مشاكل الازواج

مش عارف احب زوجتي وبفكر اتجوز تاني

انا متجوز من 3 سنتين وعندى بنت هما مسافرين معايا فى الامارات بس المشكله انى عمرى محبيت مراتى ولا حسيت معاها يوم انى سعيد فى حياتى والمشكله بدأت من 7 سنين كنت خاطب وحده وكنت بحبها جدا بس محصلش نصيب وهيا كمان اتجوزت حد تانى ومكنتش عارف انساها خالص وخصوصا انى كمان مغترب فمش عارف القى حب جديد ينسينى القديم , المهم انا قولت اخطب يمكن الحب يجي بعد الخطوبه او الجواز وده فعلا الي حصل نزلت اجازه واهلى جابولي وحده هيا كويسه ومودبه وجميله بس محستش بيها ومرت الايام بسرعه واتجوزنا بس للاسف لغايه وقتنا مش عارف انسا حبيبتى القديمه ولا عارف احب زوجتى مع انى عملت كل الي اقدر عليه ولكنى فشلت . ساعت افكر اتجوز تانى بس اسال نفسي مين الي هتوفق تتجوز واحد متجوز الا لما يكون فيها عيب واكيد كمان انا مش هكون بحبها . الحل الوحيد لمشكلتى الي انا شايفها وعارف حلها بس صعب التنفيذ عشان ضميري وبنتى كمان هو انى اطلقها وسعتها هكون ببداء من الاول وهدور على وحده لغايه محبها وتكون مناسبه ليا . طبعا انا عارف ان كل الي هيقرا الجمله دى هيقول عليا اناننى مع انى والله مش انانى بس انا عاوز اعيش مع وحده احبها واحس بيها وتقدر تنسينى حبيبتى الاولنيه وخصوصا ان عدا علي فرقها 7 سنين يعنى عمر طويل وكل يوم بقول هنساها وارجع افكر فيها واحلم بيها يوميا مع انها بعيده عنى جدا ومشفتهاش غير مره وحده من يوم مفترقنا بس هيا ديما عايشه جوه قلبى وعقلي ومش شايف غيرها خالص . والله انا تعبت ومش عارف اعمل ايه ،،،،،،،

مشاكل وحلول ذات صلة

اضيف بتاريخ: Friday, November 23rd, 2018 في 01:45

كلمات مشاكل وحلول: , , ,

2 رد to “مش عارف احب زوجتي وبفكر اتجوز تاني”

  1. ابوالبتول
    24/11/2018 at 09:33

    لاحول ولاقوة الابالله حرام عليك يااخي تعمل كلهذا في نفسك وفي مراتك ام بنتك علشان وحدة ماحصل نصيب بينكما وتزوجت وراحت لحالها لازم ترضي بالفسمة والنصيب وتومن به وثانيا ذنب مراتك دي ايه تعاملها بالشكل ده دام انها كويسة ومحترمة وجميلة اتقي الله فيها وراعي ربنا ده من الظلم الذي نهى الله عنه عايزك تنسى تلك المراة وتخرجها من حياتك لللابد وتهتم بزوجتك وتتقرب منها وتعاملها بمايرضى الله عزوجل اياك ان تفكر في طلاقها من غير ماحصل منها شئ ربنا لايرضى بالظلم ولن يؤفقك في حياتك كنت مثلك كدا متزوج من بنت خالي مع اني ماكنت احبها تزوجتها علشان ارضى الوالدة يرحمها الله مع انها ست طيبة جدا ومحترمة وجميلة لكن ماشعرت بالحب والمشاعر معها كنت بفكر في واحدة زميلة لي في العمل سبنا بعض وكل منا راح لحاله هي تزوجت باخر ولكني مش زيك ابدا ولاعمري فكرت اني اظلم زوجتى بل تغلبت على المحنة دي واتقيت الله فيها وعاملتها كويس جدا وشوي وشوي حتى احببتها من كل قلبي وزاد حبي لها اكثر عندما انجبت لي الاولاد وكانت نعم الزوجة المخلصة والوفيه لي وربنا يخلينا لبعض ولايفرقنا عن بعض ويبارك لنا في الاولاد ويؤفقهم ويسعدهم

  2. TueGk
    23/11/2018 at 18:41

    المشكلة فيك انته مش في اي زوجة تتزوجها لأن أي رجل كامل الذكورة يقبل أي انثى مهما كان شكلها لو كانت غوريلا ،فيه ناس فعلا متزوجين بنساء قبيحات لا يوجد فيهم أي ملامح للجمال الا الانوثة وتجده عايش معها حياته ومخلف اولاد منها لانه فعلا ذكر كامل الرجولة ، اما الذي يهتم بالجمال والحب اولا ولا يرضى بأنوثة المرأة هذا يوجد في ذكورته ورجولته نقص ،رغبتك في الحب ليست طبيعية او يبحث عنها اي شخص كشرط لازم لاستقرار واستمرار اي زواج والا كانو 90٪ من نساء الكون غير مقبولين وعوانس لم يتزوجو ،ارضى بزوجتك التي معك الان لا يوجد فرق بين النساء الا اختلاف الصور والملامح حرام عليك وظلم ان تحتقر كل ما فيها لانها لم تعجبك صورتها، وربما الاخرى التي تحبها مخبئ لك خلف جمالها او ما تحبه فيها شر ينكد عليك دنياك واخرتك ويطير السعادة كلها من حياتك للأبد

اترك رداً أو حلاً لهذه المشكلة