السلام عليكم ورحمه الله وبركاته انا عندى 26 سنه زوجى اكبر منى ب 3 سنين متجوزة من 3 سنين
انا مشكلتى ولدة زوجى بس انا بحبه جدا بس العيب الوحيد انه كل حاجة بيحكلها عليها مهما كانت صغيرة او كبيرة ومع ذلك هى على طول تطلعنى غلطانة وان الست مينفعش تزعل زوجها او ترد عليه مهما الزوج عمل فيها حصلت بنا مشاكل كتير جدا لدرجه انى خرجت عن شعورى مع زوجى وشتمته بوالدته وراح حكالها على كل حاجه وطردنى من البيت انا والدتى متوفيا وعايشا مع خالتى وهى اللى زوجتنى وعملتلى كل حاجة ومع ذلك اتصلت بيه وصالحته ورجعت البيت بس بعد 15 يوم ورحت لولدته وصالحتها بس المشاكل بنا منتهتش وكمان حصلت مشاكل بينة وبين اهلى كتير بس هو طيب وكان عاوز يصالحهم بس هما مش موافقين بالصلح علشان هو غلط فيهم انا اتكلمت معاة كتير ان الامور كلها هتتصلح بس مش دلؤتى احنا اهم حاجه نحافظ على بيتنا ومنخرجش اسررنا لحد اى حد مهما كان حجم المشكله حصلت مشكلة تانية بسبب انى مجبتش قناة الجزيرة وكنت بتفرج على فيلم وانا زعئت معاه وخفت منه بس تانى يوم بابا كلمنى وقال لى ان ولدته كلمت بابا وقالت له زى ما دخلنا بالمعروف نخرج بالمعروف وبنتك متلزمناش وحقوقها كلها هتوصلها انا انهرت جدا بكيت كثيرا واتصلت وكلمتها قالت لى ان اللى يزعل ابنى ميلزمنيشس وقفلت السكه فى وجهى فنا كسرت الكمبيوتر ورميت هدومه على الارض بس مكنتش حاسة بنفسى خالص معرفش انا عملت كدا ازاى بس كان غصب عنى وجالى عند اهلى علشان اروح معاه بس اهلى كان زعلانين علشان انا مستهلش منه كدا ابدا وقالوا له ولدتك تيجى وتاخدها زى ما طردتها وزعلتها مشى بس انا زعلت لما شفته كدا اتصلت بيه وولدته كلمتنى وقالت لى انا هاجيلك بس جاء من غيرها وقال ان والده حلف عليها بالطلاق انها متجيش علشان تاخدنى ومع ذلك انا روحت لوحدى علشان المشكلة متكبرش اكتر من كدا بس دلؤتى انا مش بكلم اهله علشان حاجات كتيرة اوى اولا خطوبة اخته و محدش كلمنى خلال الفترة اللى كنت زعلانة فيها وهى 35 يوم وهو عاوز يصلح الامور بنا بس انا مش عاوزا مشاكل تانى مش عاوزا اكلمهم على الاقل دلؤتى انا نفسيتى تعبانة اوى
ارجوا منكم المساعدا انا مش عارفه اعمل ايه
مشاكل الازواج
بيتى بينهار ونفسيتي تعبت
اضيف بتاريخ: Sunday, March 18th, 2018 في 08:56
كلمات مشاكل وحلول: الزواج, الطلاق, بنت, زواج, متزوجة
الاخت العزيزة صاحبة المشكلة الست مالها الا جوزها في الحياة وانت لازم تبعدي عن المشاكل مع اهل جوزك وتتحملي عشانه وعشان حياتكم تستمر وارى ان الحل انكم تخرجوا وتعيشوا بعيد عن اهله وتدخلاتهم في حياتكم الزوجية فطلبي ذلك من زوجك ودا حقك شرعا واعرفي ازاي تتعاملي مع حماتك -ام جوزك – اكسبي قلبها وخليها تحبك وصدقيني لو عملت كدا هتكوني سعيدة طوال حياتك الزوجية تقربي منها واعتبريها زي مامتك رحمهاالله عايزك تعرفي ان الزوجة العاقلة تعمل كدا مع حماتها وتعرف كيف تخليها تحبها وتكسبها في صفها وحتى لو حصلت مشكلة بينك انت وجوزك هتلاقيها واقفة معاك ولاهترضى انه يزعلك او يخاصمك ابدا حصل مع مراتي كدا في بداية حياتنا الزوجية كانت لاتطيق امي ودائم في مشاكل بينهما وكنت اتشاجر معها عشان كدا وعايزها تتعامل كويس مع امي وتحترمها وسبحان الله سمعت كلامي وصارت تتعامل كويس جدا مع حماتها وتعتبرها زي والدتها وكمان امي احبتها وصاروا زي السمن على العسل وحتى لو تخانقت معها تجي امي تقف في صفها وتدافع عنها وتطلب مني انى اراضيها ولازعلها نهايا ابغاك تكوني كدا وجربي وسوف تدعيلي ان شاء الله وربنا يسترعليكم ويصلح حالكم ويرزقكم الذرية الصالحة ويسعدكم في هذة الحياة
شوفي يااختي الفاضلة زوجك شخص ضعيف الارادة والشخصية امام اهله وبالذات امه ولايقدرش يمنعها من التدخلات المستمرة في حياتكم الزوجية ووربما يكون يقولها على كل مايحصل بينكما حتى اسرار العلاقة الحميمة ده مؤكد ومش راجل ولاعندو ذرة من الرجولة ولا الكرامة وانت برضو غلطانة ترفع صوتك عليه وتشتم امه الزوجة المحترمة ابدا ماتعملش كده مع جوزها مهما حصل بينهما صدقيني رجوعك له بعد اللي حصل من امه لك فيه اهانة كبيرة لكرامتك وكرامة اهلك ولا تفكري انو المشاكل والخلافات سوف تنتهي طالما ان امه مستمرة في تدخلاتها في حياتكم وزوجك يسمع لها في كل ماتقوله له وراضي بهذا الشئ انتم مافيش ولاد بينكم وده يخليك تطلب الطلاق منه وتصوني كرامتك وهتلاقي نصيبك مع ابن الحلال اللي يستاهلكي ويقدر مشاعركي ويحترم الحياة الزوجية ويصونها ويسعدكي طوال حياتكي