةوكل واحد عارف نفسة كويس جاب من حلال او من حرام فالقطة تعرف السمكة الحلال اللى اهديت لها وتكلها بطمئنان بجوار من اعطاها ولو سرقتها من امامة تهرب وتجرى لتاكلها بعيدا عن صاحبها خوفا من العقاب .. شكرا

  9. فنان تشكيلى خالد عبد الراضى
    08/01/2011 at 20:49

    صارحى زوجك بانك محتجاله اكبر وقت ممكن لان دى مش خياه زوجيه هو تزوجك ليه اه الاسباب هو جواز وخلاص
    قولى له حديث النبى صل الله عليه وسلم كلكم راع وكلكم مسؤل عن رعيته صدق رسول الله زوجك سيسال عنك يوم القيامه واذا استمر فى هجرك والتاخير عليك هذا الصعيدى اطبى منه ان تنفصلو بس بالهداوه وليس باستفزازه لعله يرجع ويترجل فى تصرفاته ومعاملته معك لان الرجوله ليست بالضرب بل بتحمل المسئوليه واسعاد الزوجه والانفاق عليها من ماله الخاص
    مش يكون انتهاذى واستغلالى كيف يكون رجل بل دلدول وخيشه من يعيش من كد زوجته فقط ولا ينفق معها اى شىء او يتحمل معها مسئولية شىء
    كثر فى مجتمعنا هذه الايام اشباه الرجال وليسو برجال
    اما والدتك فلا تتركيها تحت اى ظرف فلو غضبت منك ستخسرين الدنيا والاخره
    الناس الكبار لهم تصرفات غريبه وانت تعلمى كبر السن له مشاكله مثل النسيان والزهيمر يقترب والوسوسه وغيره هذا كله فى كبار السن وتصرفات امك تدل على ذلك بل بالعكس يجب ان تكونى قريبه منها اكثر من الاول وتاخذى اجرك من رضا الله فى طاعتها حتى لو حرمتك وضربتك بالج… فاهمه مش عيب امك ثم امك ثم امك يا فالحه صدق رسول الله صل الله عليه وسلم والله لو رضيتى امك بهذه النيه برغم انها تبخل عليك هدى الله زوجك
    زانا اختلف مع اخوتى الافاضل الذين كتبو لك ان والدتك مش تمام السن يا اختاه السن خلى بالك منها هى الان اقرب الناس اليك
    الستات الكبار يحبون العطف والاهتمام والهدايه البسيطه ممكن تكونى انت السبب فى عدم عطف امك عليك راجعى نفسك وحاولى الى الابد مع امك وكونى معها دائما وانت التى تعطى
    امك اعطت لك الكثير ماذا ستقدمى انت ظروفك حاولى ان تحليها بنفسك وربنا هيسترها معك وخذى راى من تثقى فيه من اهل التقوى امام مسجد صالى او احد من اقاربك المحترمين والله يوفقك الى ما فيه خيرك وخير امك واولادك امين

  10. شريفsh
    28/12/2010 at 03:15

    ا احتى العزيزه الحل هو فى راىء ان تطلقى منه وتعيشى لاولادك لعلى الله يعوضك بهم خيرا وحتسبى حياتك لله

  11. amro
    27/12/2010 at 23:21

    اختى العزيزة بعد التحية
    بالنسبة لمشكلتك اولا الزواجة الاولى لا تبكى عليها بشى لان الرجل الذى لا يتحمل المسئولية لا يصلح ان يكون زوج وبالنسبة للزيجة الثانية فلازم تتكلمى معاه وتاخدى الوقت اللى تحسى بانك زوجة مثل اى زوجة وان لم يقدر على ذلك فليتركك مممكن تلاقى انسان يتقى الله فيكى ويحسسك انك ست وزوجة لها كيانها وشأنها وبالنسبة للضرب فأن الرجل الذى يضرب فهو رجل ضعيف لان الضرب اسلوب التعامل مع الحيوانات ولكن الانسان كرمه الله على سائر المخلوقات. وشكرا وجهة نظر

  12. ♣♥♣ فارس ♣♥♣
    26/12/2010 at 01:17

    رسالتك فيها غموض رهيب انتى على مدار ست سنين اشتريتى شقه وكمان فرشتيها وكمان بتصرفى على العيال ومجدش بيرضى يدليك اى فلوس سلف ده ايه الشغلانه الى فى خلال ست سنين دى بتشتري فيها شقه وتفرشيها ده الى بقالهم عشر سنين فى السفر معلموش الى انتى عملتيه دى اقل شقه مثلا بيع وشرا متقلش باى حال من الاحوال عن 90 الف خليها ب 50 وكمان فرشتيها ب 10 يبقى ستين الف وكمان بتصرفى على العيال انا مش قادر احلل الموضوع ده يمكن لو انتى راجل كنت اقول بيشتغل ليل ونهار ده حتى انتى مسافرتيش وكمان وحدانيه يعنى ملكيش علاقه باى حد طيب نروح للغموض الثانى من رابح المستحيلات ام تعمل الى انتى بتقولى عليه الا لو كان فيه فى وجودك عندها كارثه حتى لو فيه كارثه فى وجودك مفيش ام تعمل كده ابدا مهما حصل حتى الاكل بتشيلو لما تدخلى وانتى بتقولى مامتك بتقولك روحى للى دحك عليكى واخد فلوسك طيب ماهو فى اول المشكله انتى قلتى اهلك الى غصبوكى على الزواجه دى يعنى مامتك متقدرش اتقولك كده لانو وقتها هيكون ردك عليها انتو الى جوزتونى ليه بردو دى صعبه حبتين وغامضه حبتين بعد كده اتجوزتى واحد من سنه ومشفتيهوش غير عشر مرات *** طيب نرجع بقى للمشكله بمجملها زوجك القديم وتم الطلاق منو اهلك وكرهوكى زوجك التانى وسابك ومش عايز يرجعلك ده يبقى العيب فين وبتقولى الناس وحشه ماهى مره تصيب ومره تخيب لاكن تخيب كده علطول يبقى فيه خلل شكرا

  13. قلب مودى
    25/12/2010 at 01:48

    بصى انا عندى25يمكن نصحتى مش تعجبك بس هقولها بدام اشتكيتى يبقا مش هتدرى تستحملى والاحسن تبعدى عنو روحى اخلعى واشترى نفسك وقربى من ربنا عيطى لية وانتى سجدة والله هيكرمك مادوريش عن الحب خالى هو الى يجيلك ولو ماجاش ولادك بلدنياانا كونت متجوزة واحد بموت فى كان مطلع عين عينى وكونت بحبو لحد ما اهلو خدو شقتى وكل حاجة وماعملش حاجة بقيت اعيط وانا سجدة وادعى يارب نسهولى يارب والله بقيت افتكرو دلوقت اقول انا كونت رضية بية ازاى ومن كتر الى عملو مابقتش عيزة اتجوز ومش عندى اولاد كونت اتمنا يكونى طفل اقعد اربى والله ربنا كرمنى بواحد يالله ربنا يكرمو اة مش مرتاح زى جوزى الاولنى وهنتعب حبة عبال مانرتاح بس والله انا رضية اكون معاة

  14. حزينة
    24/12/2010 at 21:13

    اختى الفاضلة انتى عارفة ان وضع الزوجة الثانية هو دة ديما مش بيتغير كتيرمن زحدة الى
    وحدة بس انتى مقولتيش الوضع المادى بعد الزواج الثانى اية اذاكان هو بيصرف عليكم ولا انتى باردوا بتشتغلى لسة ومكفيكى ماديا ولا لا اذا كان لاومزلتى تشتغلى وبتصرفى على اولدك
    انصحك فى الانفصال عنة وطلاقى ملاهاش لزمة وجودة فى حياتك افضل ولكن لو كان مريحك مديا فا استحملى بعدة عنكى حتا تبقا فرصة انك تراعى اولدك كويس وربنا معكى ويعين الستات على ظلم الزمن

  15. ابو البنات
    23/12/2010 at 05:07

    سيدتى ما قيمة هذا الزواج انتى بتقولى خلال سنه لم ياتى سوى عشرة ايام ؟؟؟؟ اسف على اللفظ بناقصهمواكيد مش بيصرف عليكى دة مش حصل زواج المتعه او المسيار حتى يبقى الاحسن تطلقى منه وتخليكى مع الله لانك ما دمتى متزوجه سوف تفكرين كثيرا اما حينما تكونى مطلقه سوف تتغلبى على نفسك وتعفيها باذن الله تعالى والله اعلم يمكن ربنا مخبيلك خير ويعوضك ومش تقلقى من كلمة مطلقه ما انتى فيه الان اصعب بكثير لا مطلقه ولا متزوجه دة مش ينبكى عليه اصلا تطلقى منه وعيشى لاولادك وفى طاعة ربك وان ربنا اراد ان تتزوجى من اخر فعليكى بحسن الاختيار والا العفة والطهارة اكرم واللى عند الله مش بيضيع ابدااا اكيد ربنا هيكرمك فى اولادك ويعوضك عنه خير ان شاء الله

  16. wa3d
    22/12/2010 at 14:23

    ربنا معاكى ويعوضك خير ان شاء الله واضبر على ما عطاكى الله وديما ادعى لربنا ينويلك اللى انتى عاوزاه ويمكن يكون ده اختبار من ربنا سبحانه وتعالى

  17. العم دهب المصرى
    22/12/2010 at 14:03

    الاخت الفاضلة
    انتى سيدة طيبة ولكن حظك وقعك فى ناس ملهاش قلب وملهاش فى الطيب نصيب فى ناس كدة ماتعرفـش قيمة النعمـه غير لما تبعد من ايديهـا عموما انتى اخترتى غلط انسـان جبان وبيخاف واللى زى دة انا اسـف محتاج يقضى شـتهوتة وبس ماهواش قـد المســئوليـة والاحسـن انك تبعـد عنـه واطلب الطـلاق وبلاش تنجبى منه اولاد
    لان الزوج من الواجب علية انه يكون هو كل شىء عند زوجتة ويكون اغلى من نور عينها ودة يحصل بالمعامله الحسنة والحب والتفاهم اما عن الراجل اللى يضرب مراتة فأنا اسـف هو حيوان فى صورة انسان ولا استطيع ان اقول عربجى لان هناك عربجية محترمين جدا ودية مهنتهم عموما
    لازم الزوج يعلم ان الذى يضربها هى زوجتة كيف سيأكل معها فى طبق واحد وكيف يأخذها فى احضانة وكيف يعاشرها وكيف ينظر فى عينيها وهى من داخلها تكرهة
    الضرب ليس من شيمة الرجال الذى يضرب زوجتة انسان اقل من الضعيف الحياة تفاهم ومحبة ومودة واحترام متبادل بين الزوجين فان زال هذا الاحترام بين الرجل وزوجتة زال معه الحب والتفاهم
    وياريت اللى عامل راجل على ست ضعيفة خلقت من ضلع اى من صدر الرجل ومن تحات زراعة اى انها مخلوقة كرمها الله فهى الام والزوجة والابنة والحبيبة والعشيقة خلقت من ضلع لتكون قريبة من القلب والضلع اقرب شىء للزراع لتاخذها بين زراعيك وليس لتضربها بزراعك ايها الزوج اتقى الله فى زوجتك واحتضنها واحمد الله على نعمتة عليك لان الزوجة نعمه من الله لايعلمـا الا من اوقعه القدر فى زوجة غبية او لعوب او انسانة مش كويسة احتوى زوجتك فهى صغيرة فى السن وكبيرة فى العقل عوضها عن مافات ولاتجعلها تنقم على الرجال من تصرفاتك السيئة والمشينة تعامل معها برفق كما اوصنا سيدنا رسول الله
    هل تقبل ان يقوم زوج شقيقتك بضرب زوجتة فان وافقت والله فانت انسان ليس بصعيدى ولا عربى حتى ويارب كلامى يكون فية شوية عظة لى ولاخوانى الرجال اتقو الله فى النساء اتقو الله فى النساء اتقو الله فى النساء
    الضرب والبهدلة وقلة الادب تجر الست الى من يطبطب عليها ونرجع ونقول سابت جوزها وعرفت غيرة
    النعمه بين يديك لاتجعلها تضيع منك
    وانتى يااختى الحبيبة حاولى معه مرة اخرى وفهمية ان الضرب مهانة وانك لم تقبلى المهانة او الاهانة وان لم ينصلح حاله فالافضل لكى ان تتركية والله اعلم بأحوالنا جميعا
    دعائى لكى براحة البال والهناء ان شاء الله
    العم دهب المصرى

اترك رداً أو حلاً لهذه المشكلة