مشاكل عائلية

مش عارفه اتعامل مع اختى واشك بعلاقتها مع شاب

انا فتاة عندى 23 سنه وعندى اختى عندها 20 سنه  على طول فى مشاكل معاها مش عارفه اتعامل معاها ازاى واغلب مشاكلى معاها علشان خايفه عليها وهى مش بتقبل منى نصيحه خالص وهى طالبة فى الكليه ومشتركة فى جمعية خيريه وعندى شك انها على علاقه بشاب وانها بتتكلم معاه فى التليفون لانى ساعات اسمعها بتتكلم فى التليفون بصوت منخفض بس شكى ده حيموتنى مش عارفه اتاكد ازاى انا خايفه عليها جدا لانها طيبه وسازجه جدا اى حد يقولها حاجه تصدقها  مش عارفه ازاى ارتاح واطمن عليها هل اقول لوالدتى انى شاكه فى كده ولا اعمل ايه انا سالتها اكتر من مرة ومجرد سؤالى بس بيعمل بينى وبينها مشكله كبيرة ويكاد منكلمش بعض فيها اسبوع وحاولت كتير اقرب منها واحكى ليها على اسرار تخصنى علشان تطمنلى وتحكى مش بتحكى غامضه جدا وغيؤ كده انها بتخرج كتير اوى بسبب الكليه والجمعيه الى مشتركه فيها فالشك بيبقى حيموتنى والشيطان بيهيئلى انها ممكن تكون مع الشاب الى بتكلمو انا مش بشك فى اختى احنا الحمد لله تربيتنا كويسه جدا جدا واخلاقنا عاليه بس انا خايفه عليها لانها سازجه ومعندهاش تجارب ولا خبرة فى التعامل مع الناس فكرها ان كل الناس الى بتقبلهم طيبين مش عارفه اعمل معاها ايه فكرت اسجليها وهى بتتكلم فى التليفون بس خايفه تكتشف ده واخسرها للابد بجد تعبت ومش عارفه اعمل ايه خالص ارجوكى حاولو تساعدونى

انا اسفه للاطاله

مشاكل وحلول ذات صلة

اضيف بتاريخ: Sunday, December 12th, 2010 في 06:27

كلمات مشاكل وحلول: , , , , , ,

16 رد to “مش عارفه اتعامل مع اختى واشك بعلاقتها مع شاب”

  1. صاحب خبرة
    26/03/2012 at 22:55

    بصى يا بنتى انا هقولك على حل 100 100 انتى تاخدى اختك وتقوليلها انا بكلم شابا ماه وتحاولى تحسسيها انك عايزها تديها وتاخدى منها اسرار واحكيلها انك بتكلميه فى التليغون وكنتى خايفة منها هى لحسن تقول لمامتك او لباباكى بس انتى قولتى انكم لازم تكونوا اخوات صح وتقول لبعد على الاسرار وبعدين تسأليها انتى مريتى بموقف زى دة ولا لا وهى هتحكيلك

  2. لؤلؤ
    15/06/2011 at 00:39

    و انتي مالك د حياتها و هي مش حيغيرها لكن حاولي ان تقولي بانك تحبينها لتكون صريحا معك

  3. النبيل شارل
    14/12/2010 at 10:35

    اختي هناك عده رموز لفك رمز القفل وانا لم استطع تجربتها بسبب عدم وجود مثل هاذا الجوال لدي لكن سأكتبها لك وجربيها لعلها تفتح جوال اختك
    الرمز الاول #*7337#
    الرمز الثاني *2767*3855#
    لا تشكريني اختي فهذا واجبنا ودام انك تريديه لمصلحت اختك فنحنا تحت أمرك

  4. واقعي
    14/12/2010 at 08:59

    الاخت الفاضلة مفيش داعي لتسجيل المكالمات والاسلوب ده حاولي تقربي من أختك بقدر الامكان واخرجي معاها كتير وبلاش توضحي لها انك الاخت الكبرى والاكثر عقلانيه والخوف الزائد وبلاش التعنيف لان ده يمكن يولد عندها العناد ويخليها تبعد عنك وتزيد في ألي هي بتعمله ….هي محتاجه فعلا لأخت مثلك بتخاف عليها وإذا حاولتي ومفيش فايده اخبري والدتك بالأمر والله الموفق

  5. صاحبة المشكلة
    13/12/2010 at 22:40

    موبيلها نوعه سامسونج e250i واشكر حضرتك جدا على الاهتمام وجزاك ربى خيرا فى الدنيا والاخرة

  6. النبيل شارل
    13/12/2010 at 08:27

    اختي الفاضله صاحبه المشكله لا تقلقي لكل مشكله حل ولا بد ان تفرج اختي الكريمه جوال السامسونج له عده انواع مثل D900 و E900 وغيرها الكثير ولكل جهاز كلمه سر عامه تفتح الجهاز حتى لو تم تغيير كلمه السر

  7. صاحبة المشكلة
    13/12/2010 at 06:16

    انا بشكركم كلكم على نصائحكم الغاليه دى ةانا فعلا بحاول اخد الرقم الى كانت بتكلمه بعد اما بتخلص مكالمه بس للاسف فشلت لانها بتقفل موبيلها برقم سرى ومش بعرف اخد اى معلومات من عليه والله والله انا خايفه عليها اوى لان شايفه الحكايه دى بتزيد يوم عن التانى والله تعبت من كتر التفكير بالله عليكم تدعولها بالهدايه وان ربنا يوقفلها الناس الكويسه علشان هى ساذجه جدا جدا وجزاكم ربى خيرا

  8. المراة القط
    13/12/2010 at 01:11

    يا بنتى لما تسمعيها بتتكلم فى التليفون خدى التليفون من ورها وخدى الرقم اللى هى بتكلموا وخلى امك هى اللى تتصل عليه وتشوف ده مين وعاوز ايه وهو لو انسان جاد ومحترم هيتكلم مع امك بصراحة ولو مش كدة يبقى هى اللى تتصرف معها وخليكى انتى بعيد وقولى لمامتك متقلهاش ان انتى اللى خدتى رقمها عشان متزعلوش مع بعض واتصرفوا معاها بهدوء عشان هى مش صغيرة ولو حست انكم بتراقبوا تصرفاتها هتعند اكتر يعنى خلى مامتك هى اللى تتقرب منها وتخليها تحكيلها من نفسها ولو الشخص اللى بتكلمه كويس وعاوز يخطبها يبقى تكلمها وتقولها انا عرفت انك بتكلمى حد او تقولها انا شفتك معاه مين ده وكدة عشان تطمنوا بس تكلمها باسلوب جاد عشان ميبقاش فى فرصة انها تسالها شفتينا فين وربنا يهدى

  9. صاحبة المشكلة
    12/12/2010 at 23:51

    نوع موبيلها سامسونج طب ازى حقدر ادخل البرنامج فى موبيلها من غير ماتعرف نظرا انها عامله رقم سرى للموبيل يعنى ماحد يقدر يفوت على ملفات موبيلها الا هى.ارجوكو تساعدونى وجزاكم مربى خيرا.

  10. mooon
    12/12/2010 at 18:53

    انى اخت محترمة وواضح انك بتحبى اختك وخايفة عليهااوى بس حاولى انك مش تحسسيها انك بتشكى فيها وحاولى تقربى منها وربنا يحميها ويبعد عنها كل سوء ويبارك لها فيكى وحاولى تفهميها انها بنت وسمعتها دى اهم حاجة

  11. أبو عمر
    12/12/2010 at 18:44

    طب ما تعملى حاجة اسهل، وهى انك تروحى الجمعية دى وتشوفها على الطبيعة وتتعرفى على اصحابها وتترددى على الجمعية كتير اهو منه تشوفى اختك وتطمنى عليها وتعرفى مين اللى معاها وكمان تعملى حاجة كويسة – انا متاكد ان الحل ده هيعجبك ان شاءالله، ويمكن موضوع الجمعية ده جه بفايده مش احسن ما تروح نادى او ما شابه.
    ربنا يكرمها ويهدى كل البنات والشباب العرب باذن الله

  12. النبيل شارل
    12/12/2010 at 18:24

    نعم اختي صاحبه المشكله هناك برامج كثير لتسجيل المكالمات تختلف حسب اختلاف نوع الجوال فلو تكرمتي اختي بكتابه نوع جوال اختك وبأذن الله ارسل لك رابط لتحميل برنامج التسجيل او يرسل لك اي احد من الاخوان وأطمنك اختي لا يستطيع اي احد معرفه ان المكاله مسجله فلا تقلقي

  13. صاحبة المشكله
    12/12/2010 at 15:12

    اشكركم جدا على نصائحكم لى بس احب اقول لاستاذ الصريح ان انا مش غيرانه منها ولا حاجه انا مخطوبه ومخطوبه عن قصة حب لقريبى ودى مش غيره ده خوف شديد على اختى الى اى حاجه تمسمها كانها مستنى بالظبط ولان انا اكبر اخواتى . وعايزة اعرف من لو انا حبيت اسجلها اسجلها ازاى باى وسيله هل فى وسائل لتسجيل مكالمات الجوال ياريت تساعدونى لان الموضوع ده مهم اوى بالنسبه ليا وجزاكم ربى خيرا عنى .

  14. magdy
    12/12/2010 at 11:31

    قربى منها وحاولى تكسبى ثقتها بقدر الامكان لان ما فيش اخت تخاف من اختها بدون سبب وبعدين السن قريب المفروض تكونو اصدقاء
    بس لو خايفه وفى امر سئ يفضل تكلمى والدتك قبل فوات الاوان
    وبالله التوفيق

  15. النبيل شارل
    12/12/2010 at 08:59

    اختك محظوظه جدا بموجود اختك مثلك تخاف عليها وتهتم لأمرها اختي الكريمه لا تتسرعي وتخبري والدتك لا مانع من مراقبه اختك اكثر واكثر لا مانع من متابعتها او اللحاق بها واذا اتاج الامر ثبتي برنامج لتسجيل الصوت في جوالها قد يظن البعض ان هذا تجسس لكن هو تجسس لدفع السوء واذا احتاج الامر وتطور او تأكدتي من ظنونك عليكي بنصها واذا استدعى الامر اخبري امك وفقتي لكل خير اختي

  16. الصريح
    12/12/2010 at 08:48

    على فكرة انتى مشخايفه عليها انتى غيرانه منها لانها بتتحب وليها انشطة كثيرة ومشتركة فى جمعيات
    غير شخصيتك انتى خالص
    وبعدين لو هى واثقه فيكى كانت هتحكى ليكى كل حاجه ياريت تتقربى ليها واثبتى ليها بجد انك بتخافى عليها.
    ارجو انك متزعليش من صراحتى

اترك رداً أو حلاً لهذه المشكلة