انا فتاة ابلغ 28 سنة و طالبة جامعية تعرفت على شاب مند سنتين لم اخد اية تجربة حب في السابق و هو ؟ الحب الاول لي و كنت صريحة مند البداية ان غرضي هو الزواج و هو دائما يقول ادا شاء الله لكن لم استطع التحمل لانه لم يتقدم لخطبتي و لقد ضحيت بعدة اشياء من اجله لكن هو يقول انه يحبي و انا اريد علاقة رسمية و عندما أنهيت علاقتي به لاني لم اصتطع الصبر لاني احسست اني اخون اهلي و نفسي فهو قال لي انه لن يسامحني و اني لا احبه رغم اني طرحت عليه ان يخطبني و انتظره حياتي و لا يهمني اي شيء لكن لم يحرك ساكنا فما هو الحل هل ان من ظلمه ام هو ساعدوني ارجوكم
اختي ليس من العدل والانصاف ان تنتظريه وهو محلك سر لايريد ان يتحرك اويعمل شي كي يضحي لاجل هذاالحب واعتقد انه مايستاهلكيش ابدا لانواللي يحب يخلص في حبه لحبيبه ويضحي من اجله الكثير لا عليك منه هواللي ظلم حاله وظلمك معه لاتفكري فيه انسيه خالص وربي بيكرمك بالشاب الصالح اللي يحبك ويستاهلك ويعرف قدرك ويسعدك
اللي بيحب حب بيعمل خطوه بيتحرك بيعمل حاجه مش بيفل متنح عاوزك معاه ومافيش خطوه انتي راعيتي ربك في حالك وفي اهلك صدقيني ربك هايكرمك بزوج صالح ويستاهل القمر ده
سواسواء بعدتى أو قربتى مش هيرتبط بيكى لو بعدتى هيفضل يتحايل عليكى علشان تفضلى معاه ولو قربتى هيفضل يعذب فيكى وفى الاخر حياتك انتى اللى هتدمر وهو مش هيخسر أى حاجة
هذا الشخص لايحبك ويلزم تقطع علاقة بها فورن علشن اهلك
اختى انتى بتقولى انك ضحيتى بعده اشياء من اجله ومع ذلك لم ياخذ اى خطوه للارتباط بيكى اذن هو مش مقدر تضحياتك ولا ما فعلتى من اجله لو كان بيحبك بجد كان حس انك اوى انك ضحيتى علشانه وكان حس انتى اد ايه بتحبيه وحتى لو كانت تضحياتك بسيطه كان هيشوفها كبيره وعظيمه وكان عمل المستحيل واكتر من المستحيل عشان يرتبط بيكى ويبقى معاكى فده مش بيحبك فمتضيعيش وقتك معاه ولا حتى تزعلى عليه لانه ولا حاجه وانتى اساسا جوهره عشان مش عايزه غير الارتباط الرسمى قدام الناس وقدام اهلك فانتى بتحترمى نفسك وبتحترمى اهلك كل البنات دلوقتى بتعمل علاقه فى السر الاول ويا تكمل يا ما تكملش فانتى حاله نادره وانا لو كنت راجل كنت جيت اتجوزتك فسيبك منه وعيشى حياتك وان شاء الله ربنا يرزقك باللى يقدرك بجد
دة واحد نصاب وبيضحك عليكى دة باين اوى انة بيستغلك وبيستقطعك وبياخد الفلوس منك وصدقينى هو عاوز من غرض معين وبعد كدة هيرميكى وتندمى فى الاخر اتقى اللة فى نفسك وفى اهلك انتى مش صغيرة عشان تضيعى عمرك وخلاص وعلى فكرة مفيش راجل يقبل على نفسة انة يمد ايدة وياخد فلوس من واحدة انتى ازاى مش فاهمة انة نصاب ومش كويس
هكلمك كأخ ومتزعليش :
– ممكن تقوليلى هتستنى لغاية امتى يعنى ؟
لما يبقى عندك 35 سنه ؟
انتى حالياً سنك صغير فأوعى تضيعى عمرك على حد اساساً شكله مش قادر يفكر انه يعمل حاجه عشانك
وانا مش بظلمه وبتهمه لأ , بس دى حقيقة
هو لو بيحبك بجد هياخد اى خطوه , والحب مش كل حاجه فى الدنيا , فيه حب يبقى باقى انه يتقدم بقى ولا هو بيلعب ؟
– سيبك منه وفكرى فى حياتك وان شاء الله ربنا هيكرمك بحد احسن منه
مش بيحبك خالص لا اللى بيحب بيحاول يكون مع اللى بيحبه ويكمل الحياه معاه بيحافظ عليه وبيحس بيه وبحاول يسعده الحب يعنى احترام وحنان وتنازل
بصى يا حبيبتى انت فى سنى بظبط مينفعش نعيش قصة حب ونقعد اربع او خمس سنين مستنين يا اة يا لا هو لازم ياخد خطوة رسمية عشان انتى مضيعيش عمرك وخلاص وكمان تشوفى حالك هو كدة مش ناوى خير عاوز يتسلى وكل الشباب بيقولوا بحبك دى كلمة بقت سهلة عند اكتر الشباب مع احترامى طبعا لشباب المحترمين متصدقيش اى كلام يتقال صدقى بس الفعل اللى هو هيعملة
اختي العزيزه هذا الرجل وان اطلقنا عليه اسم رجل بالخطاء وعار على الرجال يضيع ماتبقي من عمرك الصح لا يقبل القسمه وواضح مثل الشمس اتركيه ايته الجامعيه ولاتدعيه يستهذء بعقلك وعواطفك
أنتى لست صغيرة على مثل هذا الضعف الذى تشعرين به يابنتى ممكن يكون تفكيرك إن قطر الزواج قرب يفوت وإنك بتكبرى مش قادرة أقولك إن مشاعرك دى وهم بس إللى أقدر أقوله إك فعلا غلطتى فى حق ربنا سبحانه وتعالى قبل أى أحد من البشر ( قبل نفسك – قبل والديكى – قبل أهلك )ليه ؟ لأن ربنا سبحانه وتعالى لم يخلق لنا العين واللسان والقلب والقدم واليد وكل الجوارح لنعصيه بها بل لنعبده ونشكره ونحمده أن من علينا بمثل هذه النعم المحروم منها كثير من الناس فتخيلى مثلا معى لو أن الله كان قد خلقكى بدون نعمة اللسان فقولى لى بالله عليكى كيف كنتى ستتكلمى مع شخص لاتعريفيه ولا يعرفك ولا يحل لكى من أصله لمدة سنتين كاملتين وربما أكثر؟وكذلك إن خلقكى الله بدون نعمة البصر أو القدم أو اليد أو………أو……..أو……….إتقى الله فى نفسك فلكل بيت باب يدخل منه أولاد الأصول ليطلبوا بنت الأصول .
اولا احب اقولك ممكن يكون ظروفة وحشة وميقدرش يتقدملك دلوقتى اعرفى منه هو ليه رافض مبدا الارتباط بيكى رسمى
وحاجة تانية لو انتى واثقة ان ظروفة كويسة ومفيش اى مشاكل فى انه يتقدملك يبقى مفيش غير حل واحد وانا عملته ونفع معايا ابعدى خالص عن عنيه خليه ميشوفكيش لفترة هو نفسة هيدور عليكى وهيحاول يعرف اخبارك ولو فعلا دة حصل يبقى الشخص دة بيحبك بس فيه حاجة منعاه انه يتقدم وحاولى اعرفى ايه الحاجة دى لو مفيش حاجة يبقى احسن انسية وايعدى عنة ربنا معاكى ويوفقك
انتي صيبرتي عليه كتير ومش ممكن اكتر من كده نظرا لسنك ونظرا لعدم رغبته في الارتباط قوليله لو عايزني بيت اهلي مفتوح انما انتي متكلمهوش تاني حتي يحس بقيمتك وان كان بيحبك هيجيلك وربنا يوفقك
اختى الغاليه برغم تواجدى اليومى هنا الا ان هذه هى المرة الثانيه التى اشارك فيها بالتعليق واحب ان اقول لكى اختى لا تتعلقى بهذا الحب فهو انسان انانى ولا يحب سوى نفسه ويريد ان تظلى ملكه وهو غير قادر على فعل شئ انتى مع احترامى عمرك 28 وليس 19 او 20 حتى تنتظرى اكثر من ذلك نحن مجتمع شرقى ينظر لصغلئر الامور والعمر يمر ارجوا ان تاخدى موقف وان يعرف ان لديه مهله للتفكير اما ان يتقدم للخطبه وتستمر العلاقه او تتوكلى على الله حتى لا تحسى بالذنب وسوف يعوضك الله خيرا مع تحياتى